رواية ذاكرة للبيع الفصل الثالث 3 بقلم رويدا القاضي
رواية ذاكرة للبيع الجزء الثالث
رواية ذاكرة للبيع البارت الثالث
رواية ذاكرة للبيع الحلقة الثالثة
نهلة: كان قلبي قابضني مانبيش يطلع خايفة عليه مافهمتش علاش ومع انه مش أول مرة يطلع خدمة زي من يومه هاذي خدمته….
رمزي:علاش مايردش الهم اهو ابصر شن صار معه وانا قاعد نتصل بيه انصدمت في سيارته مخبوطة من الخلف نزلت نجري نبي نشوف شن صار فيه لقيت السيارة فاضية …. لا هو ولا أي أثر ليه غير الدم للي كان ع الكرسي….
معز: كنت نشوف في سيارة تيوتا مصفحة تلحق فيه وفي لحظات الدنيا ظلمت ومعاش نتفكر في شئ …..
النمر: الو المطلوب اهو معانا لكن راهو محصل شكله خبطة لا راسه وفاقد الوعي…
ولاء: بالك مات …انا قتلك نبيه حي…
النمر: ماتخافيش ع الحب متعك مش رح نقتله لانه نبي باقي فلوسي….
ولاء: الهاتف متعه معاه….
النمر:لا بعدت ع المكان وكسرته وخديت الذاكرة الداخلية متعه والشفرة كسرتها…
ولاء: كويس امتا توصلني حاجتي تلقى باقي المبلغ في حسابك….سكرت ونزلت عند امي ويزن…
يزن:هاكنك مبسوطة واسنونك كلهن ع الشارع …
ولاء: ديما مبسوطة غير شوفت وجهك للي ايجيب الهم تعكر في مزاجي المهم انا بنمشي لي بابا توا مش فاضيتلك…
ليلى: من امتا متعلمة تمشيله جديد الكلام هذا …
ولاء: بابا ونبي نشوفه ممنوع ولا كيف…
يزن: نقطع يدي كان مايكونش وراك موضوع ولا طلب نبدا نا مانعرف…
ولاء: سلام توا تشااااو وطلعت وخليتهم…ولعت سيارتي وطول عند بابا …
فوزي: ايه كبيرة واجد ولاء عندي تعالي هنا هكي لاتقولي نحق باتي ولا نسأل عليه…
ولاء: تعرف مانبيش نجرح مشاعر ليلى …
فوزي: ومن للي يبي يجرحها ناباتك كيف ماهي امك …
ولاء: بابا حبيبي نبي نطلب منك طلب ….
فوزي: انتي تؤمري أمر …
ولاء: في ولد اخ صاحبتي تعبان وظروفهم تعبانه شوي صايرله حادث ونبي تخليه في العيادة عندك لين ايصح…
فوزي: حاضر اول مرة نحقك اديري الخير ولا تعطفي ع حد شن القصة…
ولاء: بابا مافيش قصة غير للي قتلك عليها ….كنت خايفة من اللحظة للي يقول شن جابني هنيا لكن وقتها نتصرف لو نهرب بيه لنهاية الدنيا معز ليا مش رح ياخده مني حد…..
نهلة: سمعت صوت الراس راجع استغربت لبست عبايتي وطلعت …لقيته رمزي راجع ولون وجهه متغير نشوف في ام وخوت معز واقفين عليه في دقايق نسمع في عياط امه واضح وهيا تقوله ولدي وين ولدي وين….
رمزي: مانعرفش تبو تبلغوا الشرطة مافهمت شئ اختفى فجأة ومن غير مقدمات معاش لقيته…
محمد: اخ معز في حد عنده مشاكل معاه في حد مهدده قبل …
رمزي:لا ولاعنده عداوة مع حد ….قعدت نجمع فيها في دماغي تفكرت تهديد ولاء لكن هاذي بنت مستحيل تقدر ادير حاجة…
نهلة: وصلت فيا امه وهيا تحكيلي في الكلام واناانهرت معاش سمعتها وبدأ صوتها بعيد معاش فقت الا وانا في حضن امي وخالتي انتصار جنبي….
امال: الحمدلله ع سلامتك حبيبتي …
نهلة: شن فيا اصلا…
امال: شوية هبوط اغم عليك بس…
انتصار: شن رأيك ياقلبي تمشي معانا وتسكري حوشك لين ان شاء الله يرجع راجلك ع خير واحنا نردوا بالنا منك ….
نهلة: لا مستحيل يرجع معز وانا مش في الحوش
مش طالعة من حوشي …للي بيقعد معاياهلا وسهلا وللي مايبيش ع راحته…
مفيدة: ام معز باهي ع راحتك هما خايفيين عليك بس لا اكثر ولا أقل…
نهلة: ماتتكلموش بصيغة انه معاش بيرجع معز وعدني انه ماشي وجاي…
ونهرت بعدهابديت نبكي فات اليوم الاول وانا كل شوية نستنى في خبر يفرحني ويبرد النار للي في قلبي. نشوف للهاتف ع امل انه يتصل بيا من رقم غريب….
النمر: وينك احنا وصلنا …
ولاء: خيركم عطلتوا …
النمر: اولا جينا من الطريق الصحراوي ثانيا الدكتور النحس للي حاطته مع حبيبك نفخهم هوا بشوية الاصابة في الرأس شن تبيه حي وتبي نوصلوا بسرعه هلبا هكي ….
ولاء: ابعثلي لوكيشن الموقع متعك وخليك غادي شوية وتوصلك سيارة الاسعاف ومعاها فلوسك…
النمر: والله ماكنت نعرف الخدمة مع البنات ارجل من الخدمة مع الشباب….
ولاء: مبارك اهو عرفت ….سكرت عليه وكلمت بابا وبلغته الحالة قريب توصل العيادة ….
يزن: الو صقر شن الامور شن الاخبار….
صقر: اهو ماشية شنجك انت لك يومين معاش مبين…
يزن: اسمع نبي رقم وسن ابعثه لي توا…
صقر: ثواني ويكون عندك …سكرت منه واتصلت بيها اها اسمعي يزن شوي اخرى ويكلمك تريسي ع كلامك معاه وراك تخليه يفطن انك ……مانبيش نوصي تعرفي اللعب معاي شن عواقبه وراكي اديري جو الفلاحة عليا ….
وسن: كان مرة فهمنا….
ولاء: اول ماوصل للعيادة كنت نستنى فيه مافارقتاش لحظة لعند ماخديت التقرير لحالته من الدكتور وهنيا كانت الصدمة …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ذاكرة للبيع)
