رواية روح الفصل الخامس 5 بقلم شيماء علي
رواية روح الجزء الخامس
رواية روح البارت الخامس
رواية روح الحلقة الخامسة
روح/طب انتي بتقولي انك قعدتي 3 سنين معاها بس
وقتها كان عندك 15 سنه عملتي اي وسبتيهم ازاي
اسيل/ انا مستحملتش اقعد معاها قولتلها ان انا عاوزه
امشي مرضيتش بس انا صممت امشي سبتهم فيوم برا
البيت ولميت هدومي و روحت قعدت فبيتنا بس حاولت
ترجعني كذا مره لكن مرضيتش قالتلي انها هتاخد ايجار
العمارات بتاعه بابا وانا هاخد ايجار واحده بس
كان عندنا 5 عمرات بابا كان مأجرهم لناس وكان عندنا
شركات ومصانع تصدير للحديد كمان بس بعد ما بابا
وماما ماتو عمتي كانت بتاخد فلوس الايجار بتاعهم
علشان كده مكانتش عوزاني امشي من عندها لانها بكده
هتخسر الفلوس الي بتيجي وكمان جوزها كان ماسك
الشركات وغير اسمها من شركات الحديدي لشركات الجندي
قعدت 4 سنين علي كده واروح دراستي عادي بس فيوم
جالي المحامي بتاع بابا وقالي ان بابا كاتب كل حاجه
باسمي ومرضاش يقول لعمتي عشان عارف انها ممكن
تمضيني علي تنازل فهو ساعدني ان ارجع كل حاجه ليا
تاني وحاولت استلم شغل الشركه بس حرفيا مفهمتش
حاجه لكن اتعلمت وقرأت كتير عن اداره الشركات كنت
وقتها فثانويه عامه وقررت ان ادخل كليه ()
واهه مع الوقت بقيت من اصغر سيدات الاعمال
روح/الله بجد انتي سيده اعمال
اسيل/اه والله شوفتي بقا ربنا بياخد حاجه ويدي مكانها
ميه حاجه ربنا بيعوض كل شخص مؤمن بيه بس قولي الحمد لله بس
روح/الحمد لله يااه احنا اتاخرنا قوي هضطر امشي بقا
اسيل/ماشي مع السلامه
ــــــــــــــــــــــــــــــــــــــــــــــــــــ ــــــــــــ
في منزل روح
•الام/اهلا بالهانم كنتي فين كل ده وسيباني كده
روح/مخدتش بالي ان انا اتاخرت والله اسفه
•الام/ خلااص روقي البيت كده عشان في عريس جاي لرحمه وخلصي وادخلي اغسلي المواعين وانا هنزل اجيب حلويات وجاتوه عشان لما ييجو
♡روح/حاضر بس يماما رحمه لسه صغيره
•الام /انتي مالك انتي صغيره ولا لا خليكي فحالك ولا زعلانه انها بيجيلها عرسان وانتي لا بطلي غيره بقا شويه
ولا من ساعه ما بتدخلي البيت لازم تنكدي علينا جتك سم
روح/خلاص اسفه
بعد مرور ساعتان جاء العريس واهله لرؤيه رحمه العروس
ام روح/منوره يا ام مازن
ام مازن/بنورك يحبيبتي
ابو مازن/ والله يابو روح انا هدخل فالموضوع علي طول
ابو روح/اتفضل يحاج
ابو مازن/ ابننا مازن شاب كويس ومحترم بشهاده الناس
كلها واحنا ناس في حالنا وطيبين ملناش في المشاكل من
قيمه كام كام يوم مازن قالي ان هو عاوز يخطب وانا
سألت علي ناس طيبين زينا والناس دلوني عليكم ولما
سألت الناس شكرولي فيك وفتربيتك
ابو روح/ دا شيئ يسعدني ان الناس بتقول كده لكن انت يا ابني شغال اي
مازن/ انا شغال مهندس في شركه خاصه عندي 28 سنه
وشغال كمان ديزاينر في كذا مكان
ابو روح/ ما شاء الله
ابو مازن/احمم وعلشان كده حابب اطلب ايد بنتكم لابني
مازن وانا متاكد اننا مش هنلاقي ناس زيكم ولا انتو
هتلاقو حد زينا فا قولتو اي
ابو روح /بس احنا بنتنا لسه صغيره وفي دراستها لسه
وهي عاوزه تكمل دراستها
مازن/ اكيد طبعا هتكمل ولو عاوزه تشتغل انا معنديش
مانع هنعمل خطوبه وحتي لو اتجوزنا وهي لسه في
الدراسه هتكمل بردو قولت اي
ابو روح / والله يابني كده عداك العيب
ام مازن وابوه / الف مبروك
ام مازن/ طب ممكن نسيب العرسان لوحدهم
ام روح /اه طبعا يارحمه تعالي اقعدي مع الاستاذ مازن
مازن وامه وابوه/ رحمه!
ابو روح باستغراب/اه رحمه بنتي انو متعرفوش اسمها ولا اي
ابو مازن / بس احنا مش جايين علشان رحمه احنا جايين
علشان الكبيره الانسه روح
ابو روح /نعم روح
رحمه ببكاء / يعني اي روح انو بتهزرو صح اي الي بيحصل ده
ابو مازن/ايوا روح مش هي بنتكو الكبيره
ام روح / لا لا لاااء انا بنتي رحمه بس
ام مازن/ انتي بتقولي اي
ام مازن / الي سمعتوه معندناش غير رحمه
روح/ في اي يماما اي الي انتي بتقوليه ده هو ايه الي
ملكيش بنات غير رحمه
ام روح/ انتي تخرسي خالص سامعه
ابو مازن/ هو في اي يجماعه
مازن/ اي الي بيحصل ده يعمي احنا مش فاهمين حاجه
ام مازن/ قومو من هنا يلا نمشي احنا جايين علشان
نتهزق هنا باين
ام روح/ احنا معندناش بنات غير رحمه ورحمه بنتي هي الي هتتخطب ودا اخر الكلام
ابو مازن / نستأزن احنا
وبالفعل ذهب اهل مازن الي منزلهم وتركو خلفهم معركه
ونيران وحقد بقلوب رحمه لاختها واسرار ستكشف لاول
مره بعد دفنها لسنين طويله
توقعاتكو اي الي هيحصل و اي الاسرار اي هتنكشف دي
«لو عاوزين تشوفو الاجزاء بتاعه الروايه كلها ممكن
تضغتو علي البروفايل بتاعي فالجروب هتظهر الاجزاء الي نشرتها وممكن تعملولي فولو او ادد هنزل الاجزاء كلها عليه»
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية روح)
