رواية حور عيني الفصل الخامس 5 بقلم ملك ناصر
رواية حور عيني الجزء الخامس
رواية حور عيني البارت الخامس
رواية حور عيني الحلقة الخامسة
حور: هو انت العريس يا نوح
نوح بابتسامة: ايوة انا مكنتيش عايزاني ولا اي
حور:لا بس انت الفترة اللي فاتت مكنتش بتعاملني كويس
نوح: عشان كنت بجاهد نفسي يا حور كنت عايزك في الحلال وقدام الناس كلها
حور بلمعة دموع: يعني اي
نوح: يعني عايزة تعرفي اي عني
حور بابتسامة: امم اسمك اي.
نوح برفعة حاجب: يا سلام ماشي. نوح ايمن عبدلله.
حور: عندك كام سنة
نوح: 26
حور: بتشتغل اي
نوح بضحكة جذابة: شغال علي محل سنظوتشات يا حور احنا هنهزر
حور بضحك: خلاص يعم بتصلي
نوح: مواظب علي الصلاة فالجامع
حور بفرحة: والقرآن
نوح: فاضلي جزء واختمه
حور: طب لو اتخاصمنا ونا غلطانة
نوح: مش مهم مين فينا اللي غلطان المهم منامش زعلانين من بعض
حور بأبتسامة: طيب عايز تعرف عني ايه
نوح: عارف عنك كل حاجة يا حور
حور بكسوف: احم طب هبلغك ردي مع بابا
نوح: مع اني عارف الرد بس ماشي يستي هستني عشان خاطر عيونك.
حور دخلت جوا واهلها خرجو
ايمن: طيب يا استاذ محمود هنستني ردكم
محمود: ما بلاش استاذ دي
ايمن بأبتسامة: ماشي، يلا يا نوح
نوح: يلا
محمود: السلام عليكم
ايمن: وعليكم السلام
____________♡في اوضة حور رحمة قاعدة معاها
رحمة: ها يا حور
حور بكسوف: هصلي استخارة ياماما وابلغك ردي
رحمة: ماشي يا حبيبتي تصبحي علي خير.
حور: وانتي من اهل الخير
طلعت رحمة وتلفون حور رن
حور: الو
آيات: اي يعروسة عملتي اي
حور: مبسوجة اوي يا آيات
آيات: ربنا يديم السعادة عليكي اي العريس حلو
حور بسعادة:العريس طلع نوح يا آيات طلع نوح
آيات بفرحة لصاحبة عمرها: مش قولتلك يا حور لو نصيبك هيجيلك ولو بعد 100 سنه
حور: انا لسة مش مصدقة لحد دلوقتي
آيات: طب اي قريتو الفاتحة
حور: لا المرة الجاية انا لسة مقولتش اني موافقة
آيات: لي
حور بغرور: مش ممكن موافقش انا الف من يتمناني اصلا وضحكت
آيات بضحك: بتتقلي يعني يا حور شكلك هتطلعي عينه
حور بتمثيل البراءة: انا يابنتي دنا هعيشة فجنة
آيات: اه منا عارفة، الله يكون فعونك يا بني
حور: ياسلام
آيات: طب يلا قومي صلي استخارة ونامي عايزة ادور علي اشكال فساتين
حور: لا اله الا الله، انتي مفيش فايدة
آيات: لا داعي للتصفيق، يلا تصبحي علي خير
حور: وانتي من اهلو
_________♡بعد يومين كانت حور كل يوم تصلي استاخرة وتحس براحة
محمود: ها يبنتي رأيك اي عشان الناس مستنين الرد
حور بكسوف: اللي تشوفه يابابا
محمود بخبث: انا بصراحة شايف انو لسة بدري عليكي وفاضلك لسة سنتين عقبال ما تخلصي جامعة فهقولهم ان نتي مش موافقة
حور بدموع: ماشي يابابا بعد اذنك
واسة هتتحرك سمعت صوت ضحك رحمة ومحمود
رحمة: تعالي يهبلة
حور: نعم يا ماما
محمود: يعني انتي موافقة تضحي بحبك علشاني
حور: اكيد اللي تشوفه حضرتك هو الصح
محمود بحنان: واظن اكتر حاجة هعملها صح اني انزل احجز البدلة
حور بفرحة وهي بتحضنه: بجد يا بابا
محمود وهي بيدخلها جوا حضنه: بجد يا قلب بابا، عموما انا هتصل بيهم دلوقتي
محمود: السلام عليكم
نوح: وعليكم السلام ازيك يا عم محمود عامل اي
محمود: الحمدالله يابني في نعمة وانت عامل اي
نوح:دايما يارب، انا الحمدالله
محمود: ادام الله حمدك، كنت عايز ابلغك ان احنا موافقين
نوح بفرحة: طيب الحمد الله يناسبكم معاد ايه عشان نيجي نقراء الفاتحة ونتفق
محمود: بكرة الساعة 6 كويس
نوح: ماشي هبلغ اهلي ونيجي بأذن الله، تؤمرني بحاجة ياعمي
محمود: لا يا حبيبي
نوح: السلام عليكم
محمود: وعليكم السلام
محمود لحور ورحمة: هيجو بكرة الساعة6
رحمة: ماشي ينورو
حور بسعادة: ماشي يا احلي بابا فالدنيا
_______________♡نوح كان مبسوط جدا وعدت الليلة بساعدة علي الكل
تاني يوم الساعة 6
حور وهي واقفة قدام المرايا بتتأمل نفسها
الباب رن ورحمة دخلت لحور
رحمة: يلا يا حبيبتي الناس جم
حور: شكلي حلو يا ماما(كانت لابسة فستان بيبي بلو وخمار ابيض مشجر من نفس لون الفستان ومش حاطة ميكاب)
رحمة بدموع: قمر يا عيون ماما
حور: طب ليه الدموع دي يماما
رحمة: مش مصدقة انك هتتجوزي وتبعدي عني
حور: هنطلك كل يوم لا تقلقي
رحمة بابتسامة وهي بتمسح دموعها: طب يلا
طلعت هي وحور
نوح اول ماشاف حور ابتسم
حور سلمت عليهم وقدمت العصير وقعدت جمب محمود
والدة نوح واسمها نور: زي القمر يا حبيبتي تعالي اقعدي جمبي
وقعدت حور جمبها وبقت جمب نوح بردو بس في مسافة بينهم
ايمن: طيب نقراء الفاتحة
وكده تمت قراية فتحتهم
وايمن ومحمود قعدو يتفقو
نوح لحور: زي القمر ياحور اللهم بارك
حور بكسوف ووشها احمر: شكرا
نوح بضحك: خلاص متحمريش كده
ووجه كلامه لمحمود: كنت عايز استأذنك ياعمي ان الجمعة تبقي خطوبة وكتب كتاب ولما تخلصص السنادي نتجوز
محمود: وليه الاستعجال ف كتب الكتاب
نوح وهو بيبص لحور: من ناحية الاستعجال ف انا مستعجل اوي يا عمي ومن ناحية كتب الكتاب عشان نتعامل براحة من غير حدود ونخرج براحتنا
محمود: رأيك اي يا حور
حور: اللي تشوفه حضرتك يا بابا
محمود: يبقي علي بركة الله
نوح: ممكن نقعد نتكلم انا وحور في البلكونة ياعمي
محمود: طيب مفيش مشاكل
*البلكونة مفتوحة علي الشقة*
نوح: مبارك عليا
حور باستغراب: عليك
نوح بحب وهو بيبص في عيونها: مبارك عليا انتي يا حوري
حور اتكسفت وبصت في الارض: شكرا
نوح بسخرية: شكرا! دنا هيطلع عيني معاكي
____________♡في الخطوبة حور كانت جوا ونوح قاعد جمب بعد والمؤذون وجمبه محمود والمؤذون قال جملته الشهيرة
*بارك الله لكما وبارك عليكما وجمع بينكم في خير*
حور طلعت بعد ما المؤذون مشي بس المفاجأة انها كانت لابسة النقاب نوح فرح جدا وحضنهاولف بيها
نوح:انتي بجد لبستي النقاب عشاني
حور مكسوفة جدا منه
نوح نزلها وباسها من جبينها
وحور ابتسمت وقالتله: كنت واخده عهد علي نفسي ان يوم كتب كتابي هكون بالنقاب
نوح: مبارك علينا يا حوري
حور بخجل : الله يبارك فيك
بعد شوية جه وقت تلبيس الدبل
آيات وهي بتحضن حور: لقد تعاهدنا علي السير معا لكنك خلفتي بالوعد، سحقا
حور وهي بتضحك: انتي هبلة يبنتي انتي مخطوبة قبلي
آيات: لا اسكوزمي بقي تفرق
حور ضحكت
آيات: مبارك عليكي النقاب يحبيبي
حور: الله يبارك فيكي
______♡وعدت الايام وجه وقت اخر امتحانين لحور في سنة 3
حور وهي خارجة من الامتحان نوح كان مستنيها برة واول ماشافها راحلها
نوح: ها كتكوتي عملت اي في الامتحان
حور وهي مدمعة: انا مش عارفة انا عملت اي
نوح حضنها: بس يحبيبتي اهدي يغور الف امتحان فدي دموعك دي اهدي
حور مازالت بتعيط
نوح: لو مبتلطيش عياط هفضل حاضنط، وشكلك كده عايزة تقعدي فحضني
حور مسحت دموعها وطلعت من حضنه بخجل: احم خلاص
نوح: طب يلا نمشي عشان عاملك بروجرام هايل النهارده
حور بحماس: هتأكلني شاورما
نوح بضحك: هاكلك شاوراما
حور حضنته: انت احلي نوح فالدنيا
نوح حضنها
حور بعد ما طلعت من حضنه ومسكت ايده: يلا ياباشا مستني اي
__________________♡بعد مرور سنتين
حور: قال اي هزاكرلك بعد ما نتجوز
نوح: تعالي بس يادبدوبة وهلتي الكتب معاكي
حور بدموع: انا دبدوبة يا نوح
نوح وهو بيمسك خدودها: واحلي دبدوبة فالدنيا يقلب نوح
حور: انت بتاكل بعقلي حلاوة صح
نوح: بصراحة اه
وقعدو يزاكرو شوية ونامو
في الفجر
محمود وهو بيصلي لقي تلفونه بيرن بأستمرار
محمود:ايه يبني بترن لي،حور كويسة
نوح بفرحة:مبروك يا جدو حور ولدت
وتمت
لقراءة الرواية كاملة اضغط على : (رواية حور عيني)
