رواية خيانة عشق الفصل الرابع عشر 14 بقلم شيماء هاني شحاتة
رواية خيانة عشق الجزء الرابع عشر
رواية خيانة عشق البارت الرابع عشر
رواية خيانة عشق الحلقة الرابعة عشر
حياة “بانهيار” : خلاص يا أبيه أنا هعمل اللي أنتَ تقول عليه وبعدين أغم عليها ولحقها حازم.. شويه وحياة فاقت
حياة “بدموع” : حازم أنا
حازم “بهدوء” : اهدي خالص مفيش أي حاجة.. ممكن تهدي وبلاش تتعبي نفسك.. كل مشكلة وليها حل.. بس أنتِ اهدي خالص
حياة “بتعب” : بس أنتَ زعلان مني و..
” قاطعها حازم ” أنا مش زعلان منك وعمري ما ازعل أبداً.. كانت تتقطع إيدي قبل ما تتمد عليكي وأنا آسف وغلطان وشوفي أي عقاب وأنا..
حياة “بمقاطعة” : أبيه مفيش حاجه لكل ده.. أنا كويسة المهم أنتَ متزعلش منى
حازم “بحب” : عمري يا حياة.. يا بت أنتِ بنتي مش أختي فاهمة وهفضل ليكي اخوكي وابوكي وصحبك وحبيبك وكل حاجة.. ربنا يديني طولت العمر واسلمك لعريسك يا بت
حياة : لأ.. أنا مش عايزة اتجوز عايزة أفضل معاك طول العمر
حازم : لأ مش هينفع البنت ليها إيه غير بيت جوزها
حياة : ليها دراستها وشغلها ومستقبلها يا أخويا
حازم : طب غوري من هنا يا بت.. مش ناقصة شغل عيال هيا ” وضحكوا هما الاتنين “
« من أفضل الأشياء اللي موجودة في حياتنا أن يكون عندنا أخ كبير بس مش مجرد أخ وخلاص لأ.. أخ يحتوي أخته بجد يكون ليها السند..
الأخ الكبير نعمه من عند ربنا.. نعمه كبيرة أوي ربنا يخلي لكل واحدة أخوها الكبير يارب »
🖤🖤🖤🖤🖤🖤🖤
“عند عشق ومنار”
منار “بخبث” : بقولك إيه يا عشق
عشق : نعم يا ماما
منار : ركزي فـ الكلام ده كويس أوي عشان لازم يتم واختك دي هتعمل اللي احنا عايزينة حتى لو غصب عنها
عشق : اوعي تقولي
منار : بنت أمك صحيح… بتفهميني من قبل ما اتكلم
عشق : طب فهميني بقى.. هنعمل إيه
منار”بخبث وحقد” : بُصي
«نعرف بعدين هيا عايزة إيه واكيد انتوا كمان عرفتوا»
♡♡♡♡♡♡♡♡♡♡♡♡
“تاني يوم الصبح حياة اتصلت على أمل”
حياة “بفرحة” : ايواا يا أمل
أمل “بسعادة مماثلة” : إيه يا قمر عاملة إيه
حياة : الحمدلله يا جميل.. أنتِ عامله إيه وحشاني مووت
أمل : نعم يا أختشي وحشاكي ازاي أنا كُنت معاكي يا بت امبارح.. استني كده شكلك مبسوطه هي إيه الحكاية بقاا
“حياة وحكت كل حاجه.. اللي حصل بينها وبين اخوها”
أمل “بغيظ” : بردو عملتي اللي في دماغك
حياة “باستغراب” : عملت إيه
أمل : الكلام اللي في الأول.. بتقولي أنا غلطانة وتكذبي ليه كده
حياة : أمل أنا قلتلك ١٠٠ مرة أنا ممكن اعمل أي حاجة بس حازم ميزعلش مني يا بنتي حازم ابويا مش أخويا..
أنتِ مش عارفه أنا بحب حازم ازاي..
أمل : يا بنتي عرفنا والله انو ابوكي مش اخوكي.. بس بردو عشان كرامتك اللي بسببك راحت في ٦٠ داهيه دي
حياة : بقولك ايه فكك بقى المهم اني مرتاحه وحازم مش زعلان مني مش مهم أي حاجه تاني..
أمل : طيب خلاص سيبك.. مفيش حاجة تاني حصلت
حياة : أبداً والله
“وطبعاً كان في حد واقف بيسمع كلام حياة”
يتبع…
لقراءة الفصل التالي : اضغط هنا
الرواية كاملة اضغط على : (رواية خيانة عشق)
