رواية ذات الوجهين الفصل الحادي عشر 11 بقلم منة محمد

رواية ذات الوجهين البارت الحادي عشر

رواية ذات الوجهين الجزء الحادي عشر

رواية ذات الوجهين الحلقة الحادية عشر

وقفنا لحد ما نور بصلها بنظره مرعبه وذات حركت له ايدها ع خدها بحركات تهديد نور كتم غيظه ومشي من قدامهم بسرعه ودخل خلع قميصه وحدفه بكل قوته علي الكرسي بغل
ياسمين دخلت جري وراه وبتلعب في صوابع ايدها من التوتر: نور انا عارفه اني كنت لازم اخد رايك الاول بس لما تعرف الي حصلها هتعذرني الفت بنت الشغاله ضربتها وفتحت شفتها ورمتها بالبيجامه في الشارع
نور لف وبصلها: وانتي عشان كدا ضعفتي
ياسمين نزلت راسها للارض وساكته تماما
نور اتنهد بصوت مقهور: ضعفتي بطيبتك وحنانك لحل مشاكلها
ياسمين مسكته من دراعه وعيونها دمعو: انا اسفه بجد بس ذات حالتها صعبه وتحزن وانا اتحطيت قدام امر مبقتش عارفه اخرج منه بحكم انها صديقتي وليها فضل عليا من وقفوها معايا لعمليه بابا وخلينا نعتبر الي هنعمله معاها اننا بنقدم صدقه
نور مسح ع دراعتها لما شاف رفضها من الوضع وده بان في لمعه عيونها: ياسمين وبقول ده من قلبي انا مش عاجبني وجودها معانا لانه بجد بيزعجني ومقدرش ادريه وشايفها استغلاليه ومتطفله وياريت متزعليش بس انا رافض وجود شخص ثالث معانا ورافض يعيش وسطينا المسأله مش حياه او موت عشان اقبل بوضع مش عجبني وعشان اوضحلك اكتر انا من يوم مارجعت من بلاد برا وانا رافض اعيش مع ابويا لاني اتعودت اعيش لوحدي عشان اخد راحتي لكن جه شخص غريب وهيقل راحتي
ياسمين نزلت راسها في الارض بحزن ونزلت منها دمعه: نور انا اسفه بجد لاني ضايقتك وزعلتك وتصرفي هيقل راحتك
نور اتنهد ومسحلها دمعتها: ياسمين مينفعش تعيطي قدامي كدا خلاص انسي كلامي انا مش قصدي اتخانق معاكي عشان حد تاني وخصا الي اسمها ذات وندعي ان الحال يتغير ومتبقاش هنا كتير
ياسمين بصوت ضعيف: فاهمه ومتشكره يانور
نوررفع دقنها بايده ونبره كلها حب وحنان: انا عشانك مستعد اتحمل بس قوللها اول ما تلاقي مكان تمشي فورا من بيتي وحذريها بلاش تلبس عريان بالشكل ده تاني لان انا مش Open minded للدرجه
ياسمين بطاعه: حاضر
نور لعب في خصله من شعرها: وانتي افرديها وانسي تمام
ياسمين هزت له دماغها: تمام انا هطلع ابلغها ورجعالك
نور هزلها دماغه وهي خرجت تبلغها برسالته,,, اما هو خلع كل هدومه ودخل تحت الدش وافتكر لما باسها ع انها ياسمنته لكن محي الصوره دي بسرعه وافتكر لما محمد ضربه كومه علارض وافتكر لما طلع واتقئ في الشارع وقرر انه هينتقم منها شر انتقام ويردلها كل الي عملته فيه طالما جاتله برجليها لحد عنده !!!!!!
ياسمين خرجت لقتها واقفه قدام البسين بضهرها ندهت عليها: ذات
ذات جريت عليها بقلق: نور قالك ايه وافق ولا هيطردني
ياسمين: وافق تفضلي ومش هيطردك
ذات اتنهدت بسعاده: ريحتيني اول ما شوفت وشه قلت ده هيطردني اشر طرده وطالما وافق ابقي هنا يبقي لسه عنده شويه رحمه بحالتي
ياسمين: بس زي ما قلتي اول ما تلاقي مكان تاني بلغيني بسرعه
ذات: قوليها بصراحه ان نور طلب منك امشي بسرعه انا فاهمه ومش زعلانه وكفايه انك سمحتيلي اجي حتي لحد ما اوصل لحل وكتر خيرك
ياسمين ابتسمت في وشها لكن البسمه فيها نوع من القلق وسابتها وراحت تشوف نور لقته في الحمام راحت غيرت هدومها ورشت برفانها وانتظرته لحد ما يخرج لانه وحشها حضنه وحنيته اوي
………قصص منه محمد كاتب…………
الصبح ع وجبه الفطور الي بتحضره عزه بنفس مفتوحه
ذات قربت عليها متشيكه جدا وبصت للسفره وقالت: طبعا نور مش هيفطر معانا
عزه كشرت: لاء هيفطر
ذات: امال ليه الفطار ع اد اتنين
عزه: لاء بصي كويس ده فطار الباشمهندس نور اسم الله عليه ودي وجبته المفضله للفطار وانا حضرتهاله بنفسي وده الطبق التاني للست ياسمين القمر اما انتي فمفيش(وضحكت بعبط)
ذات: اه فهمت انتي عشان مش متعوده اني اكون موجوده معاهم فمحطتيش
عزه: بالظبط كدا
ذات: اظاهر عشان تتعودي لازم افضل هنا مده طويله ويمكن تفتكري ومتنسيش
عزه ردت بسرعه: حاضر هجهزلك طبق وأأعدي هنا( بتشاور لـ اخر كرسي في السفره)
ذات: لاء
عزه بفرحه : ايه مش هتفطري
ذات: لا هاكل بس هناك(شاورت ع مكان جنب نور وكدا يبقي هو في النص بينها وبين ياسمين
عزه وقفت لانه مش عجبها طريقتها ولا لهجتها وفرض نفسها
ذات: بسرعه حضريه واقفه مستنيه ايه
عزه مشت وجات من وراها ومثلت انها هتخنقها: في اي اوامر تاني
ذات بعنجهيه: لاء خلصت
نور بيطوي كمام قميصه وبيشد سمسمته من خصل شعرها وبيقولها دي صباح الخير بتاعتي وياسمين بتزقه بمرح وتضحك معاه
ذات قربت عليهم تبدء جو العكننه وحرب الاستنزاف الي رسمتلها تحصل ما بينهم: جود مورننج ياسمين نمتي كويس ليله امبارح
نور بصلها وياسمين استغربت السؤال شويه وبعدين ردت مبتسمه: ايوه نمت كويس
ذات: ونور ياتري عشان انا هنا شاف كابوس
نور بصلها وياسمين اضايقت من طريقتها معاه وبصتله وخافت ليتهور
نوربصوت حاد: عزه
عزه اتفزعت من صوته: ايوه
نور بنفس النبره: عايز القهوه كالعاده (بصلها ) بس دوبل النهارده
عزه كتمت ضحكتها: من عنيا
ذات بصتله بتحدي وهو بصلها بقرفه وحط ايده الاتنين في جيوبه ومشي ووراه عزه بتجري
ياسمين فضلت واقفه قلقانه من الي بيحصل وذات شدتها من ايدها: ياسمين يله احنا نفطر لاني جعانه اوي
هي وياسمين اتحركوا للسفره لقوا نور قاعد في مكانه بيشرب قهوته لكن وشه مكفهر
ذات كأنها صاحبه البيت وبتوزع الادوار سحبت كرسي لياسمين: اقعدي انتي الاول(وراحت قعدت جنبه
نور حط الفنجان ونطق في حزم: ليه قاعده هنا
ذات ربعت ايدها ببرود: انت هتقعدني فين
نور لف بسرعه لياسمين بمعني عجبك الوضع ده وهي بدئت بالفعل تتزمر من اسلوبها وكلامها ولهجتها معاه ونور رجع بص لذات بنظره هشيلك حالا ارميكي برا
ياسمين حبت تسحب التوتر ابتسمت بالغصب وسالتها: ذات نمتي كويس ليله امبارح الاوضه مريحه
ذات لعبت في شعرها وحبت تنرفزه : جدا السرير مريح والاوضه روعه وريحتها جميله ولو مش مراعيه نور كنت فضلت معاكم بشكل دايم
ياسمين خافت من عصبيته وملامحها اتاخدت وعزه برقت وفتحت بؤها ولا المفاره
نور بحده: ولا تفكري تفضلي هنا بشكل دايم _ نقر لها بصوابعه ع السفره_ لاقي مكان بسرعه وامشي
ياسمين انا مش هاكل (وقف وزق الكرسي) انا رايح الشغل نفسي اتسددت
ذات ابتسمت بصفار وهي بتاكل : اطمن مش هفضل هنا كتير لحد يجي يحضني
نور وقف مكانه وياسمين كأن عقربه لدعتها وعزه لطمت خدها
ذات بصت لياسمين وبخبث: خايفه لتتلغبط بيني وبين ياسمين
ياسمين جسمها انتفض من الغيره ورفعت راسها وبصتله بنظره انه اتلغبط بينهم فعلا
نورعيونه مركزه عليها بغل وقال بنفعال : عزه
عزه اتفزعت ولسه ايدها ع خدها: ها
نور زادت حدته بدرجة كبيرة: اتصلي بأمي خليها تبعتلي سيدي سوره البقره هشغله عشان اطرد الشيطان

ذات بعد وجبه الفطور طلبت من ياسمين تاخدها في سكتها لشغلها في شركه السياحه بعد ما رجعتلها تاني ودخلت معاها لكن واقفه عقلها مشغول بالكلام الي قالته انه نور حضنها
ذات خلصت تلفون وبصتلها وابتسمت: شكرا يا ياسمين ع التوصيله
ياسمين بتكشيره : مفيش مشكله انا كدا كدا ده طريقي للاذاعه
ذات: هو الافضل لو الي وصلني المره الجايه نور اصل شركته قريبه من الشغل ومش هتضطري تاخدي لفه طويله
ياسمين بغيره : مفيش داعي نضايق نور انا هوصلك كل يوم بنفسي ولو الافضل تركبي تاكسي يوصلك
ذات عقدت حواجبها: ياسمين انتي فيه حاجه مضيقاكي ولا انتي مضايقه ان نور حضني
ياسمين وشها احمر واتغير لللاسوء
ذات: اظن قولت لك عمل كدا لانه فكرني انتي ولو عارف انه انا مستحيل كان قرب مني لان انتي عارفه هو بيشمئز مني وانا اول ما القي مكان همشي من عندك ع طول شفتي قال ايه هيشغل سوره البقره يطرد الشيطان الي هو انا طبعا وجرحني اوي ومفكرش في مشاعري
ياسمين: ممكن تهدي وقريب هنلاقي مكان وتعيشي فيه براحتك انا ماشيه عندي اجتماع قبل الحلقه
ذات ببتسامه مصطنعه لكن للمتابعين سمجه: تمام واخلص واشوفك في مكتبك عشان نرجع سوي منا خايفه ارجع القيه شايلني رميني من البلكونه وعشان اوفر اجره التاكسي
ياسمين بضيق: طيب اشوفك
ياسمين مشت خطوه وبطئت حركتها وغمضت عيونها واخدت نفس بضيق للوضع كله
………قصص منه محمد كاتب………
في الشركه
معتز خبطه ع ضهره: حظك زفت ذات مستحيل تبعد عن ياسمين ولا بالطبل البلدي
رفعت بصله واتحرك بجسمه بنرف*زه
معتز رفع ايده لفوق : اسف يا عمي عن كلامي
نوربحزم: انا مش هسمح بكدا وانا مش هخليها تطيق تقعد في البيت
رفعت: انت من المفروض كنت رفضت انها اصلا تيجي وتقعد عندك في بيتك
نور شبك ايده الاتنين ع تربيزه الاجتماع: لو كان بيتي لوحدي كنت طردتها بدون ما اتردد لكن ياسمين قررت وبحكم انه بيتها مرضتش احرجها
رفعت بحده: خلاص لو تقدر مشيها لمكان تاني
نور: دي معندهاش دم هترفض تمشي
معتز دفع جسمه لقدام: قصدك انها مصره تفضل عندك انت
نور هزله دماغه بحزن وغيظ
رفعت: خلاص خليها عشان خاطر انت وافقت ع كلام ياسمين و ادتها كلمه ومش حلوه ترجع في كلامك ومراتك تزعل لكن لو البنت دي فضلت مصممه تفضل قاعده في بيتك انا هاجي بنفسي اخدها لبيتي_ ودخل في موجة من الضحك الهستيري ) وضامن انها مش هتقعد ثانيه نورهان هترفع عليها الشبشب وتخاف وتهرب
معتزضحك معاه: عليا النعمه كلامك عنب ياعمي وخطه ذكيه وانت راجل عسليه
رفعت: والنبي انت الي عيل عسليه لكن فيه وحط تحت لكن الف خط (وبتحذير) اياك وهي عندك تتورط معاها وتسحبك لشباكها
نوربزهق: ايه يا بابا الي بتقوله ده انا مش طايق ابص في وشها اتورطت معاها وبعدين ذات دي لو اخر ست علارض مستحيل اقرب منها اطمن
رفعت حط رجل فوق التانيه واطمن ومعتز ضرب ع كتفه كتشجيع ونور عيونه قلبت للغض*ب!!!!!
……….قصص منه محمد كاتب………
في العربيه سايقه لكن سرحانه في الكلام الي حصل ع الفطار
=انا رايح الشغل نفسي اتسددت
=مش هفضل هنا كتير لحد يجي يحضني
وهي سرحانه وقفت مره واحده دخل فيها تاكسي من وري وقعلها اكصدام العربيه
ياسمين نزلت وبنفعال: انت ازاي بتسوق
السواق: انتي الي وقفتي فجأه من غير ما تدي اشاره
ياسمين اتعصبت عليه: وانت لازق فيا ليه المفروض تعمل مسافه امان مش تخبطني كدا
السواق بهمجيه: انتي الي شكلك مبتدئه واتحملي المسؤليه
ياسمين شافته بيركب عربيته زعقتله: انت رايح فين تخبط وتهرب
العربيات بدئت تزمر وياسمين فضلت تعتذر كتير للناس لغايه ما زهقت ومش عارفه تعمل ايه او تتصرف ازاي
في نفس اللحظه محمد جاي راكب موتسكل واحد صحبه وشافها : اقف هنا بسرعه بسرعه
محمد رحلها: مدام ياسمين ايه الي حصل
ياسمين بتوتر: السواق الحمار خبط عربيتي وملحقتش اخد النمر
محمد: اهدي بسيطه انا هنظم الطريق لحد ما تحركيها ع جنب
ياسمين: وهي هتتحرك عادي
محمد ضحك: ايوه عادي ده اللاكصدام الي اتحطم وانا هفتح السكه واجبهولك
ياسمين: انا متشكره اوي بجد
محمد: مفهاش حاجه اركني ع جنب وادخلي الكافيه ده وانا هجيلك يله الناس هتنزل تض*ربنا
ياسمين حركت العربيه ومحمد وقف في نص الشارع وفتح سكه للعربيات تعدي لانها بتزمر بطريقه غبيه وعملت زحمه وفوضي كبيره
ياسمين بعد ما ركنت نزلت ودخلت الكافيه وأأعدت: انا بجد متشكره لو مكنتش موجود مكنتش عارفه ممكن اعمل ايه
محمد: مفيش مشكله الحمد لله جات بسيطه ومش هتتكلف كتير
ياسمين بمرح وألش: نور بقي يتحمل وياخدها للميكانيكي مش هو صمم اسوق عربيه يبقي يتحمل
محمد ضحك اوي ع اسلوبها الجميل : اشربي بس العصير وشك اتخطف
ياسمين شربت شويه وبصتله بهتمام: طمني عليك عامل ايه حاليا
محمد اتنهد بصوت عالي وقال: الحمد لله بخير بجد حاليا بخير بقيت كويس وروحت عشت في بيت ابويا في قريه بسيطه وهزرع الارض وده هيساعدني القي نفسي واستردها
ياسمين بسعاده من القلب: بجد والله انا مبسوطه خالص عشانك وانك مستسلمتش لان حياتنا مكمله ولو وقعنا نقف من اول وجديد وانا هشجعك وهشتري منك
محمد: الحقيقه انا لسه مبدئتش ولسه عاطل بس قولت احاول اعدل من منظري قدامك
ياسمين وشها اتغير وزعلت جدا
محمد شرب من كاس العصير وضحك بخفيف : ياسمين متزعليش كدا عشاني
ياسمين مسكت خدودها وابتسمت: هو انا واضح ع شكلي للدرجادي
محمد بنص ابتسامه: جدا
ياسمين: ع العموم لو احتجت اي مساعده انا موجوده قولي فورا متترددش
محمد بمتنان: الف شكر طبعا عرفتي بالي حصل بيني وبين صديقتك
ياسمين: ايوه وهي كمان بتبدء حياه جديده ووجهتها مشاكل وهي قاعده معايا
محمد رفع كف ايده: ثانيه واحده هي ذات معاكي ومفيش مشاكل مع جوزك
ياسمين: لاء نور بيخاف ع زعلي واتفهم لظروفها ووافق
محمد: واضح انه بيحبك اوي
ياسمين: ذات عندها مشاكل ومالهاش مكان تفضل فيه ومقدرش اسيبها في الشارع وهي قالت مش هتفضل معايا كتير
محمد: ولو فضلت فكرتي هتعملي ايه
ياسمين: لاء مفكرتش بس اكيد هي بتفهم في الاصول ومش هتفضل وانت ابقي تعال زورنا في بيتنا انا ونور وتشوفها يمكن المشاعر الي بينكم متموتش وتحيا من تاني ولما تشوفك تحنلك
محمد بصلها وفي سره: ياسمين انتي ازاي كدا بتحطي النار جنب البنزين لحد ما تحرقك
…………قصص منه محمد كاتب……………
ياسمين بعد ما خلصت الراديو راحت لنور الشركه عشان يوصلها وطبعا طول الطريق يألش عليها
نور نزل ونزلها معاه وضحك: ع فكره الميكانيكي قال ان عربيتك هتتصلح كمان اسبوع حلو
ياسمين: حلو
نور لعب حواجبه : ده حلو اوي كدا بقي انا الي هوصلك سبعه ايام بس كل شئ بمقابل ودول سبعه ايام يعني المقابل هيبقي كبير
ياسمين خب*طته ع كتفه: هو انت ع طول تنتهز اي فرصه وتفكر في الانحراف
نور بأجمل ابتسامه :انت دماغك راحت فين انتي عارفه ايه هو المقابل يا من*حرفه
ياسمين وشها احمر:طبعا عارفه وبطل تكسفني
نور شدها من وسطها لحضنه وغمزها:طب ممكن العب معاكي
ياسمين بتزق فيه: يا نهاري احنا في الشارع
نوربألش: وانا بيهمني انا بعبر عن حبي في اي حته يابنتي ده مبدء
ياسمين بتريقه ودلع : بطل وقاحه وسبني لض*ربك
نور يميل عليها وينغشها: موافق اض*ربيني ببوسه ع بؤي مش هعيط
نور خطفها ع سهوه وبسرعه سحب شفايفها وياسمين فصلت البوسه وزقته جامد
اثناء هزارهم ذات كانت وصلت وفي تاكسي بعد ما راحت سألت عنها وعرفت انها مشت من غيرها وشافتها بتهزر مع نور نار الغيره والحقد شعللت وصرخ*ت بغل: يااااسمين
نور اضايق وكشر وساب وسط ياسمين وقالها: انا داخل جوه وحصليني بسرعه
ذات داخله بندفاع وهجوم: انا مش قولتلك هنرجع مع بعض ليه مشيتي قبلي عارفه انا تعبت اد ايه عشان القي تاكسي في الوقت ده
ياسمين: خدي نفس واسمعـ
ذات قطعتها بصريخ: وده الي كنتي بتقوليلي انك صديقتي
ياسمين شخطت فيها: ممكن تفصلي شويه وتسمعيني الاول انا نسيتك اصـ
ذات قطعتها تاني بهجوم اشد:نسيتيني ليه هو انا هواء ليه الكل بينساني كأني مش موجوده
ياسمين بزهق: يابنتي ليه بتظني كدا العربيه وقـ
ذات قطعتها: مش هسمع عذرك في النهايه نستيني طبعا عندك زوج وانا ولا حاجه لو حنان مقلتليش كنت فضلت ملطوعه للمغرب بستناكي ولا انتي مخططه انام هناك
نور لهنا ومقدرش يتحمل وطلعلها بعن*ف وغضب: انتي بتكلميها كدا ليه ماتغوري وتحلي عننا وتروحي في اي داهيه
ياسمين وقفت تمنعه عنها: نور خلاص
نور زعق بقوه: خلاص ليه انتي شغاله عندها وكأنك لطعتيها في النار ايه يعني استنتك خمس او عشر دقايق وكأنها ماتت وبقولهالك تاني صديقتك دي اانانيه وانتهازيه
ذات وسعت عيونها فيه وبحمقه ردت عليه : انت زودتها اوي وكدا كتير
نور بصلها بحتقار: بالعكس ده قليل عليكي واياكي تكلمي مراتي بالشكل ده تاني وتحسسيها انها شغاله عندك لاني مراتي مش خدامه وكتر خيرها اوي انها سمحتلك تقعدي في بيتها مش فرض عليها كمان تجيبك وتوديكي لان ده كتير
ذات بنرفزه : انا مش انانيه ولا انتهازيه انا بشرح
نور قطعها بعصبيه وبصوت عالي: ولا تشرحي ولا عايز اسمع
ذات صرخ*ت فيه : ليه مش عايز تسمع
نور فضل يزق فيها ع برا: امشي من بيتي اخرجي مش طايق اشوفك
ياسمين بنظرات كلها رجاء: عشان خاطري اهدي يانور_لفتلها بغضب_ وانتي كمان بطلي تقفي قصاده
ذات حدفت ايدها: قصدك ايه ان انا عايزه اتخانق معاه اظن هو الي بدء
نور بغض*ب اشد: انت يا بت متعليش صوتك ع ياسمين سامعه
ذات صرخت فيه: انت الي متعليش صوتك وانا مش بت انا ذات سامع
ياسمين صرخت فيهم: خلااااص كفاااايه_زقتها_ وانتي اطلعي فوق يله
نور مسح شعره ووشه بعنف : يوم اسود لما شوفتك وعرفتك
ذات وقفت في الطرقه وبعصبيه وزعيق : ايه الغلط الي عملته ليه متحامل عليا كدا
ياسمين بعصبيه وضيق: نور مش بيتحامل ع حد يا ذات
عزه نزلت وسالتهم: هو ايه الي حصل
نور بصرامه :ياسمين لو فضلت صحبتك بتصرفاتها دي واتكلمت معاكي او معايا تاني بالشكل ده هطردها ومتفكريش تعتبي خطوه واحده وتحطي رجلك في البت ده
ياسمين بتمسد ع صدره: نور ممكن تهدي شويه من فضلك
ذات بصتلو بنظرات تستفزه
نوربنبرة مخيفة: انا جعان عايز اكل
ياسمين بصتلها: يله ناكل
نور كتف ايده حوالين صدره وبحده: لاء انا وانتي وبس ومفيش حد تاني تروح تاكل في اي حته
عزه: يعني احضر لـ اتنين
نور: ايوه ياعزه اتنين وبس مفهوم
عزه بفرحه مستخبيه: اوامرك يا باشمهندس
نور: يله شهلي جهزي السفره
عزه: حاضر حاضر هشهل اهو
نور شد ايد ياسمين وياسمين بصتلها واتحركت معاه و غادرو المكان ..
ذات فضلت عيونها متبعاهم لحد ما اختفوا عنها ورمت الشنطه علارض وبتوعد وحقد : اصبر عليا ونشوف يانور هفوز عليك وهبقي احسن من كدا واحسن من الكل

علي السفره نور قعد وبياكل بكل حواسه
ياسمين حركت ايدها في توتر وقالت بتردد : نور
نور ض*رب على تربيزه السفره بحده لانه عارف هتطلب منه ايه: انا مش هتشارك مع صحبتك ع السفره
ياسمين لفت وبصتلها: عزه
عزه: ايوه يا ست ياسمين
ياسمين: ممكن تجهزي طبق لذات وتطلعهولها
نور بنبره كلها حزم واصرار: لاء ياعزه انا جعان وهاكل الاكل كله ولما اخلص صاحبتك تبقي تاكل الي هيتبقي مني ( وبأمر لعزه) اياك تأكليها
عزه هزت له دماغها وفرحانه انه عمل كدا لانها بتكره ذات كره العمي ونور خلص الغداء ودخل مكتبه خلص شغله وطلع عشان ينام شويه لقاه ياسمين قاعده مستنياه في السرير راح رفع الغطا وبصلها بزعل ولف ضهره ليها وحط راسه ع المخده وياسمين قربت وحضنته من ضهره ودفنت وشها في رقبته ونور مبتسم انها بتصلحه زي الاطفال
ياسمين بصوت حنين: انا اسفه عشان خليتك زهقان بس اوعدك القي حل وسريع وهصلح الي عملته
نور قام وبصلها: الي عاوز يتصلح هو انتي
ياسمين فتحت عيونها و بدهشة: انا
نورشاور عليها بالسبابه : ايوه لازم تبعديها عنك قد ما يقدرك ربنا لانها هتزعلك اوي وهتوترك انا مش عارف انتي ازاي باقيه عليها المفروض تقطعي علاقتك بيها وارتاحي
ياسمين بتكابر رغم مقتنعه بكلامه: بس ذات مش وحشه اوي كدا
نور نفخ بغض*ب وسحب الغطا: لاء انا انام قبل ما اض*ربك
ياسمين شدت اللحاف منه: طب طب خلاص هاخد بالي,, حاضر ومش هجيب مشاكل لنفسي وصدقني انا زيك مش عايزها وعشان كدا هلقلها مكان بسرعه عشان ناخد راحتنا وانت كمان تبطل تتعصب
نور ضحك ع اسلوبها الطفولي الي بتراضيه بيه وقال: والله العظيم البت ذات دي محظوظه لان عندها ياسمينا جميله زيك
ياسمين ابتسمت له بنعومة : انا كمان محظوظه عشان عندي زوج زيك يظهر امي دعيالي في ليله القدر
نور عضها من خدها برفق: انتي لسانك بينقط شهد بس انا عايز اجرب مناطق تانيه واشوف حلوه زي لسانك
ياسمين ضربته على كتفه بخفة و وضحكت: ياخرابي عليك بتنط في الانحراف ليه
نور ضحك وفضل يدغدغ فيها : لان انا بحب الانحراف
………………قصص منه محمد كاتب……………
عمته جايه مقربه عليه: كفايه هتاكل الطبق
بصلها وابتسم وكمل اخر اكله
عمته أأعدت قصاده وبفرحة صادقة: بس تعرف انا مبسوطه انك اخيرا اكلت وجبتلك الحلو كمان
محمد: الف شكر ياعمتي بتطبخي اكل حلو اوي ووحشني الحلو كمان
عمته: اه يا اونطجي ده اكل بسيط وعادي يعني بلاش تجاملني
محمد: عارفه برغم انه اكل بسيط بس له طعم تاني احلي من الكفيار والسيمون فيميه
عمته ببتسامه: يابني كلها نعم ربنا الجميله المهم راحت البال والرضا
محمد: عارفه انا مبسوط انك جيتي تزوريني مفيش حد بيزورني غير الديانه والي عايز يحجز ع البيت وياخد كل الي حالتي
عمته طبطب ع ايده بحنان: ياسلام ومين لما كنت بقع في مشاكل كان بيقف جنبي انت الوحيد بعد ابوك الله يرحمه عمره ما سبني ولا اتخلي عني ومش عشان لقمه عملتهالك كدا يبقي سددت ديني ليك
محمد: انتي روحي ياعمتي يمكن كرهت اني فلست بس برجع واقول يمكن ده كويس عشان يخليني اعرف قيمه القرش الي هكسبه من عرق جبيني واحافظ عليه زي اكلك النهارده البدنجان والسمك المقلي والمخلل دول ليهم قيمه كبيره
عمته ضحكت اوي وهو ضحك معاها بقهقه وتابع كلامه: والحمد لله الارضي كبيره والمبلغ الي بعت بيه جزء منها هيقويني ابدء من تاني
عمته بتشجيع: ايوه ازرع زي ما ابوك بدء مش عيب يا ضنايا وانا معاك ونأجر فلاحين ونفتح بيوت ونعمر الارض وصدقني الخير هيبقي في ايدك يما وبكره تقول عمتي قالت
محمد رفع عيونه للسما : عارفه بحمد ربنا ان البيت والارض بتوع ابويا لسه مكتوبين بأسمك ورغم انه قديم بس له قيمه كبيره ولمني من الشوارع سبحان الله كنت بشوفه ولا حاجه لكن سبحانه ببدء فيه حياه جديده
عمته: وانا مبسوطه وسعيده عشانك انك عرفت قيمه القرش وهتحافظ عليه وبجد مبسوط بيك
محمد رفع كاس البيببسي بمرح: في صحه السمك المقلي
عمته قلدته بضحكه: في صحه السمك المقلي الي بصصلي ومبرقلي
………….قصص منه محمد كاتب……….
محمد الكاشف راح المطعم عنده عمته ودخل هو وواحد شريكه في زراعه الارض ودخل قرب من التربيزه الي عليها اصناف تختار منها
محمد لصاحبه: اجرب ايه الاول
صديقه: ده شكله حلو ولو عجبنا نطلب منه
محمد شد طبق وحط فيه وبدء ياكل ومره واحده تف الاكل في منديل وناول منديل تاني لصاحبه
محمد بقرفه: ايه ده يتاكل ازاي ده ،،ده حادق اوي
صاحبه قفل ملامحه بشمئزاز: هضيع طعمه الوحش ده ازاي هروح ادور ع ميه ولا عصير باست حتي
محمد نداه عليها: انسه
ضحي كانت بتتكلم مع زميلتها لفت وبصتله بحكم انها المسؤله عن الاصناف وشاورتله ع نفسها
محمد: ايوه انتي تعرفي مين الي عمل الصنف ده
ضحي عدلت النضاره: وبتسأل ليه
محمد: عشان عايز اقولك انـ
ضحي قطعته بتحذير: تقولي ايه واياك ثم اياك تغلط انا عارفه انه حادق
محمد رفع حاجب: معني كدا اني غيري اشتكي
ضحي مدت بوزها قدام: اطلاقا انت الوحيد الي اشتكيت محدش اشتكي ولا بكا لانه الاكل بالمجان فلو حطينا ايه هياكلوه ,,وبياكلوه مع كلمه شكر
محمد: شوفي انا بكلمك بلطف وبحسن نيه ليه تتريقي ولا انتي الي عملاه بنفسك بس انتي عشان طفله معذوره الاطفال معندهمش صبر الايام دي
ضحي اتكلمت بعصبية : ممكن تسكت
محمد ابتسم و قال ببساطة: شوفتي مش قادره تتقبلي النقد من حد وافردي وشك انا ماشي اصلا
ضحي ضيقت عيونها بغيظ وبهمس: اه يابن الكاشف بقي انا طفله اهو انت الي عيل وفاشل
محمد لف وبصلها لقاها بتاكل من الاكل وبتتمعن فيه جدا وكأنها بتغيظه وهو مد لسانه وفضل يمسحه بالمنديل ورئكشانات وشه كلها قرفانه
……….قصص منه محمد كاتب………….
ياسمين بتصحك عليها: تستهلي اكتر من كدا
ضحي رمشت كذا مره بدهشه: ليه بتقولي كدا يا ياسمين مش انا اختك المفروض تواسيني مش تزعليني اكتر
ياسمين مبتسمه: المفروض بس عشان رديتي ع محمد كدا بقولك تستهلي
ضحي: ياسمين انتي سامعه بتقولي ايه وهو لو مكنش اتصرف بتسلط كنت اتحملت كلامه انا مش خدامه عنده الفاشل
ياسمين: ممكن تبطلي شكاوي القهاوي عشان انا لازم اروح الشغل ولما ارجع هتصل بيكي اسمع شكوتك بتركيز ودلوقت سمي بالله وركزي في الشغل وفكري يمكن كلام محمد مظبوط والاكل محتاج تعديل باي يا موزتي
ضحي: استني متقفليش (بصت للفون ونفخت بزهق) قفلت
ضحي حطت ايدها في وسطها وبصتله بغ*يظ وهو رفع عيونه وبصلها وابتسم
……….قصص منه محمد كاتب………..
في المطبخ
ياسمين بصوت عالي: عزه متحضريش الفطار نور عنده اجتماع عشان كدا لازم نتحرك معلش تفتحيله البوابه
عزه: حاضر ( بتردد) ست ياسمين
ياسمين رجعتلها : نعم يا عزه
عزه بتردد وخوف: ليله امبارح (كانت هتقولها انها شافت ذات بقميص نوم ع*ريان وكانت واقفه بيه في المطبخ)
ذات نزلت وقطعت كلامها: صباح الخير
ياسمين: صاحيه بدري يعني ولابسه كمان رايحه فين
ذات: هيكون فين الشغل طبعا عندنا رحلات بالجمله اليوم بس جعانه فيه حاجه اكلها
ياسمين: عزه ممكن تحضري الفطار لذات
عزه ع مضض: طيب
ياسمين: اه صح كان فيه ايه ليله امبارح
عزه بصتلها وخافت: ها ولا حاجه خلاص هروح افتحلكم البوابه
ذات: ياسمين انا اسفه عرفت من عزه انك عملتي حادثه _ لفتها ومثلت الخوف_ انتي بخير اتأذيتي في مكان
ياسمين: لا ء الحمد لله كانت بسيطه
ذات وسعت ابتسامتها الخ*بيثة: كويس انك بخير لو عرفت ان عربيتك اتخبطت مكنتش كلمتك كدا ابدا بس الي ميعرفش مش مذنب صح وانتي مش زعلانه مني
ياسمين: لاء مش زعلانه
ذات: بس نورلسه متعصب مني
ياسمين بشويه حزم : انتي ليكي انا خلي نور بعيد وياريت متتكلميش معاه خالص لان لو الموقف صغير هيكبر
ذات: هو الي هزقني الاول لكن ماشي هبعد ومش هشتكي ولا اقول كلمه ليطردني (ابتسمت بسماجه) ممكن اكل التفاحه دي
ياسمين: براحتك طبعا
نور جايلها وحاطط جاكت البدله ع كتفه : سمسمتي جاهزه انا جاهز يله
نور دخل وشافها وقف مكانه وهي قطمت التفاحه بطريقه كلها اغواء وياسمين بصتله وبصتلها والشك بدء يتسرب ويملا قلبها
نور: هستناكي في العربيه متتأخريش
ياسمين: جايه وراك
ذات: ياسمين ممكن اركب معاكم واوعدك مش هقول كلمه هقعد ساكته ولا هشتكي ولا اتزمر
ياسمين سكتت وخايفه من رد فعل نور
ذات: معيش فلوس والتاكسي بياخد يما واحنا في نهايه الشهر والمرتب خلص ممكن توصلوني معاكم
ياسمين بوزت وردت بستسلام: طيب
ذات ابتسمت بفرحه: متشكره اوي
طلعت ياسمين قبلها وركبت جنب نور الي ابتسملها لكن ابتسامته اختفت لما لقاها فتحت الباب وقعدت وري
نوربلهجه صارمه : انزلي
البارت الحادي عشر تكمله البارت قبل ماتقري شريط برشام بندول وحله شاي تحسبا للضغط
قصص منه محمد كاتب
ياسمين ردت بسرعه : نور هنوصلها في طريقنا اناسمحتلها
نور ضغط ع الدركسيون وبيحاول يضغط ع اعصابه قبل ما ينفجر فيها: المره الجايه تقوليلي الاول متتصرفيش من دماغك لاني مبحبش ابقي في العربيه مع ناس بكرهم والوضع مش هيبقي مريح بالنسبه لي
ياسمين: خلاص اتحرك بسرعه اتأخرت ع الاجتماع
نور لف وبصلها بغيظ: ورحمه امي انتي ربنا نجدك مني لاني مستعجل ولا كنت رميتك برا العربيه
ياسمين لفت وبصتلها بمعلش وذات رسمت دور الانكسار وسكتت !!!!
نور رجع شعره بعنف لوري واتحرك بسرعه بالعربيه وشويه اخد بريك جامد
ياسمين مسكته بخوف وندمت انها خرجته عن شعوره: نور من فضلك سوق براحه
نور لف بصلها بنظرات حاده ومال وراح بايس ياسمين من خدها بوسه مثيره
ياسمين اتكسفت وبعدته: نور بتعمل ايه
نور غمزها وع شفايفه ابتسامة كبيرة: ركزي ع الشاشه
ياسمين ابتسمتلوا ونزلت بمشيه مستعجلة دخلت وذات الحقد شعلل لـ اقصي درجه
نور بدون ما يبصلها نطق بحقد لانه افتكر لما قالت عنه شوفيرها : انزلي مش هوصلك انا مش الشوفير بتاعك _بصرخه) انزلي
ذات: بس طريقي ع نفس طريقك
نورلف وبصلها بحقد كبير: حتي لو كدا مش هوصلك اخرجي بسرعه
ذات شوحتله بأيديها : مش نازله
نور اتعصب جدا وفك الحزام وخرج ووشه عليه غضب كبير جدا لدرجه وشه احمر واتصبغ بلون الدم وكأنه هينفجر وفتح بابها بغل ونزلها وسحبها سحب من درعها: انزلي
ذات فركت مكان ساحبته القويه وبعناد: لاء مش نازله
نور بغ*ضب منها: يا وق*حه بقولك انزلي
ذات التفتت عليه وبحده : وانا قلت لاء
نور: لاء طيب _وسحبها وبيشد بقس*وة ونزلها غصب
ذات صرخت فيه وهي بتبعد ايده عنها وبتزعقله: سببببني
نور بحده وضغط على ايدها: اياك تعلي صوتك وتقفي قصادي لاني هفرمك عايزه تعملي ايه النهارده فهميني
ذات بحده مماثله: انا مش بحاول اعمل حاجه انت الي عملت المشكله
نور شدها له وص*رخ فيها: مفكره نفسك حدقه وذكيه وانتي واحده غبيه
ذات دفعته عنها بوقاحه وعجرفه : انا احسن منك
نور بنفعال: اخ*رسي وانا مش هطردك من العربيه انا هطردك من البيت
ذات: هفضل لان ياسمين موافقه افضل
نور بتحدي: وانا مش هسيبك تفضلي
ذات بصوت اعلى : غصب عنك هفضل
نوراتك على سنانه بغل وهجم عليها وبيص*رخ زي المجنون: وانا مسيري ح*قتلك وفرجيني هتقدري ازاي تحمي نفسك من شري
ياسمين نزلتلهم جري لما بلغتها حنان ان نور بيتهجم علي ذات في الشارع وراحت فكتهم عن بعض وسحبته لبعيد قبل ما تحصل مصيبه : نور سيبها كدا قدام المكتب بتض*ربها وكله هيشوفكم
نور بص لياسمين ومد بخطواته السريعه: انا ماشي
ياسمين بعصبيه: عملتيله ايه خلاه غضب كدا
ذات: معملتلوش حاجه هو مصمم يتخانق معايا وطردني من العربيه ومش كدا وبس اتهمني اني بحاول انتصر عليه
ياسمين بتهكم: وانتي بتحاولي تنتصري عليه
ذات: قصدك ايه
ياسمين: اسألي نفسك وبعديها جاوبي
ذات: ايوه انا عايزه انتصر عليه هو بيضايقني يا ياسمين وكل ما اعمل حاجه يتخلق منها زي ما يكون بينت*قم من الماضي الي مش عارف ينساه بعترف اني جرحته زمان بس خلاص ده عدي عليه وقت طويل وانا نسيتنه بس هو مش عارف ينسي
ياسمين بصتلها وعيونها زاغت في كل مكان ودماغها عماله تفكر في حاجات كتير
ذات: انا ماشيه سلام
واتحركت وابتسامتها الخبيثه مرسومه ع شفايفها انها خلت الفار يلعب في عبها
………قصص منه محمد كاتب………
ياسمين طلعت المكتب قابلت هبه الي هجمتها: ياسمين انتي فكرتي كويس قبل ما تجيبي ذات عندك في البيت
ياسمين رجعت خصله وراه ودنها: عرفتي ازاي ان ذات عايشه عندي
هبه: حنان قالت لي
المساعد رفع عيونه من ع الجهاز وضحك: طبعا حنان عرفت كل الي في الاذاعه حتي العمال والبياعين الي في الشارع
حنان ضربته في كتفه: مجنون ,,انت وهبه بس الي تعرفوا
هبه بضيق : بصراحه لما سمعت مبقتش مصدقه انك وافقتي تبقي في بيتك اني نعم مش من حقي ادخل بس الي شوفناه نور بيسحبها وبيطردها من العربيه ومن هنا حقي انبهك كأختك الكبيره
ياسمين عيونها رغرغت بدموع محروجه للوضع : هي النهارده الصبح مكنش طرد هو بس سحبها من العربيه وبشكرك ع قلقكك وبالنسبه لي الامر اتحسم ذات مش هتفضل كتير اما بالنسبه لنور انا واثقه فيه اكتر ما بثق في نفسي فمتقلقيش عليا
هبه رفعت كتافها بعدم رضا: براحتك
ياسمين خرجت وبصتلهم بحزن شديد وخرجت
حنان قربت لهبه: هي الهبله دي مسلمه بالامر كدا ليه
هبه: ربنا يستر ويعدي الامر ع خير
حنان: كان نفسي اقولها يابنتي كفايه طيبه بقت في زمنا عيبه
المساعد ضحك ورد عليها: منا هعمل ايه ما هي طيبتي سبب كل الي انا فيه
هبه اتنهدت وبحزم: قفلوه ويله نشوف شغلنا
……………..قصص منه محمد كاتب………
ضحي وصلت بيت ياسمين وجايبه علبتين متغلمين اكل وواحده منهم فيها طعم الي قرف منه محمد الكاشف عقاب لياسمين انها قفلت الخط في وشها
عزه فتحتلها بفرحه: اهلا وسهلا بالقمر الصغنن
ضحي قرصتها من خدها: ازيك ياعزه داهيه تكوني بخير
عزه ضحكتلها: بخيرعشان شوفت القمر العسل بس انتي جايبه ايه؟؟!!
ضحي رفعت العلبه: جيبالك اكل قلت اكيد عزه جعانه اخدلها من اكل الحفله
عزه خطفت العلبه بفرحه وحضنتها: بجد انا بحب اكل الحفلات ده اوي بس التانيه لمين
ضحي بمكر وخبث: لاء دي لياسمين ونور ياكلوا من العك بتاعي اما انتي غاليه عندي اوي
ضحي باست خدها: متشكره ياعسل والنعمه الشريفه بعشقك
ضحي لعبت حواجبها بمرح: تيجي نتجوز في السر
عزه ضحكت: والنبي عسل
ضحي موزعه عيونها في المكان ونطقت بسخريه: امال المزغوده ذات فين!!؟؟
عزه كشرت بقرف ورمت العلبه ع الرخامه: راحت الشغل
ضحي: وياسمين بتنيمها فين المطرقعه
عزه: تحبي تشوفي اوضتها
ضحي ابتسمت ابتسامة واسعة: عيبك قرياني يا وزه
اخدتها وطلعوا لفوق وعزه فتحتلها الباب: تعالي اتفرجي
ضحي قفلت ملامحها بستياء:ايه القرف ده دي اوضه ولا مقلب زب*اله
عزه قلبت شفايفها بقرفه: شوفتي كل يوم الم مكان زبلتها
ضحي: وانتي ليه بتلمي مكانها
عزه: اعمل ايه ادي الله وادي حكمته وحياتك ما عايزه المس قرفها
ضحي بجد مش قادره افهم ياسمين ليه قابله البت دي تفضل هنا
عزه : قدرنا المهم يا ضحي عايزه اقولك ع حاجه مهمه ونفسي انم اوي
ضحي حطت ايدها ع كتفها: نمي بسرعه حد حاشك
عزه: ليله امبارح المطرقعه نزلت تدور ع اكل لان نور بيه صمم الف سيف ماتكلش معاهم والقميص كان عريان اوي ومكشوف تقولي ملابس داخليه والحماله رفيعه ونازله من ع كتافها والحته الي فوق واصله لنص بطنها
ضحي عيونها وسعت بصدمه: ايه
عزه: والله واصله لبطنها اصلهم حتتين وكله عريان ع البحري
ضحي: حد غيرك شافها قصدي نور شافها
عزه: امبارح لاء بس ياعالم الايام الجايه وهي بتعمل كدا عشان تغري الباشمهندس وده يعتبر خيانه لصاحبتها الست الطيبه الي فتحتلها بيتها
اثناء كلامهم جرس الباب ضرب
ضحي بصتلها: مين جايلهم دلوقت
عزه: تعالي نشوف من الشباك
ضحي شدت الستاره وشافته وحطت ايدها ع صدرها وشهقت: ده محمد جوز الملعونه ذات
عزه : ده الي اتفضح مع السكرتيره بس ليه هو جاي هنا
ضحي ابتسمت بمكر ورفعت حاجب:هنزل اشوفه اصلي عايزه اضايقه شويه واعكر مزاجه عندك الي يضيقه ويعكر مزاجه
عزه بنص عين فهمت هتعمل فيه ايه وقالت: عندي يا كارثه
ضحي لبست نضاره كعب كوبايه وبنطلون بيجامه مخطط رجل منه مرفوعه وعملت شعرها ضفرتين منكوشين ونزلتله
ضحي فتحت الباب شويه وبعصبيه: ما براحه بتضرب الجرس كدا ليه ترن ترن ترن ايه
محمد بهدوء: ده بيت الباشمهندس نور وزوجته مدام ياسمين
ياسمين حكت شعرها وعوجت شفايفها: اظن كدا
محمد بهدوء: مدام ياسمين هنا؟؟!!
ضحي بصوت عالي مستفز: عايز منها ايه
محمد خلع النضاره الشمسيه من ع عيونه وسالها: انتي خدامه هنا فتزعقي ليه ما تتكلمي براحه
ضحي شخطت فيه: انت شايفني خدامه
محمد: هو انا شتمتك انتي شكلك وهيئتك هو الي بيوحي بوظفتك هنا
ضحي: ممكن تمشي ياسمين مش هنا وجوزها قرب يوصل
محمد : وذات
ضحي: ها انت عارف ذات كمان
محمد حك رقبته بقرف: ايوه اعرفها
ضحي: وعارف المحروس جوزها
محمد بتنهيده حزينه: اعرفه عز المعرفه ,, بتسألي ليه
ضحي :روح قوله يجي يستردها لانها عاله ومعندهاش دم ولا ذره من الاخلاق ( بهمس) نور وياسمين بيتخانقوا بسببها
محمد: بيتخانقوا( احم) بيتخانقوا ليه
ضحي: عشان,, _سكتت وبصتله جامد_ استني هو انت مفكرني من النمامين وتقوم تجرجرني في الكلام انت مين وعايز ايه عشان ابلغ ياسمين
محمد نفخ بضيق: مفيش داعي ممكن تديني رقم تلفونها
ضحي: انت لو كنت تعرفها كان رقمها معاك ولو مقولتش انت مين اتفضل امشي حالا ومضيعش وقتي
محمد زق الباب قبل ما تقفله في وشه: استني استني انا شوفتك فين قبل كدا وشك مش غريب عليا احنا اتقابلنا قبل كدا
ضحي: ايوه فعلا
محمد بيدقق في ملامحها : فين
ضحي بعصبية وانفعال: في عالم سمسم يله امشي مكان ماجيت
محمد حس انه فضله تكه واعصابه تفلت منه من ته*زقها فيه: انتي خدامه غريبه اوي سبق وحد علمك الادب والذوق
ضحي: الذوق بس انا حالا اعلمهولك
وبسرعه فتحت خرطوم الميه في وشه
محمد فضل ينط لفوق زي المجانين: استني انتي مجنونه يا بنتي
ضحي: انت الي مجنون واهبل وعبيط كمان