رواية ذنوب الماضي الفصل الثاني 2 بقلم سولييه نصار
رواية ذنوب الماضي الجزء الثاني
رواية ذنوب الماضي البارت الثاني
رواية ذنوب الماضي الحلقة الثانية
-وائل ….وائل اتقي الله ومتعملش فيا كده ابوس ايديك أنا توبت وبحب جوزي أشفق عليا الله يكرمك ….
كنت بقولها وانا بعيط وبترجاه …ضحك ضحكة سخرية وقال:
-توبتي ؟!ها !!!هو اللي زيك ليه توبة … نسيتي ماضيك القذ.ر يا حبيبتي …جرا ايه يا بت ما أنا عارف كل بلاويكي …انتي واحدة ر.خيصة …أنا فاكر كل حاجة يا حبيبتي ..فاكر ايامنا في شقة المهندسين …الشقة اللي كنا بنتقابل فيها …كان فين وقتها توبتك دي وانتي موافقة علي كل حاجة بعملها معاكي !!
دموعي نزلت وانا حاسة بالقر.ف من نفسي وقولت بصوت منها.ر:
-ايوة كنت و.حشة وو.حشة اووي بس توبت لربنا وهو كريم وهيسامحني …اكيد هيسامحني …
ضحك مرة تانية وقال:
-مظنش يا حلوة اللي عملتيه و.حش اووي…عموما انا مش هحاسبك خالص أنا عرضت عليكي عرض والله منفذتيش كلامي أوري صورك الحلوة وانتي معايا لجوزك عشان يعرف أن مراته كانت ملكية عامة …ايه رايك !!!
اتنهد وكمل بتشفي:
-عموما يا روحي هديكي يومين تفكري …تالت يوم لو ملقتكيش قدام الشقة بتاعتي هبعت الصور لجوزك …سلام يا قطة …
وبعدين قفل في وشي السكة …قعدت علي الأرض وانا بعيط …مكنتش مصدقة أني وقعت في الورطة دي …يارب استرني …
كنت بدعي في سري أن ربنا يسترني …محدش هيساعدني …مين هيقف جمبي !!مين !!!
…….
بالليل …
-حاسس انك هادية النهاردة زيادة عن اللزوم خير ؟!
قالها علي واحنا بنتفرج علي التلفزيون وهو وحاضنني …كنت ماسكة نفسي بالعافية عشان معيطش وقولت :
-مفيش حاجة يا حبيبي تعبانة شوية !!حاسة بإرهاق الايام دي …
باس راسي وقال :
-لو شغل البيت كتير عليكي اجيب حد يساعدك …
كنت فعلا هعيط ….انا واحدة ر.خيصة مستحقش ابدا المعاملة دي منه …علي ملاك لكن انا لا …
هزيت راسي وقولت ؛
-لا خالص بالعكس البيت شغله قليل بس انا مرهقة شوية …
ضمني ليه وقال:
-لو استمر الإرهاق ده هنروح الدكتور اتفقنا ..
ابتسمت وهزيت راسي وانا من جوايا بموت …
…….
تاني يوم استأذنت علي اروح لصاحبتي اسراء وهو وافق …كنت محتاجة اتكلم مع حد عارف الموضوع …حد ممكن يساعدني …
. …..
-يالهووي انتي بتقولي ايه يا تقي ؟!!
قالتها إسراء وهو بتلطم…قولت وانا بعيط:
-انا بمو.ت من امبارح يا اسراء…برج من دماغي هيطير …أنا مش عارفة اعمل ايه ..حقيقي يا اسراء عقلي واقف ومش عارف اهبب ايه…ياربي أنا توبت وقولت الحمدلله اني اتسترت يجي وائل ويفضـ.حني ..وبعد ما اتجوزت راجل مفيش زيه …
كانت دموعي بتنزل واسراء.بتبصلي بشفقة …وقالت:
-هنلاقي حل يا حبيبتي متقلقيش …
بصيت لها وانا منهارة وقالت:
-مفيش الا حل واحد …حل ممكن يخـ.سرني كل حاجة اني اقول لعلي …أقوله كل الحقيقة …يعرفها مني احسن ما يعرفها من غيري …
-لا يا مجنو.نة طبعا متعمليش كده !!!ده هيطلقك وش واحتمال يقتـ.لك كمان …علي مهما كان كويس بس هو راجل شرقي وانتي عارفة تفكيرهم ازاي مش هيقبل أن تكون علي ذمته واحدة بماضي زيك …
وشي بهت فقربت مني ومسكت ايديا وقالت:
-تقي متتسرعيش وتقوليله …علي ممكن يقتـ.لك فعلا مش هيتحمل …ولو عنده شوية شفقة هيطلقك بعد ما يفضـ.حك ..مش هيقول ده ماضي أو غيره …فاهماني…
-طيب أنا اعمل ايه ؟!
قولتها وانا بعيط …
هزت راسها بحزن وقالت:
-مفيش الا تنفذي اللي بيقوله!
-انتي اتجنـ.نتي يا اسراء ؟!
قولتها بإ.نهيار فردت هي :
-للاسف ده الحل الوحيد عشان متتطلقيش ومتتفضـ.حيش يا تقي …كده كده لو حصل حاجة بينكم جوزك مش هيعرف …انتي روحي بس اشرطي عليه يمسح الصور قدامك الاول وبكده تحلي مشكلتك …
هزيت راسي وانا بعيط وقولت :
-مستحيل…مستحيل أنا توبت لربنا …حتي لو علي معرفش بس عمري ما هكون مرتاحة لما اغضب ربنا اخو.ن جوزي…
-ربنا بيسامح يا تقي بس البشر لا …علي لو عرف هيقتـ.لك…صدقيني ده الحل الوحيد …
….
طلعت من عند اسراء وانا منها.رة اكتر …الر.عب كان متملك مني …بصيت للسما وانا بقول:
-يارب …يارب ساعدني .
…….
-قدرت أقنعها تروحلك يا معلم اي خدمة …متنساش توثق اللي هيحصل بينكم صوت وصورة…
قالتها إسراء وهي بتكلم وائل علي التليفون وهي مبسوطة ..
-يعني هي قالتلك أنها هتيجي …
سأل وائل بلهفة فردت اسراء وقالت:
-مش بالضبط بس انا متأكدة أنها هتروح…تقي جبا.نة ولما جبت سيرة أن علي ممكن يقتـ.لها أو يطلقها بفضيـ.حة كشت …متقلقش هتيجي ..استني بس النهاردة واتصل بيها بعد بكرة وشوف …
-تمام يا باشا ….وانتي يا سوسو مش ناوية تيجيلي الشقة ننبسط شوية …
ابتسمت ببرود وقالت :
-لا يا حبيبي مليش في الحر.ام …أنا مش شمال زيها …
…..
بالليل …
كنت قاعدة في الحمام وانا بعيط جامد …كل السكك اتقفلت في وشي …يا تري هعمل ايه ؟؟!!اعمل ايه !!!
………
تاني يوم …
علي كان رايح الشغل وقربت منه وقولت:
-ممكن النهاردة اروح عند اسراء معلش …
بصلي بحيرة وقال:
-ايه حكاية انك تروحيلها كل شوية يا تقي …
-معلش يا حبيبي من وقت ما جوزها عمل عملته المهـ.ببة واتجوز عليها وهي نفسيتها و.حشة اووي …
باس علي راسي وقال :
-خلاص روحي …
أنا ابشـ.ع واحدة في العالم …جوزي بيحبني وبيثق فيا وانا رايحة اخو.نه…كنت فعلا قر فانة من نفسي !!
………
بعد ساعة تقريبا كنت واقفة قدام شقة وائل في المهندسين وانا بعيط بعنـ.ف وبمد أيدي عشان ارن الجرس!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ذنوب الماضي)
