رواية زوجي الشبح الفصل الرابع 4 بقلم نور محمد
رواية زوجي الشبح الجزء الرابع
رواية زوجي الشبح البارت الرابع
رواية زوجي الشبح الحلقة الرابعة
_لو سمحت بنتي خرجت من الغرفه الدكتور من شويه كده مشوفتهاش هنا في أي مكان
_لا يافندم انا مشوفتش حد هنا ابدا
ياسين سمعه بصدمه وعقله وقف عن التفكير وقال لازم اخرج ادور عليها بره بسرعه اكيد مبعدتش كتير عن هنا وفجأه قبل مايحرك من مكانه خطوه كمان لقى ريم جرت عليه بفرحه ومعاها اكياس مليانه ايس كريم وشوكولاته كتير
فقرب منها ياسين بقلق وقال:ريم انتي كويسه يابنتي روحتي فين كده؟!
ردت عليه ريم بسعاده كبيره وقالت:انا كونت مع احمد يابابا وشوف جاب ليا أيس كريم وشوكولاته اللي بحبها كمان
ياسين انصدم منها وقرب اخد منها الاكياس بغضب وقال:ريم بطلى كذب وقولي الحقيقه جبتي الحجات دي كلها منين؟!!
تراجعت ريم من قدامه بخوف وقالت:والله انا بقول الحقيقه يابابا احمد اللي جابها ليا صدقني بقلم نور محمد
ياسين بص عليها بغضب بس تهند بتعب لما لقى الخوف محفور في عنيها وقال:خلاص اهدي ياحبيبتي انا مصدقك بس تعال نرجع دلوقتي البيت لاني تعبان اوي
ريم هز رأسها ليه بطاعه واخدت منه الاكياس وحضنها بفرحه ورجعت معاه البيت وياسين طول الطريق كان بيفكر في كلامها بجنون ازاي جابت كل الحجات دي وهي اصلا مكنش معاها أي فلوس؟!!!
وفي الليل ياسين حضر العشاء ليهم ونادى على ريم بصوت عالي علشان تسمعه وقال:العشاء جاهز ياريم تعالي كلي ياحبيبتي
مره دقايق ومفيش رد من ريم فنادي ياسين تاني عليها بس برضو بدون فايده فذهب لغرفتها بقلق علشان يطمن عليها
وفعلا وصل لغرفتها وخبط الباب الاول وقال:ريم انتي جوه ردي عليا يابنتي؟!
فضل قدام الباب دقيقه ومفيش رد من ريم ففتح الغرفه بقلق وخوف عليها وفجأه لقاها نايمه بعمق على السرير بتاعها
فبتسم براحه ودخل علشان يصحيها بهدووء وفضل يهز فيا بحنيه وقال:ريم حبيبتي اصحي كفايه نوم كده العشاء هيبرد بره ياله اصحي بقى
مر وقت وياسين بيحاول معاها علشان تصحي بس ريم لسه نايمه بعمق كبير فقلق ياسين اوي عليها واتصل على الدكتوره تحضر فورا
وبعد وقت خلصت الدكتوره فحص ريم وقالت:دي حاله غيبوبه مؤقته من الضغط النفسي للاسف حاله الأنسه ريم صعبه اوي ومحتاجه رعايه كبيره واهم شئ متسبهاش لوحدها تاني ابدا
ياسين تهند بحزن على حاله بنته ريم وقال:حاضر يادكتوره وشكرا تعبتك معايا في الوقت ده
ردت عليه الدكتوره بزوق وقالت:ده شغلي ياعم ياسين وانا تحت امرك في أي وقت وكمان انا كتبت لها شويه فتامينات ومقويات لحالتها دي باشفا ان شاء الله عن ازنك
ياسين شكرها تاني وودعها لخارج الشقه وبعدها رجع لبنته ريم بسرعه لقاها بتفتح عنيها فجري عليها بقلق وقال:ريم انتي كويسه ياحبيبتي دلوقتي؟!!
اتعدلت ريم بتعب ورأسها بتوجعها اوي لسه وقالت: متقلقش انا كويسه الحمد لله يابابا بقلم نور محمد
وبصت على الغرفه حولها بتعجب وكملت:احمد اتأخر كده ليه يابابا ده معاده دلوقتي هو وحشني اوي؟!!
قرب ياسين منها بدموع وحضنها بحزن وقال:احمد اجه ولقاكي نايمه فمحبش يزعجك وقال هيرجع يشوفك بعدين ياحبيبتي
هز ريم رأسها بتفهم وقالت:تمام يابابا انا هستناه هنا لغايه الصبح لازم اشوفه واطمن عليه
بعد ياسين عنها بشفقه وقال:طيب تعالي ناكل الاول سوى وبعدها نقعد هنا نستني احمد مع بعض أيه رأيك؟
ردت ريم بفرحه:تمام يابابا ياله بينا
ياسين اخدها وطلعوا اكلوا سوى ومره ايام على نفس الحال وياسين مسبش ريم دقيقه علطول معاها وبينام معاها في الغرفه علشان ياخد باله منها لغايه مافي يوم اجه الدكتور عصام بنفسه يطمن على ريم بقلم نور محم
وياسين ضيفه بسعاده وقعد معاه في الصالون وحكاله كل حاجه حصلت معاهم وكمل:وبس يادكتور انا من يومها مش بسيبها ابدا كل وقتي بقى معاها .. بس انا تعبت وزي مانت شايف العمر بيعدي وانا مش هفضل لها العمر كله ودلوقتي خايف عليها اوي ومش عارف اعمل ايه؟؟
عصام سمعه بحزن على حالته الصعبه مع بنته وقال:طيب ياعم ياسين انا عندي حل يريحك خالص أيه رأيك تسمعه مني؟
دب الامل في قلب ياسين بسرعه وقال بلهفه:حل ايه يادكتور عصام انا طبعا موافق ومستعد كمان لأي شئ المهم بنتي تبقى كويسه
ابتسم عصام براحه وكمل:بصراحه انا احم حابب اطلب ايد بنتك ريم ياعم ياسين انا عارف حالتها دلوقتي صعبه بس صدقني ده انسب حل لها في الوقت ده وانا اوعدك هاخد بالي منها دايما
وهعالجها بسرعه بأذن الله وهي معايا أيه رأيك؟
ياسين عجبه الحل اوي وقال عصام محترم وابن ناس وكمان دكتور وهياخد باله منها كويس وده انسب حل فعلا لحاله بنته ريم لانه مش هيفضل العمر كله معاها وهي محتاجه شخص زي عصام ياخد باله منها ويعالجها في نفس الوقت فبتسم بفرحه وخلاص هيرد عليه
بس فجأه ريم فتحت الباب عليهم وبصت على عصام بشر وقالت بصراخ:ده مستحيل يحصل ابدا على جثتي اجوز حد تاني غير احمد جوزي وانا جوزي لسه عايش سامعني لسه عايش ممتش
كانت بتصرخ قدامهم بطريقه غير طبيعيه وعصام وياسين اترعبوا منها وفجأه نور الغرفه قطع وياسين وقف برعب وهو بينادي على ريم
:ريم بنتي انتي فين ردي عليا ارجوكي؟!!
مره دقايق بس والنور رجع تاني في الغرفه وعصام وياسين بصوا قدامهم بزهول وصدمه كبيره لما لقوا ريم….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زوجي الشبح)
