رواية ذاكرة القلب الفصل الثالث 3 بقلم نجمة براقة

رواية ذاكرة القلب الجزء الثالث

رواية ذاكرة القلب البارت الثالث

رواية ذاكرة القلب الحلقة الثالثة

كنت سامعه دوشه واصوات اطفال ولما فتحت عيني لقيت نفسي في الملاهي ، وقتها عينيه وسعت لاخرهم وانا مش مصدقه اني جيت هنا بعد ما كنت محرومه من شوفت الشارع حتي ف بصتله بذهول وانا بقوله
حبيبه: دي الملاهي صح
قصي بإبتسامة: صح
حبيبه: مش ممكن ، ايه المنظر ده
قصي: وحش؟!
حبيبه: بالعكس ده تجنن ( تبهت ملامحها) بس انا اكيد مش هقدر اركب
قصي: ليه متقدريش
حبيبه: هخاف عمري ما ركبتها
قصي: انا معاكي
حبيبه:
قصي: مش مطمنه؟!
حبيبه: يعني
قصي يمد لها يده: تعالي ومتخافيش
فضلت باصه لايده شويه قبل ما امد ايدي ليه وانا مش عارفه جياني منين الثقه اللي مخلياني اثق بشكل ده في واحد غريب معرفهوش وروحت معاه وقضينا ساعات في الملاهي من لعبه للعبه.
ساعات عيشت فيها سعادة اول مره احس بيها كأني رجعت طفله صغيره مش شايله هم حاجه ، وزاد احساسي ده وجود قصي معايا وانا حاسه انه طول ماهو جمبي مش هقع ولا بابا هيزعل ويتعصب لما ارجع.
ولكن مهما كبرت سعادتي ومهما طال الوقت ف جاله لحظه وخلص ورجعنا البيت وطلعت اوضتي من نفس الشباك اللي طلعت منه وقبل ما يمشي وقفته ، كان جوايا كلام كتير عاوزه اقولهوله
حبيبه بإبتسامة: استنا
قصي يعود إليها: نعم
حبيبه بإبتسامة: امبسطت قوي النهارده ، اول مره احس بالسعادة بشكل ده ، لا انا اول مره احس بالسعادة اصلا ، متشكره قوي قوي قوي
قصي بإبتسامة: وانا مبسوط علشان قدرت اخليكي سعيدة
حبيبه بإبتسامة: شكرا
قصي: من غير شكر ، حابه تكرريها تاني؟!
حبيبه: يااااريت
قصي : اوكي ، في مره تانيه لما نلاقي الجو رايق نهرب تاني
حبيبه بإبتسامة: ماشي
قصي: ماشي ، تصبحي علي خير
حبيبه: وانت من اهله
سابني ونزل وانا بقيت واقفه مكاني ابص عليه لغيت ما نزل وانا دخلت جوه واترميت علي السرير وحاولت انام ولكن رغم التعب اللي حسيت بيه الا ان السعادة اللي كنت حساها كانت اضعاف تعبي ده ومخلتنيش اقدر انام غير الصبح ، واللي حصل الليله اللي فاتت حصل تاني بس المره دي مروحناش الملاهي.
روحنا السينما وسمعنا فيلم رومنسي وبعد ما خلصت السهره طلعنا و وقفنا عند واحد بيبيع بطاطه علي الكرنيش وبعد ما جبنا منه اتنين مشينا شويه من غير العربيه وبقينا نتكلم في حاجات كتيره قوي ، و وسط الكلام منستش اسأله السؤال اللي كنت هموت واسأله ليه
حبيبه بتردد: انت ليه متجوزتش لغيت دلوقتي
قصي : معنديش وقت
حبيبه: في حد معندهوش وقت يتجوز
قصي: انا
حبيبه: علي كده مش هتجوز خالص
قصي: انا معنديش وقت بس لو قابلت اللي تخطف قلبي هفضي نفسي
حبيبه: ودي هتخـ، ـطف قلبك ازاي
قصي: يعني
حبيبه: يعني ايه
قصي: يعني مش محدد صفات بس متأكد اني هقابل اللي تخليني احبها
حبيبه: اه
قصي: وانتي بقا
حبيبه: انا ايه
قصي: حاطه مواصفات للي هتحبيه
حبيبه تبتسم: لأ
قصي: اه ، طبعا محبتيش قبل كده
حبيبه: حبيت
يقف ويستدير إليها بكامل جسده: وده ازاي بقا وانتي مبتخرجيش ومش بتتعاملي مع حد
حبيبه: اهو حبيت وخلاص
قصي: لا افهم ده حصل ازاي
حبيبه: معرفش ، بس انا من اول ما شوفته لقيت نفسي بحبه ، مع اني عمري ما شوفته قبل كده ، وعمري ما عرفت يعني ايه حب
قصي:
حبيبه: ايه
قصي: حبتيه من اول ما شوفتيه
حبيبه: اه
قصي : طيب ليه
حبيبه: معرفش خالص ، انا مش فاهمه ده معناه ايه
قصي: يمكن عجبك شكله ف اتشديتي ليه
حبيبه: لا مش الشكل انا شوفت اجمل منه كتير جداً في الحرس اللي بيجو عندنا
قصي: اه
حبيبه: ده معناه ايه
قصي ينظر لنيل بشرود: افتكر ان ممكن تكوني حبيتيه ف حياتك السابقه
حبيبه: حياتي السابقه ؟! انت بتؤمن بالحاجات دي
قصي ينتبه اليها: في حالتك انتي اه بأمن
حبيبه: يعني ايه في حالتي انا ، مالها حالتي
قصي: مالهاش ، بس يعني ملهاش تفسير تاني غير ان قلبك حبه زمان( قالها بعبس ليشيح بنظره عنها)
حبيبه: زمان امتي
قصي بإبتسامة ظاهريه: دي فلسفه مش هتفهميها ، بس حلو انك تحبي اي ان كانت الطريقه ، وافتكر ان حبك ليه من اقوي انواع الحب ، لانك حبتيه وانتي مش عارفاه كويس ولا وحش ، طيب ولا شرير
حبيبه بإبتسامة: مش ممكن يكون شرير
قصي: ايه مخليكي متاكده كده
حبيبه: انا حاسه بكده ، هو طيب قوي حتي اطيب من بابا
قصي: مش يمكن شرير ولانك بتحبيه مش حاسه
حبيبه تبتسم: ممكن بس حتي لو شرير مفتكرش ممكن يأذيني انا اصلي مأذتهوش ، ف هيأذيني ليه؟!
قصي : يا ما غيرك كتير مأذوش واتأذو ، ياريت الحياه تمشي كده بس لا محدش بيتأذي غير الكويسين واللي بيثقو في الناس
حبيبه: تفكيرك غلط ، حتي لو الكويسين بيتأذو انا واثقه ان هو مش هيطلع وحش ولا هيأذيني لأنه طيب قوووووي وبيهتم بغيره
قصي بإبتسامة: كده انا مقدرش اتكلم واضح انك واثقه فيه جداً
حبيبه بإبتسامة: ايوه
قصي: امممم و واثقه فيه لاي درجة طيب
حبيبه: لدرجه ممكن اروح معاه اي مكان من غير ما اخاف
قصي: اي مكان اي مكان
حبيبه بإبتسامة: اي مكان
قصي: لا واضح انك واثقه فيه قوي فعلاً
حبيبه بإبتسامة: اه
قصي يبتسم: طيب ممكن تغمضي عينيكي
حبيبه تغمّض عينيها: اهو
قصي: مش تسألي هتغمضي ليه
حبيبه: ههههههه هغمض ليه
قصي: بعد ايه بقا ، فتحي
حبيبه تفتح عينيها: طيب قولتلي أغمض ليه
قصي: كنت عاوز اعرف واثقه فيه زيه ولا لا
حبيبه بإبتسامة: بثق فيكم انتو الاتنين زي بعض
قصي: قوووولتيلي
حبيبه: ههههههههه اه
قصي يبتسم: طيب مدام واثقه فيه زيه ما تنطي من هنا وانا وعد هلحقك
حبيبه تنظر لنيل: مبعرفش اعوم
قصي: ما انا قولتلك هلحقك
حبيبه بإبتسامة: ماشي
«قولت كده وجيت اركب علشان انط في الميه ف مسك ايدي ورجعني»
قصي: ايه العبـ، ـط ده
حبيبه: ايه
قصي: ايه انتي ، بتعملي ايه
حبيبه: بنط في الميه زي ما قولتلي
قصي: زي ما قولتلك؟!
حبيبه: ههههههههه اه
قصي: طيب افرضي بكد، ب عليكي ومش هلحقك
حبيبه بإبتسامة: اكيد مش هتكدب عليه
قصي: وجبتي التأكيد ده منين
حبيبه: معرفش
قصي: ليه حق ابوكي يقفل عليكي
حبيبه تبهت ابتسامتها: ليه
قصي: ساذجه
حبيبه: مش ساذجه انا مطمنه ليك لو حد غيرك مش هطمنله كده
قصي: والتاني ، نسيتيه
حبيبه: اه والتاني انتو الاتنين بطمنلكم
قصي يبتسم : والله !! انا بقول نمشي احسن
حبيبه: في ايه ، ليه بتضحك
قصي: مضحكتش ولا حاجه ، بس واضح ان الحبسه خلتك متعرفيش تحكمي علي الناس
حبيبه: اكيد انا مش بالسذاجه دي لكن انا بجد مطمنالكم ، ولا ايه رأيك انت ، اطمن ولا لا
قصي يتنهد: اطمني علشان انا دوري احميكي
حبيبه: ولو مش دورك
قصي: معرفش اكيد مكنتش هتعامل معاكي لو مش مطلوب مني ده
حبيبه: يعني لو كنا اتقابلنا في في ظروف تانيه غير دي مكنتش هتحميني
قصي: لو الظروف التانيه اجبرتني اعرفك زي ما بعرفك دلوقتي كنت هحميكي
حبيبه: تعرفني زي دلوقتي ازاي
قصي: يعني لو قدرت اعرف حبيبه البنت اللطيفه الجميله البريئه اللي تخطف قلب كل اللي يشوفها
حبيبه: اخـ، ـطف قلبه
قصي يبتسم: كلي البطاطه
حبيبه: لا رد عليه يعني ايه اخطـ، ـف قلبه
قصي بإبتسامة: كلي البطاطه!!! يلا قبل ما تبرد
حبيبه بإبتسامة: ماشي ( تضيف بعد وقت) انت قولتلي هتحكيلي عن نفسك
قصي : عاوزة تعرفي حكايتي
حبيبه: ياريت
قصي: حكايتي ملهاش لازمه ممكن احكيلك حكاية واحده تشبهلك
حبيبه: تشبهلي ازاي
قصي: يعني
حبيبه: طيب قول
قصي يتنهد بعمق : شوفي ياستي ، هي كانت ست جميله قووووي ، ومش بس الشكل هي كانت جميله من جوه وطيبه جداً ، كانت حنينه علي اولادها ، عمرها ما مدت ايدها عليهم ، وكانت هي الأب والأم وتعبت جداً من شغل لشغل لغيت ما كبرتهم ، او يعني كبرت واحد فيهم والتاني كان لسه صغير شويه .
ابنها الكبير خلص الكليه ودخل الجيش وكان كل تفكيره انه لما يخلص هيشتغل وهيخليها ترتاح من الشغل والتعب اللي شافته
حبيبه: دي حكايه ممله متكرره كتير احكي غيرها
قصي: الجزء اللي حكتهولك بيتكرر كتير بس اللي جاي مفتكرش انك ممكن تكوني سمعتيه قبل كده
حبيبه: ايه هو اللي جاي
قصي: اللي جاي يا انسه حبيبه ان فجأه طلع في حياتها واحد ، في وقت كانت خلاص تعبت واقتنعت ان كده اخرها ، والراجل ده رجعلها الثقه في نفسها من تاني وحببها في حياتها وفي شكلها ، وحبت نفسها بسببه لدرجه انها في خلال شهر واحد ابنها رجع اجازه لقاها صغرت سنين عن ما شافها اخر مره ف بقا يسأل عن سبب التغيير ده.
هو مكنش يعرف ان السعادة اللي بيحس بيها الانسان بتصغر شكله وتخليه جميل وعيونه بتلمع بشكل ده
حبيبه تبتسم: شكلها حبته
قصي: اه للأسف حبته جداً وكانت هتجوزه
حبيبه: كانت؟! و متجوزتهوش
قصي: لا
حبيبه: ليه
قصي: ابنها رفض ، مكنش هيقبل ان امه تجوز
حبيبه: بس ده حرام عليه ، ده كده اناني ومبيفكرش غير في نفسه
قصي: لا هو كان بيحبها قوي ومكنش هيقبل ان راجل غريب يدخل حياتها ويحل محل ابوه وكمان ياخدها منه هو واخوه اللي ملهمش غيرها
حبيبه: بردو اناني قوي ده بدل ما يقول ترتاح وتعيش مع اللي بتحبه انا لو منها كنت هربت معاه وسيبتهم
قصي: لا ماهي عملت كده فعلاً بس مش هروب لأن هي مكنتش مطره تهرب، بس اتحدتهم وقالت انها هتجوزه ومشيت
حبيبه: طيب وليه متجوزتهوش لما هي اتحدتهم عشانه
قصي: معرفش
حبيبه: طيب كمل وبعدين
قصي: وبعدين في الوقت اللي مشيت فيه ابنها كان في الجيش واخوه كلمه وقال ان امه سافرت معاه وقالت هتجوزه وانها مش هترجعلهم غير لما هما يوافقو ويفكرو فيها زي ماهي عاشت طول عمرها تفكر فيهم بس
حبيبه: طيب وبعدين هي فين دلوقتي
قصي يبتسم: الوقت اتأخر وباباكي هيصحي ، يلا نمشي
حبيبه: طيب قولي الاول راحت فين
قصي: اكيد هقولك المره الجايه بس دلوقتي لازم نمشي علشان اتأخرنا قوي
حبيبه : كان نفسي اعرف مصيرها معاه ايه
قصي: هقولك والله بس بعدين ، يلا دلوقتي
حبيبه: استنا
قصي: ايه
حبيبه: انت عندك حق لما قولت انها زيي ، انا كمان حبيت حياتي لما قابلته وبقا عندي ثقة في نفسي
قصي: بس مفتكرش انك ممكن تتحدي باباكي عشانه
حبيبه: لو هو حبني زي ما الراجل حب الست دي هتحدي اي حد عشانه
قصي يبتسم: ان شاءلله متطريش تتحدي وباباكي يوافق
حبيبه: لأ بابا مش هيوافق علشان عاوزني اسيبه اصلا
قصي: واضح انك بتحبيه قوي لما من دلوقتي اخترتيه هو وفضلتيه عن ابوكي
حبيبه: بحبهم هما الاتنين ، بس بابا دفني بالحياه وهو وراني الدنيا بكل الحلو اللي فيها
قصي: اهااا ، شكلها كده المشاعر متبادله
حبيبه تبتسم: تفتكر
قصي: اظن كده
حبيبه: طيب واعرف ازاي
قصي: غمضي عينيكي
حبيبه بإبتسامة: ليه
قصي: ههههههه اتعلمتي بسرعه ، بس غمضي وانا هقولك
حبيبه تغمّض عينيها: اهو
ظل ينظر اليها وهو يقترب منها ويطبع قبلته علي وجنتها لتفتح عينيها
حبيبه: ههههههههه ايه ده
قصي بإبتسامة: مش عارف انا كنت مغمض معاكي ومشوفتش
حبيبه: ههههههههه ههههههههه
قصي: مالك
حبيبه: ههههههههه مفيش
قصي بإبتسامة: طيب كده عرفتي بيحبك ولا لا
حبيبه: ههههههههه يلا نروح
رجعت البيت وانا مبسوطه وطايره من الفرحة ولكن مجرد وصولي للبيت الفرحه دي راحت لما لقيت باب الفيلا مفتوح وصوت بابا مالي البيت وهو بيزعق ويقول اكـ، ـسرو الباب ف لقيت قصي بيشد ايدي وبياخدني بسرعه ناحية السلم وبيقولي اطلعي ف طلعت وبقيت سامعه صوت التخبيط وبعد شويه الباب اتكسر ف دخل بابا زي المجنون وهو بيبصلي ويتفحص جسمي وبعدين بيسيبني ويبص علي السرير
معتصم بجنون: ايه ده !!!
قصي يأتي : في ايه يا باشا
معتصم بجنون: في حد دخل هنا وقتـ، ـل حبيبه
حبيبه: قتـ، ـلني ازاي يابابا انا كويسه قدامك
معتصم بارتباك شديد: لا مش كويسه هو عاوز ياخدك مني ، ايمن عاوز ياخدك مني
قصي: ايمن مين ساعدتك انت بتتكلم عن ايه
معتصم يركض لغرفته وهم خلفه ليمسك هاتفه: اهو باعتلي صورتها وهي مقـ، ـتوله علي السرير اهو ( تتوسع عينيه عندما لم يجد الرسالة ليضيف بجنون) الرساله راحت فين!!!! ، ايه اللي بيحصل هنا!!!
قصي يأخذ منه الهاتف: رساله ايه ياباشا، فين
معتصم يرتمي علي الاريكه ويفرك جبهته بتوتر : رساله
حبيبه: رساله ايه بابا ، فيها ايه الرساله دي
معتصم:
حبيبه: بابا !!
معتصم يهز رأسه: مش عارف ايه اللي بيحصل ، مش ممكن ، مش ممكن
قصي: واضح ان حضرتك متوتر قوي
معتصم: اه فعلا واضح كده سيبوني لوحدي دلوقتي ، اقفلو الباب وراكم
كان شكله متوتر قوي لما ملقاش الصوره اللي اتبعتت ليه من اوضة حبيبه وبعد ساعات من التفكير خرج وراح عند قصي اللي واقف مع زمايله ونده عليه علشان يجيله بسرعه
قصي: معتصم باباشا ؛ حضرتك كويس دلوقتي
معتصم: اه ، انت كنت فين بالليل
قصي: كنت بجيب سجاير ، ليه حضرتك في حاجه
معتصم: لا ، بقولك ! انا هسافر يومين بره مصر وعاوزك تخلي بالك من حبيبه
قصي: في حاجه سعادتك
معتصم: معرفش ، شكلي متوتر قوي ف هستشير دكتور كويس اللي هنا مش نافعين ، زي مانت شايف الادويه بتنيمني وبس
قصي: حل كويس ، تمام سعادتك متقلقش انا هاخد بالي منها ومن البيت
معتصم: متشكر يا قصي
قصي: العفو يا فندم ده واجبي
#حبيبه
سافر بابا وزاد القرب بيني وبين قصي وبعد ما كنا بنتقابل بالليل بقينا نتقابل بالنهار كمان ، والوضع تطور من الخروج والقعده طول الوقت مع بعض لدخوله اوضة نومي بالليل ..
كنت نايمه لما لقيت ايد بتلمس وشي بلطف ف قومت مفزوعه وفجأه حط ايده علي بوقي علشان مصرخش وانا لما شوفته هديت وخوفي راح علي طول
قصي وهو يتأمل عينيها: اهدي ، ده انا
حبيبه تزيح يده: ايه دخلك الاوضه
قصي بتأمل: وحشتيني ف جيت اشوفك
حبيبه تبتسم: بس احنا كنا مع بعض من شويه
قصي: بردو وحشتيني
حبيبه بخفوت: وانت كمان وحشتني قوي
بقا يبصلي بتأمل وايده علي وشي وبتلمسني بلطف ومع التعمق في النظر لعيونه واحساسي بالدفا وانا قريبه منه بادرت بالقرب وبوسته وبدء الأمر يتطور ورجعت لغيت ما حطيت دماغي علي المخده واحنا بنتقرب اكتر ، وانا ولا لحظه كان عندي اعتراض عن اي حاجه ممكن تحصل ، كنت مسلمه ليه نفسي ومتقبله اللي بيحصل ومش شايفه اني كده بغلط او ان ده حد غريب ولو هو مكنش وقف وبعد عني مكنتش هعترض ، بالعكس ده انا سالته في ايه واقصد بسؤالي ليه سابني
حبيبه: في ايه
قصي ياؤم نافيه: مفيش كنتي وحشاني بس
حبيبه تعتدل: طيب وليه ….
قصي بإبتسامة ظاهريه: كفايه كده
حبيبه : كفايه ايه
قصي: مفيش ، انا لازم امشي قبل ما حد يجي ( هم ان ينهض لتمسك يده)
حبيبه: ماشي بس قولي متوتر ليه
قصي: لا مش متوتر ولا حاجه ، بس افتكر انك انتي اللي لازم تتوتري
حبيبه: مش متوتره ، انا بحبك وانت بتحبني هتوتر ليه
قصي: علشان ده غلط
حبيبه: غلط؟!
قصي: اه
حبيبه: ليه غلط
قصي: علشان غلط
حبيبه:
قصي يبتسم: مش فاهمه غلط ليه؟!
حبيبه: لا مش انت بتحبني
قصي بإبتسامة: علشان ده مينفعش يحصل من غير جواز
حبيبه: ليه انا بشوف في الافلام اللي بيبحبو بعض بيعملو كده ومش بيكونو متجوزين
قصي: ههههههههه
حبيبه: ايه
قصي: ههههههه مش عارف بس ابوكي لو يعرف ان تفكيرك كده كان زعل من نفسه قوي علشان قافل عليكي
حبيبه: انت هتقوله!!!
قصي: لا طبعاً
حبيبه: طيب مدام مش هتقوله..
قصي: يعني ايه مدام مش هقوله
حبيبه: يعني مش هيعرف اللي حصل بينا
قصي: يعني انتي مش زعلانه
حبيبه: لا ما انا بحبك
قصي: ههههههههه
حبيبه: بتضحك ليه
قصي: ههههههههه ولا حاجه نامي الصبح هنتكلم
حبيبه: لا قولي دلوقتي
قصي ضاحكآ: يعني يا حبيبتي وجودي هنا غلط مينفعش ادخل هنا ولا نعمل اللي عملناه دلوقتي غير لما نتجوز
حبيبه: ما انا عارف ، بس ممكن نعمل كده واحنا بنحب بعض ، كل اللي بيحبو بعض بيعملو كده
قصي: لا مش كلهم ، القللات ادب بس اللي بيعملو كده ، المؤدبين بيقولو لا
حبيبه ببلاهه: يعني انا وانت واللي بيعملو كده مش مؤدبين
قصي: عمرهم ما شافو الادب
حبيبه: طيب جيت ليه لما كده
قصي: ههههههههه علشان قليل الادب
حبيبه: بجد!!
قصي: اه قليل الادب ، بس اعمل ابه انتي كنتي وحشاني
حبيبه تبتسم: وانت كمان وحشتني ومش زعلانه منك
قصي: ههههههه ماشي ، انا همشي وانتي نامي
حبيبه بإبتسامة: دقيقة
قصي: ايه
حبيبه: بتحبني بجد
قصي تبهت ملامحه: اه
حبيبه تتلاشا ابتسامتها: مالك
قصي: مفيش
حبيبه: امال زعلت ليه
قصي: مش زعلان انا فعلاً بحبك ، وبحبك قوي كمان ، بس خايف
حبيبه: خايف من ايه
قصي: ان باباكي يرفض اننا نتجوز
حبيبه: لو رفض ههرب معاك
قصي: انتي بتخافي منه ازاي هتهربي
حبيبه: ههرب من غير ما يعرف
قصي: متاكده
حبيبه: اه
قصي يبتسم: هعتبر ده وعد
حبيبه تنهض: يلا نهرب دلوقتي
قصي: هههههههه دلوقتي ايه.، مش يمكن يوافق ومنطرش نهرب
حبيبه: مش هيوافق
قصي: خلاص وقتها هنهرب
حبيبه: مش هيوافق يا قصي ، ونبي خلينا نهرب دلوقتي
قصي: مينفعش احنا هنستنا ولما يجي تقوليلوه انك عاوزاني وتشوفي رايه لو وافق ماشي ، موافقش نبقا نهرب
حبيبه بعبس: افرض حبـ، ـسني ومقدرتش اهرب
قصي: انا هعرف ازاي اخدك ونهرب
« بالخارج»
احمد: بسبس ، ايمن!!
تقدم اليه خلف سور الاشجار: وريني
احمد: اهو ( اخذ منه الهاتف ونظر لصور)
قصي : تمام قوي ، ابعتهالو ومجرد ما يستلمها احذفها
احمد: ومين هيحذف الرقم
قصي: مش مهم
احمد: نويت تكشف نفسك ليه
قصي: يعني
احمد: يعني ايه
قصي: يعني دلوقتي بعدين هيعرف
احمد: ماشي ، عملت ايه معاها بعد ما انا نزلت
قصي: سيبتها
احمد: ليه سيبتها !! مش قولنا هنـ، ـك، سره
قصي: الصور دي كفايه ، الباقي مش هيفدنا بحاجه
احمد: لا هيفدنا ، هيوطي راسه ومش هيقدر يرفعها تاني
قصي: هنفهمه انه حصل ده لو مفهمش لوحده
احمد: اه بس احنا قولنا هتعمل معاها علا، قه كامله ، لو مش هتقدر ابعد انت وانا انفذ
قصي يقبض علي ثيابه ويرمقه بغـ، ـضب: نسيت نفسك ولا ايه
احمد: لا بس انت اللي شكلك نسيت تا، رك ( يدفع يده) بس ماشي مش مهم ، طالما كده كده هتمـ، ـوت ، بس والله لو نخيت في دي يا ايمن لا انا اللي هقـ، ـتلها بأيدي واطلع قلبها من بين ضلوعها
قصي بغيظ : لا مش هنخ وانا اللي هقـ، ـتلها بأيدي ، انا عمري ما نسيت تا، ر امي
احمد بسخر، يه: لا واضح قوي
قصي بغيظ: انت غـ، ـبي ياض انت ، انا مقربتلهاش علشان قر، فان منها ومن ابوها
احمد: ولما جيت تقولي ناخدها منه وبلاش قـ، ـتل كان ايه ، قرفان منهم بردو
قصي يتنهد بعمق: لانها حبتني من اول ما شافتني ، حبتني بقلب امي
احمد: طيب ما ممكن تحبني انا كمان بقلب امي ، ايه نسيبها ونعتبرها امنا
قصي:
احمد: بلاش عواطف ورحمة اهلك ، ولما تحس انها صعبانه عليك افتكر جـ، ـثة امك اللي لقوها مرميه وقلبها متا، خد ، انا لسه محتفظ بالخبر وصورتها ، هبقا ابعتهملك علشان تخليهم خلفيه لتليفونك ويفكروك لما تنسي