رواية خماري عفتي وليس عائق الفصل السادس 6 بقلم أمة الله

رواية خماري عفتي وليس عائق الجزء السادس

رواية خماري عفتي وليس عائق البارت السادس

رواية خماري عفتي وليس عائق الحلقة السادسة

زين كان بيعتبر عمر ابنه مش مجرد أخ وعمر كان زين بالنسباله الأخ والاب التاني رغم أنه الفرق بينهم مش كتير
زين مش ملتزم اه يعني زي ناس كتير ميعرفش في دينه غير الصلاة والصوم بس أبوهم زرع فيهم قيم من وهما صغار بالرغم أنهم أغنياء بس عارفين دينهم باباهم وماماتهم كانوا ملتزمين بس مقدروش يخلوهم زيهم فكان عمر وزين علاقتهم بدينهم سطحيه زي معظم شباب جيلنا بس زين كان دايماً ماشي بمبدأ كم تدين تدان فكان بيعلم أخوه دايما الصح والغلط
وفي مره عمر أتخانق مع بنت في المدرسه وهو الكان غلطان عشان البنت مردتش تكلمه فقال كلام كذب للمديره عنها ولما زين سأله عن حقيقة الموضوع قاله كل حاجه لأنه مش متعود يخبي عنه ف زين زعقله ساعاتها وقاله لو الكلام دا تتكرر تاني هيبقي أخر كلام بينا وكان بيقوله دايما
زين :افتكر يا عمر أنه عندك أخت واللي ما تردهوش لأختك ماتردهوش لحد
زين غمض عينه ورجع افتكر تاني اليوم الشافها فيه
زين كان في آخر سنه في آداب وكان من الطلاب المتفوقين في جامعته مكانش ليه علاقة ببنات كان كل تركيزه دراسته وتفوقه وفي يوم بعد ما خلص المحاضره كان خارج من الجامعه لاقي بنت مختمره بتوقفه
قمر :لو سمحت هي دي كلية آداب ؟
زين :ايوه هي
قمر بخجل:طب معلش متعرفش حد من المرحله الاخيره
زين :انا في حاجه
قمر:معلش مش عاوزه أتعبك بس أختي عملت حادثه ومعنديهاش أصحاب هنا والمحاضرات هتفوتها والسنه دي مهمه اوي بالنسابلها فلو تعرف بنت او حد ممكن يساعدني إني اخد المحاضرات
زين في نفسه :شكلها بنت محترمه مرفعتش عينها فيا وهي بتتكلم أنا هحاول أساعدها ممكن لو راحت لحد تاني يضايقها
بعدين رفع صوته وقال:لو معندكيش مانع تقدري تاخدي جدول المحاضرات وتيجي كل يوم بعد ما المحاضره تخلص وأنا هسجلك المحاضره وأدهالك
قمر: شكراً بس انا مش عاوزه أتعبك
زين بإبتسامة مجامله:ولا تعب ولا حاجه خدي دا جدول المحاضرات انتي بس هتستني هنا كل يوم وانا هخلص المحاضره وأجبلك الجدول تمام
قمر:تمام
وبعدين مشي وفعلاً زي ما اتفقوا كل يوم كانت تاخد منه المحاضرات وفي آخر يوم امتحان كان خارج من الجامعه وشاف قمر فأستغرب المفروض أنه أختها في الامتحان هي جايه ليه مقدرش يمنع فضوله وراحلها وقبل ما يوصل عندها شافها بتعدي الطريق ومش منتبهه فراح بتلقائية جري وشدها من دراعها
زين بزعيق:مش تاخدي بالك كنتي هتموتي نفسك بعدين لاحظ أنه عنيها ماليانه دموع
فسألها بقلق حقيقي:مالك في اي
قمر :أختي بعد ما ساعدتها دلوقتي صاحبها اول ما شافوني فضلوا يتريقوا علي خماري ولبسي وهي معاهم استنيتها تدافع عني بس اول ما بعدنا قالتلي اي الجابك هنا بلبسك دا انتي متلقيش بالاماكن دي الحمدالله أنه بابا هيجوزك
زين :انا كنت مصدوم بجد في حد يقول لأخته الكلام دا وبعدين انتبهت لكلامها وسألتها
اي دا انتي هتتجوزي
زين :للاسف أنا حياتي كلها كدا بابا عاوز يجوزني لواحد اكبر مني بس الحمدالله مفيش في أيدي حاجه أعملها
زين ميعرفش اي الخلاه ينطق ويقول
زين :قوليلي لباباكي أني هاجي أتقدملك أنهارده
قمر بصدمه :اي
زين فاق من شروده علي صوت خبط علي الباب وقال ادخل
دخلت مامته وقالتله أنه العشا جاهز فقلها أنه تعبان وهينام
عند آيه: صحيت من النوم صلت الصبح وقرأت وردها ونزلت الشغل وعدا اليوم عادي ومحتش ضايقه ولا إتريق عليه
بعد ما خرجت كانت متحمسه أنها تروح تجيب الادناء والخما النفسها فيهم وبتتمناهم بقالها شهور
وهي رايحه سمعت حوار بين أم وأبنها
الولد:ياماما أنا كل سنه بطلع الاول علي المدرسه وبيكرموني وبكرا هيكرموني عشان طلعت الاول علي خامسه ابتدائي وانا مش معايا غير لبس واحد بخرج بيه علي طول وصحابي بيتريقوا عليا
الام :ابني مانت عارف حالنا انا بشتغل طول اليوم عشان اعرف اجيب 20جنيه ناكل بيها اجيب منين فلوس
الولد: خلاص ياماما متزعليش مني خلاص انا قربت أكبر وأشتغل واجبلك فلوس
آيه:اول ما شوفت المنظر دا عيني دمعت روحت ناحيتهم
آيه بمرح:اي العسل دا اسف اني سمعتكم بس ازاي تكون بالشطاره دي ومحدش يجبلك هديه ينفع كدا
طب اي رايك بقا انت هتدخل معايا وتختار احلي طقم في المحل واحلي كوتش بقا
الام بخجل :معلش يا انسه مش هينفع
آيه قربت منها وقالت عشان ترفع عنها الحرج :علي فكره انا كنت جايه اجيب هدايا واوزعها علي الاطفال ومش هتلاقي أحلي من العسل دا اجيبله هدية نجاحه ولا انتي هترفضي الهديه
الام ابتسمت تقريباً فهمت أنها قالت كدا عشان ترفع عنها الحرج وفي سرها قالت ربنا يرزقك من وسعه ويجبر بخاطرك زي ما جبرتي بخاطر ابني
وفعلاً آيه جابت بفلوس إلادناء والخمار لبس للولد ورجعت بيتها مبسوطه وهي بتقول الأيام جايه كتير للبس بس ابتسامة طفل مش بنشوفها كل يوم
وعند زين راح الشركه ومضايقش آيه وبعدين روح البيت ورجع يفتكر تاني
قمر:اي
زين ……..