رواية رحلة معرفة الحقيقة الفصل السابع 7 بقلم زينب مجدي

رواية رحلة معرفة الحقيقة الجزء السابع

رواية رحلة معرفة الحقيقة البارت السابع

رواية رحلة معرفة الحقيقة الحلقة السابعة

كانت أيه تغلي من كلام خطيبها السابق وتتمني ألا يأتي
وجلست تفكر ماذا تفعل….يجب أن يعرف أهل البيت كل شئ قبل ان يأتي ياسر…ظلت تفكر وفي النهاية قررت مصارحة جدها بكل شئ
دخلت أيه على جدها واعمامها وطلبت من جدها أن تتحدث معه قليلاً
دخل معها جدها وبدأت تحكي بتوتر كل شئ لجدها
جدها…. يعني انتوا فسختو الخطوبه…طيب ليه مأخدش حاجته في ساعتها
أيه…..هو بيسافر بالشهرين تلاته ويرجع….ولما حكالي إللي قولتلك عليه ونهينا كل شئ قولت لخالي إنه هيرجعله حاجته وساعتها خالي قالي لما يرجع من السفر هياخدها
جدها… طيب هو عرف منين أصلا الكلام إللي قالهولك واللي خالك اكدهولك ده
أيه…..هو شغال مع جوز رنا بنت خالي ابراهيم….وجوز رنا قاله إن رنا حكيتله الكلام ده لما سمعته من خالي وهو بيقوله لمرات خالي
جدها بتفكير….. أنا تقريباً بدأت أفهم خالك ليه ساب البلد وطفش واخدك معاه
أيه….فهمني يا جدو طيب
جدها…. كل حاجه في وقتها يا أيه
أيه…..المهم هعمل ايه في موضوع ياسر ده . الدهب والهدايا وكل حاجه مع خالي
ابتسم الجد وقال….استني أحمد بن عمك هو إللي هيحل الموضوع ده…وبدأ ينادي يا أحمد يا احمد
دخل احمد وقال…..نعم يا جدي
الجد…..احكيله يا أيه كل الكلام اللي قولتهولي
أيه لنفسها….. إيه الموقف المحرج إللي حطيتني فيه ده يا جدي…. وقالت بصوت عالي….ما أنا حكيتلك يا جدو
جدها….متخافيش احمد استحالة يخرج كلمه بره…اتكلمي
احمد….في إيه يا جماعه أنا قلقت….هو في حاجه يا أيه
بدأت أيه تقص عليه كل شيء
احمد…… طيب لما فسختو الخطوبه ليه مأخدش حاجته في ساعتها
أيه…. علشان كان مسافر
احمد…..طيب هو عرف منين أصلا الكلام ده
أيه…..هو إنت بتسأل نفس الاسئله إللي جدي سألها ليا بالظبط
احمد….. إحنا تفكيرنا واحد…المهم جاوبيني
أيه بسرعه…..لما خالي جه من عندكم وانا معاه حكي لمرات خالي كل حاجه ورنا بنت خالي سمعتهم…ولما اتجوزت حكت لجوزها وجوزها صاحب ياسر فحكاله
احمد بتفكير…. جدي أنا حاسس اني بدأت أفهم هو ليه خطف أيه …وساب البلد
أيه بصدمه….. أقسم بالله إنت مش طبيعي إنت بتقول إللي جدي قاله بالملي….قولي بقي فهمت إيه
احمد….. هههههههههههه كل الناس بتقول كده المهم هاتي رقمه
أيه…..مين
احمد….. إللي إسمه ياسر ده
أيه بعفوية….. آه ياسر خطيبي
احمد….. إللي كان خطيبك… دلوقتي لأ ماشي…هاتي الرقم
أخد احمد الرقم وخرج
أيه….هو بيكلمني كده ليه يا جدو
جدها…..في واحدة تقول قدام خطيبها علي واحد تاني إنه خطيبها
أيه….. إيه خطيب مين…. لأ أنا مش مخطوبه لحد
جدها…. على فكره احمد من ساعة ما مشيتي مع خالك وهو بيسأل عليكي…ولما كبر وبقي يعرف يخرج بره البلد بقي بيدور عليكي في كل حته…هو منسكيش
أيه….. أنا أسفه يا جدو بس أنا بحب ياسر….ولو هو عرف إني لقيت أهلي هييجي ويتقدملي أنا عارفة
جدها…..ههههه عنيكي بتقول إنك مش بتقولي الحقيقة….بس على العموم لو ياسر ده طلب يكمل الخطوبه أنا هوافق وهجوزك ليه
أيه بسرعه…… لأ طبعاً أنا مش موافقه وبدأت تدارك نفسها وقالت بتوتر…. أيوه أنا كنت بحبه بس بعد الكلام إللي قاله مش هينفع ارجعله…..
بص يا جدي أنا لسه عارفه أهلي ليه نتكلم في خطوبه سابقه وخطوبه جديده…سيبني أفرح بيكم.. والقاعدة وسطكم
طرق احمد الباب ودخل
احمد…… أنا كلمته وخلصت معاه كل حاجه
أيه بزهول….ببساطه كده خلصت كل حاجه…عملت ايه ها
احمد…..قولتله هشوف مقدار الدهب إللي كان جايبه وهدهوله وهديله تمن الهدايا
أيه.. وانت ليه كده تكلف نفسك لأ طبعاً هو يروح لخالي وياخد منه حاجته
احمد…..مش هكلف نفسي ولا حاجه… وبعدين ده حقه ولازم يرجعله…وقالي إن خالك ساب البلد ومشي ومش عارف يوصله.
أيه….. أنا بجد أسفه وكل جنيه هتدفعه هرجعهولك والله…. هشتغل مخصوص علشان ارجعلك الفلوس
ضحك الجد على تعابير وجه أحمد وقال…. أيه أنا إللي هدفع متخافيش مفيش دين عليكي ولا حاجه
احمد….يا جدو أنا
الجد…… خلاص يا احمد هشيلك لحاجه كبيره
……………….. …………………..
في منزل حسن
حسن…… أدخلي يا جيهان…..
جلست جيهان وحسن… أمسك حسن هاتفه وظل يتصفحه
جيهان… احم…. إنت هتقعد تلعب بالتلفون كده وتسيبني قاعدة لوحدي
حسن…… أنا نازل أقعد مع صحابي شويه على الكافيه
جيهان….هتنزل تاني…ما إنت لسه راجع من بره…. وبعدين ده الوقت إللي بتقعد تسمعلي فيه
حسن……معلهش معنديش طاقه لحاجه هخرج افك شويه
خرج حسن وجلست جيهان بمفردها تفكر في كلام والدها ووالدتها وبدأت توزن الأمور بعقلها….رنت عليها ريم صديقتها
ريم…..ازيك يا جوجو عامله ايه اوعي اكون صحيتك من النوم
جيهان….. لأ يا حبيبتي أنا لسه صاحيه
ريم…..ماشي يا حبيبتي أنا كنت بأكد عليكي تيجي بكره إنتي عارفه آدم جاي يتقدملي بكره
جيهان بفرحه….. ألف مبروك يا حبيبتي أنا فعلاً كنت نسيت بس إن شاء الله هاجي
ريم…..هتنوريني يا قلبي
بعد القليل من الوقت اتي حسن من الخارج وجلس على طرف السرير
جيهان….. أنا أسفه يا حسن إنت لسه زعلان مني
حسن…..مش عايز اتكلم دلوقتي يا جيهان
جيهان….. ماشي براحتك….بس بكره خطوبه ريم صاحبتي وأنا عايزه اروح
حسن بلا مبالاة…..روحي
……………….. ………….وانتهي ذلك اليوم
في منزل ابراهيم. صباحا
ابراهيم…… فايزه يا فايزه هي البت ريهام اتأخرت بره كده ليه…. إيه ده إنتي بتعيطي
فايزه……. أهلي وحشوني أوي يا ابراهيم أنا مش عارفه اصلا هما عايشين ولا ماتو…وانهارت في البكاء
ابراهيم…..لا حول ولا قوة إلا بالله…..لو عايزه ترجعي يا فايزه أنا معنديش مانع…. وأنا هسيب المكان هنا واروح في أي حته تانيه… وإنتي روحي لأهلك وخدي معاكي ريهام
فايزه……هو أنا بقولك علشان تقولي كده أنا بس أهلي وحشوني ربنا يجمعني بيهم يارب
دخلت ريهام….. إيه ده بتعيطي ليه يا ماما
ابراهيم…… إيه إللي اخرك كده يا ريهام
ريهام……السوق زحمه أوي يا بابا
علي العموم هعملكم أحلي شويه محشي انهارده….بس برده امي بتعيط ليه
فايزه…..مش بعيط ولا حاجه يا بت ياريهام …يلا قدامي على المطبخ
ريهام….يلي ياست الكل…بقولك ايه قوري إنتي المحشي وإنتي قاعدة كده إنتي والحاج…. وأنا هدخل أشوف هعمل ايه في المطبخ
فايزه…..مش واثقه فيكي
ريهام بضحك…..ولا أنا والله واثقه فيا..بس هجرب ومره تصيب ومره تاني
فايزه…..ومره تاني إيه يا اخرة صبري
ريهام……ومره تاني تصيب برده إنتي مش بتصبري عليا لما أخلص كلام يا ماما
…………….. …………..
في منزل جد أيه
دخلت أيه المطبخ على زوجات اعمامها وقالت….ممكن اساعدكم
أم أحمد….. تعالي يا حبيبتي
أم خالد……بتعرفي تطبخي يا أيه
أيه…… آه بعرف أعمل كل حاجه…مرات خالي علمتني
أم عاصم…..طيب بتعرفي تعملي مكرونه بشاميل
أيه…. آه بعرف اعملها
أم خالد…. حيث كده بقي إنتي إللي هتعمليها انهارده
أصل جدك بيحبها أوي هو و ….. أحمد
ضحكت أم أيه بصوت ضعيف وقالت….. عايزه تقولي إيه يا ام خالد خليكي صريحه ومتلقحيش بالكلام
أم عاصم….. على فكره كل اعمامك بيحبوها والعيال كمان بس لما ييجي بقي عادل اخو أحمد من الجيش هتعمليله صنيتين ليه لوحده…. علشان بيعشقها
أيه بضحك…..هو أنا همسك هنا قسم المكرونه بالبشاميل
أميره….. ياحبيبتي إنتي تعملي إللي إنتي عايزاه…. الحمد لله إنه رجعك لحضني بالسلامة
حضنتها أيه وقالت….. الحمد لله
قامت جدة أيه بمناداة أيه
أيه…..هروح أشوف جدتي واجيلكم بسرعه
أيه…..نعم يا جدتو
الجده….. تعالي يا بت احكيلي كل حاجه حصلت معاكي وإنتي في بيت المغدور خالك
أيه….هقولك إللي إنتي عايزاه يا تيته بس متشتميش خالي
عايزه تعرفي إيه
………… …………….
في منزل ريم
كانت تجلس ريم وجيهان وغاده
كانت السعاده تغمرهم لبست ريم الفستان وبدأت تعدل حجابها وحولها غاده وجيهان يساعدوها
غاده…..بتخلصو من حواليا يا بنات ومش فاضل غيري
جيهان….هو. إنتي يا غاده ممكن تتجوزي واحد زي حسن جوزي
غاده بسرعه….. لأ طبعاً حسن إيه إللي ممكن اتجوز زيه
جيهان….. أنا قولت كده برضه…. أصل حسين أخو حسن جوزي كان عايز يخطب…وقالي ارشحله حد من صحابي….قولتله ريم شبه مخطوبه وإنتي مش هتوافقي
بس كويس إني قولتله كده
غاده بسرعه…..يخرب بيتك بتتكلمي بالنيابة عني ليه
جيهان… بجد إنتي ممكن توافقي
غاده…..هو شغال إيه
جيهان…..دكتور
غاده……طلعي صور فرحك بسرعه من على تليفونك ووريهولي
جيهان……يخرب بيت جنانك…..خدي دي صورته
غاده…..هو ده….دا أحلي من جوزك… وكمان دكتور….. موافقة
جيهان…..يا مجنونه مش لما تعرفي شخصيته الأول… إنتي أهم حاجة عندك الشكل
غاده….. أخو حسن جوزك يعني هيعاملني زي ما حسن بيعملك وشكله حلو ودكتور…..موافقه