رواية لم تجعلني الدنيا أفرح الفصل الثاني 2 بقلم أسو أحمد

رواية لم تجعلني الدنيا أفرح الجزء الثاني

رواية لم تجعلني الدنيا أفرح البارت الثاني

رواية لم تجعلني الدنيا أفرح الحلقة الثانية

نمت وانا معيطه وصحيت وجسمى كله متكسر وبحركه بصعوبه ولما قومت لقيت ف دم ع المخده حطيت ايدى ع منخيرى لقيت الدم جاي منها اتنهدت وقومت غسلت وشي وغيرت هدومى ولسه بخرج ماسمعتش صوت خالص ف البيت
= هو مافيش صوت ليه ؟؟ … ولا اكنش انطرشت … واحد اتنين تلاته ، لا مانطرشتش امال مش سامعه صوت ليه ، يارب استر ومايكونش هدوء ماقبل العاصفه
خرجت من الاوضه وانا فرحانه جدا واخير لقيت البيت هادى ، وكمان بابا بيقرا الجرنان ف هدوء ياسبحان الله واختى كمان بتجهز للمدرسه وماما ف المطبخ
= هو انا لدرجادى نمت كتير اووى ..
روحت لماما المطبخ اعرف منها في ايه وايه سر الهدوء ده
* ايه ده حبيبت ماما صحيت ، يا صباح النور والفل والياسمين على اجمل كوكو فى الدنيا
حضنتني لأول مره انا استغربت من تصرفها بس بينى وبينكم كنت بتمنا الوقت يقف فى الحظه دى وافضل طول العمر فى الحضن إللى اتحرمت منه
* هااا حابيبت ماما تحب تفطري ايه النهارده ؟..
= اي حاجه من ايدك ياست الكل جميله جدا ، قوليلى بس ايه إللى فاضل لسه و انا اعمله وانتى روحى ارتاحى
* ارتاح ايه بس ، روحى انتى جهزى السفره وانا هجيب الاكل وجايه قوام اهو على ما اعملك البيض بالبصترمه إللى بتحبيه
= يامى يامى انا جوعت على سيرته والله ، بس قوليلى ايه سر الدلع ده كله ، هاااا
* يعنى دى اول مره ادلعك فيها يا ست إقبال !!
= لا ازاى ده انا حتى الناس كلها مابتقوليش غير يادلوعت ممتك ، دول نسو اسمى من كتر ما بيقولولى يادلوعه ممتك ههههه
* طب يلا يالمضه من هنا بدل ما اقلب و هيهيهي برضه
= وعلى ايه الطيب احسن هههههههههه
خرجت من المطبخ وانا بشكر ربنا علشان استجاب لدعائي وماخذلنيش ، ورحت وضربت السفره وفطرنا وماما أصرت أنها تغسل أطباق الفطار وانا ماصدقت طبعا ونزلت جري على البت دينا
= دينا يااا دندونا يا ديناااا ، ااااه ” خبط فى حد ” مش تفتح ياغبي انت ، كسرتلى دراعى الله يخرب بيتك ياشيخ ، بوس ايدك وش وضعر انى هكتفى بالكلمتين دول علشان مبسوطه ومش عايزه اعكر دمى على واحد زيك ” وجريت على دينا ” دينااا ديناااا يادندونا
– فى ايه يامجنونه على الصبح كده ” قاست حررتى” انتى تعبانه ياق يابت ؟؟
مسكتها من ايديها وفضلت الف بيها من الفرحه ، ولكنى بحلم ومش عايزه اصحه من الحلم وقعنا فى الارض من كتر الف
– اهو انا اتاكدت انك اتجننتى خلاص
= لو الجنان هيبقي كده انا موافقه ياستى
– ايه إللى شقلب كيانك يابت بالشكل ده اوعى تكونى..
= لقيت العكاز يادندونه اخيرا ، انا مش مصدقه نفسي بجد إللى هو زى مايكون حلم جميل جدا ومش عايزه اصحه منه ، زي مايكون ربنا النهارده طبطب عليا وقالى انا جنبي اهو افضلى انتى بس ادعى وانا هستجيب ليكى ، تعرفى ان كلام بابا وماما بالهدوء ده كان مريب فى اول الأمر بس انا كنت فرحانه جدا جدا انى صحيت بالشكل ده من غير خناق ولا عصبيه ولا عكننه ولا صوت عالى فقط الهدوء بس و..
قطعتنى – إقبال ايه الدم إللى نازل ده ، انتى كويسه ؟؟
” طلعت منديل ومسحته بسرعه ”
= هااا ابدا ده اكيد من التوتر إللى كان حاصل ما انتى عارفه يا دينا انى لما بيكون فى ضغط عليا بينزل دم ، مش جديده يعنى ، يلا انا همشي بقي احسن المدير يبهدلنى على التأخر ده ، يلا باى..
* خدى بالك من نفسك يا إقبال وروحى واكشفى وانتى مروحه بدل ما هروح واكشفلك غصب عنك فاهمه
= حاضر يا بابي ههههههههههه
” عدلت وشي النحيه التانيه والدموع نزلت زى الشلال كأنها كانت فى كيس والكيس ده اتقطع ، فضلت اعيط طول الطريق لحد ما وقفت قدام العياده ومسحت دموعى ”
= انا راضيه يارب ، الحمد لله على دى نعمه انا احسن من غيري ، وبعدين كل إللى كنت محتاجه ارتاح يوم واحد بس واهو اتحقق بعد كده مش عايزه حاجه من الدنيا غير رضاك عنى يارب ، الحمد لله
& إقبال ايه ده انتى هنا من أمته يابت
= من حبه كده ، بس قوليلى دكتور امير موجود ولا ؟؟
& كمان شويه وهيمشي بس ده مش معادك يابت انتى لسه معاكى اسبوعين تانى وتيجى
= لا ما انا قولت اجى اسلم عليكم احسن وحشتونى موووت هههههههه
& هتفضلى طول عمرك رخمه كده يابت ، الله يكون فى عون إللى هياخدك ههههههههه
= مش هيلحق ياخدنى ياروحى بالشكل ده … ” وشورت على منخيري ”
& هو النزيف رجع تانى
= ياريت هو بس ياختى الواحد شكله بيودع الدنيا خلاص ههههههه
ضربتنى & لو قولتى كده تانى والله ازعل منك الف بعد الشر عليكى ياروحى ، ان شاء الله هتخفى وتبقي احسن من الأول وتطفشي ام إللى هياخدك انتى وعيالك كمان هااا
= هنبقي عيله هبله اوى هههههههه
& سمى البت على اسمى وهتبقي عيله هبله بس عسل ههههههه
= اسمك !؟؟ قولتيلى دكتور امير هيمشي أمته
& كمان شويه وهتلقيه اختفى ههههه ، ليه !؟؟
= لا ابدا هقوله لما جتلك مالقتش الممرضه عفاف فى مكنها وقاعده بره تضرب كشري ، ماتخديش فى بالك انتى بس
” دخلت المستشفى ولحقته فى آخر لحظه وكان خلاص خارج من العياده بتاعته ”
= دكتور امير ، استنا يا دكتور
* إقبال!!؟ ايه إللى جابك هنا ؟ اوعى يكون حصل النزيف تانى
= كل يوم بيكون انيل من إللى قبله والله يا دكتور ، ياريتها كانت جات على النزيف بس
* ليه حصل ايه معاكى تانى ؟؟
” رفعت كم البلوزه ووريته الكدمات إللى فيها ”
= ظهر ده يا دكتور ، حولت كتير افتكر اتخبط فين بس للاسف مش فاكره
* طب تعالى ندخل جوه وتحكيلي ايه إللى ظهرلك تانى ” دخلنا الاوضه ” هااا بقي قولتيلى ظهرلك فى ايدك بس ولا فى أماكن غيرها ؟؟
= احمم… فى الحقيقه يعنى.. هو ظهرلى فى اكتر من مكان فى جسمى ووجعنى جدا ، حتى النهارده لما صحيت من النوم مكنتش قادره اتحرك من شده الألم
* بصي يا إقبال انا مش هقدر اخبي عليكى اكتر من كده انتى و انتى عارفانى كويس مابحبش الف والدوران كتير
= انا كده قلقت اكتر والله
* عندك حق تقلقي والله انا لوله انه مرضك محتاج جلسات كتير كان زمانى خبيت عليكى علشان ماتتعبيش اكتر ، بس للاسف انا مضر اقولك الحقيقه
= ايه هموت خلاص ؟
* لالا بعد الشر عليكى ، مافيش موت ولا حاجه وانتى مرضك ليه علاج ونسبت نجاحه 69%
= الله يطمنك ياامير زى ما طمنتني ، ما تخلص يا امير وتقول عندى ايه بدل تعب الأعصاب إللى انا فيه ده الله
* بصراحه كده انتى عندك سرطان الدم
= اااااايه !!؟
لعبت بي الدنيا كثيرا وكثيرا
وحين ابتسمت لى اخيرا
واخذتنى إلى سابع سمع أتت
العواصف لتنزل بي إلى سابع أرض💜💨