رواية طبيبة نفسية ولكن الفصل الأول 1 بقلم ملك مختار
رواية طبيبة نفسية ولكن الجزء الأول
رواية طبيبة نفسية ولكن البارت الأول
رواية طبيبة نفسية ولكن الحلقة الأولى
_طلقني يا زين.
_نعم؟!
بصيتله ببرود_طلقنيي.
“ضحك بسخريه”
_وانتي فاكره انك كده بتلوي دراعي يعني!؟ طب انتي طالق يا ملك
“بصيتله لأخر مره كأني كنت مستنيه أشوف نظره ندم واحده، كنت لسه واقفه وببصله بعتاب كان نفسي أحس إني كنت حاجه في حياته لكنه كذب كل ظنوني…. كالعاده!! “
“لما تبقي مجرد شي مُهمش في حياة أغلي حد في حياتك يبقي ده مشكله، لما يبقي نجاحك وتحقيقك لحلمك بيولد الحقد في قلبه تجاهك يبقي ده كمان مشكله، لكن لما توصل بيه أنه يخو’نك قدام عينيكِ بكل برود ويبقي رده”انتي اصلا مفروضه عليا وانا بحبها هي”
يبقي ده مش بس مشكله في حياتك ده تبقي نهايه حياتك معاه!! “
“لميت حاجتي ورجعت شقتي اللي كنت
مأجراها في اسكندريه لما كنت بشتغل، انا عارفه اني لو روحت لأهلي هيعملو زي كل مره وهيقولولي”معندناش ستات تسيب بيت جوزها وتتطلق، انتي عارفه الناس هتقول علينا ايه عاوزه تجبيلنا العا’ر!!؟ “
“نزلت شغلي بعد شهر في المستشفي ورجعت لحياتي تاني، بتصل علي اهلي اتطمن عليهم ومبستناش اسمع معتباتهم لاني حقيقي مش قادره ومعنديش طاقه”
*دكتور ملك يا دكتور
“كنت في استراحتي ولاقيت الممرضه الخاصه بتاعتي جايه برعب وهي بتناديلي”
_فيه ايه يا ريهام؟! حصل حاجه!؟
_المريض اللي في اوضه 153 بيكسر كل حاجه يفندم، وبيضرب كل الممرضين
“جريت معاها بسرعه بدون تفكير، المريض ده مش تحت اشرافي لكننا اتعلمنا ان وقت الشغل المريض اللي بيحتاجك وفي ايدك تساعده لو مساعدتهوش انه يبقي كويس يبقي بتساعده ان حالته تتاخر”
“دخلت لقيته بيكسر كل حاجه وبيقول جمله واحده <انا السبب..انا السبب..ياريتني ماسبتها تنزل لوحدها…ياريتني منشفت دماغي…ياريتني ماعندت معاكِ يحبيبتي>
قعد علي الارض وبدء يعيط خليتهم يخرجو بره ووقفت ابص عليه من بعيد، سكت شويه ورفع راسه وكان بيكلم حد “
_لا انا غلطان متحاوليش
علشان خاطري سامحيني
يعني أيه لسه بدري ارجوكِ سامحيني
اشاره…اشاره ايه؟!
لا لا متسبينيش…انا مقدرش اعيش من غيرك
“كنت ببصله من بعيد وانا مش فاهمه حاجه هو بيكلم مين، بصلي وانا واقفه علي باب الاوضه وقام وقف وهو علي وشه علامات ذهول، رفع ايده بغرض انه يلمس وشي فرجعت لورا بحركه تلقائيا، مسك دماغه وبعدين أُغمي عليه”
“دخلت اوضه المدير”
_ليه انا؟!
بصلي وهو بيسيب القلم_ليه انتي ايه يا ملك؟!
_ليه امرت اني انا اللي امسك الحاله ده وليه مش اي دكتور تاني وانا في ايدي 3حالات اصلا!!
“سكت شويه وبص حواليه وبعدين طلع صوره من مكتبه وقربها مني “
_ده الصوره اللي كانت معاه، لما صحي الصبح ملقهاش كسر كل حاجه لانه بس كان عاوزها….
“بصيتله بصدمه بعد ماشوفت الصوره”
_ ده.. ده انا إزاي…انا متاكده انا عمري ماتصورت الصوره ده اصلا!!
_علشان ده مش انتي يا ملك، ده راندا أخته الصغيره وسبب دخوله المستشفي العقليه….
يتبع…
لقراءة الفصل التالي : اضغط هنا
الرواية كاملة اضغط على : (رواية طبيبة نفسية ولكن)
تعليق واحد