رواية زوج مأجور الفصل السادس عشر 16 بقلم زهرة الربيع

رواية زوج مأجور الجزء السادس عشر

رواية زوج مأجور البارت السادس عشر

رواية زوج مأجور الحلقة السادسة عشر

ليه كدبتي عليا وفهمتيني انك حامل..كل المده دي وانا معاكي ومفكرتيش تصارحيني للدرجادي مش واثقه فيا ابدا
روفان بلعت ريقها بارتباك وقالت..لا انا حامل و
بس جلال قاطعها وقال..بلاش كدب مش هصدقك…عليا علشان حامل كانت هتموت طول الطريق…انما انتي سبقتينا كلنا ومشيتي كل المسافه دي ..لا تعب ولا ترجيع..ولا اي حاجه بتدل انك حامل..ومتكدبيش عليا تاني..لاني مش هصدق
روفان بعدت عنو وقالت بدموع…وافرض.. انت هتفرق معاك في ايه
جلال شدها من دراعها بقت بين اديه وقال ..هتفرق…هحس ان ممكن توثقي فيا لو مره واحده حتى..ليه يا روفان ليه
روفان زقتو وبعدت وقالت..انت ميحقلكش تسألني حاجه…انا هدفعلك فلوس وانت المفروض متسألش
جلال قال بغضب…تمام يبقى انتي كمان ملكيش حق تسأليني اتكلمت مع مين ورقصت مع مين..ومن هنا ورايح الكلام بنا هيبقى قدام الناس وبس
قال كده وراح مدد على المفرش وحاول ينام
عند نجوى نزلت دموعها من كلام سمر وقالت بسرعه ودموع..لا…لا … عمران ابني..ابني زيو زي رشيد
سمر قالت بغضب …لا مش ابنك..وعمرو ما هيكون زي رشيد..رشيد ده الوريث لكل الهيلمان ده…ابن توفيق العامري الحقيقي..انما ابن الملاجأ ده…اخره يشتغل عند رشيد…علشان كده انا هوعدك دلوقتي يا حماتي…انك في اقرب وقت هتبقي حماتي بجد…ورشيد هيبقى جوزي انا…ومش هتقدري تعملي حاجه…لو مش عايزه تخسري هتتفرجي وبس
نجوى نزلت دموعها بحزن رهيب وقالت برجاء…اسمعيني يا سمر…انا عارفه انك عايزه تأمني مستقبلك…وفاكره ان عمران هينكشف وميبقالوش مكان..لاكن لا ..لا والله احنا عمرانا ما هنعرفو ولا هيبعد عننا ده بيتو وكل الي احنا فيه ده بتعبو وشقاه..ارجوكي يا بنتي متعمليش فيا كده انا مليش غيرهم
سمر قالت بسخريه..تؤتؤ تؤ زعلتيني يا حماتي..ليه بس كده وانتي عارفه ان قلبي رهيف…خلاص…انا مش هعرفو حاجه..بس برضو مش هتخلى عن رشيد..ودي لعبتي ولازم تساعديني فيها
نجوى قالت باستغراب..اساعدك
سمر قالت ..ايوه تساعديني..عيزاه يطلق الحربايه الي معاه ووقتها هتطلق من عمران والباقي عليا انا هعرف ازاي اتجوز رشيد قولتي ايه ..وبعدين انتي في الاول في الاخر ام ويهمك مصلحه ابنك…رشيد هو ابنك الحقيقي..والمفروض يبقى الاهم عندك والأبدى
نجوى بصت لها بغضب وقالت بحده..انا عمري ما فرقت بنهم..انا مكنتش بجيب اولاد ووقت ما اتبنيت عمران وضميتو لحضني يومها اخدت عهد على نفسي انو يبقى كل حياتي واعاملو معامله الام لابنها… انا وتوفيق حبيناه كاننا اهلو بالظبط…وحتى لما ربنا شاء وحملت ورغم اني كنت حامل بتؤم…معاملتي لعمران متغيرتش وحبي ليه ذاد…ومفكرتش استغني عنو..
يوم ما ولدت رشيد وراشد..وارادة ربنا انو راشد يتولد ضعيف ويموت بعد ايام من ولادتو ..حسيت وقتها قد ايه قيمة عمران عندي…عمري ما انسي اديه الصغيرين الي مسحت دموعي وهو بيحاول يخفف عني زي ما يكون راجل كبير…من يومها وانا عرفت انو ربنا اراد يعوضني بيه ويبقى الاخ لرشيد وضهره…وده الي حصل لحد انهارده عمران وقف معانا واهتم بينا اكتر من نفسو وبقى نعم الاخ والابن والصاحب..ومش هسمح لواحده زيك تبعدهم عن بعض او تكرهم في بعض حتى لو هقتلك بايدي يا سمر…سمعتي ..هقتلك
سمر مسحت دموعها بسخريه واصتناع وقالت..كده ..كده اثرتي فيا مش عارفه ان قلبي ضعيف ودمعتي قريبه…وغيرت لهجتها لغضب وقالت..انا مبتهددش …ولو تقدري تعملي حاجه اعمليها يا حماتي…المهم تبقي متأكده في اليوم الي هتقفي قدامي فيه وتمنعيني من هدفي هقولهم على كل حاحه وهدمرلك حبيب قلبك عمران وشوفي انتي بقى لما يعرف هيحصلو ايه…هو ولا عليا لما تعرف ان الي طردها من بيت ابوها واحد من الشارع ومش اخوها..ولا رشيد لما يعرف ان الي واقف في وشو وبيمنعو من حب عمره كل المده دي واحد ميقربلوش اصلا..صدقيني يا حماتي لو وقفتي في وشي اوعدك…ههدلك البيت الجميل ده…ههدو
سمر قالت كده ومشيت ونجوى قعدت على الكنبه بيأس ونزلت دموعها بالم وحزن
عند روفان قعدت جمب جلال ومكانتش قادره تسيبو يبات زعلان قالت…احم…جلال
جلال مردش عليها وعامل نايم قالت…جلال انا عرفه انك لسه منمتش…يعني ملحقتش تنام
جلال برضو مردش رغم انو كان هيموت ويكلمها بس اتفاجا لما قالت ..طب حقك عليا ياجلجل
بقلم…زهرة الربيع
جلال شال دراعو من على وشو وبصلها باستغراب وروفان ابتسمتلو وقالت برقه غير معهوده…انا اسفه..حقك عليا
جلال بلع ريقه بتوتر وقال…احم…حصل خير
روفان ابتسمت وقالت..يعني مش زعلان
جلال قعد وقال..تمام…انا مش زعلان…عارفه ليه…لاني انا كمان مخبي عنك كتير…معاكي حق..احيانا بنضطر نخبي…والمفروض نعزر لبعض ونسامح…علشان كده سامحتك
روفان قالت..ولو اني مش فاهمه بس المهم انك سامحتني
جلال بصلها شويه وقال…طيب يا تري فيه حاجه تانيه مخبياها
روفان اتنهدت وقالت…مش هكدب عليك تاني واقولك لا…للاسف فيه..بس مش هقدر اقولك هو ايه
جلال اتنهد وقال..طب انتي بتعملي كل ده ليه يا روفان مدام انتي مش حامل واكيد طبعا القصه مش مسألة ورث واضح من علاقتك بعمران انها مسأله شخصيه بنكم..صدقيني لو حكيتيلي حتى ممكن ترتاحي
روفان اتنهدت وقالت..شوف يا جلال كل الي اقدر حاليا اقولهولك ان مسالة كرهي لعمرام دي مسألة قديمه..عيلتي وعيلتو كان فيه مشاكل بينهم
رشيد قال…ايوه والدة رشيد حكتلي الموضوع ده
روفان قالت…..اهو بعد كده انا اتقابلت مع رشيد لما اشتغلنا سوا في قضيه كانت معقده جدا كانت في عصابه بتدخل ممنوعات وسط بضايع اغذيه وكان المفروض نعرف مين العصابه دول وقتها حبيت رشيد وهو حبني واخوه عارض الجواز…طردني من البيت زي ما طرد عليا كده ..رشيد زعل منو جدا بس بعدين اتصالحو ورجع رشيد عاش معاه فتره وكان بيحاول يقنعو بعلاقتنا
لحد ما بعد ايام خالي اتصل علينا وطلبنا في بيتو وهناك اتفاجأنا انو عرف يجمع معلومات على فلاشه سرقها من بيت الاسيوطي..ده ابو فادي..وهو الي مسأول عن الممنوعات الي بتدخل البلد..الفلاشه دي كان فيها اسم الشخصين الي متورطين في العمليه..واحد منهم طبعا فادي بس اتصدمنا انا ورشيد صدمه عمرانا لما عرفنا الشخص التاني …وكان عمران
جلال اتسعت عنيه بزهول وقال..عمران
روفان قالت..ده الي حصل…يومها رشيد كان هيتجنن وفضل يحاول يثبت ان اخوه ملوش دعوه بس طبعا كل المعلومات ثابته عليه
وقتها انا قولتلو ان القانون لازم ياخد مجراه حتى لو ده اخوه وهو بعد محاولات استسلم اخيرا اننا هنسلم الفلاشه للسلاطات وهما يقفلو القضيه ويفتحو التحقيق يومها رشيد احتفظ بالفلاشه عندو في البيت وتاني يوم قابلني وطلبني للجواز وقلي انو لازم يتجوزني قبل ما نبلغ عن عمران علشان اهلو لما يعرفو ان ليا دخل في حبس عمران جوازنا هيبقى مستحيل
وفعلا ليلتها كتبنا الكتاب بس للاسف ملحقناش حتى نروح
روفان هنا دموعها نزلت وقالت بين دموعها..العربيه اتقلبت واحنا جايين من المأذون…يومها خسرت رشيد…بس انا قومت من الحادث بشويه كسور انما خسرت قلبي ليلتها…واتحولت ملامحها لغضب رهيب وقالت…بعدها اكتشفنا ان الحادث متدبر…الحيوان اول ما عرف اننا كشفناه ضحى باخوه علشان يأمن نفسو
هنا جلال قال …لا طبعا..مستحيل..عمران واضح جدا انو بيحب اخوه مستحيل اصدق انو يموتو اكيد حد تاني
روفان ابتسمت بسخريه وقالت…هو الوحيد الي يعرف اننا كنا راجعين من عند المأذون لان رشيد كلمو هناك وقلو هبقى مبسوط لو جيت…بس مجاش وبعت رجالتو بوظو العربيه..مش هسامحو على الي عملو ده بكره تشوف هعمل فيه ايه…بس لو اوصل للفلاشه
جلال قال…علشان كده كنتي عايزه ترجعي القصر عايزه تلاقي الفلاشه
روفان قالت بحزن..ايوه لاسف ملحقتش اعرف من رشيد خباها فين..لو كانت معايا او لو رشيد فضل …احم. ..فضل عايش يعني كان زمان عمران في الحبس بس حظو حلو معرفش مكان الفلاشه…بس هلاقيها
جلال اتنهد وقال..تمام انا مبسوط انك حكيتيلي..اخيرا فهمت انتي كل همك تحبسيه..وطبعا هو كل همو تبعدي عن اخوه ولا واحد طبعا فيكم فكر يتكلم مع التاني
روفان قالت يضيق..نام يا جلال..انا غلطانه اني بشرحلك اصلا..اقولو واحد ندل قتال قتله تاجر ممنوعات يقولي اتكلم معاه برضو ده ايه الهم ده
روفان قالت كده ونامت على الارض جمب جلال ولان للخيمه ضيقه..بقت نايمه جمبو
جلال ابتسم وقال ..الله على النومه دي..ربنا يضيق الخيمه كمان وكمان…
روفان بصتلو بطرف عينها وقالت..وافرض ضاقت يعني هتفرق في ايه
جلال غمز لها وقال بوقاحه..هتفرق كتير..مش هيبقى فيه فواصل..وهنعرف نتواصل…
روفان ابتسمت وقالت..ومين قال مفيش فواصل…وطلعت سلاحها وحطتو بينهم وقالت..امال ده بيعمل ايه ولا نسيتو
جلال بعد شويه وقال..اهلا…لا طبعا ودي حاجه تتنسي
احم تاخديلو غطا…احسن يبرد يعني
روفان بصتلو وقالت بخنقه.. نام
جلال قال..انا اصلا نمت من شويه انا بس بحب احلم بصوت عالي
في صباح يوم جديد ابطالنا قاموواستأذنو من الشيخ كنعان وشكروه كلهم واخدوهم بالعربيات وصلوهم لحد الطريق الرأيسي
واخيرا بعد ساعات وصلو القصر اول ما دخلو كانت نجوى في الصاله رايحه جايه قلقانه جدا على اولادها
نجوى اول ما شافتهم وقفت وقالت بفرحه..الحمد لله..ياقلبي انتو وجريت عليهم حضنت عمران ورشيد سوا ورجعت حضنت عليا وبقت تبكي وقالت..حمد الله على سلامتك يا قلبي يا روحي انا… وبقت تبكي
عليا قالت بدموع..انا بخير يا ماما أهدي انا والله تمام
في الوقت ده سمر نزلت وجريت على عمران وحضنتو وقالت..يا قلبي قلقتني عليك… وهيه وحضناه غمزت لجلال
جلال بص بعيد عنها بخنقه وروفان شافتها ابتسمت لها بخبث ومسكت ايد جلال
جلال ابتسم وبص لايدها الي حاضنه اديده …اما عمران كان مش واخد بالو لاي حاجه وبيبص شمال ويمين بيدور بعيونه على فرح ومش عايز يسأل وفي نفس الوقت نفسو يشوفها… بص لوالدتو وقال..احم..هيه فرح لسه نايمه ولا ايه
نجوى اتوترت وقالت..فرح..فرح جوه في اوضتها..اصلها..اصلها يعني
نجوى بان عليها التوتر وروفان اتخصت وقالت..فرح مالها وجريت على اوضتها هيه ورائف وعمران راح وراها
روفان اول ما دخلت اتفاجات وجريت عليها وقالت بزهول…فرح..حببتي ايه الي عمل فيكي كده
فرح قالت بدموع..روفان وحشتيني وبقت تبكي
روفان حضنتها وقالت بس يا قلبي ايه الي حصل
هنا عمران دخل واول ما شافها قال بغضب..مين عمل فيكي كده..ايه الي حصل
فرح ابتسمت بفرحه وقالت…عمران..وحشتني قوي…تعالى احضني انت بقى انا مش قادره اقوم
رائف اتسعت عنيه بشده وقال..هو ايه ده
عمران قرب منها بحرج شويه وهيه اتعلقت فيه وقالت وحشتني قويييي كنت خايفه عليك..عملتلك كبده من امبارح بس زمانها باظت
عمران قال بدهشه…كبده
رائف قال…ايوه برضو ايه ده معلش
فرح قالت ..اه..كبده اصل انا بحبها وقلت يمكن انت تحبها..كنت خايفه عليك اوي على فكره
رائف قال..خايفه عليه..هو ايه ده برضو محدش قلي
روفان كتفت اديها بضيق وقالت..زي ما انت شايف…غرام الافاعي
جلال ضحك وقال..طب يلا نسيب الافاعي على راحتهم قصدي يعني نسيبهم يرتاحو
بقلم…زهرة الربيع
روفان قالت..مش قبل ما اعرف مين الي عمل في اختي كده
فرح قالت..ده انا وطالعه من المطبخ بعد ما عملت الكبده…وبصت لعمران وقالت..على فكره عملتهالك اسبايسي تحفه
عمران ضحك وروفان قالت بغيظ..سيبي الكبده لدلوقها قصدي لاقتلك..كلميني هنا..مين عمل فيكي كده
فرح قالت..اه انا وطالعه من المطبخ اتزحلقت بس كده وبصت لعمران تاني وقالت .انا كنت خايفه عليك شوفت الدكتور عملي جبيره..كتبت اسمك عليها..بص
عمران كان مش عارف يكتم ضحكتو من كلامها ونفسو ياخدها في حضنو بطريقه عجيبه قال…خلاص يا جماعه واضح انو حادث يلا اتفضلو عايزين نرتاح
الكل طلع وجلال شد روفان واخدها بالعافيه على اوضتهم ودخلها الاوضه وراح يشوف رائف ونجوى
سمر اول ما اتأكدت ان عمران مع فرح لوحدهم دخلت المطبخ وطلعت عصير من التلاجه وعملت كبايتين وطلعت علبه من جبها وحطت فيها نقطتين في كل كبايه ونادت على واحده من الخدم وقالت….اسمعي العصير ده لعمران بيه ومراتو روحي وديه
الخدامه اخدت العصير ومشيت بيه وسمر ابتسمت وقالت…مش بكيفك يا عمران خطتي هتم يعني هتم
عند عمران الخدامه خبطت عليه واول ما فتح وقالت…العصير ده علشانكم يا باشا
عمران قال…تمام هاتي واخدو منها وقال…فرح خدي اشربي عصير انتي لازم تتغزي اليومين دول
فرح ابتسمت وقالت ماشي ومسكت الكبايه وقالت بقرف…يع..ده منجا
عمران ابتسم وقال..ايه مبتحبهاش
فرح قالت..لا…بتعملي حساسيه شلها بسرعه
عمران ضحك وقال..طيب يا ستي انا كمان مش هشربها وطلعها وقال للخدامه رجعي العصير ده مش عايزينه
الخدامه اخدت العصير وهيه وماشيه بيه كان جلال اطمن على عليا و راجع اوضتو وشاف الخدامه راجعه بالعصير قال..الله مانجا…وسحب كبابه شربها ورجع على الاوضه
في الاوضه كانت روفان بتقول بغيظ..اكيد الحربايه مراتو اقطع دراعي لو مكانتش هيه
جلال قال بضيق..يعني انا روحت اتكلمت مع رائف ومع نجوى وعليا ورغينا لما تعبنا وانتي برضو لسه بتلفي زي الحلزونه في الاوضه.. خليكي على وضعك وانا هاخدلي نومه لاني بجد تعبان موووت
روفان يابتو ودخلت الحمام بعصبيه وجلال كان حاسس بتعب وزغلله ودوخه وجسمو ابتدى يعرق وحالتو مش تمام خالص
بعد شويه روفان خرجت ولابسه بيجامه وبتنشف شعرها قدام المرايه….اتفاجأت بإدين اتلفت حوالين وسطها
روفان استغربت وبصت لجلال وقالت بحده..فيه ايه..انت اتجننت
بس اتفاجات بيه قال بتوهان..بحبك…بعشقك يا روفان وقرب من شفايفها ووووو