رواية ذاكرة للبيع الفصل السابع 7 بقلم رويدا القاضي

رواية ذاكرة للبيع الجزء السابع

رواية ذاكرة للبيع البارت السابع

رواية ذاكرة للبيع الحلقة السابعة

ولاء تجهزت ولبست قفطان بسيط وروحت معاه حسيت بالرضا من أميبعد حكيتلها قصة نهلة …
فوزي:قربت من بنتي ربي يهنيك باقلبي ومعز ها الله الله في ولاء راهي عويناتي…
معز:مش محتاج توصي راهي مرتي…
يزن: ينا عليا نا ولد البطة السوداء…
ليلى:حيوان انا توا طلعتلك البطة السوداء..
ولاء:تم العرس وقررت نمشي ندير زيارة لنهلة في حوشها قبل مانمشي خديت غرقت عبايتي بعطر معز العطر للي انا كنت مختاراته قبل مايعرفها كل تفاصيل حياته كانت نعرفه حتى الرأس للي يخدم عليه اخترته انا وياه أثاث الحوش للي هيا سكنت فيه لبسه كيف يحلق في لحيته من أكبر إلى أصغر تفصيل…
ليلى:شن لزمتها الزيارة توا..
ولاء:شئ في نفسي ولازم نشوفها كيف ماعدبتني جاء الوقت للي نشوفه تتعدب فيه ….
ليلى:كنت مجبورة نجاريها ماعنديش حل نعرف تسكير دماغها كيف….
ولاء: قتله انه عندي ورق ويلزم نمشي ضروري طلب في الاول يمشي معاي لكن اقتنع بعد قتله الخدمة يلزم حد يرد باله منها ……طلعت انا وامي وصيت يزن عليه ….ومشيت…
صقر:شن ياافندي تم عندك راجلك اختك نسيت صاحبك…
يزن:لالا .اليوم اهو بنطلع نا وانت وهو نتشعوا برا…في الاستراحة…
صقر:ها نقول لوسن اتجئ…
يزن:راجل اختي حتى الدخان مايدخنش هذي اولا ثانيا وسن انساها تمت شوري نا ….
صقر:شن شكلنا تمينا نحبوا ونا اخر من يعلم….
يزن:لانحبو لاشئ البنت كويسه …والواضح ظروف لزتها ع الوسخ للي كانت فيه…
ولاء:كنت نستمتع لما نشوفها مكسورة وحزينة وصلنا وطول خديت عطر معز وغرقت بيه عبايتي
وخشيتلها ….
نهلة: اول ماشفت خالتي وولاء فرحت لقيت لمن نشكي همي جيت نجري وحضنتهم وقعدت نبكي..
ولاء:هيا تبكي وفي خاطري نقولها يما بكيت وانت فرحانة كله سلف ودين وجاء الوقت للي نرد فيه حقي….
ليلى:وجعني حالها وجها كيف شاحب مش نهلة للي نعرفها بكل تقول انسانة ثانية….
نهلة:فرحت بجيتكم قداش ليا معاش فرحت هاتوا عبايتكم نحولهم…وانا ناخذ منهم في العبايات لفت انتباهي رائحة مش غريبة عليا في
عباية ولاء لكن فرحتي بيهم اكبر من انه نركز ع رائحة عطرها ….حولت العبايات في داري وحلفت عليهم يباتوا معاي كلمت عمتي وخالتي انتصار تجمعنا باتوا عندي كلهم ….
في الليل والكل متجمعين…
ليلى:ماتبوش تباركوا لي ولاء…
ولاء:قمت يدي وريتهم الدبلة متعي …
انتصار:عيطت الف الف مبارك ياقلبي كيف الخاينة هاذي ومن هذا معقولة خالتك ماتحضرش …
مفيدة:ماشاء الله عليك مانقصك شئ ياريت سبقت سعيد الحظ وخديتك لولدي محمد…
نهلة:بعفوية وريني صورته وعلاش هكي ع الساكت كله…
ولاء:للأسف هو ملتزم ومايحبش يصور بكل وحتى العرس قلي حرام درت عشاء للعيلة بس وروحت معاه وخلاص…
انتصار:غريبة 😏 زمان تقولي في عرسي بنجيب الفنانة فلانه وبنديره سبع أيام وسبع ليالي وين امشى هذا كله شن صار فيه….
ولاء:أحيانا تغيري رأيك في كل شئ ع خاطر شخص تحبيه وبصراحة انا لقيت راحتي معاه والباقي هذا كله زايد…
مفيدة:ربي يحفظكم لبعض ان شاء الله…
رن هاتف ولاء ….معز يتصل بيها ناضت باش ترد عليه ….
انتصار:صورته لا سمعينا حتى صوته…
ولاء:خالتي تحشمي عقدتيني كيف نسمعك كلامه راجل بيتصل بمرته ابصر شن بيقول …وبعدت ع جنب باش كلمته…
نهلة:سبحان الله رنت هاتفها تقول حد يخبط ع قلبي شعور غريب معرفتش نوصفه…
معز:حبيبتي خيرها هاملتني اليوم…
ولاء:حبي مش بروحي عاد بصوت عالي …
معز:راجلك راني عادي لو تغزلت في مرتي مش حرام …
ولاء:تميت اموري اصلا غدوا نرجع حتى انا رايفت
عليك…
معز:هههه رايفت صار هلبا ولاواجد…
ولاء: واجد وااااااجد…
معز:توا تأكدت سعيدة حبيبتي…
ولاء:سكرت الخط ونشوف فيها عيونها بيطلعوا فيا تفكرت اول مرة نخش حوشها كيف كانت تحكي معاه وعيونها مليانة ثقة وتوا صار معاها العكس….
نهلة:حق غدوا بتروحي ….مازال ماشبعتش منكم انا..كيف قلت بنغير جوي…
ولاء:الله غالب حكم القوي قلي لازم تروحي كان هذا راني قعدت…
انتصار:ربي ايهنيك
ولاء جيت بنروح قتلي عبايتك تهبل من وين واخدتها قتلها توصية خاصة من دبي ….لكن ماتغلاش عليك خوديها….
نهلة:لالا والله ماصارت …
ولاء:خوديها نقدر انجيب غيرها انتي حامل توا تقعد خاطرك فيها….
نهلة:خديتها لكن مش لانه عجبتني لانه نبي نجمع الرائحة وين شميتها قبل… طلعت ولاء وخالتي روحت وانا بديت نفكر الليل كله ماقدرتش نرقد
لين بالصدفة فتحت الصندوق للي فيه حاجات معز وهنيا كانت الصدمة نفسها نشم في عبايتها ونرجع نشم العطر ….هو نفسه مافيش فرق معقولة تشابه ….شن المعنى حاطة عطر راجلها….
حنان:صقر ع الخط ليه وقت يتصل بيك وانت ماترديش..
وسن:هاتيه..
صقر:كنك انعميتي ولا كيف صار…
وسن:حاجة من هكي
صقر:بعد اسبوع موعد العملية من توا لهذاك الوقت بنعطيك كوكا اتصرفي المهم يدمن عليها نا سلطتك عليه باش ايضيع مش بيش يتم شيخ…
وسن:تمام متفاهمين….
نهلة:خلاص قررت نتصرف ….اول واحد خطر في بالي كان محمد شديت الهاتف وطول اتصلت بيه…
محمد:الو نهلة
نهلة:محمد نبيك في ضروري …
محمد:تمام مسافة الطريق ونكون عندك…
نهلة:قررت نفتح معاه الموضوع للي شكيت فيه ….