رواية ذكريات طفولتي الفصل الثاني 2 بقلم مجهول
رواية ذكريات طفولتي البارت الثاني
رواية ذكريات طفولتي الجزء الثاني
رواية ذكريات طفولتي الحلقة الثانية
|| تاني يوم رمضان ||
” صحيت وانا تعبانه اوي مكنتش شايفه كويس و الباب بيخبط الساعه 9 الصبح بصيت على ماما ملقتهاش قولت أكيد نزلت تشتري حاجه و فتحت ”
– اياد؟!
= اها اياد الى هيطبق وشك مش بتنزلي ليه بقالك يومين ولا بتردي علينا؟!؟!
– عشان مضايقه
= ماهو باين على وشك اها شبه المربع
قفلت عنيا بضيق ومسحت عليها بنوم: انا عايزه انام وانت مصحيني بدري طبيعي شكلي يكون كده
– ياستي زي القمر ولا يهمك
= ولا! عايز اي اخلص
= تيته بعتاني لطنط هدي
– ليه؟!
لعب لي حواجبه بغيظ: مش هقولك
– قول ونبي!
= لا لا
– عشان خاطري يا دودا!!
= هييح عزماكم انهارده عالفطار ياستي عندنا و كمان ليلي جاية هي و طنط حورية وطنط فاتن وملك ومليكه
– و يوسف مش جاي مع ليلي؟
= امال طنط هتيجي هي وبنتها و تسيب ابنها؟!
ضحكت: ماشي هقول لماما لما تيجي انا فرحانه اوي عشان هنتجمع بوسلي تيته
ابتسم: ماشي هنزل عايزه حاجه؟
= لا شكرا.
” فرحت اوي بجد بالعزومة دي! يارب ماما متقلش لاء مش هاروح! كدا كدا هتبقي معايا اهي ملهاش حجه! ”
” خت العلاج بتاعي و اتوضيت و دخلت اصلي الصبح و بعدها قعدت اقرأ قرآن ”
___________________________
( استغفروا الله )
– انت جيت يا اياد
= لا يا تيته لسه
– بتتريق عليا يا واد
= بضحك معاكي
– عزمت طنط هدي و جميلة؟
= ايوه
– و طنط حورية و عيالها وفاتن وعيالها
= أها ، عزمت كل دول يا تيته و لسه انا مش عارف ليه عاوزة تتعبي نفسك ما اجبلك اكل جاهز وخلاص! العدد كبير
– اسكت جاهز اي وكلام فاضي اي؟ الأكل بيتعمل بحب يا خايب انت لازم نعمله احنا للي بنحبهم ونتعب فيه
= طيب صح انا هجيب كريم يفطر معانا
– الاوزعه صاحبك؟
= متقوليش له كده ونبي عشان بيزعل قوليله كيمو
– هو ابو 7 سنين ده بيزعل كمان
= جرا اي تيته ما عنده مشاعر مش بلاستيك هو
ضحكت: مانا عارفه انا بس بنكشك عارفه انك بتحبه
روح بقا خد صاحبك يوسف و هاتوا عصاير و حاجات من الى بتحبوها
– حاضر عنيا
= اصبر اديك فلوس
– لا معايا؟ اسلفك؟
= امشي يا ولا امشي
” باس ايدها و هو بيضحك وبعدين خرج لقي يوسف قاعد على كرسي فالشارع”
– صباح النشاط انت بتتشمس ولا اي
= انا هموت على سجاير
اياد ضربه فكتفه: بتفكرني ليه يجدع! انا عايز افطر وصاحي بدري مش قادر جعان
– تيجي نفطر؟!
= أها اجي
– عالسطح عندك بقا
= تيته تقفشنا يعم
– وهي جدتك هتطلع السطح تعمل اي
= تتشمس أكيد..
اياد ضحك و يوسف بصله: انا بتكلم جد
= يخربيتك عايز تفطر؟
– اها فيها اي؟!
= شكله اجنن قوم يالا نجيب حاجات يلا وانسي
– مش قادر اتحرك
اياد بصله لقي مفيش منه رجا: اها طب خلاص ماشي هاروح انا يا جو خليك
” عمل نفسه هيمشي وبعدها ضربه بالقفا جامد و جري فا يوسف قام يجري وراه”
اياد وقف: ها ها !! اديك قومت اهو
يوسف مسكه: هردلك القفا يعني هرده
– طب هتيجي معايا
= هتزفت
“ضحك عليه و بعدين مشيوا و لقي كريم قاعد فالشارع”
– خد يا كيمو
= ايوه يا اياد
– بتعمل اي بدري كده؟!
= هاروح اجيب لتيته عيش
– طب روح و انا هجيبه كده كده رايح
= انا عايز اجي معاك!
ابتسمله: طب ماشي تعالي بس تروح بعدها
هز راسه: حاضر
” مسك ايده ومشيوا سوا التلاتة و جابو العصاير و كل حاجه وبعدها اياد رجع كريم على البيت و عرف جدته انه عاوزة يفطر معاهم ”
************************************
( صلي على محمد )
– اخيرا جيتي يا ماما؟!
بصتلي ومردتش عليا فا خدت منها الشنط: انتي كويسة
ردت من غير نفس: اها الحمد لله اي مصحيكي
بدري كده؟
– امم صحيت عادي..
= ختي العلاج
– اها… اياد جه كان عاوزك
= جه هنا.!
– كان الباب بيخبط و فتحت لاقيته هو قالي ان جدته عزمتنا على الفطار انهارده أحنا و ليلي و يوسف وطنط فاتن وعيالها وبعدين مشي
= فيها الخير طبعا على هواكي ؟؟
قعدت قصادها: انا آسفه على طريقتي امبارح مهما حصل مفيش مبرر اني اكلمك كده بس كان نفسي زي ما بتخافي عليا اوي تحبيني اوي!
– انتي هبله ؟؟ انا مش بحب حد قدك يا جميلة
ابتسمتلها : خلاص يا ماما و انا بجد اسفه تاني متزعليش مني
– انا بخاف عليكي يا جميلة!
= انا عارفه والله حقك عليا
– و علفكره! هنروح عشان خاطر الحجه فاطمه بس.
ضحكت بفرحه: هييييييييه تحيا ماما
ماما ماما احنا كده هنعزمهم برضو صح!!!
= أكيد لازم نرد العزومة و حد يكره الود يابنتي مبقاش موجود دلوقتي.
هزيت راسي بتفهم: فعلا مش كل الناس كويسين
“بصتلي وهي عايزه تقول حاجه و متردده”
– في حاجه يا ماما؟!
= مفروض تخدي صحبتك ليلي و ملك و مليكة و تروحوا تساعدوا الحجه فاطمة عبال ما اعمل بسبوسة ولا حاجه واجي عشان مروحش بأيدي فاضيه
ابتسمت: طب فين المشكلة
– ولا حاجه ملكيش دعوة ب اياد !
ضحكت جامد: اممم قولي كده حاضر يا ست الحبايب
– جميلة!
= خلاص والله… ما تشتري بسبوسة جاهزه؟
– و فين الحب بقا لما اقدم لحد حاجه من برا معموله جاهز؟! وانا متعبتش فيها عشانه؟!
” ابتسمت وانا عجبني اجباتها ومقتنعه بيها! ”
” اخدت نفسي بأرتياح اني صالحتها الأم كنز ف حياة اي حد و ربنا موصينا بيها هي و الأب
( وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا )
و مش هيعرف قيمتهم الا الى محروم منهم..! ”
**************************************
( الا إله إلا أنت سبحانك إني كنت من الظالمين )
” سبتها و بدأت اللبس بسرعه و كنت طالعة على ليلي انا وهي و يوسف ف بيت واحد و اياد جمبنا ب كمان عمارتين كده و ملك و مليكة برضو ساكنين قدامنا وصلت لشقة ليلي و كنت رايحه وانا مبسوطه مع اني منمتش بس لأني فعلا بحبهم و بحب الاجواء دي كنت حاسه احساس جميل اوي”
– يابنتي يلا اتحركي بقااا وبعدين فين اخوكي يوسف؟
= الصيام مفرهدني يا جميلة مش قادره
– طب اجبلها ونش يشلها دي ولا اعمل اي
= خلاص اهو
– فين يووووووووسف
= مع اياد !
– مع اياد اها طب يلا نعدي على ملك و مليكة
= يلا
” روحنا وخبطنا بالراحه عالباب لأن باباهم بيكره الصوت العالي… ”
ملك: بتخبطوا براحه كده ليه يا دوشه!
ليلي بصت بعينها فالشقة: عمو وليد مش هنا!
ملك ضحكت: لاء .. ماما بس
ليلي بصوت عالي: ازيك يا طنط فااااتن
جميلة ضحكت وبصت لملك: هو لابسة ورايحه فين
ملك: احنا كنا هنعدي عليكوا لبست انا و مليكة عشان نروح نساعد تيته وكدا
جميلة: تربيتي ؛ نادي مليكة ويلا بينا
” و بالفعل روحنا وسلمنا على تيته و بدأنا نساعدها فحاجات كتير وانا مكنتش اعرف الا حاجات عبيطه ولكن بنعمل كل حاجه بحب ولا حاسه بصيام ولا تعب ولا اني عاوزة انام كل ده متبخر! ”
ليلي: يابنتي خرمتي الكوسايه!
جميلة: مبعرفش اقور انا!
فاطمة: لا انتي سيبي الحاجات دي روحي يا جوجو اعملي السلطه
” استغربت دي نفس كلمة ماما ونفس معاملتها ليا بس مهتمتش ”
– صباح العسل يا تيته.
” كان صوت اياد ضحكت وبصتله وهو غمزلي ”
فاطمة: كويس انك جيت يا اياد
– خير يا تيته
= جهز فرش حلو كده عشان نفرش فالصاله ونفطر فيها كلنا جمب بعض هي اوسع حتة
– عنيا
= تسلم عينك يا حبيبي
ناديته قبل ما يمشي: دودا
– نعم
= جبتلي تمر؟
– و عصير مانجا كمان
” ابتسمت و هو مشي و ليلي بصتلي وهي بتلعب بحواجبها بخبث فا ضحكت و كملنا مع تيته الاكل
ملك و مليكه كانوا بيعملوا صنيه رقاق و ملوخيه و سمبوسه و ليلي بتحشي المحشي.
وانا.. انا كنت بعمل السلطه وتيته بتعمل الفراخ.!”
لحد ما ماما جت وكمان مامة يوسف و ليلي ( طنط حوريه ) و مامة ملك و مليكة ( طنط فاتن ) وكانوا بيكملوا مساعده معانا و أخيرا كان الاذان بيأذن ! ”
_____________________________
صلي على محمد
يوسف: ناولني يابني شفشق العصير ده كله مش قادر
فاطمه: افطروا على بلح الأول! و قولوا الدعاء
” قولنا الدعاء و كلنا البلح وبعدها بدأنا ناكل ”
ليلي: كل يا يوسف المحشي الى بتاكل منه ده الى عملاه
فاطمه: اها ايديها تتلف ف حرير
بصلها بستغراب: هي مين دي يا تيته ليلي اختي!
ليلي: اها يحبيبي انا
يوسف: اممم عشان كده طعمه مش حلو
اياد بصله: عشان كده كلت الطبق كله لوحدك يا يوسف
“قعدنا نضحك عليهم”
فاتن: عندي فضول اعرف مليكة حببتي عملت اي
مليكة: عملت ملوخيه! حلوة؟
فاتن: شاطره يا روح قلبي تجنن
ملك: ماما وانا عملت صنيه رقاق
– شاطره
” كملنا اكل و حقيقي كان الأكل جميل اوي و احساس اللمه ميتوصفش و مبطلناش ضحك بالذات على كريم و يوسف واياد ”
– جميلة ختي تمر ولا جبتو عالفاضي
= خت كوبايتين هات كمان واحده مضرش
– لا كفاية تضر عشان الأملاح الراجل ملحسه سكر
= طب نص كوباية طب
– هنشرب شاي بعد ما نخلص وناكل قطايف
ضحكت: اذا كان كده ماشي
بص لكريم: اصبلك عصير يا كيمو؟!
= أها كتير
ابتسمت و انا ملاحظه معاملته مع كريم وقد اي بيحبه: هي جدته فطرت لوحدها؟
– لا لا جارتها بتفطر معاها
= طب كويس.
” خلصنا فطار و شلنا الأكل و بدانا نروق الدنيا و بعدها فجأه يوسف و اياد اختفوا.. عملنا شاي و حلويات و كريم فضل يسألني عن اياد!”
فاتن: تسلم ايدك يا حجه فاطمه الاكل تحفه
حوريه: اها حقيقي بسم الله ماشاء و لمتنا تفتح النفس
فاطمه: ده نَفس البنات معايا و وجدوكم الى مخلي الاكل جميل و حلو يا حلوين
“ابتسموا كلهم”
هدي: العزومة الجاية عندي انا بأذن الله
فاطمه: ان شاء الله متنسوش تخدوا العلب معاكم فيها اكل ليكم انتوا و الولاد
فاتن: مكنش له لزوم انا كده كده عملت اكل فالبيت عشان ابوهم
حورية: وانا كمان والله
فاطمه: لا هتخدوا العلب برضو العيال مكلتش كويس فضلوا يشربوا ف عصاير وبعدين هنودي كل الاكل ده فين ده انا واياد لوحدنا
هدي طبطبت علي ايدها: خلاص ماشي تسلم ايدك و ربنا يديكي الصحه يارب ويديم المحبه بينا
ردوا كلهم: آمين يارب
************************************
بقلمي/ سلسبيل احمد محمود.
“طنط حوريه و فاتن و ماما نزلوا وانا و البنات فضلنا”
– ملك بقولك هو اياد فين؟
= مش عارفه والله
روحت ل ليلي
– هما العيال دول راحوا فين يا ليلي؟
= مش عارفه
– طب بصي وصلي كريم البيت وانا هشوفهم راحوا فين فجأه كده و سابونا
قبل ما انزل سمعت صوت فالسطح فا طلعت لقيتهم واقفين على سور السطح بضهرهم و بيتكلموا عادي فا قربت شوية لحد ما لاحظت الى في ايدهم..!!
دول بيشربوا سجاير ؟؟!!!!
” مكنتش عارفه اعمل اي انا على باب السطح وهما مش واخدين بالهم! معنديش فكره اتصرف ازاي نزلت بسرعه قبل ما ليلي تطلع ، مامة يوسف عندها الضغط و السكر و تيته! محدش منهم هيبقي مبسوط لو عرف خبر زي ده ”
“فضلت مستنيا لحد ما البنات مشيوا و فعلا لما مشيوا كلهم استنيت اياد لما نزل”
– تيته انا هعمل شاي لأياد عشان مشربش معانا اعملك؟
= لا يحببتي شكرا انا هتوضي و اصلي العشاء
” روحت عملته بهدوء و دخلنا البلاكونه اديته الكوبايه”
– امال فين بتاعتك
= مانا شربت شربنا كلنا بعد الفطار انت روحت فين؟ صح اختفيت فجأه
– انا ك كنت ب ااا … بظبط الدش فالسطح
= أها.. انت و يوسف؟
– أيوه
= طب احنا محتاجين نطلع السطح نتكلم بقا
– نتكلم عن قد اي انتي مهزقه ومكنتيش بتردي عليا؟
= اها ومالو يلا عشان نشوف مين الى مهزق
“طلعنا وانا قاصده نطلع فوق بالذات لاني خايفة تيته تسمع كلامنا”
**********************************
بقلمي / Salspil A Mahmoud
– ها بقا
= هي اي السجاير دي الى عالارض
– اية ده مش عارف يمكن حد رماها
= انا اديتك فرص كتير اوي يا اياد عشان تقولي
– اقولك اي؟!
= ليه و من امتي؟!
– مش فاهم
= بتشربها ليه و من امتي!
– انتي هبله مش انا طبعا
بنرفزه: انت و يوسف شوفتكم!!!! بطل تحوير
“بعد بعينه عني وساب كوبايه الشاي على السور”
– ملكيش دعوه يا جميلة اصلا مكنش مفروض تعرفي
= لا ليا! وعلفكره انا كنت ممكن اقول لتيته ده انت عيل عندك 19 لسه مكملتهمش اصلا بتدمر نفسك!
بصلي بغضب: قولتلك ملكيش دعوه بالموضوع ده و بتفهمي ولا لاء وبعدين مين بيتكلم ام 18 سنه لسه مكملتهمش ؟؟؟ منتي عيله برضو
– على الاقل مش متخلفه زيك وانا مش هسكت يا اياد هقول لتيته
= انتي عايزاها تتعب لو عرفت !!
رديت بعصبيه: كويس انك عارف انها هتتعب !!!! متقول لنفسك لما تعرف هتعمل اي لما كنت مصاحب شلة زمان بتشربها خاصمتك!! واضايقت
– جميلة انتي مش فاهمه حاجه انا بشربها كل فترة مش مدمن انا!
= بس دي حرام !!!!
– مفيش حاجه اكيدة بتقول كده متحرميش و تحللي على مزاجك وتعملي من الحبه قبه
= بقولك حرام!! انا متأكده!!!
( يَسْأَلُونَكَ مَاذَا أُحِلَّ لَهُمْ قُلْ أُحِلَّ لَكُمُ الطَّيِّبَاتُ )
دي سورة المائدة
وقال في وصف النبي ﷺ: وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ سورة الأعراف:157
– مش فاهم برضو كلامك ده معناه اي؟؟؟ هي السجاير خبائث؟؟؟ ولا انتي بتهبدي
= لا يا اياد ! الدكاترة أجمعوا على انها مضره ضرر كبير و بتسبب أمراضً كتيرةً!!!! ، و كمان بتسبب الوفاة و دي الأضرار الخبيثة! و ربنا قال
( وَلا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيماً* وَمَنْ يَفْعَلْ ذَلِكَ عُدْوَاناً وَظُلْماً فَسَوْفَ نُصْلِيهِ نَاراً وَكَانَ ذَلِكَ عَلَى اللَّهِ يَسِيراً ) وانت كده بتمَوَ//ت نفسك !
– وانا بقولك تاني انتي مكبره الموضوع انا في كتير زي متعمليش فيها ابلة الناظرة وتديني حكم و تحكمي عليا وخلاص بعدين ملكيش فيه أساسا احنا ولاد مع بعض
= انت بجد بتقولي انا كده؟!
بصلها:………..
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية ذكريات طفولتي)
