رواية خادمة الصقر الجزء الثاني الفصل الثامن عشر 18 بقلم يوستينا سامى
رواية خادمة الصقر الجزء الثاني الجزء الثامن عشر
رواية خادمة الصقر الجزء الثاني البارت الثامن عشر
رواية خادمة الصقر الجزء الثاني الحلقة الثامنة عشر
كارمن كانت بتشد فهد عشان تتكلم معاه
فهد بحده/ ايه يا بنت انت في ايه هو انتي بتشدي جاموسه ما براحة شوية
كارمن/ عليا النعمه دي الجاموسه دي بتفهم اكتر منك ممكن افهم بتعمل ايه مع البنت اللي اسمها ميرا ديت و سايب مراتك .. انت هتفضل مهزء كدة كتير
فهد بفرحه/ ايوه فرحيني بقى وقوليلي انها شافتني واحنا قاعدين بنتكلم
كارمن /شافتكم ايه بس يا ابني البنت واقفه هناك و ودانها قربت تطلع دخان من الغيره
فهد سقف بفرحه ونصر وقالها /العب ايوه بقى كده والله يا فهد انت عليك خطط توديك المنتخب وش
كارمن/ لا وربنا ده اللي هخطط في وشك دلوقتي لو ما فهمتنيش ايه الحوار هو انت بتمثل يعني على نسمه عشان تغيظها
فهد /ايوه طبعا يعني انا هسيب نسمه في اللي هي فيه دوت وهقعد اهزر مع ميرا ده لو حتى حبيت اعمل كده هخاف من يزن انتي ما شفتيش اصلا وهي داخله معاه الفيلا كان ماسك ايديها و كانه بيقولنا انها تبعي
كارمن/ طب انا مش فاهمة برده عملت كده ليه البنت قاعده متغاظه هناك بجد و محروق دمها
فهد/ يعني حاولت افتح معاها اي مجال انها تغير تيجي تتخانق معايا ..عايزه افتح معها صيغه حوار يا كارمن انا بجد نسمه وحشتني .. هي كانت اقرب واحده ليا
..كارمن اول ما سمعت كلمه انها اقرب واحده ليه زعلت قوي وحزنت ان اخوها ما كانتش متعلق بيها هي وقالتله /طيب انا هروح اكلم اونكل عساف واشوفه يمكن يكون حاول يقنع ماما تيجي بما ان الحفله باسمك وكده يعني بس المشكله ان لا هو ولا مراته بيردوا
فهد /حلو روحي بقى كملي بقى محاولاتك جوه وسيبيني انا اشوف نسمه
________________________________________________
في بيت عساف 👿
همس برجاء / عيب يا عساف كلهم هناك مستنين و خالد بيكلمك بنفسه
عساف/ انا مش هعرف اروح اقعد وسطهم وانا مضايق ريحي نفسك يا همس مش هروح و لا لارا كمان.
همس/ و لو قولتلك وحياتي عندك يا حبيبي هترفض برضو
عساف/ اه يا همس هرفض وانتي عرفة اني لما اقرر قرار مستحيل ارجع فيه .. فكفاية بقي كلام لحد كدة
في اوضة لارا 😑
لارا كانت نايمة في حضن نغم و بتعيط
لارا بعياط / انا عارفة انه زعلان مني و ده اللي واجعني بس غصب عني والله يا نغم
نغم / كان المفروض موضوع عاصي ده ابوكي يبقي اول واحد يعرفه .. ميعرفش من برا يا بنتي عيب ميصحش حتي علشان مكانته
لارا بعياط / والله الموضوع وقع مني يا نغم .. عارفة انا لحد دلوقتي معرفش ليه ماقولتش لبابا ان واحد بيرخم عليا و بيتعرضلي ، شكلي كنت معجبة بيه
نغم ابتسمت و خرجتها من حضنها / أنتي بتهزري يا لارا معقول يا حبيبتي .. ده مستحيل يحصل هو اول ما يعرف انك بنت عساف صديق عائلة الحديدي هيبعد علطول .. ده انا عشت اول فتره في حياتي مع خالد كانت مشاكل بس ما بين العيلين
لارا بدموع/ هتصدقيني لو قولتلك ان اول مره بجد قلبي يدق لحد يا نغم.. انا قاعدة معاكي دلوقتي و حاسة اني مش عارفة ابطل تفكير فيه
و فاجاه الباب اتفتح و دخلت همس و هي فاقدة الامل
و قالتلهم / يا جماعة حاولت معاه كتير اوي بس عساف عمره ما بيغير كلمته مش هيروح الحفلة .. نغم بالله عليكي هكلملك السواق و تروحي انتي
نغم بحزن / لا انا مش عايزه اشوفه اساسا يا همس و كدة كدة انا هاجر شقة و ساعتها هبقي اعملهم عزومة انا كمان
لارا/ تاجري ايه بس انتي قاعدة معانا لحد ما ترجعي لخالد و ياريت منغير لف و دوران انتي بتحبيه و كدة كدة هترجعي ليه
نغم ابتسمت /لا ما انا كدة كدة هرجعله بس لما اربيه الاول علشان يعرف ان الله حق .. احسن اللي زي خالد ده مش بيجي الا بالشد
______________________________________________
عند ميرا ويزن ❤️
ميرا/ انت ليه مش عايز تصدقني انا ما كنتش واقفه بتكلم معاهم انا كنت بدور عليك. وبعدين حتى لو واقفه بتكلم معاهم هي دي حاجات زعلك للدرجه دي
يزن اتوتر وقالها / لا يعني هتزعلني ليه بس انا مش بحب جو البنات اللي بتلف على الاولاد دي فمش عايزك تبقي واحده منهم …دي نصيحه بس مني
ميرا بحزن/ والله يعني انت شايفني كده عموما شكرا ليك ولنصيحتك
وفجاه وهم بيتكلموا دخل عز لكن وايده ملفوفه بشاش وشكله تعبان جدا
يزن بخضه/ عز ايه ده يا ابني انت كويس .. مين اللي عمل فيك كده ولا انت طلعت ماموريه من ورايا ولا انت في ايه
عز بتعب / بلاش افوره يا يزن انت التاني . دول عيال اختي بس اشقيا شوية و بيحبوا يلعبوا معايا
بس ايديهم تقيلة شوية
ميرا اول ما سمعت كلامه فضلت تضحك وده غاظ يزن جدا بس ما قدرش تتكلم
عز بصلها وابتسم/ عامله ايه يا ميرا انتي كويسة دلوقتي
يزن بغيظ / اه هي كويسه يا اخويا دلوقتي .. انت ليه محسسني انها هي لسه خارجه من العمليه مثلا ولا ايه مش فاهم
عز نفخ بخنقه/ وانت ليه محسسني ان الكلمه اللي بتطلع من بقك عليها فلوس .. يا عم بطمن عليها مش هي قاعده معاك في نفس البيت يبقى لازم المديريه كلها تطمن عليها
..المره دي ميرا ضحكت اكثر وبصوت عالي وبصله العز وقالتله / انا كويسه يا عز شكرا واطمن كريم مسيطر بصراحه
عز بضحك/ اوبا انت خلاص دخلتي قلبك كريم يبقى انتي في امان اطمنك على نفسك يا ميرا
يزن بتريقه/ لا والنبي طب هات ايدك المكسوره دي بقى وتعالى خش معايا عشان اعرفك على اللي موجود يا خفيف .
عند نسمه …كانت قاعده وسط الورد وعماله تفكر وقرب فهد منها وبرخامة نكش شعرها و فضل يضحك و قعد جمبها
فهد / طب والله شعرك كدة احلي بكتير من الاول
ازيك يا قمر قاعدة لوحدك ليه كدة
نسمة بحزن بصتله / اي هو يزن جيه و اخد ميرا علشان كدة انت جيتلي مش كدة يا فهد
فهد بضحك / اكتر حاجة بحبها فيكي من زمان انك ذكية جدا.. بس اي ده هو انتي مركزة ولا ايه يعني انا فارقلك .. يعني غيرانة عليا صح
و مسك ايديها بهزار/ انا قولت اني مز و محدش يقدر يقاومني برضو
نسمة ابتسمت/ لا والله .. فهد قوم من هنا انا مش نقصاك
فهد بضحك / وربنا ما انا قايم … ده انا ما صدقت لقيتك و بقيتي نصي التاني يا عسل انت يا كئيب يا بومة
نسمة ضحكت علي طريقته / علفكره بقي انت غلس بطل كلامك ده يا فهد. بقولك ايه هو انا ممكن اطلب منك طلب ممكن يبان انه غريب شوية
فهد قلق من طريقتها و مسك ايديها علشان يطمنها
وقالها/ نسمة انا مش عايزك تخافي طول ما انا معاكي و اطلبي اللي انتي عايزاه
نسمة لإرهاق / عايزاك تاخدني في حضنك اوي .. فهد انا طول الوقت خايفة و مضطربة جدا نفسي احس بامان اوي
و بدات نسمة دموعها تنزل غصب عنها و فهد حس ان ملامح وشها بدا يترسم عليها الزعر لانها افتكرت اللي حصل اليوم المشئوم و في نفس اللحظة قرب فهد من نسمة و اخدها في حضنه جامد و بدا يطبطب عليها و علي شعرها بهدوء و لقاها غمضت عينيها في حضنه اتنهد هو بوجع
و قال في سره/ يارب انا لا اسالك رد القضاء و لكني اسالك اللطف فيه ..هون يارب علي نسمة انا مش قادر اشوفها كدة
_______________________________________________
في الفيلا
قعدوا كلهم علي السفره يتغدوا مع بعض
خالد ببتسامة/ مش عارف اشكركوا ازاي يا يزن انت و عز والله لولاكوا مكنتش عارف اي ممكن يحصل
يزن / اي الكلام ده يا خالد .. من امتي واحنا بنتعامل بالرسمية دي طب ده انا لما اتقبلت في الشرطة انت اول واحد قولتله و عملتلي اكبر حفلة في التاريخ
خالد / انت ابني ياض بس انا قولت اعاملك برسمية شوية قدام صاحبك
كلهم قعدوا يضحكوا بصوت عالي و قطع صوت الضحك ده كلام صقر بجدية / بصراحة الحفلة دي انا و خالد فكرنا فيها علشان نسمة احتفالا انك بقيتي جزء من العيلة دي خلاص يا بنتي .. لازم تعرفي انك من النهاردة اسمك بقي نسمة الحديدي زي كارمن و جميلة بالضبط … صحيح هي جميلة .
قمر / قالتلي معاها مكالمة مهمة هتخلصها و تنزل .. يلا كلوا يا ولاد .. مالك يا عز مكسوف ليه كدة ده البيت بيتك يا حبيبي
عز / لا ابدا يا طنط انا تمام باكل اهووو .
..كارمن كانت قاعدة بتسبل لعز و حاسة انه مختلف و لذيذ لكن لقت معاذ ضربها في كتفها و قالها بصوت واطي
معاذ / ما تحترمي نفسك بقي الواد متوتر من بصاتك ليه .. اتلمي انا قاعد جمبك حتي
كارمن/ اتلم انت و خليك في طبقك ياريت بلاش تقطع عليا والنبي .. الواد طول بعرض و بيسبلي يعني واضح ان السناره غمزت
في الوقت ده ادهم كان سامع الكلام و قعد يضحك جامد و كلهم اخدوا بالهم و كارمن بغيظ بصتله
وقالتله/ اللهي تزور يا ادهم بجد
كريم بستغراب/ في ايه يا ولاد مالكم انتوا كويسين
يزن كان حاسس ان عز متوتر و شك ان الحوار عليه هو و كارمن و قال بغلاسة / لا ابدا مافيش حاجة خالص . الا قولي يا عز اخبار نور ايه يا رب تبقي تمام
عز بستغراب/ اه هي تمام الحمدلله
ادهم ضحك اكتر/ طب الحمدلله انها تمام يا عز .. كارمن والنبي نوليني طبق اللحمة ده من هناك
كارمن بغل / بلاش انا احسن وربنا البسهولك في وشك
..و قعدوا يتغدوا و طبعا القعدة مخليتش من الهزار و خفة الدم لكن خالد كان موجوع لان نصه التاني اللي اتعود انها تشاركه في كل تفاصيل حياته الوحشة قبل الحلوة مكنتش موجودة و علشان كدة قام اول واحد فيهم و خرج قعد في الجنينة لوحده
______________________________________________
في الجنينة ..
خالد كان واقف ماسك في ايده سلسلة بتاعة نغم اللي كانت وعداه انها عمرها ما هتقلعها لكنها لما اتطلقت سابتها في الاوضة
خالد / انا اللي كنت غبي ولازم اعرف اننا مش عيال
ازاي ابيعك كدة .. انا مش مصدق اني عملت فيكي كدة يا نغم حاسس ان دماغي هتشت والله
كريم بضحك/ وحشتك اوي صح.. اكيد صح منغير ما ترد حتي عليا
خالد / لا هرد … دي وحشتني اوي يا كريم و مش قادر ادخل الاوضة تاني وهي مش موجوده قولي يا كريم بجد اعمل ايه
كريم بتريقة / والله انت اللي عكيت الدنيا وانت اللي هتظبطها وانا مالي
خالد/ انا غلطان اني اعتبرتك انسان و اتكلمت معاك
و سابوا خالد و كريم كان واقف بيضحك
_______________________________________________
جميلة كانت قاعدة بتحاول تتجنب معاذ و بصاته و مستنية ادهم يقف لوحده و اول ما تاحت الفرصة اخدته و دخلوا اوضة مكتب صقر
ادهم بحده / اوعي سيبي ايدي ايه بتشديني ليه كدة زي الحرامية .. ايه المره دي عايزة تثبتي ان في حاجة بينا لما يقفشونا مع بعض
جميلة اتصدمت/ يقفشونا مع بعض.. انت قصدك اني برمي نفسي عليك يا ادهم انت ازاي بتكلمني بالاسلوب ده انت اتجننت
ادهم / اتكلمي عدل و كفاية اوي الحوار اللي حصل الصبح انا مش عايز مشاكل .. كفاية انك قلبتي معاذ عليا بس علشان تدبسيني في حوار الجواز
جميلة حاولت كتير دموعها متخونهاش و تنزل بس مقدرتش و قالتله بصوت مخنوق / يااه للدرجة دي بتكرهني ..والله ما كنت اعرف يا ادهم
ادهم بحده / اديكي عرفتي و اطمني انا كلها كام يوم و اروح اعيش مع عساف و هسيبهالك لوحدك
و خرج ادهم من اوضة المكتب و قعدت جميلة علي الارض تعيط بقهرة و هي بتحاول تحط ايديها علي بقها علشان محدش يسمعها و في لحظة ياس اخدت من درج صقر حاجة و طلعت علي اوضتها تتسحب
________________________________________________
في الجنينة عز كان بيتكلم مع زميله في شغل و اول ما خلص المكالمة لف لقه كارمن في وشه
عز بخضة / بسم الله الرحمن الرحيم.. احم
كارمن رفعت حاجبها بغدر / ايه هو انا شكلي يخوف اوي كدة يا حرام ولا ايه مش فاهمة
عز/ لا والله انا ما قصدي بس انا اللي كنت سرحان حقك عليا يا كارمن
كارمن / ايوة كدة اظبط كنت هغير فكرتي عنك .. اتفضل عملالك قهوة و عملهالك زيادة كمان
عز / تسلم ايدك طبعا بس انا بشربها مضبوط
كارمن بغل / شكلك صفر تعامل بنات .. مش مشكلة هبقي اعلمك امسك القهوة يا عز و اشربها يا بابا و قولي برغم اني مش بشربها كدة هشربها يا كارمن علشان نفسك فيها
عز ضحك و حط ايده علي وشه باحراج / معقول هو في كدة ..طيب يا ستي ولا تزعلي نفسك هاتي القهوة و تسلم ايديكي و عينيكي كمان .. ها مبسوطة دلوقتي
كارمن بفرحة / بيقولوا .. يعني احكيلي عن ذاتك وانا هسمعك
و بعد فتره طويلة من النقاش اضطروا كلهم يمشوا و كارمن كانت زعلانة اوي ان عز مشي و كان نفسها يطلب منها انه باخد رقمها لكنه اتكسف
______________________________________________
في اوضة قمر .. صقر قرب منها و حضنها من ضهرها و باس رأسها
صقر/ تعبتي انتي النهاردة دايما نغم بتبقي معاكي في اي عزومة
قمر/ بصراحة اه… غيابها مخلي البيت مالوش حس كدة نفسي الموضوع يخلص بسرعة بجد مش قادرة اعيش من غيرها
صقر ببتسامة/ و مين سمعك بس متقلقيش باذن الله هيخلص بسرعة .. المهم دلوقتي انا وانتي .. معقول تبقي جمبي طول الفتره اللي فاتت و مش عارف حتي اخدك في حضني
قمر بحب/ ده والله اللي كان نفسي نفوق من المشاكل اللي احنا فيه علشان اترمي في حضنك و اشتكيلك من اهمالك ده
صقر قرب منها و شدها ناحيته / لا خلاص انا رجعت اهووو .. المهم تقفلي الباب علشان محدش رخم يطب علينا .
________________________________________________
في اوضة جميلة ..😟
جميلة دخلت اوضتها بعد ما الحفلة خلصت و كانت متجنبه الكل كانت لابسة فستان رقيق ابيض و دموعها علي خدها و بتكلم نفسها / انا مستهلش انه يعاملني بالمنظر ده ..انتي الي غلطانة يا جميلة علشان صدقتيه . بس انا بحبه اوي …
و قعدت جميلة علي السرير و هي في مرحلة انهيار و مسكت الة اشبه بالسك*ينة بتتفتح بيها الجوابات من عند مكتب صقر و بصتلها بخوف و بدت تتكلم بصوت مهزوز / انا عارفة ان ده غلط . بس انا مش قادرة اعيش معاهم انا مش شبهم خالص …
و بصت علي صورتها مع والدها صقر الحديدي و كانها بتودعه / انا اسفة يا بابا حقك عليا .. سامحني
و فاجاه استسلمت جميلة لشيطانها و بصت علي ايدها و اتصدمت من كم الد*م و اغم عليها ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
