رواية رحلة جديدة الفصل العاشر 10 بقلم رندا شرقاوي

رواية رحلة جديدة الجزء العاشر

رواية رحلة جديدة البارت العاشر

رواية رحلة جديدة الحلقة العاشرة

انهت الاتصال مع والد صديقتها وهي تفكر ان الصنايع احسن من التجارة
راحت بفرحة على اوضة امها نجلاء وابوها علاء علشان تحكي لهم اللي قالوا العم إبراهيم ليها، في الوقت ده كان كانت نجلاء وزوجها علاء الجالسين ينظرون لبعضهم بإرهاق وقلق على ابنتهم، اللي راحت بفعل على الاوضة بتاعتها وقفلت الباب من جوه، نجلاء بخوف
_انا خايفه قوي قوي على ايمان
علاء بخجل: والله وانا اكتر منك خوف، بس اعمل ايه انا معنديش جرأة ان ابص في عينها تاني، بعد الكلام اللي قلته لها
نجلاء: بقولك ايه الفلوس دي ارزاق، وربنا يرزق كل واحد رزقه مكتوب عند الله أنت تخجل منها ليه؟ الراجل عمره ما يعيبه جابه لو فاضي لان دي ارزاق، وبعدين انت الفلوس مش اشتريت بيها مخدرات أو حاجات زي كده علشان تخجل منها.
_ ربنا يكفينا شر الكلام اللي انتي بتقوليه ده ويبعدها عنا ما تقوليش كده تاني خصوصا قدام ابننا عمر
قطعت كلامهم ايمان، وهي تنادي: بابا ماما
وزقت باب الاوضة على طول ودخلت فيه
نجلاء: خير حاصل ايه لسه من شويه كنتي هتموتي من الزعل يا حبيبتي؟ حاصل ايه
علاء: اقعدي على السرير
قعدت على السرير وهم ينظر لابنتهم بدهشة من الوضع خصوصا ان كانت زعلانة
علاء بلهفة: خير احكي لنا يا حبيبتي
نجلاء: خذي نفس واحكي لنا ايه حصل معاكي فرحك لدرجة دي يا قلبي
ايمان: لما رحت اوضتي وكنت زعلانه والوضع اللي شفتوني عليه، كلمني عمو ابراهيم ابو صاحبتي فاطمه يمكن تعرفوه
علاء: انا اعرفه الراجل ده
نجلاء: مش مهم نعرفه ولا مش نعرفه المهم انت قولي لينا قال لك ايه فرحك للدرجة دي
ايمان: قال ليا ان احنا لازم انا وفاطمه نقعد مع بعض ونروح الصنايع علشان مصروفها اللي هيكون اول حاجه فلوسها قليله قوي دي الاول وبعدين قال لي ان احنا لازم لما نروح هندخل قسم خياطه لان مجموعنا عالي وبعدين نتخرج من الصنايع المعهد وبعد المعهد تفتح محل خياطة في البلد كده نستفاد فلوس وتكون حاجة مضمونة لنا لانها مش هتكون وظيفه حكوميه اللي هتكون شغل عادي في تصميم الفساتين وغير وانا بالنسبه لي لقيتها حاجة كويسة لان عايزة اطلع فلوس من مجهودي
نجلاء من الفرحة مش عارفة تقول لبنتها ايه؟ المهم السعادة اللى على وشها، وهي تقول:
_ كويس انك فهمت الوضع وما كنش في بالي ان ندخلك صنايعي بس كويسة الفكرة ربنا ييسر أمر اللي اداك الفكرة ويكرمه في بنته ويحقق ليك الامنية اللي دخلتم انتم الاثنين فيها
علاء: يعني خلاص قررت تدخلي الصنايع، علشان تبقي ترزي مع فاطمه ابراهيم يا حبيبتي
ايمان بفرحة: اكيد هو ده الكلام النهائي، مع السلامه تصبحوا على خير انتم الاتنين انا رايحة الاوضة أنام لان الوقت اتاخر..
راحت الاوضه دخلت نامت على السرير، ورفعت الغطاء واتغطت عشان يأتي صباح بسرعه وتروح على بيت صديقتها فاطمة، علشان تشوف هيعملوا ايه في التقديم ويقدموا ازاي..
نجلاء بتفاهم وفرح لعلاء: الحمد لله ان الحكاية اتحلت قبل ما ننام الليل لو كنت نمت في الوضع ده اكيد كنت هطلع على المقبرة الصبح
علاء: بعيد الشر عنك يا شيخه ما تقوليش كده ربنا يحلها من عنده.
نجلاء بفرح: الحمد لله،الاحداث اللي جاية روعة مين مستني