رواية حورية في قلب الليل الفصل الثاني عشر 12 بقلم ميفو السلطان
رواية حورية في قلب الليل البارت الثاني عشر
رواية حورية في قلب الليل الجزء الثاني عشر
رواية حورية في قلب الليل الحلقة الثانية عشر
كان جاسر يسحب لؤلؤ للاعلي وهيا غاضبه ليدخل بها حجرتهم.
لتهتف…. انت جايبني هنا ليه اوعي اما اروح لاختي.
ليقترب منها ويهتف… طب زعلانه ليه دلوك اني عملت حاجه.
لتهتف بقهر… يا جاسر خلو اختي تشل قرف.
لببتسم ويهتف….. يا جمالو يا جمالو.
لتقطب جبينها….. نعم يا اخويا هو ايه اللي يا جمالو انت اتخبلت.
ليضحك ويشدها لتنظر اليه بغضب.
ليقول…. جاسر يا مزتي مش جولتي جاسر دا طلع حلو جوي ايه ده.
لتخفض راسها… ايه ده انت بتتكلم في ايه.
ليضحك…. بتكلم في اسمي اللي طلع عسليه من الجمر وهو جمر وعنيه كانت جطه بتطلع نار.
لتتنهد… يرضيك كده دا حوريه غلبانه وانا بخاف عليها.
ليهمس… طب ماني غلبان ماتخافي عليا يا مز انت.
لتهتف…. بطل قله ادب
ليهتف… ابطلها كيف اني لسه عملت حاجه يا بت الناس. جاسر الجمر شجلب حاله.
لتتنهد… بطل بقه احنا اصحاب مش كده.
ليهتف مقتربا منها…. اصحاب واحباب ماتنسيش دي.
لتخبطه…. بطل بقه.
ليضحك…. طب حاضر هبطل دلوك الجمر عايز ايه..
لتبتسم وتهتف…. انا متشكره انك وقفت جنبي وشلتني..
ليهتف…. اني وجفت جارك صوح بس استني اكده واقترب منها وحملها.
لتشهق… انت بتعمل ايه يا مجنون انت.
ليهتف… مش انت مبسوطه اني َوجفت جارك وشيلتك. بس اني ماشيلتش فبشيل اهه عشان الجمر ينبسط.
لتخبطه… بطل قله ادب نزلني ليدور بها. لتتمسك به وتصرخ… انت عقلك خف.
ليضحك… من اول ماطلعتيلي عالزراعيه وهو خف عالاخر وشغال خف لما هنهبل.
لتهمس بخجل… طب نزلني.
ليقربها منه ويقول بهيام…. مش عايز ولو عايز مش جادر.
لتقول… طب بس بقه والنبي عيب كده نزلني.
ليقول…. طب هنزلك بس عن شرط ماتزعليش مني تاني واصل ولو زعلتي اصالحك ماشي.
لتبتسم وتهز راسها لينزلها بهدوء ليحتضنها لتقول… ابعد عيب كده.
ليقول… لا احنا اصحاب وانا لما بصاحب بجرب اكده.
لتقطب جبينها…. ايه ايه… ايه قله ادبك دي انت بتصاحب ستات وتحضنهم.
ليضحك… لا الجمر بس هموت واحضنه واخده يريح جلبي ويبرد جتتي.
لتقول… تاخده تاخده فين انت اهبل.
ليضحك ويقول… يختتاااي لما اخده دا هتبق اييه شوعليله…
لتدفعه وتضع يدها في وسطها…. لا يا شاطر انا ماهروحش معاك في حته لتكون فاكر اني بتاخد عافيه كده يلا من هنا.
ليبتسم وينظر اليها بخبث… . لاه عافيه ايه انت فاهمه ايه يا بت الناس دا هيتاخد براحه وعلي كفوف الراحه وهنمز براحتنا لما تسورجي واسورج معاك بس يجي ساعتها ههيص.
لتنظر اليه ببلاهه ليهتف بضحَك ساعتها هفهمك بس الله يكون في عونك.
لتهتف… انت بتهبد بتقول ايه ويلا بقه وديني لاختي لتستدير للباب.
ليقف امام الباب ويسده.
لتهتف…. جاسر اوعي بقه ماتبقاش رخم. اه من الحق جاسر كنت عايزه طلب والنبي.
ليهتف… عيوني انت تؤمري..
لتهتف…. كنت عايزه اشتغل..
ليقطب…. جبينه نعم يا اختي عايزه ايه.
لتهتف…. اشتغل عايزه اشتغل.
ليضحك… هو طلب اهبل بس نسال ليه الجمر بيعمل اكده ليه.
لتخبطه.. اهبل في عينك انا عايزه اشتغل عشان اصرف عليا وعلي اختي.
ليقطب جبينه… ليه يا جلبي متجوزه سوسن اتشليت مش عارف اصرف عليكي اكتع.
لتتنهد وتهتف.. بطل بقه ليرفع جبينه.. اسمع انا مش هسمح لحد يذل اختي جوزها مش طبيعي هشتغل واديله فلوس حق اكلنا وشربنا هنا..
لينصعق من كلامها.. هتدي لاخويه ايه تاني اكده. حج ايه انت اتجننتي.
لتهتف… لا ماتجننتش انت طلعت طيوب ومؤدب. هو مش كويس وقالها هذلك واشغلك بلقمتك والتانيه تقول هشغلك بلقمتك وهيا ما بتعرفش تشتغل حاجه فانا هشتغل مكانها واديلهم فلوس. حوريه مابتعرفش والله ربنا خلقها كده لتنزل دمعه من عينها.
ليحس بغلب تجاهها فهيا تنسي نفسها من اجل اختها ليقترب ويشدها بحنان ويهمس…. طب دموعك دي بتحرجني والله.
ليكمل.. انت عمرك ماهتشتغلي تاني ولا يدك الجمر دي هتتعب انت تجعدي هانم ويجيلك كل حاجه لحدك َتحت رجلك. واكل ايه اللي اختك هتاكله وتشتغل بيه اخويا مش عويل. اه غشيم بس مش عويل. وعمتي صعبه بس لو علي رجبتي اشغلك. اللي تعوزيه ينطلب ياجي من سكات بطلي هبل وعجل صغير وانا هكلم ليل.
لتتنهد وتقول… ليل دا وحش اوي.
ليقترب منها… مالكيش دعوه بيه خليكي في جاسر مش طلع حلو وطيوب. اني طيوب يا مراري وتجولهالي اكده وانكتم دانا هطرشج.
لتتنهد وتهتف.. طب بلا بقه اوعي اما اروح لاختي
لينحني ويشير الي خده لتقطب ليقول… طب ايه اني طيوب ومؤدب مش هتشكريني مش وجفت جارك يلا بوسه صغننه اهنه.
لتشهق… ايه قله أدبك دي.
ليهتف… طب يمين بالله مانت خارجه الا اما انشكر. دانى وجفت لاخوي الكبير انت مش مجدره والا ايه.
ليقف ويربع يديه ليبين تصميمه
لتتنهد وتذهب اليه… طب انزل انت طويل اوي
ليضحك ويخبطها علي راسها… انت اللي اوزعه وعيوني اهه هنزل.
لتقترب ليضع يده علي وسطها ويشدها لترتبك ليحني نفسه ويعطيها خده لتتشجع وتقترب بشفتيها تقبله وما ان اقتربت وستلامسه ليستدير فجاه لتشهق فقد لمست شفتاه شفتيها الا انه لم يعطيها الفرصه ليضغط عليها وياخذها في قبله حارقه الهبت قلبه وانهكتها فكانت ترتعد من خضتها وهو يغزو شفتيها ليهدا اخيرا ويضع راسه عليها.
ليهمس… لا جاسر طار حلبي هيقف يا بنت الايه ليشدها ويخرج بها ووجهها احمر كالدماء ليذهب بها لحجره ليل.
ليمسك الاوكره ليهتف وهيا خجوله….. ماتحمريش اكده وتجلبي فرولايه.
لتهمس…. افتح بقه انت قليل الادب..
ليضحك ويتلفت حوله بس عشان ممكن اوريكي جله ادب ماسمعتيش عنها لتشهق وتبتعد ليهتف ايه مش هتتدخلي.
لتهتف…. طب وسع
ليضحك…. لاه اني مبسوط اكده.
لتقول…. بطل بقه ايه ده انت سادد الباب.
ليقول…. طب ماتعدي فيه حته اهه.. لتتنهد وتعدي بجوارها لينزل ويقبل خدها لتنفعل وتدفعه وتغلق الباب.
لينفجر في الضحك والله عسليه يا بنت الايه لا نخش عالغامج البت طلجه يا هناك يا جاسر وجعتيلي منين يا بت الجنيه وانصرف وهو متلبسه حاله من السعاده..
دخلت لؤلؤ الحجره وقلبها يرجف. لتهمس… ايه قله ادبه دي عيب كده الله لتضع يدها علي قلبها لتتنهد وتذهب الي اختها لتجدها نائمه لتظل تمسد علي شعرها. اسفه يا قلبي اني ماكنتش جنبك حقك عليا لتستيقظ حوريه لتجد اختها بجوارها تحنو عليها لتحتضنها وتبكي لتهتف خلاص يا قلبي.
لتقول حوريه… كتي فين دول بهدلوني اوي.
لتقبلها لؤلؤ.. طب انا اسفه ربنا ياخدهم هما والطور جوزك منه لله سخَمطت عيشته ولا يهمك.
لتهتف حوريه… لا هو مظلوم دا زعقلهم كلهم والله وكان طيب قوي وحنين خالص.
لتقطب لؤلو.. لا والنبي اكنه مظلوم بطلي هبل الواد ده جاحد.
لتتذكر حوويه هنانه عندما كان. وسط الزرع وأثناء تنظيفها وحنانه لتهتف بس ساعتت بيبقي حنين
لتهتف لؤلؤ.. لا والنبي ايه يا نحنوحه بت انت بعبطك ده ماتتعدلي تجمدي كده يا حوريه ماينفعش تفضلي ضعيفه كده َكنتي قولي لا.
لتتنهد…. مانا خفت ليضربوني يا لؤلؤ.
لتهتف… مايضربوكي احسن بدل ماتنذلي حبيتتي لازم تتعلمي تقفي للناس وتتكلمي الناس هتركبك طول عمرها.
لتهتف…. اعمل ايه مش عارفه
لتهتف لؤلؤ…. بصي ماتبصيش للي قدامك في عينه تمام وفكري في كل الكلام اللي نفسك تقوليه وقوليه مره واحده ماتديش فرصه للي قدامك ينطق.
لتهتف حوريه…… ولما اعمل كده اللي قدامي هيسكت
لتهتف لؤلؤ….. اه انت لما تهجمي الاول اللي قدامك بيكش..
لتبتسم حوريه وتهتف عندك حق لازم ابطل ابقي عبيطه وضعيفه بس خليكي جنبي والنبي دايما.
لتحتضنها اختها وظلا معا لفتره لتدخل عليهم ساره…. الحلوين بيعملو ايه
لتهتف حوريه…. مفيش قاعدين.
لتقول…. طب ماتيجو نطلعو السطح الجو حلو. المنظر من فوج يخبل..
لتهتف حوريه….. وماله لتقول لؤلؤ لا انا تعبانه هروح انام شويه تعبت من الصبح فرهده وتركتهم وذهبت.
لتهتف حوريه.. هغير واطلعلك يا ساره. لتخرج الفتاتان وتتجه حوريه تغير ملابسها
صعد ليل يغير ملابسه كان محترقا من كلام عمته لتعود حوريه لتجده.
لتهمس…. انت رجعت امتي مش كت مشيت
لم يرد عليها لتقترب وتضع يدها علي كتفه.. ليل ليل.
ليصرخ.. ايه ايه هو جصه ليل وطين.
لتنكمش وتخاف ليغمض عينه من منظرها ليهتف…. مافيش وانت مش عايز رط كتير.
لتهتف…. طب مالك انت زعلان ليه عملتلك حاجه.
ليصرخ…. وتعمليلي ايه. انت ايه عشان تعمليلي ووسعي من جدامي بجولك بلا نحنحه فارغه.
لتدمع عينها وتهتف.. طب ماتزعلش كده ماعتش هكلمك خالص لتستدير.
ليحس بكويه في قلبه ليندفع ويمسكها.. مش بمزاجك علي فكره تكلمي وماتكلميش فاهمه انت مني تبقي تحت طوعي تنفذي اللي اجوله ولو علي رجبتك فاهمه.
لتحني راسها ليصرخ…. بطلي توطي راسك اكده انت مرت ليل الرفاعي.
لتنظر اليه وتهتف.. انت وحش اه وحش وانا ماعتش عايزه اكلمك ايه ده انا ماعملتش حاجه وانت بتزعق انت عقلك خفيف اوعي سيب ايدي ماعتش هكلمك خالص وهخاصمك ومش هبقي مراتك ايه ده اوعي لتدفعه وترحل غاضبه.
ليقف محصورا ليهتف…. يا مرك يا ليل متجوز عيله وماعتش هبقي مراتك وهخاصمك هتخاصميني ازاي دانا ماجادرش اسيبك اكده ليتنهد…. اعمل ايه اجمد يا طين البت هتركبك…ليجدها تندفع لتخرج . ..ليندفع ويشدها راحه فين انت اترزي اهنه ماتهملنيش بمزاجك.
لتنظر اليه غاضبه.. لتهتف.. انت جاي تخانقني ليه عملتلك ايه انت. كلكو شكل بعض اشرار قوي.
ليتنهد بغلب… ليجدها نزلت دمعه من عينها ليتنهد ويقترب… طب بتبكي ليه.
لتهمس…. بتزعقلي ليه ماعملتش حاجه انا لتستدير ليشدها لتتأوه من ذراعها وتمسكه.. ليقطب…. جبينه ايه بيوجعك.
لتسيل دموعها.. اه والله لسه لما طنت كانت بتنغذني .
ليقترب ويمسكها ويذهب بها للفراش ليجلسها ويقوم يحضر مرهما للكدمات.. لياتي ويزيح فستانها لتخجل.
ليهمس مافيش حاجه هدهنهولك. ليفتح المرهم ويبدا في تمسيد جسدها بحنان لتتلبسه حاله من اللين ليظل يمسد عليها بلا وعي.
لتغمض عينها وتتنهد ليظل يراقبها فهيا تاخذ القلب ليرفع يده الي وجهها يلمسه لتفتح عيونها وتبتعد بخجل ليتنهد ولا يعلم ماذا يفعل يريد ان يهرب منها ولكن هناك مايكلبشه ليهتف.. حاسه نفسك كويسه.
لتهز راسها بخجل ليهتف.. طب خلي بالك من نفسك وماتقربيش لمرت عمي فاهمه..
لتهز راسها ليظل جالسا لا يجد شيئا يقوله لترفع نظرها وتهمس.. ليه يا ليل انتو بتقعو في مشاكل بسببنا ماتسيبونا نمشي.
ليتنهد ويهتف..لاه يا حوريه ماهينفعش انت مرتي وخلصنا.
لتقترب منه تمسك يده.. ليه انت مش عايزني ونبي سيبنا.
ليرجف قلبه من قربها ومسكه يدها.
لتكمل…. انت بتحب بنت عمك وانا مش هقف في طريقك.
ليهتف منفعلا…. ماتبس بقه انا مابحبش حد.
لتبهت هيا من انفعاله.. امال كت هتتجوزها ازاي.. لتتنهد…. يا ليل ماحدش بيعيش عمره تعيس مع واحده بيكرهها انت بتكرهني.
ليهتف.. بطلي رط انت مرتي وخلصنا.
ليقوم ويبتعد لتقوم ورائه لتهتف.. اه مراتك جبر وعافيه وكره لتمد يدها الي قلبه ليرجف قلبه بعنف….. لتهمس….. بس انا مش هنا هتعيش تعيس ليه اللي هنا صابحه ليه تعمل كده في روحك. لتقترب اكثر ليحس انه سيهجم عليها يحتضنها.
لتهتف.. انا مش هتحمل ان ابقي سبب تعاسه حد انت بتحب ونصيبك جابلك واحده بتكرهها. انت حقك تسعد وقلبك ده يسعد ببنت عمك اللي بتحبها.
لينفعل ويشدها اليه.. اني مابحبش زفته الطين افهمي ولا بحبها اغنهالك واسجلهالك. وشيلي ده من راسك انت مرتي وبطلي تتكلمي في اي حاجه تانيه.
لتبعد وتهتف.. انت بجد مش طبيعي حد بيعيش كده. خلاص بطل تزعق ايه ده كت بحللك مشكلتك انا مالي بيك خلاص ازعل واتوجع وانا اهو في حالي استحاله اقرب منك ايه ده.
ليشتعل ويقترب…. وماتجربيش ليه جربه اياك والا بت بارم ديله.
لتبهت هيا من غضبه لتهتف…. انت غضبان ليه.
ليصرخ…. عشان اني اجرب براحتي وابعد براحتي.
لتدفعه غاضبه.. اوعي بلا بتاع كده انت حد مش طبيعي وتقرب ليه انا بكرهك وانت بتكرهني ولو قربت هموتك.
ليشدها بعنف…. جولي تاني اكده لترتعش وتخاف ليتنهد فمنظرها لا يجعله يكمل غضبه لتنكمش وتنظر اليه ببراءه وخوف ليهتف.. بطلي تبصيلي اكده ماهعملش فيكي حاجه اني بس تلمي لسانك ماتطلعيش زرابيني.
لتهمس….طب ابعد بقه.
لينفعل ويشدها.. لاه الكلمه دي ماتنجاليش فاهمه.
لتهتف بخوف… بطل بقي انا خايفه. اقرب منك ليه وانت متوحش كده.
ليهتف…. كني متوحش طب يا حوريه وماله نوريكي ليدفعها للحائط وينهال عليها لترتعب بخوف وترتعش ليظل معها لا يقوي ان يبتعد وكلما حاول يشده ملمس شفتيها ليلين هو وينساب معها وهيا بلا حول ولا قوه ليبتعد اخيرا لتقع علي صدره ليضمها ليظل ينهج بشده يحاول ان يستجمع نفسه ليحاوطها اكثر ويظل يلمسها وراسها علي صدره من الخجل تسمع دقات قلبه العنيف.
ليهمس…. اعجلي واعرفي متجوزه مين. ليل الرفاعي مش اي حد فاهمه وماتطلعيش غضبي يا بت الناس ومشي العيشه ليتركها ويهرب منها خوفا من نفسه.لتتشجع وتمسك احد المساند وتحدفهم عليه لتاتي في رأسه من الخلف ليتسمر مكانه لترتعب مره واحده لتستدير وتهرب للحمام ليندفع ويخبط الباب افتحي افتحي.
لتهتف خائفه.. لا مش هفتح انت واحد شرير وقليل الادب وبتعمل قله ادب.
ليتنهد بغضب.. افتحي يا حوريه ليلتك مش معديه.
لتهتف.. لا انا خايفه انت هتضربني
ليتنهد بغلب… لاه ماهضروبكيش اني وعدتك.
لتهمس… طب عايزني افتح ليه انت وحش امشي مش عايزاك وهفضل هنا لحد ماموت يلا وهتخش السجن.
ليتنهد.. معاقه يا ربي… طب افتحي ماهعملش حاجه.
لتهتف… طب قول والله وحياه حبيبتك صابحه.
لينفعل.. مافيش طين علي دماغك افتحي.
لتتنهد هيا وتهمس ليل.
ليهتف.. دا غلب ايه ده مالها حنينه اكده. ليهتف نعمين.
لتقول… الحب مش وحش انت ليه بتزعل لما اكلمك عن حبيبتك مش عيب انك تحب وتنحب. عارف لو انت حبيبي هزعل منك موت.
ليركن عالباب.. لو حبيبك… ليتنهد وتزعلي ليه.
لتهمس.. عشان مش بتصرح بحبك. الحب حلو يا ليل اسأل واحده عمرها ماتحبت ولا هتتحب.
ليغمض عينه بوجع من كلامها… ليهتف وليه ماهتتحبي.
لتهمس… انا عايشه طول عمري لوحدي اوعي يا ليل يجيلك الحب وماتقدروش. كان نفسي احب قوي انا غلبانه وجوايا حنيه الدنيا كان نفسي اديها لحد يفرح بيها لتدمع عينها وتسيل دموعها ليحس بها.
ليهمس… يفرح بيها… دا جلبه انهري وهيموت ويفرح وجعك بيوجعني ليتنهد بلين ويهتف.. طب افتحي خلاص ماهعملش حاجه.
ليجدها تفتح الباب محنيه الراس ليندفع ويشدها اليه… بطلي دموعك دي.
لترفع عيونها وتهمس….. حب يا ليل وافرح بحبيبك ليروح منك.
ليهمس بالقرب من وجهها… يروح فين بس واني هسيبه يروح.
لتبتسم ببراءه من وسط دموعها وتمسك يده… بجد مش هتسيبه يروح.
ليشدها اليه… اسيب ايه هو ده يتساب دا ياخد العجل.
لتهمس….. خليك طيب والنبي بطل تزعق. لتملس علي يده لينظر ليده ويهمس هتهبليني يمين بالله.
لتهمس…. بص انت كل يوم الصبح تقلها بحبك هتلاقي نفسك بطلت تزعق وانا مش هضايقك والله. ليتنهد بغلب لتهمس هتقول والنبي.
ليهتف اجول ايه بس.
لتقول.. تقول بحبك.
ليخفق قلبه ويهتف…. جولي تاني اكده.
لتهمس بحنان.. بحبك.
ليرجف قلبه بعنف لتتحول نظراته لرغبة فادحه لتخجل من نظراته لتستدير وتبتعد ليشدها اليه ويمسك وجهها لتهمس… اوعي عيب
ليهتف وداخله يطحنه.. مافيش بين الراجل ومرته عيب.
لتهتف.. انا مش مراتك اوعي عيب
ليشدد عليها تاني مفيش فايده فيكي طب يا حوريه.
لترتعب من نظراته وتراجع خوفا ليلصقها في الحائط ويقترب بوجهه منها لترتجف وتضع يدها علي فمها لينزل براسه ويضع شفتيه علي يدها وهيا ترتجف ليشد يدها لتلامس شفتيها شفتيه لترتجف ليشدها اليه ولا يفعل شئ فقط يحسسها به وهيا ترتعش من فرط ماهيا فيه ليمر وقتا وهيا مغمضه وهو يحاول ان يسيطر علي نفسه يريد أن يبتعد لينهر نفسه ويدفعها بعيدا ويستدير مسرعا مرتعبا من كم المشاعر بداخله
لتقف ترتجف من هجومه عليها وكيف كان حانيا بشكل مهلك لتشعر بداخلها لين له فهيا تتلمس اي حنيه من اي احد لتهمس.. فيه ايه هو ماله بيعمل كده قلبي بيدق. لتتنهد وتخرج
لتذهب لتجد ساره تجلس. لتاخذ ساره حوريه وتصعد بها الي الاعلي ليجلسا معا. وظلا يثرثران فقد ارتاحت حوريه الي ساره بشده كان المنظر جميلا.
لتهتف ساره…. حجك عليا يا حوريه اللي حصل عشيه والنبي ماتزعليش.
لتتنهد حوريه لتهتف ساره… بس ايه ليل سخمط عيشه الواد بكري وفجعه علجه نار.
لتهتف حوريه ليه.. لتضحك ليه انت هبله كان واجف يبص عليكي في الزريبه وليل ماستحملش ان راجل يبص عليكي.
لتقطب حوريه جبينها….. ومايستحَملش ليه عادي.
لتضحك ساره…. لا عادي ايه الراجل الصعيدي بيغير علي مرته.
لتبهت حوريه…. انت هبله يغير ايه دا بيكرهني.
لتهتف ساره…. بيكرهك بس يا هبله ماشفتهوش ونازل طحن في الواد ويقله بتبص علي مرتي يا محروج. وكل اما يبطل يرجع من غيظه يضربه عدمه العافيه وشد الوليه اللي اسمها فوزيه رماها برات الدار.
لتهتف حوريه….. ليل عمل كده عشاني.
لتقول ساره… ولسه دا وجف لمرت عمي وجالها مرتي ماتخدمش مرتي من اسمي ما حدش يمسها. يا مري دا اتعاركو يا بت وعمتي جويه وهيا اللي مربيانا من ساعه ما امي ماتت ما نجدرش نجولها كلمه. وجفلها كيف الاسد وليل في غضبه مابيتفهمش ومسكو في بعض بسببك يا حزينه وحذرها ماتجيش جارك واختك جت وطينت الدنيا وبهدلته وجوزها وجفله برضك الدنيا كت متشعلله وانت مسورجه في النوم.
لتهتف حوريه…. كل ده ليل عمله يا حرام زمانه زعل اوي انه عمل كده.
لتهتف ساره…. لاه هو زعل انك اتهانتي ووجف وجال مرتي من اسمي ماحدش ياجي جارها وحذر اي حد. يلا احسن مرت عمي وبت عمي مابيهمدوش شر ربنا يهديهم.
لتتنهد حوريه.. هو عمل كده عشاني امال زعقلي ليه عند الزرع وفوق لتتذكر حنانه وهو ينظفها بالماء وكيف كان حنونا لتننهد وتنساب مشاعرها. هو سعات حنين وساعات بيقلب ليه وخدني في حضنه ونيمني وعمل كل ده عشاني امال ايه ساعات بيخوفني..
لتخبطها ساره… مالك يا خيتي بتفكري في ايه..
لتهتف…. اخوكي ده غريب اوي بيتحول.
لتهتف ساره….. اخوي من جواته طيب وحنين بس الشده والتار فورو جلبه وخلوه كيف الغضنفر مابيروجش اول مايخس حاله هيلين بيرجع يجلب طور ينطح اساليني ساعات يحن عليا وساعات الاجيه نار والعه.. بس انت طيبه وهتخليه يلين.
لتهتف حوريه….. انا مالي بيه ياختي.
لتضحك ساره…. لا مالك بيه ايه دانت يا بت جمر حوريه و َانت حوريه انا اجدر اجزم ميه في الميه ان اخويا طب بس مش عارف.
لتقطب حوريه…. طب فين.
لتضحك…. طب فيكي يا هبله اخويا مايجفش لعمتي اكده ولو السكينه علي رجبته. اخويا كان نار والعه. طور هايج تجوليلي طب فين اسكتي باينك هبله.. دا طب بس الكبر جواه اصله واعر لا وحرجته جدام زكريا كان هيموت جعد طول اليوم هايج في الغفر.
لتهتف حوريه…. بطلي هبل بقه ال طب ال دا ضاربني لما هريني وقالي كلام يقرف.
لتهتف ساره…. اه جال بس ما كانش شاف.. اخويا التار لحس عجله ومرت عمي بتغز في جتته وتحني جواته لما اتنفخ غل من ناحيتكو والجوازه جت جبر وليل مابينحبرش عمره. والبنت عندنا لو طفشت تندبح اه والله فما بالك بقه عروسه ليل الرفاعي تطفش. ياختاي كويس انه ماجتلكيش.. صدجيتي ليل واحده واحده هتلاجيه حد تاني احنا نعرفه كويس ودلوك مش عارفين ماله والظاهر انت وبسببك.
لتتنهد حوريه وتتذكر حنانه عند الزرع وعندما كان ينظفها لتبتسم وتظل ساهمه.
لتفيق اخيرا لتهتف …. طب سيبك بقه ممكن تصوريني يا ساره.
لتقوم ساره سعيده بتلك الحوريه لتصورها عده لقطات لتخلع حوريه وشاحاها وتظبل تذهب هنا وهناك فالمنظر الخلفي رائع بيطل علي اراضي زراعيه ومن خلفه اشحجار وصخور والخلفيه النيل.
لتهتف حوريه…. بصي انا هروح عند السور وتوريني.
لتضحكَ ساره والله انت هبله يلا ياختي التلافون اتملي صور.
لتذهب وتقف وتعطي ظهرها للسور وتحني راسها للخلف ليتساقط شعرها شلالات من الموج.
لتهتف ساره…. يا بنت الجنيه وتقفز عاليا.
لتصدح ضحكه حوريه في الافق سعيده بالجو والمناظر الَمحيطه..
كان ليل ياتي بفرسه من بعيد لينزل الي مكان الاسطبلات ويضع فرسه ويخرج ومعه عاملي الاسطبل ويقف ليعطيهم بعض الاوامر في العمل.
لترن في اذنه ضحكه عاليه ليقطب جبينه ويتلفت حوله فلم يجد شيئا لتصدح تلك الضحكه مره اخري ويرفع راسه لينشل مكانه فكانت هناك شلالات من الشعرتتساقط علي السور. سلاسل من الدهب المرصع بالعسل وحمره الشمس وهيا تحرك راسها وتضحك يمينا وشمالا وشعرها كامواج عاتيه تلهب القلب لينظر اليها ويتسمر من جمالها ويتوه فيها ويبتسم لبعض الوقت ليهمس جمر يا بت الآية .
ليفيق مره واحده وينظر حوله ليجد الرجلين يفغران فمهما ببلاهه وعلي وجههم ابتسامه ساهمه.
ليصرخ… بتبص علي ايه يا محروج منك له دانتو وجعتكو مهببه ليرتعب الراجلين. ويخفضان اسيهما.
ليصرخ غور يا زفت منك له ويرفع راسه مره اخري… يخربيتك بتعمل ايه المتخلفه دي ده منظر دانت وجعتك هباب بس اصبري. لتصدح ضحكتها.. ليصرخ.. منك لله جلبي انحرج ليصعد اليها والغضب ياكله ليصعد الي السطح مسرعا ليجدها تقفز هنا وهناك وشعرها يدور حولها ليشير الي اخته ان تنزل لتنشل وتنصاع من منظره ليقترب منها والغيره تنهش قلبه و….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حورية في قلب الليل)
