رواية خادمة الصقر الجزء الثاني الفصل التاسع والأربعون 49 بقلم يوستينا سامى
رواية خادمة الصقر الجزء الثاني الجزء التاسع والأربعون
رواية خادمة الصقر الجزء الثاني البارت التاسع والأربعون
رواية خادمة الصقر الجزء الثاني الحلقة التاسعة والأربعون
عز / لا ما قلتش كده طبعا يا كارمن انت غاليه وعزيزه بس بصراحه انا لما فكرت لقيت ان انا وانت عمرنا ما هننفع لبعض وده اللي خلاني اجي دلوقتي واقولك كده انا اسف
كارمن بصدمة و عدم فهم / مين… مين دول اللي مينفعوش مع بعض يا عز
عز / انا و انتي يا كارمن… صدقيني الحل ده وصلتله بعد تفكير كتير ..و علفكره احنا اكيد هنفصل صحاب مش كدة
كارمن بصتله بصدمة و حست ان كرامتها في الوقت ده اداس عليها
كارمن/ انت جاي دلوقتي علشان تقولي كدة يا عز
اناااا كارمن الحديدي اللي عمرك ما كنت تحلم حتي
انها تسلم عليك … جاي تقولها انك مش عايزها
ايه فاكرني هقطع شرايني يعني ولا ايه
عز / كارمن اهدي ووطي صوتك .. و اسمعيني لوسمحتي
و قرب عز و مسك ايديها علشان يهديها بس اتصدم من كارمن لما زقت ايده و قالتله / لا اسمع انت .. لانك هتسمع كتير اوووي ..
و قربت مسكته من قميصه بغشومية / وحياه ابويا اللي ما بتمناش في الدنيا غيره لاخليك تندم علي اليوم اللي قررت تدخل فيه حياتي يا عز .. اتفووو عليك يا واطي يا زبالة
و كارمن نزلت من العربية لكن عز نزل وراها مسك دراعها
وقالها/ مش هتمشي من هنا يا كارمن غير لما تسمعي باقي كلامي
كارمن بعز قوتها في وسط الشارع ضربته بالقلم علي وشه وقالت بغل/ سبق و قولتلك ايديك دي لمستني تاني هقطعهالك ..
و في الوقت ده فهد كان نازل يشوف كارمن اتاخرت ليه
و شافها و هي بتضربه بالقلم و قرب ناحيتهم
فهد / في ايه يا كارمن .. ايه اللي حصل ده
عز بصلهم بكسره و سابهم و ركب عربيته و مشي
فهد كان واقف هو مش فاهم اي حاجه وقرب من اخته وقالها / ليه ضربتي عز بالقلم .. هو عملك حاجة ضايقتك
في اللحظة دي كارمن بصت لاخوها و اترمت في حضنه و بدات تعيط جامد و فهد لقه نفسه تلقائي بيلف ايده حواليها و يضمها ليه
فهد بخوف / اهدي يا كارمن .. اهدي يا حبيبتي
تعالي معايا .. اركبي العربية
وركب فهد اخته العربيه وكلم خالد وقاله ان هو خد كارمن مشوار مهم وما رضيش يقوله اللي حصل عشان ما يقلقوش وركب العربيه واتحرك بيها لبعيد عن بيت سيلين
في العربية 👀
فهد / اعتقد ان انا جايبك في مكان اهو مافيهوش صريخة ابن يومين قوليلي بقي ايه مزعلك يا قلب اخوكي
كارمن بدموع /فهد انا بجد بقيت بكره الحب اوي .. مافيش حد يستاهل حاجة يا عز …انا تعبت اووي
فهد حاول ان هو يهدي اعصابه وقالها/ طيب اولا انا فهد مش عز يا كارمن … وبالراحه كده وبهدوء فهميني اللي حصل كله علشان انا هفقد اعصابي كمان خمس ثواني
كارمن بصتله بحزن / بس انا مش عايزه احكي يا فهد .. احكي اقول ايه ما خلاص كل حاجة خلصت و انتهت
فهد اخدها في حضنه / بس بطلي عياط .. كارمن انتي دموعك غالية يا روح قلبي قوليلي بس الواد الزبالة ده عمل ايه و انا هنفخه
كارمن مسكت في قميص فهد و بدات تعيط جامد و تتشحتف / مبقاش ينفع خلاص.. انا ليه كل الابواب بتتقفل في وشي كدة بس
فهد / طب فهميني هو ايه اللي انتهي انتي كنتي بتحبيه
يا كارمن مش كده ….ردي عليا كنتي بتحبي عز ما هو انا وابوكي وعمك مش عبط يعني
كارمن بعياط / صدقني يا فهد كان ماضي او يمكن كان كذبه وصدقتها … انا افتكرته بيحبني وان اول ما تخلص المشاكل هيجي يتقدملي بس اللي حصل ما كانش كده .. جالي وقالي ان انا وانتي ما ننفعش لبعض
قالي الكلمة دي و عينه وفي عيني وقالي انا مش قادر اكمل معاكي ……تخيل انا هبقى نسخه من لارا طب ليه … ليه اتجرح ليه
فهد شدها تاني لحضنه / ما عاش ولا كان اللي يجرحك يا بنت الحديدي… عارفه يا بت وغلاوتك عندي لا علملك عليه وخليه ما يسواش ربع جنيه مخروم
وبعدين يا هبله ده ما كانش يستاهل انك تسلمي عليه اصلا انا لو منك كنت اسلم عليه و اغسل ايدي على طول احسن هتعيدي بالبكتيريا … وبعدين ده لزج زي عاصي بالظبط
كارمن قعدت تضحك على كلامه وقالتله / بطل بقى يا فهد انا متضايقه دلوقتي ما تضحكنيش
فهد / طب ازاي بذمتك ازاي اقنعيني … اضحكي يا بت … والله ما بيليق عليكي الزعل ولا العياط
وفضل فهد يهدي كارمن واخذها واكلها ايس كريم اللي هي بتحبه وبعدها روحها الفيلا وقعد معاها شويه لحد ما اتاكد انها بقت احسن وقرر ان هو يروح لعز بنفسه .
________________________________________________
في بيت سيلين كانوا كلهم مشيوا واتبقى معاذ بس اللي كان قاعد معاها في البلكونه
كارمن كانت بتبص على الخاتم اللي في ايديها بفرحه/ بجد الخاتم شكله تحفه يا معاذ بس انت كلفت نفسك ليه ده اكيد غالي قوي
معاذ قرب منها ومسك ايديها وبسها وقالها/ بلاش غباء ما فيش حاجه اسمها غالي انتي ما فيش حاجه تغلى عليكي اصلا انتي هتبقي مرات معاذ الحديدي عارفه يعني ايه
سيلين وهي بتزق ايد معاذ بهزار / يا خرابي على الغرور واحنا لسه بدانا وبعدين انا لسه ما بقتش خطيبتك عشان ابقى مراتك يا استاذ معاذ الحديدي
عايزه اقرب منها وبدا يتكلم بخبث/ لا دي ده بقاعدة النهاردة دي يعني خلاص انتي اتكتبتي على اسمي
بقيتي بتاعتي رسمي
سيلين اتكسفت قوي وبطيت راسها في الارض
وقالتله /خلاص بقى يا معاذ بطل تحرجني وبعدين صحيح ما قلتليش فكرت في اللي انا قلتلك عليه
معاذ بتركيز/ اه موضوع الاكاحنا نوزع اكل طب والله بجد الفكره جميله جدا واعتقد ان صقر وخالد عمرهم ما هيرفضوا دي حاجه لله وفيها ثواب وهما بيعشقوا الحاجات دي
سيلين بفرحه / يعني بجد ممكن يوافقوا اصل انا دايما بسمع عن عيله الحديدي انها بتخرج مبالغ ضخمه في رمضان بذات للمؤسسات الخيريه
معاذ اتكلم بعقل وقال / دي حقيقه على فكره ومش خالد وصقر بس على فكره ده خالد وصقر وكريم وعساف وانا ويزن وادهم وفهد ده غير حاجات كتير اوي .. و دي اكتر حاجة بحبها فيهم بجد انهم ربونا علي كدة
سيلين بفرحه / من وانا في لبنان كنت بسمع عنكم في الاعلانات والجرايد انكم عملتوا اعمال خريه كتير ومع ذلك مفيش واحد فيك بيطلع يتكلم عنها
معاذ بتركيز / عارفه صقر دايما بيقول حاجه كنت بحترمها قوي فيه ان هو مش من حقه يتكلم او يقول انا طلعت فلوس لمستشفى كذا او لجمعيه كذا لان دي مش صادقه منه ده فرض و واجب عليه ..
سيلين ببتسامه / انا مبسوطه قوي اني بجد باباك هيبقى حمايا … مبسوطه قوي اني هخش عليتكم يا معاذ
معاذ بهزار/ دي العيله هتنور بوجودك يا باشا ..
وقعد معاذ مع سيلين لحد بعد السحور ما كانش عايز يمشي خالص .. وكانوا بيفكروا مع بعض هم الثلاثه ازاي هيبلغوا والده سيلين بجوازها من معاذ الحديدي
_______________________________________________
في الفيلا 🌹
نزلت لارا الجنينه ودخلت اوضة عاصي ولقيته بيظبط شنطه هدومه علشان خلاص هيمشي بكره الصبح
لارا / ايه خلاص كده استعديت انك تمشي موضوع انتهى ماغيرتش رايك يعني
عاصي وهو بيحط هدومه في الشنطه/ لا اغير رايي ليه هو حصل حاجه جديده تخليني اخد قرار تاني
لارا ربعت ايديها بتناكه وقالتله / لا ما حصلش حاجه وماتستناش انه يحصل حاجه جديده تخصك عشان
صعب قوي
عاصي بخبث / لا انا متعود على الصعب اصلا يا لارا متقلقيش عليااا … انا متربي في الحياه كلها صعوبه
لارا /والله .. بس يا خساره بجد كنت عامل حس في الجنينه
عاصي رفع حجبه وقالها / ايه عامل حس دي ايه مربيين كلب مثلا وبعدين ما شاء الله ما كلاب خالد والخيل عاملين احلى حس واحلى ريحه كمان
لارا ابتسمت وقالتله / عموما كانوا يومين برده حلوين .. صحيح ابقي سلملي على وعد و تامر وما تنساش لما تحددوا ميعاد الفرح تبلغنا احنا برده صحاب واكلين مع بعض عيش وملح
عاصي بيحاول يقلد برودها وهي بتتكلم / اه والله اكلنا عيش وملح وممبار وكفته وكل حاجه وحاضر هقولك اول
ما نحدد ميعاد الفرح يا انسه لارا
لارا حاولت تتحكم في ضحكتها وخصوصا ان طريقته بتضحكها دايما وقالتله بهدوء/ وانا اوعدك اول ما يتحدد ميعاد للجواز معاذ وسيلين هبلغك ولو يامن قرر يجي يخطبني امتي برده هبلغك
ولسه لارا هتخرج بره الاوضه لقيت عاصي بيشدها من قفاها جامد وبيقولها / يامن مين يا سكر
لارا باستغراب وصدمه/ ايه اللي انت بتعمله ده عاصي سيبني انت اتجننت
عاصي بعصبيه / وربنا ما هسيبك ده انا لو اطول اعلقك على باب الاوضه هعلقك وما حدش هيلحقك مني … يامن مين
يا بت ..انتي هتستهبلي ولا ايه
لارا / بقولك ابعد بدل ما والله اندهلك على عساف يجي هو اللي يعلقك ويوريك ان الله حق
عاصي بعصبيه / لارا ما تخلينيش افقد اعصابي لاخر مره هسالك مين الزفت اللي انت عايزاه يجي يخطبك ده بقي إنشاءالله
لارا / ما هو انت لو سبت قفايا هقولك عموما هو زميلي في الشغل وهو اللي بيدربني اصلا وحد محترم جدا جدا واعترفلي اخر مره ان معجب بينا وعايز يجي يتجوزني ..
ها ارتاحت
عاصي في اللحظه دي فقد اعصابه تماما / يا بنت الجزمة طب و ديكي ما انا سايبك
و وطي عشان يجيب الجزمه ويضربها بيها بس لارا اتصدمت من حركه ديت وجريت من اوضته طلعت على الفيلا وعاصي فقد كل تركيزه ودخل جري وراها عشان يضربها .. وقتها عساف كان قاعد هو مع كارمن عشان كان حاسس انها متضايقه وبيتكلموا في الصاله واتصدم من المنظر اللي بيحصل
جوه الفيلا 😂
عاصي وبيقول للارا اللي كانت تستخبى ورا الكنب
بخوف / والله العظيم ما هسيبك انا بقى هربيكي علشان انا مستحملك ومستحمل رخامتك يا رخمه يا بنت الرخم بقالي فوق الشهر وفي الاخر تقوليلي كده
لارا وهي بتجري / اهو انت اللي رخم وبعدين انا قلتلك اني مش عايزاك انا حره .. هو الجواز بالعافيه يا اخي اما انت غريب بشكل
عاصي وهو بيرمي عليها فرده الجزمه / اه بالعافيه يا جزمه يا بنت الجزمه .. ومش بمزاجك والواد ده لو دخل الفيلا والله يا لارا ما هيخرج من هنا حي
كارمن كانت بتبص لعساف اللي واقف ساكت تماما ومش بيتكلم وقالتله /عساف هو ايه اللي بيحصل ده
عساف بتركيز/ انا مش عارف اللي انا فيه دوت هبل صيام ولا هو قالها يا بنت الجزمه بجد
كارمن / احم بصراحه هو قالها بنت الجزمه بجد
عساف / اممم دي مشكله كبيره اني صايم ومش عارفه اشتمه اللهم اني صايم
كارمن بقلق / ربنا يقوي ايمانك يا عساف والله
عساف بصلها بغيظ وقالها/ لا بس انا ممكن اضربه عادي تعالي بقى يا عاصي الكلب..وربنا لاربيك بقي انت عايز تضرب بنتي
عاصي بيجري بسرعه بعيد عن عساف وقاله/ لا انا مش هضربها انا بعرفها غلطها بس لكن اقسملك بالله يا عساف لو الواد اللي بتقول اسمه دوت جيه الفيلا
علشان يطلب ايديها وانت وافقت والله لاولعلكم في الفيلا ديت وانا مجنون واعملها
وخرج عاصي وهو بيبرطم ويقول/ يلا يا عيله متخلفه قرفتوني جتوا القرف
عساف صدمه بص للارا وقالها / هو انتي عملتي ايه يا بنتي في الواد ده اتهبل علي الاخر
لارا فضلت تسقف بفرحه وجريت تحضن عساف
وقالتله / فرحانه قوي يا بابا فرحانه قوي انا كنت بغيظه وقلتله انا هتخطب راح عمل اللي انت شفته ده
عساف بصلها بحب وقالها/ معنى كلامك ده ان انتي سمحتيه يا لارا وبتحبي عاصي مش كده
لارا / بصراحه بحبه قوي قوي يا بابا بس برده لازم افلفله انا مش هرجعله غير لما يحس بقيمتي بجد واني غاليه وعزيزه
عساف بغيره خبطها في كتفها وقالها / بس ما تقوليش بحبه دي تاني بدل ما اطلع اولع فيه
لارا ضحكت و حضنت عساف بفرحه و كارمن اللي كانت واقفة و متابعه الحوار كله اتوجعت قوي وقالت في
سرها / حتى عاصي طلع بيحبك يا لارا وانا لا ..
وسابتهم كارمن وطلعت اوضتها ترتاح وتنام ولارا كمان اللي الفرحه ما كانتش سايعاها ..
_______________________________________________
في البيت عند عز 🔥
عز كان قاعد على السرير وموبايله عمال يرن برقم يزن
وهو مش عايز يرد
حنان / طب ما تفهمني بس يا حبيبي ايه اللي مزعلك قوي كده انت ما كنتش كده من يومين يا عز
عز / لو سمحت يا ماما سيبيني في حالي انا لا قادر اتكلم ولا اسمع حد ارجوكي بلاش تضغطي عليا
حنان / اخص عليك يا عز يعني طب انا عايزة اطمن عليك
يا ابني .. ده انت ابني الوحيد
عز بصلها بوجع و قرب و اترمي في حضنها وقالها/ النهارده عملت اكتر حاجه هندم عليها طول عمري انا سبت كارمن
حنان بصدمه / ايه اللي انت بتقوله ده يعز ليه يا ابني ما انت بتحبها قوي
عز/ ايوه بحبها بس مش قادر كرامتي مش سامحالي ان انا اتجوزها انا مش هعرف اعيشها في المستوي اللي هي فيه يا ماما
بصي حواليك وانتي هتفهمي كلامي البيت اللي احنا قاعدين فيه ده بكل فلوسنا وعربياتنا ما يعملوش اوضه في بنت الحديدي .. انا مش هقدر اعيش مع واحده انا شايف انها اعلى مني بكتير
حنان/ انت ليه بتعمل في نفسك كدة يا ابني حرام عليك والله
عز / عارفه لما قلتلها اني مش قادر اكمل معاكي اول كلمه قالتها ليا ايه … قالتلي انا كارمن الحديدي انتي فهماني يا ماما حاسه بيا
حنان فضلت بتهدي في عز وفجاه لقيت الباب بيخبط جامد فقامت عشان تفتح واتفاجئت بفهد الحديدي واقف على الباب وهو بيبتسم ولا كان فيه حاجه
فهد بابتسامه / مساء الخير يا طنط معلش هو عز ابن حضرتك جوه
حنان اتوترت جدا وقالت / عز لا ..لا ده نايم يا ابني يا حبيبي والله جيه تعبان جدا من بره و نام
فهد بغلاسه / ياه نايم طب يصحى بقى ما انا جايله من مشوار برضووو ..
ودخل فهد الشقه وحنان كانت مستغربه انها اصلا مقلتلوش ادخل .. وقعد على الكرسي وحط رجل على رجلي
وقالها/ معلش يا طنط ممكن تصحيهولي ولا اقولك انا مش عايزه اتعبك يا غالية .انا هدخله بنفسي
في الوقت ده خرج عز من الاوضه بتاعته وهو بيسال مين اللي بيخبط واتفاجئ بفهد قاعد على الكرسي
فهد اول ما شافه قلم من علي الكرسي و قرب و حط ايده علي كتف عز / شوفتي يا طنط ربنا طلع بيحبني عشان لقيته صاحي مش نايم .
واتكلم بصوت واطي / عايزين نتكلم على انفراد بدل
ما نتكلم قدامها و احسرها عليك
عز / ماما بعد اذنك سيبينا لوحدنا شويه ..
حنان بتوتر / لا لا وحدكم ايه بس ده انا حتى فهد واحشني جدا وعايزه اقعد معاه
فهد/ ربنا يكرمك يا طنط والله خلاص شكلك مش عايزه تمشي وانا اصلا مستعجل اصل شويه والفجر هياذن
وفاجاه فهد وهو بيكلمهم مسك راس عز بحركه فجائيه وضربوا بالروسيه ووقعوا على الارض ولان فهد عارف ان
عز اقوى منه ده كان بيفاجئه بالضربات
فهد قعد فوق عز علي الارض و كان بيضربه بالبوكس / مش اختي يلا اللي يتلعب بيها ده انا هوديك في داهية
حنان بتحاول تبعد فهد عن عز وبتقوله / يا ابني مش كده ما يصحش واقعدوا مع بعض واتفاهموا ده والله عز بيحبها اوي
فهد بعصبية / و هي مش بتحبه ولا يشرفها انها تعرفه اصلا … ده عيل ميسواش
عز قدر يقوم من على الارض وقاله / ما عشان كده انا سبتها علشان هبقى في نظرها طول الوقت اني ما سواش لانها بنت الحديدي ..طول عمرها عايشة في قصور وشركات انا مش هقدر اعيشها فيه …و انا مش هقل من نفسي يا فهد حتي
لو روحي فيها
فهد وقف مستغرب من كلامه وقاله /ايه الغباء اللي انت بتقوله ده… الراجل عمره ما كان بفلوسه ابدا طب ما انت عندك يزن حب واتجوز واحده اساسا افقر منه بكثير بكثير ومعاذ ما هو خطب بنت محدش فينا يعرف اساسا مستواهم المادي ايه …ولا اناااا نسمة اه بنت راجل اعمال بس ميجيش حاجة في عيلتي ..
عز /يمكن علشان هما ستات يا فهد مافيش حاجة هتعيبهم
فهد / لا يا عز غلط .. ده علشان احنا رجالة بجد .الرجولة دي اللي معدتش عليك ولا تعرف عنها حاجة
لانك لو كنت راجل بجد مكنتش دخلت حياتها اساسا طلاما عندك الافكار المريضة دي وانا اللي كنت فاكرك عيل واطي وندل طلعت متخلف
وبصله فهد باحتقار وسابه و نزل وعز قاعد على الكرسي وهو متضايق جدا من كلام فهد ليه ما كانش عارف يتكلم يقول ايه ..
______________________________________________
في فيلا الحديدي
في اوضه يزن وميرا
ميرا كانت عامله نفسها نايمه على السرير ويزن كان عارف انها بتستهبل وقعد جنبها/ ممكن اعرف ليه البوز المنيل ده .. هو انا عملتلك ايه بس
ميرا قامت مع السرير و بدات تتكلم بعصبيه / بعد كل اللي انت عملته دوت وبتسالني انت بقالك يومين بعيد عني حتى النهارده واحنا في العزومه نزلت وسبتنا هو في ايه بالظبط
يا يزن ما تفهمني
يزن قرب منها واخدها في حضنه وقالها / انا عارف ان اليومين دول انا متغير وغشيم جدا كمان بس غصب عني والله يا ميرا .. انا مضغوط قوي في شغلي عشان خاطري اقفي جمبي
ميرا لفت ايديها حواليه وحضنته / انا طول عمري جنبك بس غصب عني بزعل منك لما بتزعلي وانت بقى مش بتعمل حاجه غير بتزعقلي
يزن ضحك على كلامها وقالها / خلاص وعد مني هتحكم في اعصابي بعد كده ومش هزعق خالص خالص ولا حتى هرفع صوتي
ميرا بصتله بتريقه / ده عشم ابليس في الجنة يا ابني انت عمرك ما هتتغير انا اصلا خلاص فقدت الامل فيك
يزن قربها منه اكتر و بدات يتكلم بخبث و طريقته اللي ميرا متعودة عليها / والله لبهرك صدقيني.. اه صحيح انا بكره رايح عشان عندي استشاره مع الدكتور
ميرا / عارفه اكيد وطبعا هاجي معاك ولا هترفض برده …
و تاخد معاك عز والله انا حاسه ان هو اللي مراتك
يزن بصدمه / يخرب بيتك ايه اللي انت بتقوليه ده الكلام ده ما يتقالش حتى لو بهزار … انتي هتودينا في داهيه .. نامي نامي
ميرا ابتسم / طيب خديني في حضنك علشان انام بسرعه
يا يزن و مصدعكشي
يزن بصلها ورفع حجبه / ميرا انا صايم يا ريت تحترمي نفسك وتنامي بادبك اعتقد انك فاهمه كلامي كويس
ميرا حطت ايديها على رقبته ونامت / والله انا هنام زي ما انا عايزه ولو انت مش عاجبك اطلع بره و نام في الجنينة لوحدك بقي
يزن ضحك عليها وقالها / طب نامي يا اختي نامي لما نشوف اخرتها ايه .
وفعلا ميرا و يزن ناموا وفهد رجع البيت ولقى نسمه نايمه وما ليش رخمه عليها لان الفتره دي هي بقت تعبانه قوي وثاني يوم الصبح راحوا كل واحد فيهم شغله ..
و وتاني يوم على الفطار كانوا كلهم متجمعين ما عدا عاصي اللي مشي وساب البيت وكان واضح جدا من ملامح لارا انها متضايقه وزعلانه وكارمن اللي في نظرها انها حبت الشخص الغلط.
كريم باستغراب/ ايه السكوت الغريب اللي انتم فيه ده يعني فهد مش بيكلم ولا يزن مالكم يا اولاد في حاجه ولا ايه
معاذ / انا برده حاسس ان في حاجه غريبه بس انا اللي هتكلم وهقطع حاله الصمت الغريبه دي ايه رايكم ان احنا نتجمع كلنا ونعمل عمل خيري
فهد وهو بياكل /طب ايه الجديد احنا بنعمل كل سنه عمل خيري في اختراع جديد
صقر بغيظ / خالد سكت ابنك عشان مجرد ما بيفتح بقه بيعصبني بجد
خالد / اسكت يا فهد والنبي عشان مفيش حد طايقك هنا .. ده احنا لو سالنا مراتك احتمال نلاقيها مش طايقاك
فهد / كدب والله العظيم دي كلها اشاعات ده انا الوحيد اللي عاملكم حاله كوميديه في البيت
صقر /ماشي يا علي يا ربيع اسكت بقي .. علشان نسمع هيقول ايه
معاذ / بص احنا المره دي اللي نعمل الاكل بقى بنفسنا ..بصراحه دي فكره سيلين كانت دايما بتعمل كده
مع والدها في رمضان
يزن باستغراب / ايه ده انا مش فاهم احنا نعمل الاكل ازاي ..انت شايفنا يا ابني طباخين .. عندك فهد باشا لو جاب لنفس كوبايه ماية نغم بتعمله فرح
فهد / جرا ايه يا خفيف منك ليه هو كل ما حد فيكوا يحب يستظرف يجيب اسمي معاه في الحوار
ادهم بضحك / الصراحه عندك حق شكلهم كده بيستعيلوك قوي ياض يا فهد .
فهد/ اه والله وبرغم ان انا اصغر واحد فيهم الا ان انا اللي هجيب لعيله الحديدي اول حفيد باذن الله . و مش واحد نوو دول اتنين
قمر / يا ابني بطل بقى قر على البنت وقول بسم الله ما شاء الله عشان يجولكم بخير
معاذ بحده / هو انا بتكلم في ايه وانتوا بتقولوا ايه يا جماعه اسمعوا الحوار للاخر احنا هنجيب طباخين يطبخوا واحنا نعبي الاكل ونوزعه فهمتوا ولا لاء
خالد /طب وليه طباخين ما المطعم بتاعي اللي في مصر يطلعلك كميات الاكل اللي انت عايزها كلها وانزل وزعها يا سيدي
صقر / لا انا هو فاهم وجهه نظره يا خالد هو عايزنا كلنا نشترك في حاجه واحده …انا فاهم دماغه بص يا معاذ هي فكره حلوه وانا عن نفسي موافق
نغم / ايوه وبما ان خالد موجود هنا يساعدنا وبلاش طباخين خالص .. ما كلنا مع بعض انا وقمر وهمس وياسمين والبنات كمان ممكن يساعدونا في الطبيخ وانتوا تعبوا الاكل وتوزعوه
طب والله فكره حلوه قوي فكرتوني بايام زمان انا و عزة كنا بنعمل كده مع بعض
ادهم بص لنغم وقالها/ هو انتم كنتوا بتعملوا كده زمان
نغم بتلقائيه / علطول انا كنت اطبخ وعزه تعبيه عشان هي كانت فاشله في الاكل …و….اقصد يعني الله يرحمها كانت طيبه وبتحب تعمل الخير
خالد / خلاص خلاص وانا موافق ده احنا حتى في اخر 10 ايام في رمضان و الايام دي مفترجة
يزن باستغراب / ايه ده والله انت وافقت وخلاص طب انا برا الموضوع ده تماما انا ما ليش فيه انا لا بطبخ ولا بعبي … انا عندي شغل
صقر / اسكت يلا وبعدين طالما هنعمل حاجه يبقى كلنا هنعملها وكلم عز كمان يجي وانا هخلي عاصي يجي هو واخته وتامر خلينا بقى نتجمع في حاجه الله يرضيكم
وفعلا خططوا للموضوع وكان المشرف عليه معاذ وسيلين لانهم اللي كانوا يعرفوا كل حاجه وعدى يومين و هما بس بيستعدوا في تحضير الاكل هيطبخ والعلب والاماكن اللي هتتوزع فيه ..
بعد يومين تقريبا في الجنينة 🌹
يزن كان واقف بتشيرت نص والجو كان حر جدا وتعبان ومفرد وكان بيقفل اخر علبه معاه / لا انا كده تعبت بقى بجد … ما كفاية كدة
فهد وهو ماسك العلب بتاعته وبيقفلها / على فكره بقى انتوا عالم ظلمه اشمعنا يزن بيعمل علبه وبس وانتم مديني علبي انا ونسمه … انا تعبت
عاصي وهو بيضحك / احسن علشان قلتلك اساعدك وانت قولتي غور يلا … تستاهل بذمتك في حد بيعمل عمل خيري يبقى متمرد كده
فهد / يا عم وانت مال اهلك انا متمرد وغلس ورخم مالكش دعوه بيا سيبني في اللي انا فيه
ادهم وهو بياخد العلب وبينقلها من الجنينه للعربيه / ما كفايه رغي انت وهو بقى .. الاكل اللي جوه خلص روحوا هاتوه عشان تلحقوا تعبوه قبل ما الفطار يجي
عز تبصلهم بصدمه / اكل تاني .. هو انا هعبي تاني لا والله
انا تعبت خلاص كفايه كده انتم بتهزروا يا جماعه
في الوقت ده عز دخل الفيلا بعد ما وزع العلب اللي كانت معاه للاماكن اللي معاذ قاله عليها وقال / انتم بتهزروا يا جماعه الساعه داخله 3:30 وانتوا لسه ماخلصتوش
فهد بغيظ اتكلم وقال / يا قاعدين يكفيكوا شر المستهبلين …اللهم اني صايم ومش عايزه اغلط
في حد
عز يبصله وسكت لان ما حدش يعرف بحوار اللي حصل تماما الا فهد بس .
عاصي استغرب ببصات فهد لعز وقاله / هو انت في ايه يلا هو انت بتكره كل الناس كده وعامل عدوات معاهم …وانت اصلا شخص لا يطاق
فهد / وانت مالك ومالي هو انت يالا حاططني فوق راسك ليه ما تخليك في حالك بقى. . بدل ما لبسك علبه دي في وشك
يزن /لا بقولكم ايه الموضوع صغر قوي وانا تعبت انا هطلع البس واروح القسم يلا عز
وفي الوقت دوت خرجت كارمن ومعاها صينيه كبيره فيها اكل وكمان لارا وجميله وحطوا الصواني قدامهم على الترابيزات اللي كانت مفروشه
كارمن حاولت تتعامل عادي وهي شايفه عز قدامها
وقالت / حضرتكم اتاخرتوا جدا عشان تيجوا تاخدوا الحاجه وده اسمه استهبال والوقت اتاخر يا ريت تنجزوا بقى شويه .
ادهم /.جميله هو لسه في اكل تاني بيتعمل جوه ولا خلاص كدة
جميله ببراءه / لا خلاص يا حبيبي كده الاكل كله خلص انا هخش اغسل ايدي
ادهم / طيب روحي اغسلي ايدك عشان تيجي معايا وانا بوزع باقي اكل يلا مستنيكي
معاذ بصلهم باستغراب / حبيبي ومستنيكي .. وانا ايه قفه واقفه ولا ايه مش فاهم
ادهم بضحك / ملكش دعوه انا مستاذن صقر ااخدها معايا وانا بوزع اخر اكل هو انت مش هتاخد سيلين معاك
عساف خرج وهو مجهز العصاير و الحلويات اللي برده هتتوزع مع العلب وقال / اهو كده العصير والحلويات خلصناها وانتم عبيتو كل الاكل
فهد وهو قاعد على الارض تعبان / لا فاضل حبه صواني اهي قدامك ..بقولك ايه ما تعمل خير وتجيب خالد وصقر وكريم وتعالواوانتوا كملوا تعبيه عشان انا مش قادر …. انا تعبت خلاص
عساف / لا اصل صقر تعب شويه وراح يرتاح
في اللحظه دي شباب كلها وشها اتقلب و اتخضوا حتى عاصي اللي اتكلم بخوف وقال / في ايه ماله صقر يا عساف .. حصله ايه
خالد خرج للجنينه وقال / صقر ما فيهوش حاجه هو كان مرهق شويه من الصيام ودخل يرتاح بلاش تقلقوا نفسكم ويلا كل واحد يطلع يغير هدومه ويغسل وشه عشان ينزل
مع مراته يوزعه باقي اكل
يزن بغيره / لا طبعا وايه اللي ينزل ميرا في الوقت زي ده .. ما ننزل احنا نوزع وخلاص
خالد / يا ابني ده خير وثواب بلاش تاخد نصيبه انت لوحدك وبعدين انا بقولكم هينزلوا مع مين ما هينزلوا معاكوا .. يلا اخلصوا
وبعد فتره قليله نزلوا كلهم قبل الفطار عشان يوزعوا الاكل ..
وكان فهد راكب مع نسمه ومعاهم كارمن
ويزن وميرا ومعاهم عز
وسيلين ومعاذ و لارا
وادهم وجميله و عاصي
وبرغم من اعتراض يزن ان ميرا تنزل معاه عشان كان غيران عليها الا ان كلهم اتبسطوا باللي عملوه دوت وتعبهم كله هان ..
في اوضه صقر 🤧
كان صقر نايم على السرير وهو تعبان جدا وخالد قاعد جنبه وهو قلقان عليه وبيقوله / احنا لازم نروح المستشفى يا صقر انت مش شايف شكلك عامل ازاي
صقر ابتسم بتعب / ما تخافش على اخوك انا كويس بس الواحد مش هيعيش العمر كله يا خالد
اسمع انا لو حصلي حاجه مش هقولك خلي بالك من معاذ وجميله .. لا خلي بالك من العيله كلها يا خالد اوعى تخليهم يتفرقوا مهما حصل .
خالد بدموع / انت ليه بتقول الكلام ده انت عارف كويس قوي ان انا مش هعرف اعمل حاجه من غيرك اوعى يا صقر تسيبني .. اوعى
صقر ابتسم بحب / في يوم من ايام انا وانت كنا اكبر اعداء لبعض وعدوتنا ديت دخلت بينا ناس كثير قوي ما تسواش
اوعى تسمح لحد من العيال يعمل زينا يا خالد … اوعى في يوم من ايام معاذ وفهد يخسروا بعض او يزن وادهم قربهم من بعض يا خالد حل محلي لو حصلي حاجه ..
وفجاه صقر بدا يحس بتعب شديد وحصل ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
