رواية سجينتي الحسناء الفصل الثالث والثلاثون 33 بقلم أسماء عادل المصري

رواية سجينتي الحسناء الفصل الثالث والثلاثون 33 بقلم أسماء عادل المصري

رواية سجينتي الحسناء الجزء الثالث والثلاثون

رواية سجينتي الحسناء البارت الثالث والثلاثون

رواية سجينتي الحسناء الحلقة الثالثة والثلاثون

ذلك الصمت الذى ران بارجاء المكان ليتبعه مغادره الجميع ما عدا عائلتيهما الذين نظروا بعضهم لبعض فى انتظار ان يقطع احدهم حاجز الصمت بالتحدث إما بالسؤال عما دار او بالتفسير لما القي على مسامعهم و لكن كان الهدوء سيد الموقف
وقفت دارين تلملم اﻻطباق و الكؤوس المنتشره بارجاء الصاله فهبت ساره و ليلى لمساعدتها ليجلس سيف بمكان منزو قليلا يدخن سجائره بشراهه فاقترب منه والديه و الذى لم يشعر بهما الا عندما وضع طلعت يده اعلى كتفه هاتفا بصوت جاد
_ وحد الله يا سيف
ردد بضيق مستعر
_ لا اله اﻻ الله
جلسا بجواره فالتفت ينظر خلفه حتى يتأكد من عدم متابعه احد لهم فوجد الفتيات منشغلات بالتنظيم و تعاونهن فدوى و لم يجد اثر لصهريه جمال و هشام اللذان غادرا بصمت
اعتدل بجسده على المقعد الملحق بالشرفه و ردد بصوت خافت
_ انا مش عايز اتلكم فى حاجه عشان انا على اخرى
ربت عليه والده و ردد بحزم
_ انت لازم تتكلم مع مراتك عشان عقلها ميوديش و يجيب يا بنى
زفر انفاسه بضيق و ردد معاتبا
_ انا كنت متاكد ان هايدي ناويه على الشر ، و مش عارف ماما منين جابت الثقه العمياء ناحيتها
تأفف طلعت هاتفا
_ مش بنت اخوها و طول عمرها بتحارب عشان تجوزهالك !!!
رفضت تعليقه الساخر و المتهم لها و رددت تدافع عن نفسها مردده
_ انا هعرف منين بس انها بتفكر بالشكل ده ؟ انا ….
صمتت عندما ضحك سيف ضحكه استهزاء و ردد
_ مستنيه ايه من واحده عملت عمل ﻻبنك ؟ انتى بجد مش شايفه اللى بيحصل لى ؟ ده لولا ان الواحد بيعرف ربنا كان زمانى اتجنيت من المشاكل اللى ملاحقانى فى كل باب
حزنت لحزنه و بكت على حاله و رددت باعتذار
_ حقك عليا يا سيف … انت عارف انى مليش غيرك يا بنى ، و عمرى ما افكر اتسبب فى اذيتك
على الجانب اﻻخر من الفتيات رمقت ليلى دارين بنظرات فاحصه لهدوءها الشديد و الذى جعلها تتأكد انه هدوء ما قبل العاصفه فرددت تنصحها
_ ديدو … اوعى تتصرفى بجنان و تنوليها مرادها !!
تدخلت ساره تهتف بنزق
_ البنت دى اتجننت خالص ، بجد مش متصوره انها تعمل اللى عملته ده
هتفت ليلى مستفسره بدهشه
_ دى واقفه وسط الناس تقول بكل بجاحه ان سيف كان ….
صمتت عندما توحشت نظرات دارين نحوها محذره اياها بصمت من التطرق لهذا اﻻمر فصمتت على الفور و تسائلت بعينها عما تنتويه و لكن جمود جسدها و شرود نظراتها حال دون ان تفهمها و تفهم ما تنتوى فعله
سالت دمعه واحده فرت من عينها رغما عنها فلاحظتها ساره التى اقتربت منها على الفور تهدئها مردده
_ اوعى يا دارين تخلى حاجه تعكر عليكم حياتكم ، سيف بيحبك و حارب الدنيا كلها عشانك
لم تعقب و اكتفت بايماءه طفيفه من رأسها و قطع حوارهن صوت فدوى المنادى بخضه
_ داااارين !!
انتفض الجميع من لهفتهم بسبب صوتها الخائف و المذعور فهرع سيف و من معه للداخل و اقتربت دارين و من معها تجاه والدتها الممسكه بيدها ورقه مطويه بشكل غريب مدسوسه باحد اركان اﻻريكه لتردد بدهشه
_ ايه ده ؟
تعجبت دارين و اقتربت من والدتها وسط نظرات سيف الناريه و المهدده باحراق اﻻرض و ما عليها لتردد دارين بحيره
_ ايه ده يا ماما ؟
اجابتها بتحديق للجميع
_ ده عمل يا دارين
شهقت كل من ساره و ليلى و نظرتا بعضهما لبعض ، اما والده سيف فقد كانت بموقف لا تحسد عليه و هى تجد ابنها و زوجها ينظران لها نظرات اتهام و تخاذل فهتفت تردد
_ عمل ايه و جهل ايه بس يا فدوى ؟ استهدى بالله كده … ده ممكن يكون بتاع حد ناساه هنا و ..
قاطعتها فدوى بشراسه
_ ده عمل مش حجاب عشان يبقا بتاع حد
ابتسمت بتصنع و رددت
_ و انتى بتعرفى تفرقى ازاى بقا بين العمل و الحجاب
اجابتها و هى صاره على اسنانها هاتفه بحنق و هى تفتح الورقه لتجد طلاسم غريبه و اسمى دارين و سيف ملتحمين بعضهما البعض بكلمه فراق (دارينفراقسيف )
فسرتها فدوى بحذاقه مردهه
_ شايفه ده اسامى الولاد و بينهم كلمه فراق اهى واضحه زى عين الشمس
ارتبكت منار و لم تعد تستطع اﻻجابه عليها فلاحظ سيف ما حل بوالدته فتدخل على الفور ساحباً الورقه من يد حماته و ردد بحده
_ عمل و ﻻ حجاب اهو كله شرك بالله
اخرج قداحته و اشعل الورقه و نظر بهدوء لزوجته هاتفا
_ هاتى الطفايه دى يا ديدو
احضرت له منفضه السجائر فوضع بها الورقه لتحترق بداخلها بالكامل فتنحنح طلعت و ردد
_ سيف .. تعالى معايا انا عايزك
امتقع وجهه و لكنه رسم بسمه كاذبه على ثغره و ردد
_ الوقت اتأخر و اليوم كان مجهد للكل ، روحو نامو و بكره نتكلم
فهم طلعت نجله على الفور فهو خير من يعلمه و يعلم طباعه و فهم انه لن توجد قوه على اﻻرض ستجعله يتحدث بالامر اﻵن و بتلك اللحظه فاماء بصمت و سحب زوجته و ابنته هاتفا
_ طيب يلا بينا عشان نسيبهم يرتاحو
تحرجت ليلى و همست باذن حماتها
_ ما تكلمى جمال يجيى ياخدنا احنا كمان ايه اللى مقعدنا ؟
صرّت فدوى على اسنانها و رددت بحده طفيفه
_ انا مش ماشيه من هنا اﻻ لما افهم اﻻول !!
استمع لها الجميع فاقتربت دارين من والدتها تردد بمهادنه
_ مفيش حاجه يا ماما ، الموضوع خلص … روحى و بكره نتكلم
ردد سيف بتساؤل
_ هو عمى هشام و جمال فين ؟
اجابته ليلى
_ نزلو يقعدو على القهوه شويه على ما نخلص توضيب
ابتسم لها بامتنان و ردد
_ تعبناكى معانا يا ليلى بجد ربنا يخليكى
ابتسمت له بموده و رددت
_ على اي بس ؟ دارين دى اختى و انت كمان زى اخويا
~~~~~~~~~~~~~~~~~~~~
اصوات صراخه العالي جعل الحراس يهاتفون وائل بذلك الوقت المتأخر ليعلموه بازمته الصحيه فتحرك اﻻخير عل الفور متجها لمكان سجنه السرى بعد ان قام كعادته بتضليل المراقبه التى يعلم انها تتبعه لمعرفه مكان حجزه
دلف بخطوات سريعه فوجد الطبيب و قد خرج توا من زنزانته فسأله بتوجس
_ ماله ؟ تسمم و ﻻ ايه ؟
بالطبع هو مستهدف و لم يثنى وائل فكره ان قام احدهم بوضع السم له و لكن الطبيب طمأنه و ردد
_ لا متقلقش … دى الزايده و لازم يتنقل للمستشفى عشان تتشال
زم شفتيه حنقا و ردد بفضول
_ مفيش حل غير ده ؟ ناصر لو خرج من هنا مش هيعيش لبكره
اماء الطبيب بتفهم و ردد بحيره
_ يا يموت من التسمم بالدم لما الزايده تنفجر يا نجازف بنقله للمستشفى ، اﻻختيار اختيارك يا فندم
ردد وائل بتنهيده و اقر
_ القرار قرار رؤسائى
ردد الطبيب بتوضيح
_ هو الحقيقه مفيش وقت عشان نفكر كتير يا فندم ، فارجوك تقرر بسرعه عشان نلحق
دار حول نفسه عده مرات و هو يهاتف رؤساءه بالعمل حتى يبلغهم ما الت اليه اﻻمور متنظرا اوامرهم لتأتيه بضروره ارساله للمشفى حرصا على سلامته فبدونه لا توجد قضيه و ﻻ اتهام يستطيعون ادانه شهاب و من معه به
تحرك بسرعه لنقله لمشفى السجن حتى يقومون باسعافه و دلف معه سياره اﻻسعاف و جلس بالقرب منه و فور ان وجده قد صمت قليلا عن التألم بفعل المسكنات ردد يخبره
_ احنا بنجازف جدا بحياتك دلوقتى يا ناصر ، و اصرارك على وجود سعد الدين معاك فى التحقيقات اخرنا كتير اوى اننا نثبت اقوالك بمحاضر رسميه فى النيابه ، و اكيد انت عارف ده معناه ايه ؟
رمقه اﻻخير بنظرات متحيره فاستطرد وائل
_ انت عارف انك كده كده ميت … مصيرك مش هيختلف كتير عن اكرم المغربى ؟ اعترفت عليهم او كتمت سرهم ففى النهايه الناس دى مبتحبش تسيب وراها ادله
مسح على وجهه و ردد بضيق
_ و لو فاكر سكوتك و مساومتك لينا فى مصلحتك تبقا غلطان ، لان الناس دى ميفرقش معاهم الكلام ده …. يفرق معاهم بس مصلحتهم و انتو شويه عساكر بيحركوها فى لعبه شطرنج الملك هو اللى بيفضل فى اﻻخر
تلعثم و ابتلع لعابه بذعر و هتف
_ احمينى
ابتسم وائل بتعجب و ردد
_ انت لو فلت من كل ده هتاخد اعدام يا ناصر … انت قتلت و متصور صوت و صوره و كل اتفاقى معاك احمى وﻻدك و انك تعمل حاجه كويسه ﻻخرتك
رمقه بنظرات واجمه و ردد بحده
_ لا … مياكلش معايا الكلام ده يا باشا ، انا هنفذ اﻻتفاق اللى بينا و هتعرف بكل حاجه و معايا كمان مستندات تدين شهاب البدراوى و الحاشيه بتاعته بس شرط انى اخرج منها براءه لكن غير كده انا هجرب حظى انهم يعرفو انى متكلمتش لحد دلوقتى فيساعدونى
تجهم وائل و احتدت ملامحمه و هو يستمع له يقر بأنه ينظر فقط لمصلحته ليعود و يفكر لما هو مندهش الى هذا الحد فالذى امامه ناصر الصواف المحامى الذى لم يترك ثغره بالقانون اﻻ و تلاعب بها و لم يترك فرصه غير مشروعه اﻻ و قد وضه اقدامه عليها فحرك رأسه مستنكرا افعاله و اقواله و ردد بداخله
_ انت اللى جبته لنفسك
~~~~~~~~~~~~~~~~~~~~~~~~
هياج لم يسبق له مثيل فلأول مره يشعر بنفسه ضئيل امام الجميع هكذا و ما زاده حنقا هو كتله الجليد القابعه امامه و لا تهتم بمثقال ذره لما يحدث و كأن اﻻمر لا يعنيها ﻻ من قريب و ﻻ من بعيد ليهدر بها رشاد
_ انتى معندكيش دم ؟ ازاى تعملى كده و تصغيرنا قدام الناس دى كلها ؟
لم تجب فحاولت زوجته اثناءه عن استكمال شجاره معها و لكنه كان كالثور الهائج و هو يردد بقسوه
_ اتطلقتى من جوزك عشانه و مع ذلك مردتش اجى عليكى و قلت معلش بتحبه ، بس هو ﻻ شايفك و ﻻ حاسس بيكى و بعد عملتك انهارده اللى خلت رقبتى قد السمسه فكده علاقتى باختى و بيه اتقطعت نهائى
ابتسمت بسماجه و رددت بثقه
_ هيجى لحد هنا و يستسمحك انه يتجوزنى و بكره تشوف
لمعت نظره ناريه بمقلتيه و ردد بغضب اهوج
_ انتى جايبه الثقه دى منين ؟ ما رفضك اول مره و راح اتجوز نسرين الله يرحمها ، و رفضك تانى و راح اتجوز مراته
صرخت بألم و هاجت هاتفه
_ بس متقولش مراته
نظر لها بنظرات مدهوشه من حالها و هى تعقب
_ دى محطه فى حياته و هيزهق منها قريب و تغور بعيد عننا
ضرب كفه بالاخر و ردد بقسوه
_ انتى خلاص اتجننتى رسمى ، انا مش هسكت على الجنان ده …. انتى قدامك حلين ملهومش تالت يا اما تعقلى و تبعدى عن سيف و مراته نهائى يا اما ترجعى لجوزك….
صرخت مقاطعه اياه بحده
_ طليييقى ، اسمه طليقى و مش هرجع له لو انطبقت السما على اﻻرض
زجرها بكتفها بعنف و ردد بصوت اجش غاضب
_ اومال لما جه يتكلم معايا وافقتى ليه ؟ ها ؟؟ كنتى بتضحكى عليا عشان اخدك معايا السبوع بتاع سيف ؟ قد كده فكرانى راجل اهبل !!!
اطرقت رأسها بحزن و هتفت
_ يا بابا انا بحبه و انت عارف كده من و انا عندى ست سنين و …
صرخ بشراسه
_ و هو مش شايفك غير اخته ، مش حاسس بيكى
رفعت وجهها تنظر له باكيه و هتفت
_ اخته ازاى و انا و هو كان فى بينا ارتباط ايام الثانوى بس ؟ انتو عايزين تجننونى
زفر باستسلام و رد عليها مؤكدا
_ كان زى اى قرايب بنقول فلان لفلانه و نفتكر انكم لما تكبرو هتفضل مشاعركم زى ما هى !!! لكن هو فاق لنفسه و من بدرى و فتره الثانوى دى كانت عباره عن لعب عيال
التفت ينظر لوالدتها و ردد بحزم
_ فوّقى بنتك من الوهم اللى هى عيشاه بدل ما افوقها بطريقتى عشان بعد اللى عملته خلاص مش هتفاهم معاها بالعقل بعد كده
خرج كالاعصار يحاول كبت غضبه فجلست ارضا تبكى و تنوح و اقتربت والدتها منها تربت على كتفها هاتفه بحزن
_ معلش يا هايدى مش نصيبك يا بنتى …. ارضى يا بنتى بنصيبك
صرت على اسنانها و هتفت بغل
_ ما انتى قلتيلى كده ايام نسرين و رضيت و اتجوزت بس من جوايا كنت متأكده انه هيرجعلى و ربنا استجاب لدعائى يا ماما و مراته ماتت و مبقاش فيه اى حاجه تربطه بيها
زفرت والدتها بحيره و هتفت
_ يا هايدى سيف اتجوز خلاص و ملوش لازمه اللى بتعمليه ده ، انا كنت مطوعاكى على عمايلك لما كان عازب و منار كانت معانا و بتساعدنا نقربكم من بعض … بس زى ما شفتى كان رافض كل حاجه تخصك
انتحبت بكاءا و هتفت بكره
_ بكره ييجى راكع و هتشوفى … هتشوفو كلكم