رواية حياتي في رواية الفصل الثامن 8 بقلم نور محمد
رواية حياتي في رواية الجزء الثامن
رواية حياتي في رواية البارت الثامن
رواية حياتي في رواية الحلقة الثامنة
وانا ليسا بلف اناولهاله لقيت نفسي بتزحلق في المياه الى تحتي ووقعت في البسين ده
طااااااااخ
انا بغرق علشان مبعرفش اعوم..بغرق بغرق الحقوني بغرق
فارس جه بسرعه وشالني واحنا في البسين
بين زراعيه وهو عار*ي من فوق طبعا
انا بعد مااخدت نفسي بقى وشي كله احمر من الاحراج وبعدين قولتله
..ممكن لو سمحت تنزلني
فارس بضحك على شكلى وانا مبلوله:طيب حتغرقي تاني لو نزلتك
..طب معليش طلعنى من هنا علشان انا بخاف من المياه
وبعدها طلعني طبعا وكان في مقعد كبير كده قدام البسين قعدني عليه وجابلى فوطه كبيره انشف نفسي شويه
اخدها منه وفضلت انشف نفسي وبعدين قومت علشان اروح اوضتي اغير هدومي
بعدها دبوس شعري وقع واتفرد شعر على ضهري وكان جميل اوي علشان انا شعري كرلى كثيف وطويل لحد خضري بالون البني اللامع
انا طبعا مالحظتش ان طرحتي عامت في البسين لما غرقت 😂
فارس فضل واقف كده وهو سارح في شعري وشكله هو ومبلول كان اجمل
انا بعدها لاحظت شكله ده ورحت عنده اشوف ماله
.. فارس بيه انت كويس
فارس بسرحان: انتى شعرك حلو اوي 🙂
انا بعدها بصيت على البسين لقيت طرحتي بتعوم فيه وحطيت ايدي على شعري لقيته مفلوت فجريت علطول من احراجي منه
وهو فضل سارح فيا كده لحد مااختفيت من قدامه وبعدين ابتسم على تصرفي دي ورجع جناحه وغير هدومه ونام على سريره يرتاح
وانا طبعا رجعت اوضتي علطول واخدت شور سخن شويه واتوضيت وطلعت اديت فرضى وقريت وردي وجيت علشان انام فضل بالى مشغول بالى حصل عند البسين
ده انا كونت في قمت خجلى طبعا وكان قلبي بينبض بقوه كل مايجي في بالى اسمه
انا وبكلم نفسي.. انا اول مره احس بشعور ده شعور جميل كل مابيجي اسمه في بالى بحس بيه يكون هو ده الحب بس انا برضو
مينفعش اعلق نفسي بحد كده لازم كمان اتأكد انه كمان معجب بيا الاول
وبعد من كتر التفكير تعبت ونومت
وعدا اسبوع كده مكنش فيه احداث جديده بس كونت كل يوم احس انو اهتمام فارس بيا بيزيد وده طبعا كان بيسعدني اوي كونت لما اكونت قربيه منه احس انه الامان بتاعي وسندي كمان ومعرفتش امتى تحول كل ده لحب كبير ليه في قلبي بس كونت بخبيه دايما في قلبي علشان ليسا من متاكده من مشاعره هو كمان تجاهي ايه
لحد ماجه يوم كان عادي الاول فارس كان بياكل وكمان اصر عليا اني اكل معه فكونا الاتنين بناكل في هدووء وهو ده الهدووء الذي يسبق العاصفه
لحد ماسمعنا صوت جاي من القصر وبنت كده معرفهاش قبل كده دخلت علينا
البنت بمياعه: فارس بيبي وحشتني وقربت من فارس
فارس قام يسلم عليها بس هي قربت وحضتنه
انا كان الغيظ الغيره بصراحه بتاكل فيا بس مظهرتش ده وبعدين بصتلها كده من فوق لتحت
علشان بصراحه ياجماعه هي كانت لابسه فستان كده ضيق اوي وقصير اوي كمان بالون الاحمر الناري وسايبه شعرها الاشقر كده على ضهرها وحاطه مصنع بحاله مكياج في وشها وانا شكلها استفزني بصراحه اوي
بعد عنها فارس ببرود وقال
فارس ببرود: عامله ايه ياريهام
ريهام بمياعه: كويسه يابيبي وانت عامل ايه
فارس بضيق منها : كويس وبابا عامل ايه
ريهام: كويس وبيسلم عليك وباعتني اقعد عندك يومين علشان مخنوقه شويه يابيبي
(ملخوظه ريهام دي بنت مستثمر كبير في شركه فارس علشان كده فارس بيعاملها باحترام بس كده)
انا كونت متابعه الحوار ده وانا حطق منها وغيرانه اوي عليه بس مبينتش ده طبعا
بعدها بصت عليا بغيره وقالت
ريهام بغيره وغيظ: مين دي يابيبي
فارس : دي نور شغاله هنا معايا في القصر
ريهام بغضب وصوت عالى: قومي ياخدامه من هنا اذاي قاعده بتاكلى مع البيه بتاعك انتى محدش علمك اذا تحترمي الى بتشتغلى عندهم
انا الغضب ملاني وكونت خلاص حرد عليها بس سكت لما سمعت رد فارس
فارس بغضب من تصرف ريهام: ريهام محدش هنا يعلي صوته غيري في القصر ده وكمان كل الى في القصر هنا بتحترمهم زي بعض انا مش بفرق
ريهام بغيظ وخوف: سوري بيبي انا مكنش قصدي
فارس بغضب: طب اعتزري لنور فورا
ريهام بكره وغيظ: سوري يانور
انا بصتلها كده ومردتش عليها
وبعدين قعدت معانا تاكل بعد شويه كده
ريهام بخبث: ايه ده يافارس هو عصيري المفضل مش هنا ليه
بص عليها فارس كده ومردش
وهي بصت عليا وكملت بخبث: ممكن يانور تروحي تجبيلى العصير التفاح المفضل عندي
انا بصتلها كده وكونت خلاص حرد لقيت فارس قال
فارس بضيق: معليش يانور ممكن تجبهولها علشان نخلص بقى
رديت بغيظ منها.. حاضر يافارس بيه زي ماتؤمر
وهي طبعا على وجهها نظره الانتصار
روحت المطبخ وانا بتوعدلها انى حندمها على خدامه دي الى قالهالى
دخلت لقيت المطبخ مفهوش خدم كتير روحت للبت هبه علشان هي الى اعرفها هنا
.. هبه ممكن تحصريلى كوبايه عصير تفاح
هبه: حاضر ياانسه نور وحضرتهالى وبعدين طلبت منها طلب تاني
.. هبه ممكن تجبيلى بدره ****
هي اتعجبت من طلبى ده بس راحت وجبتهالى اخذتها منها وجبت كوبايه العصير وحطيت نص الكيس فيها وقلبتها كويس علشان ميبنش حاجه
اخدته وودتهولها ببتسامه عريضه طبعا
.. اتفضلى ياانسه ريهام
اخدته مني وهي فرحانه فيا وشربته كله علطول
وانا متبعاها ونظرت الانتقام في عنيا وبعدين قولت في نفسي.. اهو احسن خليكي تنضفي من جوه شويه
وفارس نادي على الداده
فارس: ممكن ياداده تاخدي ريهام غرفه الضيوف ترتاح جنب غرفه الخدم هناك
الداده: حاضر يابيه واخدت ريهام لغرفتها ترتاح
فارس كمان طلع جناحه علشان يرتاح
وانا روحت لغرفتي علشان ارتاح كمان
وبعد نص الليل كده سمعت صوت جاي من غرفه الضيوف فسحبت علشان اسمع في ايه بيحصل وصلت لباب الاوضه وحطيت ودني عليه علشان اسمع كويس
سمعت صوتها وهي بتصرخ وتروح الحمام وميعدييش وقت تطلع تصرخ تاني وتروح الحمام
انا بره بصراحه نظره الشماته على وجهي وبعدين قولت.. اللهم لاشماته يارب بس هي بصراحه تستاهل الملز*قه دي
وهي فضلت طول الليل على نفس الحال كده وانا سبتها وروحت لاوضتي بعد مانجحت خطتي طبعا
وخلص اليوم كده وانا بفكر ازاي حطفش البت ريهام الملز*قه دي من القصر
صبح يوم جديد باحداث جديده في روايه حياتي
استيقظت بنشاط غير المعتاد كده وروحت اخد شور واتوضيت ولبست سدال من بتوعي وطلعت صليت وقرأت وردي بعد الصلاه
خرجت روحت لغرفه السفره علشان اشوف فارس نزل والا ليسا
لقيته قاعد بيفطر بهدووء روحت عنده وقولت
..صباح الخير يافارس
فارس بابتسامته الى تسحر دي:صباح الورد يانور
انا سرحت طبعا في ابتسامته دي تجنن هي بصراحه
لحد مالقينا ريهام داخله علينا بتعب وبعدين قعدت على السفره وباين عليها التعب اوي
ريهام بتعب من الى حصلها طبعا: صباح الجمال يابيبي
فارس بضيق: صباح الخير ياريهام مال شكلك تعبان كده انتى منمتيش كويس والا ايه
ريهام بتعب: اه يابيبي كونت تعبانه اوي امبارح
بعدين فارس بص عليا لقى ابتسامه الانتصار على وجهي فهم انتى انا السبب في ده
فارس بقلق: طيب ياريهام لو ليسا تعبانه روحي الدكتور اطمنى
ريهام بتعب: لا انا بقيت كويسه دلوقتي
فارس: طيب انا خارج لشركه وخرج راح شركته وانا طبعا كونت حموت وطفشها من القصر بس كونت ليسا بفكر ازاي
وعدا يومين وطبعا كانت ريهام دي بتحاول فيهم تتقرب من فارس في اي فرصه تسماحلها بس فارس كان بيبعد عنها وبيتجاهلها علطول لحد ماجه يوم كده
كان فارس في جناحه وانادي عليا علشان عاوزني وانا رحتله علطول بس ريهام الملز*قه دي سمعت وسبقتني ليه طلعت وهو كان خارج من حمام ولابس بر*نص بس
طلع لقاها في وشه كده اتخص طبعا
فارس بخضه: في ايه ياريهام بتعملى ايه هنا
وهي اخدت تقرب منه وهو يرجع للخلف
(اوعي يابت تقربي من الواد انفخك والله 😠)
ريهام بحب ومياعه : انا بحبك يافارس وعاوزاك
وقربت منه وحضتنه وهو كان مصدموم من كده ووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حياتي في رواية)
