رواية حلم ظننته حياه الفصل السادس عشر 16 بقلم بسملة

خالد: خلاص اشطا هنزل ف عشر دقايق اطلب الاوردر واجي عما يجهزوه ونمشي
وتقعد ثناء ويارا يتكلمو كتير
يارا: هو ممكن اسالك سؤال
ثناء: طبعا اتفضلي
يارا: هو انتي بتحبي خالد؟
ثناء بكثوف: بصراحه مش عارفه بس انا من يوم ما شوفتو وانا حالي متغير وبقيت بسرح كتير جدا لما بشوفو وبفكر فيه كتير وبحب اقعد معاه واناكف فيه واعاندو ومشدوده ليه كدا..
يارا: يبقي وقعنا ي عم وتغمز لثناء وتضحك
وهما بيضحكو خالد جه ف سكتو
خالد: اي سكتو لي لو قاطعتكو ف الكلام انزل عما تخلصو وابقي اجي
ثناء: لا عادي احنا كنا بنتكلم عادي وخلصنا
خالد: طب ممكن اعرف بتتكلمو ف اي
يارا: حاجات بنات ي عم ويضحكو
ثناء: الحمد لله ان عُدي نايم كان زمانو وقع بلسانو قدامو وقال كل حاجه واهو طفل مبيعرفش يميز
يارا: لا متقلقيش عُدي مش من النوع الي بينقل الكلام ولما بيسمع حد بينقل الكلام بيضايق اوي ويزعل ويقول ان دول ناس وحشين

ثناء: ماشاء الله ربنا يحميه ويبارك فيه يارب
يارا: يارب ي حبيبتي
خالد: هاا هتفضلو تتهامسو كدا كتير ولا اي
يارا: لا خلاص ي عم خلصنا كلام خلاص
واتحركو ووصلو البيت والداده ووداد رحبو ب يارا وعُدي حلو جدا واكنهم ناس منهم ونيمو عُدي ف غرفة الضيوف وكانت الداده جهزتها من قبل ما يجو
خالد: احب اعرفكو ان احنا قدمنا لثناء ف الكليه وفاضل الامتحنات وممكن لو نجحت ف الامتحنات دي بدرجات عاليه تدخل سنه تانيه علي طول
ثناء: بس احنا اتفقنا ان انت الي هتذاكرلي
خالد: مش ناسي ي ستي اتفاقنا هي دي تدبيسه تتنسي
ثناء: هاا بتقول اي سمعتك.. سمعتك علي فكره اكن دي تدبيسه.. ماشي ماشي
خالد: يادي النيله خلاص ي ستي حقك عليا انا غلطان دا انتي حته سكره مين الي قال تدبيسه بس هو في احلي منك
ثناء مشت بسرعه وخدودها حمره من الكسوف ومشت وراها يارا وينده عليهم خالد
خالد: تعالي بس متاخديش ف نفسك مقلب كدا الاكل هيبرد.
ويضحكو كلهم وصوت ضحكهم علي لدرجة انو صحي عُدي وطلعلهم بره
يارا: صحيت ي حبيب ماما

عُدي: هو اتتو حد يعيف ينام منكو( هو انتو حد يعرف ينام منكو)
خالد: اي دا انت عندك اللدغه دا احنا هنشبع تييقه( تريقه) فيك..
*ويضحكو ويضحك عُدي علي كلامهم وعشان هو مش بيزعل من حد لما بيتريق عليه وبيفرح بكلامهم وبيحس انو بيسبب الفرحه لغيرو كدا(ماشاء الله طفل وفاهم ومدرك واهم حاجه عندو غيرو يفرح مش مهم عندو ان هو كان التريقه او ان هو حاجه تضحك وكفايه ان دي حاجه تبسطو وتفرحو)
وداد: يلا ي ولاد الاكل هيبرد وتنده علي عُدي.. تعالي ي عين تيتا تقدر تناديلي ي تيتا او ي وداد الي تحبو
عُدي: لا اكيد لازم نحترم الاكبر مننا وهقول لحضرتك ي تيتا
خالد: اوعا ي عم التربيه ويشيلو يبوسو وياخدو ف حضنو
يارا: اي هو اي حد يربي ولا حاجه دا ابن حمزه العقاد ي ابني
وفجاه يسكت الجميع بعد ذكر اسم حمزه وخالد ويارا يدمعو
عُدي: اي انتو هتعيطو ولا اي عاوزين ناكل ولا دلوقتي شبعتو
خالد: لا لمض لمض يعني.. عشان امك تتريق عليا ف لماضتي بعد كدا 😂
*ويضحكو وياكلو وتعدي الايام والشهور وثناء تمتحن وتنجح باعلي تقدير وتدخل سنه تانيه زي ما خالد قال وتبقي من اشطر الطلاب ف الجامعه وتخلص سنه تانيه خلاص وتجيب امتياز مع مرتبة الشرف
خالد: اشطر كتكوته ي ولاد نجحت.. اي الشطاره دي بسم الله ماشاء الله

يارا: عاوزه عريس بقا ي بت ي يارا عشان تتجوزي
خالد: عريس مين دا بقا ان شاء الله.. لا ي حبيبتي هيا لسه صغيره علي الكلام دا تركز ف جامعتها ومذاكرتها الاول وبعدين تبقي تفكر ف الجواز
يارا: اي ي عم دا هيا معترضتش وقالت كدا ولا انت غيران ولا اي.. شكلك وقعت ي نُصه ولا اي
خالد: لا انا بس فكرت انها عاوزه تقول كدا ف قولت
يارا: سبحان الله وانت بقا بتفهمها وهيا طايره.. ماشي ي عم هصدقك
ثناء: خلاص ي جدعان انتو هتتخانقو عشاني ولا اي
يارا: لا خناق ولا حاجه ي ستي.. بس اي ي عم خالد البت نجحت مش ناوي تعزمنا علي حسابك ولا اي
خالد: عنيا بس كدا وهو اي الست ثناء اي حد بردو
ثناء: قصدك اي يعني ي استاذ خالد
خالد: لا ي ستي مقصدش حاجه والله دا انا بمدح فيكي بس
ثناء: اه مهو واضح خالص
يارا: اه ي جبان 😂
خالد: احم احم يادي الكُثوف
ويضحكو ويروحو ياخدو الداده ووداد وعُدي ويروحو مطعم حلو ونظيف وشكلو شيك وكويس ويحتفلو ب ثناء ويكون خالد مجهزلها تورته لما عرف انها نجحت وعملها حفله كبيره وكل الي ف الكافيه احتفل معاهم بالنجاح وشاركوهم فرحتهم ويعدي اليوم وتخلص الاجازه وترجع ثناء تاني تروح كليتها

يارا: خالد كنت عاوزه اسالك حاجه
خالد: اسالي علي طول ي بنتي انتي لسه هتستأذني
يارا: هو انا حاسه ان انت فيه مشاعر من ناحيتك لثناء وعاوز تعترفلها بس مش عارف او ف حاجه منعاك
خالد: بصراحه انا منكرش انها فعلا بنت جميله جدا وجدعه وطيبه ومحترمه وب100 راجل وان انا فعلا حبيتها من قلبي بس مقدرش احس بفرحه او مش متخيل ان انا افرح ف يوم من غير حمزه”الله يرحمه”
يارا: وهيا بتمسح دمعتها ي عم والله دا هو كان نفسو يفرح بيك ويشوفك عريس اد الدنيا وانت عارف انو هيفرحلك اوي وزمانو حاسس بيك دلوقتي
خالد: مش عارف ي يارا بس متقبل الفكره خالص وبحاول اقنع نفسي بس مش عارف
يارا: حاول ي خالد وفكر ف كلامي كويس اوي وصدقني هتقتنع
خالد: موعدكيش بس ان شاء الله احاول
*وعدي سنتين وجه اليوم الي خلاص ثناء هتتخرج فيه وكان فستان تخرجها هديه ليها من خالد فستان ابيض رقيق جدا وشيك وعليه طرحه بيضه وهيلز ابيض رقيق
ثناء: والله بجد مش عارفه اشكرك ازاي علي كل الي بتعملو عشانا دا وكفايه انك مستحملنا كل السنين دي وتاعبينك معانا
خالد: كدا هزعل بقا تعبيني اي بس والله ي بنتي دا انتو ليكو فضل كبير اوي ف حياتي واني مبسوط كدا وكمان يعني قريب هنبقي عيله واحده ان شاء الله
ثناء: اي انت قولت اي

خالد: لا مقولتش حاجه بس هبقي اقولك قولت اي بس مش دلوقتي ويلا بقا عشان تلبسي عشان متتاخريش
ويلبسو كلهم ويجهزو ويلبس خالد بدله كحلي وعليها بنطلون ابيض وشميز ابيض وحاجه كدا اخر شياكه
*ف غرفة ثناء كانت يارا بتجهز ثناء وخلاص خلصو
يارا: بسم الله ماشاء الله قمر الله اكبر والله عسوله.. ربنا يحميكي يارب وعقبال مااشوفك عروسه يارب
وتحضن ثناء يارا جامد
يارا: انا عمري ما كان ليا اخوات بس من يوم ما قابلتك والله واترحتلك وحسيتك اختي وربنا عوضني بيكي والله
عُدي: يلا ي ماما يلا ي خالتو ثناء بابا خالد بينده عليكو تحت وبيقولكو هنتاخي(هنتاخر)
ثناء: ياتي عسل ي ولاد وتبوس عُدي… قول ي حبيبي لبابا خالد ان احنا نازلين اهو
عُدي: حاضر ي خالتو.. بس بابا خالد لو شافك هيتجوزك علي طول ويطلع يجري
ثناء: بقا انت ي شبر ونص يطلع منك الكلام دا وتنكثف ثناء وتخبي وشها ف حضن يارا
يارا: شوفي حتي الواد الصغير لاحظ.. يلا عشان متتاخرش والمشوار لسه هياخد ساعه
وينزلو تحت وثناء تنزل وخالد مستنيهم تحت قدام العربيه بتاعتو
خالد: اي الجمال دا ي جدعان ماشاء الله ملاك ي ولاد هو ف حلاوه كدا بجد ي ابوي علي الحلاوه
ثناء: عيب كدا بقا الله بتكثف ي عم… وبعدين هو انت بتشتري حاجه وحشه يعني.. بس والله ذوقك طلع حلو جدا
ويخلصو كلام وتحضنها وداد امها والداده ويعيطو من فرحتهم بيها ويروحو مكان الحفله وبعد ما يتكرمو كل الطلاب وثناء واقفه مندمجه ف الكلام مع يارا حد يخبط علي ضهرها وتلف وتلاقي
خالد: تتجوزيني

ثناء: اي دا انت بتهزر صح
خالد: اي ي بنتي الهبل دا هو دا وقت هزار طيب مش قدام الناس كدا.. هاا تتجوزيني
ثناء: طبعا موافقه دا حلم سنين
ويلبسها الخاتم وثناء تلبسو الدبله ويحيهم كل الناس الي واقفه ويباركلهم ويروحو من الحفله مبسوطين وفرحانين
خالد: ف مفاجاه صغننه كدا يريت تعجبك
ثناء: هو ف احلي من مفاجاه النهارده
خالد: دلوقتي تشوفي وتحكمي بنفسك
ويدخلو البيت ويلاقو البيت مليان ورد وبلالين وزينه واي دا كمان
ثناء: وااوو بجد اي الجمال دا.. ثواني بس مش هوا عمو الي بيخلي الناس يتجوزو
خالد: شاطره عليكي نور هو دا
وتقف جمبها يارا ووداد والداده وحب الجميع حواليها محاويطها من كل النواحي ويكتبو الكتاب وخالد يعمل لثناء اجمل حفله زفاف

تمت

لقراءة الرواية كاملة اضغط على : (رواية حلم ظننته حياه)