رواية زوجة للايجار الفصل الحادي والعشرون 21 بقلم اسماعيل موسى

رواية زوجة للايجار الجزء الحادي والعشرون

رواية زوجة للايجار البارت الحادي والعشرون

رواية زوجة للايجار الحلقة الحادية والعشرون

إسراء ___انا مبعرفش افكر غير لما املى بطنى
ولو ان المكرونه محروقه لكن مش مشكله، مسكت تليفونها وبعت رساله لمحمد، انت فين؟
رد محمد بسرعه ياعم خليك بعيد عنى، انا نفذت إلى طلبته منى سبنى بقا فى حالى
إسراء وهى بتضحك، اسيبك فى حالك هو انت لسه شفت حاجه
هتنفذ المطلوب ولا تتفضح؟
محمد اسكت بقا انت مش سامع إلى انا سامعه، فرح ومروه هربو والباشا نازل ضرب فى زياد وعمر، قطع جلدهم من الضرب
صراخهم واصل لحد عندى
إسراء __الباشا عمل معاك ايه؟ اقتنع بالتقرير؟
محمد لحد دلوقتى مقتنع لكن الباشا ملوش امان ومش هيهدى ليه بال لحد ما يلاقيهم
هو بيلوم الحراس على هروبهم ولازم يرجعهم
إسراء ___. حلو اووى ،انت بقا يا شاطر هتقول للباشا انك هترجع ليه مروه وفرح
محمد باستغراب بتقول ايه؟
إسراء ___. هتقله انك هتجيب ليه مروه وفرح وتطلب منه يوقف ضرب زياد وعمر
محمد وهو بيندب انا عارف انك هتودينى فى داهيه والمصحف
انت مين؟
إسراء، نفذ الأمر وملكش دعوه، التعليمات الجديده هتوصلك فى الوقت المناسب، وخليك فاكر روحك بين ايدينا
دخل محمد على الباشا وهو بيفكر، خايف لكن مضطر ينفذ الأوامر
ياباشا، ياباشا انا هرجعلك مروه وفرح
الباشا بهدوء وهتعمل دا ازاى يا محمد؟
محمد بخوف، زي ما قدرت اعثر على مروه لوحدى ياباشا اوعدك انى اجيبهم لحد عندك لكن انا عندى طلب يا باشا
الباشا بابتسامه لئيمه كمان ليك طلبات؟
محمد بخوف معلهش يا باشا بس دا طلبى الوحيد
الباشا وهو بيولع سيجار طلب ايه يا محمد؟
محمد بتردد، توقف ضرب فى زياد وعمر
القصه بقلم اسماعيل موسى
عنين الباشا برقت بعد كده عاد لطبيعته، هو انت قلبك رق يا محمد ولا ايه؟
مرقش ياباشا ولا حاجه دول عيال يستحقو الموت لكن دا جزء من الخطه بتاعتى
الباشا وهو بينفخ الدخان، طالما كده مفيش مانع يا محمد
هأمر الحراس يوقفو ضرب لحد ما تنفذ خطتك
خرج محمد من الفيلا سعيد وبعت رساله، كله تمام، هيوقفو ضرب فى العيال، انا مستنى التعليمات الجديده
بعد ما محمد خرج الباشا استدعى واحد من حراسه، حس ان فيه شيء متغير فى محمد وانه لا يمكن يطلب توقف تعذيب زياد وعمر
فيه حاجه غامضه فى الموضوع
امر الحارس يراقب محمد من بعيد وميرفعش عنيه عنه مهما حصل ويديله تقرير وقتى عن تحركاته