رواية رحمة وسيف الفصل الرابع 4 بقلم مصطفى عادل
رواية رحمة وسيف الجزء الرابع
رواية رحمة وسيف البارت الرابع
رواية رحمة وسيف الحلقة الرابعة
* فجأه رحمه سمعت صوت فرامل وخبطه قويه بعدها المكالمه اتقطعت
= سيف … ألووو .. يا سيف !!
* نزلت رحمه تجري وهي مش عارف نفسها راحت فين ، لقيت نفسها بترن علي هند :
الو ، ايوه يا هند الحقيني
_ في ايه يا رحمه مالك ، اهدي في ايه
=س. .. س .. سيف ..
_ ماله سيف اهدي يا حبيبتي في ايه صلي علي النبي كده حصل ايه
= سيف كان بيكلمني وفجأه سمعت صوت فرامل والاتصال اتقطع ، الحقيني يا هند
_ اهدي طيب هرن علي احمد دلوقتي وهنجيلك علي طول
* رحمه وقفت تاكسي وهي مش عارفه رايحه فين ، وكمان الفون بتاعها فصل شحن وهند مش هتعرف توصلها
سواق التاكس : رايحه فين يا آنسه
رحمه وهي بتدور في وشوش الناس علي سيف = مش عارفه .. مش عارفه !!
سواق التاكس : مش عارفه ازاي ، حضرتك تايهه !!؟
= بص اقرب مستشفي من هنا ، وديني اقرب مستشفي
_ حاضر ، ربنا يطمنك
= يا رب ، يا رب …. يا رب
* وصلت رحمه المستشفي دخلت تجري علي الاستقبال وتبص في المرضي ، بس سيف مش فيهم
فجأه دخلت حاله ، كان باين شويه انه سيف بس الدم مغرق وشه
= سيف … سيف !!!
بدأت بالعياط
* بعدتها الممرضه ودخلوا بيه علي غرفة الطوارئ
حطت الفون بتاعها علي الباور بنك لقيت هند بتتصل بيها
= ايوه يا هند انا في المستشفي وسيف هنا الحقيني يا هند
_ اهدي بس واحنا جاينلك علي طول اهو
اسم المستشفي ايه طيب ؟!
= معرفش يا هند هي قريبه من الكليه بتاعتنا
_ اوك خلاص عرفتها انا جنبك علي طول اهو
* دقايق بسيطه وهند واحمد وصلوا هند جريت علي رحمه حضنتها :
بسيطه ان شاء الله ، متخافيش والله بسيطه
بعياط= سيف متعور اوي يا هند … لو جراله حاجه انا مش هسامح نفسي انا السبب ، انا اللي كنت بكلمه انا اللي خليته مياخدش باله من الطريق
_ يا حبيبتي والله مفيش حاجه ، وان شاء الله بسيطه
احمد : ادعيله بدل ما بتعيطي ، هو مفيهوش حاجه ان شاء الله
= يا رب ، يا رب
* طلع الدكتور من الاوضه ، جريوا عليه
ايه يا دكتور سيف اخباره ايه
– شوية دكمات بسيطه ، هنعمله اشعه نتأكد لو في كسور ولا حاجه ، هو كويس الحمد لله متقلقوش
كنا بس عايزين حد يدفع المطلوب في الحسابات
*راح معاه احمد علشان يدفع الحساب
* اخدوا نفسهم = الحمد لله
هند : خلاص بقي يا رحمه اهو الدكتور قال مفيهوش حاجه
= الحمد لله
* عملوله الاشعه وجبسوله دراعه لانه اتكسر
= نقدر ندخل نطمن عليه يا دكتور ؟
– اه طبعا ، بس بسرعه ياريت
* دخلوا ، كان يدوب قادر يفتح عينه
رحمه بعياط = انا اسفه يا سيف
سيف : اسفه علي ايه يا رحمه ، ده قضاء وقدر ، الحمد لله علي كده
= لا انا السبب ، انا اللي شغلتك عن الطريق
سيف : انتي شغلاني عن الدنيا كلها مش عن الطريق بس
احمد : مش وقت قلوب ومحن يا نجم حمدالله علي سلامتك
هند : اخلي الممرضه تجبلكم اتنين لمون !!؟
رحمه بخجل = حمدالله علي سلامتك يا سيف
_ الله يسلمكم يا جماعه ، انتوا عرفتوا المستشفي ازاي ؟
هند : رحمه قالتلنا عليها
_ عرفتي اني هنا ازاي يا رحمه
= علي فكره انا جيت هنا قبلك انت اللي جاي ورايا
_ هههههه حقك عليا يا ستي
الدكتور : بعد اذنكم يا جماعه اتفضلوا برا ثواني معلش
* حاضر يا دكتور ، سيف مسك ايد رحمه :
علي فكره كل يوم بحبك اكتر من اللي قبله ، كل يوم بتثبتيلي بتصرفاتك انك اعظم اختيار في حياتي
بخجل = ربنا يقومك لينا بالسلامه يا حبيبي ، انا هنا جنبك لو احتجت اي حاجه نادي عليا
* خرجت رحمه مع هند واحمد
احمد : طيب انا هستأذن معايا مشوار ضروري هخلصه وارجعلكم تاني ، خدي يا هند خلي دول معاكي
هند : لا انا معايا فلوس روح انت مشوارك متشيلش هم
احمد : لا خليهم معاكي احتياطي
هند : حاضر
رحمه : نكلم حد من اهله ولا ايه يا هند ؟؟!
_ لا لما احمد يرجع هنخليه يكلم حد من اهله
= طيب منكلمش احنا ليه !!
_ لا مش هينفع احمد يكلمهم افضل
= تمام ، يااا رب
* عدي ساعتين علي نفس الحال ، الدكتور خرج من غرفة الطوارئ
رحمه : ايه يا دكتور بقي كويس ؟!!
الدكتور : اه تقدروا تروحوه البيت هو كويس بس محتاج رعايه
* رنت هند علي احمد وقالتله ان سيف اخد اذن الخروج من المستشفي
احمد جالهم بسرعه ، وركبوه العربيه ومشيوا
رحمه : حمدالله ع السلامه يا سيف
سيف : الله يسلمك يا حبيبتي
احمد : انا هروحكم الاول وبعدين اوصل سيف
رحمه : لا انا هروح معاكم
سيف : لا يا حبيبتي مش هينفع ، روحي انتي وهند وانا كويس متقلقيش
هند : خلاص نزلنا هنا انا ورحمه هنتمشي وروح وصل سيف علشان ميتعبش من اللف والطريق
احمد : لا هوصلكم الاول
هند : لا انا كده كده كنت عايزه رحمه في موضوع وحابه اتمشي شويه
احمد : اوك تمام
* نزلوا هند ورحمه واتمشوا
هند : ايه بس الخوف والحب ده كله يا عم
رحمه : ها … لا عادي علي فكره
هند : لا مهو باين انه عادي علي فكره
= انتي عايزه ايه دلوقتي !!؟
_ مش عايزه حاجه ، واتفقتوا هيتقدملك امتي بقي ؟
= يا بنتي هو احنا لحقنا !!
_ اه صحيح ، طيب علي فكره انا تعبانه وعملت كده علشان سيف ميتعبش واحمد يوصله علي طول هروح انا وهكلمك شويه
= اوك تمام يلا باي
* مشيت رحمه ووصلت البيت خبطت علي الباب ، مامتها فتحت ،رحمه شافت ناس غريبه موجوده في البيت
اتفضلي يا حبيبتي بابتسامه غريبه من امها
= في ايه مين دول !؟
_ ادخلي سلمي وهقولك بعدين
* دخلت سلمت عليهم والست اللي معاهم بتتفقد ملامح رحمه وجسمها ..
الله اكبر عليها قمر ربنا يحفظها
دخلت رحمه اوضتها ودخلت امها وراها
= مين دول يا ماما !!
_ دول ضيوف يا حبيبتي
= اه ما انا عارفاهم ضيوف ، عايزين ايه يعني ؟
_ عايزين …..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رحمة وسيف)
تعليق واحد