رواية خيانة عشق الفصل التاسع عشر 19 بقلم شيماء هاني شحاتة
رواية خيانة عشق الجزء التاسع عشر
رواية خيانة عشق البارت التاسع عشر
رواية خيانة عشق الحلقة التاسعة عشر
” بعد ما عشق عرفت هتلعب على مين بعد كده “
” حازم في الفيلا رايح جاي “
حياة : يا ابني ارحمني شوية
حازم : طب أعمل إيه طيب.. اقولها إني بحبها ولا بلاش حياة : أنتَ بتحبها بجد ولا بتضحك على نفسك ولا عايز تثبت لعشق
” حازم بمقاطعة” : أنا مش عايز اثبت لحد حاجة أنا فعلاً بحب حبيبة.. وعايز اعترف لها بس خايف ترفض
حياة : طب هي بتحبك
حازم : كل حاجة بينا اتغيرت طريقة الكلام والأسلوب كل حاجة مش بيعدي يوم غير واحنا بنتكلم فيه بالساعات ده غير إني أعرف عنها كل حاجة وهي كمان.. حياة أنا حاسس إن هي الانسانه اللي هتسعدني وهتكون أم عيالي إن شاء الله
حياة “بفرحة لأخوها أنو خلاص حب وهيتجوز” : يبقى خلاص نعمل حفلة ليكم كده انتوا الاتنين في جو جميل وتعترف
حازم “وهو بيحضن أخته” : بحبك يا حبيبة
حياة “وهي بتـ ضربه على كتفه بهزار” : أنا حياة ياض حازم “بضحك”: طب ما أنا عارف يا قمر
♡♡♡♡♡♡♡♡♡♡♡♡♡
” بعد مرور شهر “
_ عشق بتتجاهل مازن وبتحاول تقرب من هادي
_ حازم خلاص اعترف لحبيبة انو بيحبها وانهم هيكملوا مع بعض خلاص
_ اما حياة ودي بقى شكلها وقعت هي كمان بس (مين..)
==========
” وفي يوم طبعاً والتجمع العائلي «اللي مش بيجي من وراه غير الفلوس» “
منار : ها يا عشق إيه الأخبار.. بقالك شهر مافيش أي حاجة عشق : اهدي بس واطمني.. أنا مع هادي خطوة بخطوة.. يعني بروح المكان اللي ببقى عارفة أن هو رايح فيه على انها صدفة.. واكلمه ونتقابل.. يعني شوية كمان وتبقى الدنيا تمام
منار : طب ومازن
عشق : آه.. صح دا أنا نسيت مازن ده خالص
منار : خلاص فركشي معاه عشان هادي لما يجي يتقدملك يكون الجو فاضي لي
عشق : عندك حق أنا هخلص الموضوع النهاردة
🖤🖤🖤🖤🖤🖤🖤🖤🖤
” بعد ساعتين عشق اتصلت على مازن “
مازن : عشق عاملة إيه
عشق : تمام.. مازن أنا عايزة اشوفك ينفع تيجي البيت مازن : تمام حاضر ساعه وأكون عندك
“وفعلاً ساعة وكان مازن موجود في بيت عشق”
مازن : خير يا عشق
عشق : بصراحة كده يا مازن أنا تعبت
مازن “بإستغراب” : من إيه
عشق : من اللي أنتَ بقيت فيه بصراحة الوضع مش عاجبني.. واحنا لازم نسيب بعض
مازن : نسيب بعض ليه.. أنتِ عارفة اللي حصل وانو مش بأيدي
عشق : وأنا مالي.. أنا كُنت هتجوز واحد غني معاه فلوس يعني خروج وسهر ومجوهرات وو.. أصبح دلوقتي مفيش أي حاجة.. ليه أدفن نفسي وأنا لسه في عز شبابي.. أنتَ دلوقتي أصبحت مش الزوج المناسب ليا ولا لأحلامي وو
” قاطعها مازن ” : أنتِ عمرك ما حبيتي مازن ولا عمرك حبيتي حد ولا هتحبي حد أصلاً.. أنتِ بس حبيتي الفلوس ولما مازن خسر كل حاجة ما بقاش لي لازمه عشان كده كُنتِ بتبعدي عني الفترة اللي فاتت..
” وهنا دخلت منار” : كل شيء قسمة ونصيب يا ابني
مازن “بصلهم بنظرة أرعبتهم وقال” : هيجي يوم وتندموا وسبهم ومشي..
” طبعاً حبيبة سمعت كل الكلام وانها عملت اللي هي عايزاه واتصلت بي.. “
♡🖤♡🖤♡🖤♡🖤♡🖤♡
“بره عند منار وعشق”
عشق : أخيراً.. كده أنا ارتحت
منار : مش دلوقتي هترتاحي أكتر لما دبلة هادي تكون في إيدك..
🖤♡🖤♡🖤♡🖤♡🖤♡🖤
” بعد يومين كانت عشق قالت لهادي انها نهت كل حاجة مع أخوه وانها خلاص بقت وحيدة”
” وفي يوم هادي اتصل على عشق وطلب منها انو يجي البيت عشان موضوع مهم “
” وفعلا تاني يوم بالليل كان هادي موجود “
هادي : بصراحة كده أنا جاي اطلب إيدي الآنسه عشق عشق “بفرحة” : بجد
منار “بهدوء” : بس اخوك و
هادي “بمقاطعة” : أنا ماليش دعوة بي اخويا ولا حتى
بِـ كلام الناس..
أنا بصراحة كُنت مُعجب بعشق من زمان بس كُنت بحاول أبعد عنها وأقول لنفسي انها خلاص هتبقى زوجة أخوك وإني مش هينفع افكر فيها.. حتى مكنتش بخليها تشوفني كتير بس خلاص أخويا شاف حياته وأنا كمان لازم اشوف حياتي مش هسمح لأي حد يضيع مني عشق أبداً..
منار “بخبث” : وأنا واثقة فيك يا ابني إنك هتحافظ على عشق
هادي : خلاص نقرأ الفاتحة دلوقتي والخطوبة آخر الأسبوع لو مناسب
منار : اللي انتم عايزينه
” هادي وهو ينظر لعشق” : إيه رأيك يا عروسة
عشق “بكسوف” : موافقة طبعاً
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خيانة عشق)
