رواية حكاية بنت الريف الفصل الثاني 2 بقلم صباح عبدالله

رواية حكاية بنت الريف الجزء الثاني

رواية حكاية بنت الريف البارت الثاني

رواية حكاية بنت الريف الحلقة الثانية

بسم الله الرحمن الرحيم
دهب بصراخ: اها ياخالي والله خلاص مش مش هيعدها تاني والله بالله عليك خلاص
اسلام والله لا اربيكي يادهب وهعلمك ازاي تردي عليا
أم نوال. يابني سيب البت حرام عليك هاتموت في ايدك
اها ياني جسمي مش قادرة فضل يضرب فيا من غير اي رحمه مابقتش قادره اصدوه ولا ابعده عني خلاص مابقتش حاسة بحاجة بتحصل حوالي وحتى ضرب خالي فيا مش حاسه بيه سبت العالم الظالم اللي مش لاقيه حد ياخدني في حضنه ويقولي انا معاكي ماتخفيش اغمى علي من كثر ضرب خالي ودموعي على خدي
أم نوال. يالههههوي ابعد بقاا يامفتري يالي مش عندك دين ولا”رحمه روح منك الله وحسبي الله ونعم الوكيل فيك يا ابن بطني
اسلام. احسن علشان تيآدب وما تنساش نفسها هي مين مش بعد ربنها و كبرناه هتكبر علينا
أم نوال. بدموع قومي يادهب يابنتي حقك عليا انا معليش يابنتي هو ده نصيبك في الدنيا مكتوب عليكي العذاب والمرار ده حسبي الله ونعم الوكيل في كل ظالم وابوكي منه الله هو السبب في كل اللي انتي فيه
❈-❈-❈
تاني يوم
دهب. اها جسمي كله وجعني مش قادرة اقوم من مكاني او ادوس على رجلي حتى حسبي الله ونعم الوكيل وبعد شويه لقيت ستي داخله عليا وماسكه حاجه في ايديها
ام نوال صحيتي يا قلب ستك انا كنت لسه جايه اصحيك علشان تاكلي لقمه
دهب هو ايه اللي حصل ياستي انا مش فاكره غير لما كان خالي بيضرب فيا وبعد كده مش فاكره حاجه
ام نوال بحزن معلش يا قلب ستك من كثر ضرب خالك فيكي اغمى عليكي
دهب. صعب عليا نفسي ودموعي نزلت لم افتكرت ازاي خالي كان بيضربني من غير رحمه
أم نوال. تحضن دهب معليش ياحبيبتي نصيبك نعمل ايه
دهب. الله يسامحكم انا تعبت والله العظيم تعبت مش لاقيه حنان من غريب ولا من قريب
أم نوال. الحمد لله على كل حال ومن أمته والحنان بيكون من الناس يابنتي وطلعت دهب من حضنها و تمسح دموعها يلا يا بنتي كلي حاجه علشان نازله الشغل
دهب. لا ياستي انتي لسه تعبانه انا هنزل ممكن ربنا يهدي الحال ويوفقو اني اشتغل في الارض معاهم
أم نوال. لا خليكي انتي ده انتي مش شايفه جسمك عامل ازي منه لله ابن بطني
دهب بحزن يلا ياستي الله يسمحوا بقاا
أم نوال طيب يلا ياحبيبتي كوليلك لقمه وانا هنزل اشوف حالي
ستي طلعت وسابت صنيتة الاكل جمب مني قومت وشيلت الصنية ماجليش نفس اني احط حاجه في حنكي حسيت اني مخنوقه ودموعي اتجمعت في عيني استغفرت ربنا وقومت اتوضيت وصليت وطلعت اتمشى على الترعه اللي في القريه عندنا ورحت وقعدت تحت الشجرة وقعدت سندت ظهري على الشجره ومسكت عصايه وفضلت العب في الميه وارمي في الترعه طوب بحس وانا برمي الطوبه في الميه زي مايكون برمي كل اللي في قلبي معها
***
عند مهند
مهند. هو لسه كتير ياحج على مانوصل
ابو مهند لايابني قربنا نوصل اهو انا عارف ان المكان بعيد بس الارض كويسة
مهند. بعد اذنك بقاا ياحج انا عايز لو ربنا أصلح حال الأرض دي انا هعملها مشروع صغير كدا
ابو مهند. مشروع اي اللي انت عايز تعمله يامهند
مهند كنت عايز اعمل مشروع شركة أستراد وتصدير في الخضار والفواكه ياحج
الحج محمد ازاي ده يابني ماحنا عندنا الوكاله والحمد لله الرزق اللي بيدخل منها كويس
مهند المشروع حلو و مضمون وبعدين يعني مش قصدي حاجه الوكاله كويسه والحمد لله بس انا عايز اكبر في الشغل يا حاج وبعدين شركه استراد وتصدير في الخضار مش وحشه
الحاج محمد وهتشتغل ازاي دي
مهند يا حاج احنا كل اللي علينا هنبني الشركه وبعد كده هنعمل لها اسم في السوق وهنبقى نصدر الخضار والفواكه وفي نفس الوقت هنصدرو يعني احنا هناخد خضار من بلاد تانيه وفي نفس الوقت هنسفر الخضار بلاد تانيه وده اسمه أستراد وتصدير ياحاج
محمد يبص على مهند ويسكت شوية. وبعد وقت مش كتير بس يابني الشغل ده كبير ومحتاج مجهود كبير
مهند بكل ثقه باذن الله يا حاج انا قدها وربنا ان شاء الله هيعني عليه بس انت وافق يا حاج
الحاج. محمد ان شاء الله بس نشوف الارض الأول واهو وصلنا الحمد لله
مهند. حمدالله على السلامه يا حاج قولت كدا وبصيت من الشباك بتاع العربيه وشوفت المكان جميل َوهادي المكان كان عباره عن الجنينه بجنب منها ترعه كبيره قوي والميه بتاعتها كانت صافيه جدا ومزروع عليها شجره خروع لدرجه اني حسيت ان انا بجد حابب اروح اقعد على الترعه دي وانسى كل مشاكل الدنيا وخد بالي ان في حد قاعد تحت الشجرة وعمال يلعب في الميه بتاعت الترعه مش عارف بس حسيت إحساس غريب اتجاه الشخص اللي قاعد مش عارف ليه مع اني ما شوفتش هو مين وفقت من كمية المشاعر اللي انا حسيت بها على صوت الحاج
الحاج. محمد اي يابني روحت فين خد بالك وانت سايق العربية احنا في قرية والعيال عمالها تلعب خد بالك يابني
مهند. معليش ياحاج بس سرحت شويه كلمت ابويا وان عيني في المرايه بتاعت الشباك وحابب اشوف الشخص اللي قاعد تحت الشجره بس ماقدرتش اشوفوا
***
دهب انا قاعده تحت الشجرة وحسيت بالأمان لأول مره في حياتي حسيت ان في حد دخل حياتي وهاينسيني كل العذاب اللي انا فيه حسيت فعلاً أن في حد واقف جنب مني وبصيت وراي من غير ماحس بس ماشوفتش حد وسمعت حد بينادي باسمي
طفل من أطفال القريه يادهب يادهب
دهب. أي مالك ياخالد جاي تجري ليه كدا
خالد الطفل. الحقي يادهب ستك
لم سمعت كلمة ستك قلبي وقع في رجلي من الخوف ليكون حصل حاجه لها ياربي انا ماليش حضن غير حضنها وبصوت عالي ودموعي نزلت. مالها ستي ياخالد
خالد. ستك وهي بتشتغل وقعت على الارض ومش عايزة تقوم
ماحستش بنفسي غير وانا بجري في الشارع زاي الهبلة
❈-❈-❈
مهند. هي دي الأرض ياحاج
الحاج. محمد بسم الله ماشاء الله دي كبيرة قوي انا كنت عارف ان هي كبيرة بس ما تخيلتش انها كبيره للدرجه دي
مهند فعلا الارض كبير بسم الله ما شاء الله بس دي يا حاج مزروعه جنينه عنب
الحاج محمد.ايو مانا كنت عارف بس نسيت اقولك
مهند. ماشي ياحاج حصل خير بس هو في ايه ليه الناس متجمعين كدا
الحاج محمد مش عارف يابني تعالي نروح نشوف في اي لايكون حد محتاج مساعدة
مهند. ربنا يبارك فيك ويكرمك ياحاج وروحنا نشوف في ايه لقينا ست كبيره في السن و باين عليه كده في سن ال 50 وقعها على الارض وبين كده اغمي عليها والناس ملمومه حوالين منها و ما فيش حد بيعمل حاجة جريت على الست دى وبقيت احاول افوق فيها بس مافقتش وفجاه لقيت بنت جايه تجري وعمالها تعيط محستش بنفسي غير وعيني على البت دي وفي حاجة بتشدني ليها ومش قادر انزل عيني عنها
دهب وصلت الجنينه ومش عارفه ازاي ولقيت ستي واقعه على الارض والناس ملمومه حوالين منها ما فيش حد قرب منها غير شاب انا اول مره اشوفه بس من خوفي على ستي ما اخدتش بالي منه. دموعي على وشي وقعدت على لارض واخد ستي في حضني ومش عارفة اعمل ايه ولا اقول ايه ودموعي نزله وخدها في حضني وخلاص وحسيت زاي مايكون اني خلاص هاخسر حضنها
مهند. مش عارف ليه عيني عليها واخد بالي من جمالها كان شكلها هادي عيونها كان عسلي صافي وكنت بشرته قمحاويه بس كنت زي الأطفال كانت شفايفها ماكنتش حمره كانت زاي لون بشرتها كانت حطي طرحتها بس كان نزل منها شعر جاى على عينيها كانت بالنسبه ليا هي اجمل بت في العالم كلو مش عايز حاجة غير اني افضل ابصلها وكان هاين على اروح واخدها في حضني وامسح له دموعها واقولها متخفيش انا موجود معاكي بس انا ماعرفش اسمها حتى وفوقت على صوتها
دهب. بدموع بالله عليكم حد يعمل حاجه ستي هتروح مني
مهند. ماحستش بنفسي غير وانا بقولو متخفيش يانسه أن شاء الله هتكون كويسة لازم نخدها المستشفى بس انا ماعرفش حاجه هنا انا اول مره اجي هنا انتي تعرفي فين المستشفى
دهب. بدموع ايوا اعرف بس بالله عليك بسرعه
مهند شيلت الست من علي الارض بس مش عارف ليه مش قادر اشيل عيني عنها أن عارف ان كدا حرام ربنا أمرنا بغض البصر بس مش قادر وحطيت ستها في العربية وهي قاعدت جنبها وخوفها على ستها خلني احس ان هي مش عندها حد غيرها قفلت باب العربية ورحت عند ابويا اخد اذنه علشان اخد الست المستشفى
بعد اذنك ياحاج هاخدها المستشفى وانت اتفق مع صاحب الارض على ما اجي
الحاج. محمد روح يابني ودي حاجة تخد عليه اذني روح خدها على المستشفى وخد الفلوس دي معاك واعمل له الازم
مهند. متخفيش ياحاج معايا فلوس بعد اذنك ياحاج ورحت وركبت العربية وهي بقت توصف ليا الطريق وبعد شوية وصلت المكان اللى هى وصفته ليا ونزلت واخد ستها ودخلنا المستشفى
وبعد زي ربع ساعة لقيت الدكتور جاي
الدكتور. انا اسف ياجماعة الحاله متأخر المدام ماتت إلبقاء الله والبقيه في حياتكم
دهب. نزلت كلمة الدكتور علي ودني زي مايكون فيه حد جاب جمرة نا”ر وحاطها على جسمي يعذب فيا على البطيء ومش قادره ارد على الدكتور اقول انت بتقول ايه وحسيت أن جسمي بقاا اتقل من الحديد ومابقتش حاسة ولا شايفه اي حاجة قدامي ورحت في عالم جميل مافهوش ولا حزن ولا وجع ولا اهانه مافهوش غير دهب دهب وبس بس حسيت ان في حد خدني في حضنوا ماني ماكنتش حاسة بحاجة بتحصل حولين مني بس حسيت بحنان كتير والأمان مش عارفة ليه بس اول مره احس الاحساس ده كان جميل قوي
❈-❈-❈
مهند. كنت واقف جنب الدكتور لم قال خبر وفاة ستها حسيت زب مايكون ستي انا اللي ماتت حسيت بالحزن والالم اللي هي حاسة بيه دلوقتي وكان بين أن هايغمي عليها ماحستش بنفسي غير وهي في حضني ومش عارف ايه كمية المشاعر اللي انا فيها دلوقتي والمشاعر دي مش قادر الاقى لها تفسير يانسه انتي كويسة حد يجيب دكتورة فوراً
الدكتور. لو سمحت ابعد شوية وانا هكشف عليها
مهند. بصوت عالي انت ماسمعتش انا بقول دكتورة مش دكتور لقيت الدكتور بص ليا بستغراب وحتى انا استغربت من نفسي عادي ما الدكتور يكشف عليها ولقتوا بيقول
هي بالنسبه لك مراتك
مهند. ماعرفتش ارد اقول ايه ده انا ماعرفش اسمها اي لاء بس؟؟
❈-❈-❈
مهند. لا هي مش مراتي بس برضو مش هتكشف عليها بصيت لاقيت الدكتور بصلي بستغراب اكتر
الدكتور. طيب اللي حضرتك عايزه بس دخلها في الغرفه دي على ماشوف دكتورة من الدكاتره
مهند. تمام وشلتها بين أيدي ومش فاهمه انا ايه اللي بيحصل اول مره في حياتي احس بالمشاعر دي اتجاه اي بت وبعد وقت الدكتورة جاءت وكشفت عليها
الدكتورة. انا علقت لها محلول وان شاء الله مش هاتغيب على ماتفوق هي بس اتعرضت لصدمه علشان كده هي هربت من الوقع
مهند. هي ستها ما”تت من شوية علشان كده هي في الحاله دي
الدكتورة. البقيه في حياتك 😔
مهند. حياتك الباقيه
الدكتورة. بعد اذنك وبعد ربع ساعة هاجي اشوفها
مهند اتفضلي اذنك معاكي وعيني جات عليها وهي نايمه كانت زي الملاك روحت وقاعدت على كرسي كان موجود في الغرفة وعيني عليها وبكلم نفسي انا مش عارف أنتي مين ولا ايه حكايتك بس فيكي حاجة بتشدني لكي ياتره اي حكايتك وايه السر اللي فكي بيشدني لكي بشكل ده ده انا حتى ماعرفش ايه اسمك وأول مره اشوفك وفجأة سمعت صوت عالي جاي من بره طلعت اشوف في أيه لاقيت شاب وراجل بين عليه في سن 60 بيدورو على الست اللي ماتت من شوية
ومعاهم ناس تانية
اسلام. لوسمحت يادكتور فين الست الكبيره في السن اللي جابها شاب وبت
الدكتور. قصدك الست اللي الأستاذ ده جابها
مهند بصيت لاقيت الدكتور بيشاور على رحت عندهم لقيت الشاب بيسالني
اسلام هو انت اللي جبت امي على المستشفى هي فين
مهند بصيت له ومش عارف اقول له ايه بعد ما عرفت ان امه يا تره ارد اقول له امك ماتت ولا اعمل ايه لقيت الدكتور اللي رد عليه
الدكتور الست اللي الاستاذ جبهها الباقيه في حياتكم المدام ماتت
اسلام انت بتقول ايه يا دكتور امي ما”تت
الحاج جمال بتقول يا دكتور هي فين
الدكتور هي موجوده بس لازم تخلص اجراءات المستشفى الاول علشان تستلم الجثه بتاعتها
مهند بصيت عليهم لقيتهم تايهين من الصدمه ما فيش واحد فيهم قادر يرد على الدكتور اتفضل انت يا دكتور طلع المدام وانا هاعمل اجراءات المستشفى وبعد نصف ساعه كنت خلصت الاجراءات بتاعه المستشفى و استلمنا جثه الست بس اللي انا استغربت منه ان ما فيش حد سال على الانسه ولقيتهم واخدين الست وماشيين من غير ما حد يسال على الانسه. لو سمحتم يا جماعه في واحده اغمي عليها وهي في الغرفه دي
اسلام واحده مين احنا ما عندناش بنات في العيله بعد اذنك
مهند. غريبة دي كنت بتقول ستي وبعد شوية لقيتها ابتدت تصحى
دهب بفتح في عيني و وبقفلها ثاني علشان اشوف كويس وبصوت واطي ومش مركزه فين ستي ستي فين وفجأه افتكرت لما الدكتور قال ان ستي ما”تت فضلت الكلمه تتردد في ودني زي ما يكون بحاول احفظها او استوعب معناها ما”تت ما”تت المدام ما”تت ما” تت الحاله متأخر اسف المدام ما”تت ودموعي نزلت على وشي ولساني زي مايكون حد قطعه مش قادرة انطق بكلمة واحدة بس في سكاكين بتقطع في قلبي في حاجه جواتي بتحاول بتسحب روحي مني وبتقتل فيا على البطيء واخيرا نطق لساني وبصوت ممكن يكون كل اللي في المستشفى سمعوا ستي لاماتسبنيش لواحدي انا ماليش.حد غيرك بالله عليكي مش انتى كمان هاتسبيني في العالم الظالم اللي مش بيرحم ده وفضلت اصرخ على اخر ماعندي ممكن اقدر ارتاح من البركان اللي والع جوايا.