رواية خيانة عائلية الفصل الثاني 2 بقلم هاجر نور الدين
رواية خيانة عائلية الجزء الثاني
رواية خيانة عائلية البارت الثاني
رواية خيانة عائلية الحلقة الثانية
_أخوك بيتبلي عليا عشان وأنا فوق كان عايزني أخونك معاه وأنا قولتله لأ
بصيلها تامر بصدمة وقال:
=إنتي اي اللي إنتي بتقوليه دا وليه مقولتليش كدا أول مانزلتي
كملت ميرڤت في التمثيل والبُكا وقالت:
_مرضتش أقولك ياخويا عشان متحصلش مشاكل بين الأخوات بس أنا حذرته لو فكر يعملها تاني هقولك
إتكلمت والدته اللي كانت بتسمع الحوار وإيديها علي راسها وقالت:
_البت دي كدابة أخوك ميعملش كدا أنا اصلًا قولتلك من الأول البت دي مش عاجباني أهي هتعمل فتنة مابينكم
=بطلي الكلام اللي بتقوليه دا ياماما ميرڤت كويسة وبنت حلال وبدل ماتتكلمي كدا عنها شوفي إبنك اللي عينه من مراتي عشان قسمًا بالله لو شوفته مش هقول عليه يارحمن يارحيم
_إسكت قطع لسانك إياك تفكر تعمل في أخوك حاجة عشان واحدة متسواش وأنا من الأول قايلالك إنها مش تمام ياخويا فوق لنفسك بقي وفتح عينك قبل ما الحرباية دي تخلص علي البيت وتخربه
بصيتلها ميرڤت وهي بتمثل الزعل وجواها غضب مكتوم:
=أنا ياحماتي أعمل كدا هو عشان معنديش أهل وأهلي ماتوا يبقي خلاص أنا مش كويسة مش فاهمة إنتوا جايين عليا كدا ليه بجد
مسك تامر إيديها بغضب وإتكلم:
_كرامة مراتي من كرامتي ياأمي وهي مالهاش قُعاد هنا تاني يلا ياميرڤت علي بيتنا
وبعدين شدها من إيديها وطلع بيها شقتهم
بصت والدته لوالده اللي كان قاعد بهدوء وقالت:
_إنت ساكت ليه ياحج عاجبك اللي بيحصل دا أنا قولتلك متوافقهوش علي الجوازة دي البت دي أنا مش مرتحالها أهي هتقلب الأخوات علي بعض
إتكلم والدهم بهدوء وحكمة إكتسبها من الزمن:
=هو إنتي قولتي لميرڤت تطلع تنشر الغسيل فوق السطح?
_لأ والله ياخويا أنا كنت سايباه في الحمام عشان بعد مانخلص الاكل تطلع ريهام تنشره هي اللي قالت بنشاط وهمة غريبة عليها إنها عايزة تطلع تنشره وخدته وطلعت
=البت دي مش ساهلة خالص بس لازم قبل مانعمل اي حاجة معاها نفتح عيون إبنك اللي معمي دا
_وهنفتح عينه إزاي
=لازم نقعد نتكلم معاه لوحدنا وفي هدوء
_ربنا يستر ياحج
*عند عز وريهام*
إتكلمت ريهام بغيرة وقالت:
_هي كانت عايزة إي منك وإنت فوق ياعز
إتكلمت بهدوء وتعب:
=كانت بتقولي أنها بتحبني وهتطلق من اخويا وتتجوزني
شهقت ريهام ولطمت علي وشها وقالت:
_ينهار إسو*د وإنت قولتلها إي ياعز
=أكيد وقفتها عند حدها يعني ياريهام وزعقتلها
هديت ريهام وقعدت جنبه بعصبية وقالت:
_أنا كنت حاسة من الأول أنها مش هتجبها لـ بر
=دي شيطان علي هيئة بشر
_لازم تفضل بعيد عنها ياعز أنا مش مرتحالها ولا حد عارف هي بتفكر في اي
=إحنا كدا كدا بعيد عنها أنا مش صعبان عليا غير أخويا اللي بيحبها دا
أترددت ريهام وهي بتقول:
_عز..اامم هو أنا تخينه?
بصيتلها بزعل وعرفت إن كلام الحرباية أثر فيها وقال:
=حبيبتي إنتي مش تخينة إنتي زي القمر متسمعيش لكلام آي حد إنتي كيرڤي وحتة مهلبية وقمر كدا
قولت أخر كلمات ليا بإبتسامة بحاول أرجعلها ثقتها بنفسها هي فعلاً زي القمر مش تخينة أوي ودا شكله حلو فيها جدا ولايق عليها بس من كتر كلام مرات أخويا عنها ثقتها في نفسها أتهزت، اليوم عدا تمام جه تاني يوم صحيت وكنت نازل لشغلي بس أستوقفني صوت زعيق بابا مع أخويا ف دخلت أشوف في اي
_في اي يابابا في اي ياتامر صوتكم جايب أخر الدنيا
إتكلم تامر بعصبية وقالي:
=إنت تسكت خالص ماهو كل دا بسببك مش إنت اللي كنت بتتغزل في مراتي وعايزها تخونني معاك ولما رفضت نازل تطعن*ها في شرفها قدامنا كلنا يا..
كمل بسخرية:
=ياأخويا
بصيتله بصدمة وقولت:
_إي اللي إنت بتقوله دا ياتامر بقي أنا اقولك اللي عملته عشان تاخد بالك منها تقلب عليا أنا الموضوع وتقول علي أخوك الكلام دا
=هي اللي قالتلي كدا وقالتلي كمان إنها مش أول مرة تلمحلها
أنا صُعقت من الصدمة إتكلم والدي وقال:
_تاني ياتامر هو أنا كنت بكلم في نفسي ولا اي
=ماهو مش معقول مراتي هتكدب يعني هتستفاد اي لما تكدب
_والله أبقي إسألها بقي هي بتعمل كدا ليه أنا سمعت كلامك وجوزتهالك رغم معارضة أمك وأهي أمك دلوقتي هي اللي معاها حق
إتكلمت وأنا لسة في حالة الذهول وقولت:
=يعني هي بتطبق مثل ضربني وبكا سابقني وإشتكا
ضحكت بسخرية وكملت:
=لأ وأخويا الوحيد مصدقها ياأخي لو إنت مش واثق فيا إفتكر قد اي بحبك ومستحيل أعمل فيك كدا
إتكلم تامر ببرود:
_وأديك عملتها
إتكلمت بعصبية ونفاذ صبر:
=يابني إنت متخلف ماشي ياتامر أنا هعرف أثبتلك
وسيبتهم ومشيت ماهو مش معقول يعني مُغيب للدرجة دي ساعات بحس إنها عاملاله حاجة
*عند ريهام*
نزلت تحت عند حماتها وإتلاقيتها قاعدة حزينة وساكتة وحماها مش موجود قعدت جنبها عشان تواسيها وهي مش عارفة تقولها اي
_حقك عليا أنا ياماما متزعليش نفسك بكرة ان شاء الله الهم دا كله هيروح أنا سمعت خناقة حمايا وعز وتامر
بصيتلها حماتها بحزن وقالت:
=ياريت كل البنات زيك بجد ياريهام
إبتسمت ريهام شاكرة وقالت:
_ربنا يخليكي يارب ياماما
نزلت ميرڤت وهي لابسة لبس خروج وداخله بميا*عة وقالت:
_خليني أحسن منكم وأقولك مش محتاجة حاجة من تحت ياحماتي
بصيتلها حماتها بقر*ف وقالت:
=عايزاكي تغو*رى في دا*هيه
ضحكت بإستفزاز وقالت:
_مش هيحصل دا يلا بقي عشان مستعجلة
_وإنتي جوزك عارف إنتي راحة فين ولا اي
=أيوا عارف قولتله نازلة أشم شوية هوا عشان نفسيتي ووافق تمورة حبيبي مبيقوليش لأ
بصيتلها ريهام بقر*ف وقالت:
_دانتي هييجي من وراكي مصيبة كبيرة
إبتسمتلها بإستفزاز وقالت:
=وماله ياحبيبتي
وبعدين سابتهم ومشيت وبصت ريهام لحماتها اللي تأوهت وقالت بخوف:
_مالك ياماما
=هاتيلي العلاج بتاعي يابنتي عشان نسيت أخده
_حاضر حاضر ثواني
راحت جابتلها العلاج وخدته بسرعة وبعد شوية خدت نفسها وهي بتقول:
=إسنديني يابنتي خليني أدخل أريح شوية
_حاضر ياماما تعالي
……….
راحت ميرڤت علي الشركة اللي عز شغال فيها وسألت علي مكتبه ودخلت من غير ماتخبط
أول ماشوفتها قدامي إتصدمت وقولت:
_إنتي اي اللي جابك هنا
=جايالك ياعز ياحبيبي عشان نفكر في الموضوع تاني
إتكلمت بغضب عارم:
_إنتي ليكي عين تيجي هنا دا أنا مشوفتش في بجا*حتك قومي غور*ى من هنا عشان متزعليش مني بجد
قربت منه وراحت عند الكرسي بتاع المكتب اللي قاعد عليه قومت وقفت قربت مني أكتر وحطت إيديها علي كتفي وقالت:
=أنا بحبك ياعز ليه مش قادر تفهم
بعدت إيديها عني بعصبية وع*نف وقولت:
_إنتي اي شيطانه بجد إبعدي عن حياتنا بقي عايزة تخربي حياتنا ليه
بصيتله ميرڤت بإصرار وقالت:
=إنت ليا ياعز مهما عملت هتبقي ليا
زقيتها برا وأنا قرفا*ن منها
_غورى بقي برا كتك القر*ف
رجعت تاني لمكتبي وقعدت وحطيت وشي بين كفوفي وأنا مش عارف أعمل اي فجأة جاتلي فكرة وقومت عشان أعملها
بالليل روحت من شغلي وطلعت شقتي بعد ماإتطمنت علي والدتي ووالدي دخلت كانت ريهام في المطبخ
_حبيبتي حضري الأكل عشان ميت من الجوع
=بعد الشر عليك ياحبيبي حاضر ثواني ويكون عندك
_تسلمي
حضرت ريهام الأكل وحطته قدامه وبعدين إتكلمت:
=بقولك اي ياحبيبي أنا شبعانه هنزل أشوف ماما لو محتاجة حاجة قبل ماتنام وأغسلها المواعين وأطلع علي طول عشان ابقي خلصت كل حاجة تحت
إبتسمتلها بإمتنان وحب وقولت:
_ربنا يخليكي يارب يحبيبتي وميحرمنيش منك أبداً
إبتسملته بحب وبعدين سابته ونزلت بعد ماقالتله إنها مش هتتأخر عليه،
نزلت تحت وبعد ما إدت لحماتها العلاج وسابتها نايمة وحماها نايم دخلت المطبخ عشان تغسل المواعين ولكنها حست بحركة هادية وراها لفت إتلاقيته أخو جوزها لسة هتتكلم بس كتم بوقها ومسك دراعها و
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خيانة عائلية)
