رواية رهف الفصل الثالث 3 بقلم سندس محمد
رواية رهف الجزء الثالث
رواية رهف البارت الثالث
رواية رهف الحلقة الثالثة
باباها: جهزي الشنط عشان هنسافر عند جدك الصعيد
رهف بصدمه شديده: ايهههه مستحيل
باباها باستغراب: ليه مستحيل
رهف دموعها نزلت: محدش هيرحمني هناك يابابا ارجوك انا مش عايزه اروح كلهم هيفضوا يتكلموا عليا
باباها بحزن: خلاص يابنتي اهدي اهدي انا بس كنت عايزك تغيري جو
رهف بلهفه: أنا هنزل شغل يابابا
باباها باستغراب: تنزلي شغل ليه يارهف
رهف: انا عايزه انزل شغلي تاني يابابا انا لما اتجوزت ادهم اتخليت عن حاجات كتير اوي واهم الحاجات دي كان حلمي بعد اذنك يابابا مترفضتش طلبي ده
باباها ببسمه: انا معاكي في اي حاجه يارهف
رهف ببسمه: ربنا يخليك ليا يابابا
باباها ببسمه: طب يلا انا هخرج بقى عايزه حاجه
رهف: لا يابابا شكرا
باباها اول ماخرج هي فتحت التليفون وقعدت تدور على شغل فضلت شويه تدور لحد مالقت شركه عايزه سكرتيره اول مالقتها قدمت وبعد شويه جالها رساله انها تروح بكره ونامت من التعب
تاني يوم صحيت ولبست
خرجت من اوضتها لقت باباها ومامتها قاعدين بيفطروا
رهف ببسمه: صباح الخير
باباها: صباح النور تعالى يابنتي افطري
رهف: لا يابابا همشي انا بقى عشان الحق الشغل ماشي
باباها ببسمه: ماشي ياحبيبتي
مامتها بعدم رضا: ليه تتعبي نفسك بس
رهف ببسمه: انا بحقق حلمي ياماما
مامتها ببسمه: ربنا يجبر بخطرك يابنتي
رهف ببسمه: يارب
وبعد مده وصلت رهف قدام الشركه
رهف في نفسها بانبهار: ايه الجمال ده
طلعت رهف الدور التالت لقت سكرتيره او ممكن اقول مهرج قاعد من كتر الميكب اللي في وشها
رهف ببسمه: انا جايه عشان الشغل ممكن اعرف هروح فين
السكرتيره بغرور: روحي اقعدي مع البنات اللي هناك دي وشاورتلها على البنات ولما يجي دورك هتدخلي
رهف: تمام متشكره اوي
مشيت رهف وراحت ناحية البنات اللي قاعده وقعدت على كرسي لوحدها وبصت على البنات اللي قاعده كانوا كلهم قاعدين بغرور وتكبر
رهف في نفسها بقرف: هما جايين يشتغلوا ولا هما صحاب المكان مش فاهمه
بعد شويه اسمها اتنده
رهف قامت وخبطت ودخلت
لقت المدير قاعد على الكرسي و اول مارفع رأسه من على الورق وبصلها
رهف بصدمه شديده: مش معقول انت
