رواية ستات للبيع الفصل الثاني 2 بقلم مي علي
رواية ستات للبيع الجزء الثاني
رواية ستات للبيع البارت الثاني
رواية ستات للبيع الحلقة الثانية
الفصل التاني ….
لما زياد نزل وشو متعصب جريت وراه وفضلت انادي عليه لكنه مشي وسابني وركب العربيه وخرج
ببص فوق اتفاجئت بماما واقفه ف البلكونه لكن باين علي وشها الحزن ولكنها واقفه ثابته متحركتش اتفأجئت برد فعلها ازاي شايفاه وومسكتهوش أو حاولت تمنعه من النزول انا فعلا مش فاهمه حاجه
طلعت لماما خبطت مبتردش …. خبطت تاني لقيتها بتقولي بصوت عالي لكن متقطع زي مايكون مخنوقه وبتعيط قالت
نورا روحي قوضتك
قولت….. ياماما افتحي انا عاوزه اتكلم معاكي
زعقت فيا وقالت روحي قوضتك قلت
مشيت علي قوضتي فضلت قاعده لحد الساعه ٢بليل مستنيه حد يجي أو ماما تخرج لكنها فضلت مكانها وزياد مجاش ولا بابا …. فضلت قاعده زعلانه وشويه ولقيت بابا جه ….. جريت عليه كالعاده ازيك يابابا وبحضنو راح شايل ايدي من عليه ورد ببرود
اي الاخبار
سكت …. وهو حتي مسألش لي مردتش
وفجأه قال … اومال امك فين
قلتلو …. ف قوضتها من الصبح مخرجتش
قال …. امممم طيب
قلتله ….. زياد يابابا
بصلي وسكت
قولتله زياد خرج من الساعه ٧ لسه مرجعتش
سكت مبنش علي وشو اي علامه من علامات القلق فضل ساكت وفجأني وقال
روحي قوليلهم ف المطبخ يحضرولي العشا
قلتله …. عشا؟! ….. بابا بقلك زياد خرج وليه مرجعش وعمرو متأخر لا وكمان تعبان كده
رد ببرود وقال …. والمفروض اني اعمل اي
قلت… تعمل اي؟!…. بابا انت بتسالني هو مش ده ابنك مش خايف يكون حصله حاجه
رد عليا رد عمري متوقعته وقال
واخاف علي اي ما ف داهيه
سبني ومشي ومبقتش عارفه ارد اقول اي دا بابا لا مستحيل
دخلت قوضتي قفلت علي نفسي لا مبتكلمش مع حد الاكل بيجيلي باكل قليل اوي قعدت كتير اوي معرفش حاجه عن حد ولا اي اللي بيحصل تحت بعدها لقيت ماما داخله عليا بصتلها ولكن لما شفتها كأني معرفهاش وشها شحب خالص وخست جدا بصتلها وسكت مش قادره اتكلم الساعه كانت ١١ونص قالتلي
ناويه تفضلي قاعده ف قوضتك كده كتير
سكت
كملت ….. مش عيب لما ماما تكلمك مترديش عليها
قولتلها مش قادره اتكلم … خدتني ف حضنها وطبطبت عليا وقالت…… قومي يلا طيب انا عملتلك فشار وتعالي ننزل نتفرج علي المسرحيه اللي بتحبيها
قلتلها … مش قادره ياماما
ردت وقالت ….ششششش يلا قومي معايا
نزلنا تحت قعدنا نتفرج علي المسرحيه بابا تقريبا كان ف قوضه المكتب وكنا قاعدين نتفرج انا وماما ونضحك
فجأة جه بابا وهو بيزعق وبيقول
وطو صوت الزفت ده وصوتكو ده انا مش عاوز اسمعه
ماما قفلت التليفزيون وسكتنا
روحت قربت منه وقولتله
مالك يابابا في اي
قال…. وانتي مالك انتي . انتي اصلا صاحيه ليه لحد دلوقت روحي تتخمدي
وانا بعيط قولتله ….. بابا انت عمرك مكلمتني كده
قالي …. والمفروض اني اكلمك ازاي وبيقرب عليا ووشه غضبان وشكلو وحش
بصيت ف الأرض سكت شويه وبعدها راح شاخط فيا جامد غوري يلا نامي يلاااااا
جريت علي اوضتي وانا بعيط قفلت الباب عليا ماما فضلت تخبط ولكني مردتش افتح فضلت قاعده ف البلكونه كانت الساعه ١ألا ربع وببص لقيت زياد بيركن العربيه ونازل ….. فرحت اوووي كنت قلقانه عليه قمت جريت علي تحت كأني نسيت اللي حصل من شويه مش فاكره حاجه
انا بحب زياد اخويا اوي وهو كمان نزلت جري لقيته داخل ماما كانت قاعده دخل حتي من غير ميبصلها ولا يكلمها وراح يطلع علي اوضته ماما ندهت عليه
زياد …… ولسه هتكمل كلام قاطعها بابا
وقال … أنت اي اللي جابك هنا ياحيوان
زياد بص لماما وقالها اطلعي فوق ياماما
بابا زعق وقاله …. انا مش بكلمك ياحيوان
زياد بص لماما تاني وقالها بصوت حاد اطلعي فوق ياماما
ماما جت طلعت وقفت جمبي ع السلم
لف زياد وشه لبابا وقاله
همممم كنت بتكلمني خير في حاجه
بابا قال …. اي اللي جابك هنا يا حيوان
زياد بصوت عالي اولا احترم لسانك وانت بتكلمني
بابا قرب منه وكله غضب ومسكه من لياقه القميص وقاله أنت بتقول اي
زياد مسك أيد بابا وضغط عليها نزلها تحت
وقالو … بقول احترم لسانك وأنت بتكلمني
كل ده وانا واقفه مذهوله من اللي بيحصل عمري ف حياتي مشفت زياد كده ولا بابا…. ماما كالعاده واقفه ف حاله ثبات مفيش اي ريأكشن علي وشها
راح بابا رافع ايده عشان يضربه قام زياد صاددها وهو بيقول …. وايدك كمان تكون جمبك وانت بتكلمني
بابا اتعصب اوي وراح قاله بصوت عالي كبرت وصوتك علي ونسيت نفسك ياحيوان بترد علي ابوك … لا انا لسه معجزتش وقادر اجيب رقابتك دي تحت رجلي ومحدش هيحاسبني فيك
رد عليه زياد بكل برود … اهدي بس ليجرالك حاجه
فجأة بابا هجم عليه وضربه بالقلم ومسكه من راسه يجرجره بره البيت وهو بيقول
اطلع بره ياكلب ومشوفش وشك هنا تاني
كل ده وزياد بس بيحاول يشيل أيد بابا من عليه ولكن معملش اي رد فعل تاني
وفجأه زياد راح فرد نفسه وراح زق بابا جامد وقعه علي الارض ….. انا جريت علي بابا وقعدت ازعق ف زياد … اي يازياد اللي بتعملو ده انت انجننت ده بابا يا زياد
راح ضاحك اوي وقال …. بابا اااااه
راح بابا قام وعاوز يضربه وهو عمال يشتم ويقوله اطلع بره يا وسخ
زياد فجأه راح ماسك ايد بابا جامد وقاله .
مفيش حد قذر ووسخ هنا غيرك …. انا كنت هسكت عشان امي الغلبانه واختي اللي فاكريناك راجل محترم وملهمش ذنب ينصدمو فيك ويعرفو قذارتك
انا من الصدمه مش قادره …. زياد انت بتقول اي
بابا بيحاول يغلوش علي زياد ويزعق اوي ويقوله اطلع بره
راح زياد قاله … هطلع بس مش قبل مفضحك ف كل حته وخلي بالك عليك شهود انا مجبتش حاجه من عندي
بابا بصله بصه فيها كسره
قاله ….. لا متبصليش كده اصلك مش هتصعب عليا وساختك انكشفت
البيه المحترم اللي بيمثل عليكو أنو الراجل الشريف بتاع الحق والامانه …الراجل الديوث ده طلع متجوز
انا مش قادره اصدق اللي بسمعه
انت بتقول اي يا زياد
قال …. متتفأجئش كده ده لسه اللي جاي احلي … وراح زياد مطلع حبل من شنطته وراح ماسك بابا وانا عماله اصوط
بس يازياد بس
وبابا يزعق بس زياد مسكه وجاب الكرسي وراح مكتفه وراح حاطط بلاستر علي بوقه وقالي
متخفيش انا مش هعمل في حاجه انا كتفته عشان اعرف احكيلكو
وابتدا يحكي…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ستات للبيع)
