رواية حكاية بنت الريف الفصل الثاني عشر 12 بقلم صباح عبدالله
رواية حكاية بنت الريف الجزء الثاني عشر
رواية حكاية بنت الريف البارت الثاني عشر
رواية حكاية بنت الريف الحلقة الثانية عشر
وقفت ذهب تبص لسماح وهي بتقول.
– امال هيقعدوا فين.
سماح: يقعدو في اوضه الضيوف ما تزعليش مني يا دهب بس مهند ابني وانا عرفه مش ها يرتاح وحد معاكم في الشقة.
اسلام بخبث: الخاله معها حق يادهب.
شرين: بس إني عايزه أشوف الشقة بتاعتك يادهب.
سماح بطيبة: يابنتي اطلعي وشوفي اللي انتي عايزها خدي خالك ومراته يادهب فرجيهم على شقتك.
دهب بفرحة: حاضر تعالى ياخال انت وشرين.
خدتهم دهب وطلعت شقتها وهي في منتهي السعادة بس هي ما تعرفش انهم جاين يخربوا سعادتها بسبب الحقد والظلام اللي معشش في قلوبهم
❈-❈-❈
في شقة دهب ومهند
دخلت دهب ومعاها شرين واسلام اللي انبهروا بالشقة اول ما شفوها.
دهب بضحكة: دي بقا شقتي.
شرين بصدمه وطمع: يالههههوي دي كلها شقة واي الحلوة دي كله وتعد في الاوض واحد اتنين تالته أربعة خمسة وصاله وحمام ومطبخ.
إسلام: قولي الله وأكبر ياشرين ربنا يذيدك ياحبيبتي.
شرين بزعل مصطنع: اي ياسلام هو اني هاحسدها.
دهب: اهدي ياشرين اكيد خالي مايقصدش تعالى تشوفي اوض النوم.
شرين تجري وتفتح الباب بتاع لاوضه وتقف مصدومة من جمالها: اي ده دي اوضة دي كدا بيت من بيوت القرية واي الحاجات الحلوه دي الفرش بين عليه غالي أقوى يادهب.
دهب: فعلا بس انا ماعرفش قد اي انا مش بسأل مهند في حاجه بتخص المصاريف.
شرين بحقد: وانتي هتسالي ليه مش كفاية العز ورفاهية دي كلها هو انتي كنتي تطولي.
اسلام بصوت عالي: شرين.
شرين: اي هو اني قولت حاجه غلط.
دهب بزعل: لا ماقولتيش حاجه غلط انا فعلا ماكنتش أطول بس الحمد لله و الله يرزق من يشاء بغير حساب.
شيرين: اي ده هو انتي بقتي بتعرفي تقولي قران.
دهب بخجل: بسمع مهند وهو بيقراء وساعت.بيحفظني لم يكون فاضي.
شيرين بحقد في نفسها: اما انا نفسي اخد منك مهند ده بس ازاي مش عارفه مش عارفه هو بيحبك على ايه يالههههوي بس حته مز هي دي الرجاله ولا بلاش.
اسلام: ربنا يخليه لك يا حبيبتي (ويبص على الاوضة) ده باين عليها هتلعب قوي وهنطلع بقرشين حلوين.
شيرين تروح وتفتح الدولاب بتاع دهب: يا لهوي ده كلها هدومك يا دهب.
وتفضل تطلع في هدوم دهب وتلبس فيها وتبص لنفسه في المرايه.
– وبذمتكم مش قمر في الفستان ده.
اسلام: شيرين سيبي كل حاجه زاي ماهي دي حاجة دهب عيب كدا.
شيرين تبص على دهب بحقد وترمي الفستان على السرير.
– خلاص يا اخويا مش عايزه حاجه انا بس كنت بشوف هايبقى عاملين عليا ازاي.
ذهب بطيبه: لا يا شيرين يا حبيبتي اللي لي لكي.
و تاخدي الفستان تديه لشيرين: خديه يا حبيبتي بقى بتاعك.
❈-❈-❈
شيرين: بجد يادهب هتديني الفستان الحلو ده.
دهب: طبعا يا حبيبتي خدي ما يغلاش عليكي خدوا راحتكم البيت بيتكم وانا هانزل علشان هاشوف هاعمل ايه مع خالتي ام سعيد.
شيرين بتبص على الفستان بفرحه: ماشي.
دهب: يلا انا نزلها وانت ياخالي أرتاح لك شوية.
اسلام: ماشي ياقلب خالك انزلي انتي شوفي شغلك وما تشغليش بالك بينا.
شيرين تبص على دهب تلاقيها قفلت الباب ونزلت تجري على الدولاب وتفضل تفتش فيه وتطلع الفساتين بتاع دهب وتفضل تنقي فيها وهي بتقول بحقد.
-شوف يا اخويا الحلاوه والرفاهيه اللي بنت اختك المعفنه دي بقت فيها ده عندها فساتين انا اول مره أشوفها.
اسلام: شيرين اعقلي شويه وامسكي نفسك شويه عن كده احنا مش عايزين نتفضح من اولها انتي مش شايفه جوزها عامل ازاي باين عليه ما بيضحكش عليه بسهوله.
شيرين: أعمل ايه ما حاجات اول مره اشوفها يا اخويا حاجات بتمناها ومش لاقياها ومين يقدر يشوف العز والرفاهيه دي كلها ويمسك نفسه.
اسلام: والله باين عليكي هتفضحينا يا بنت المجنونة انتي.
شيرين: بس خليك في نفسك انت ومالكش دعوة.
❈-❈-❈
في الدور الأرضي.
دهب نزلها من علي السلم تلاقي سماح قاعده وحولين منها فساتين كتيره بتنقي فيهم.
دهب: خالتي سماح اي ده كله.
سماح: دهب بنتي جاتي في واقتك تعالى ياحبيبتي شوفي لكي فستان من دول علشان تحضري به شبكه هاني بكره ان شاء الله.
دهب بحب: ربنا يبارك فيكي يا خالتي بس انا عندي فساتين كتير وكلهم حلوين و ينفعوا احضر بيهم عادي ربنا يخليكم لي وما يحرمنيش منكم.
سماح: ويخليكي يا حبيبتي يارب بس انتي مرأت اخو العريس واخته في نفس الوقت لازم تطلعي احسن واحده في الشبكه كلهم تعالى يا حبيبتي انا اخترت لك الفستان الاحمر ده هيبقى حلو عليكي قوي يا دهب
دهب تبص على الفستان تلاقي فستان احمر متزين بحبات ذهبي تشبه الألماس.
دهب بفرحة: الله ياخالتي فستان جميل يسلمو ايدكي.
سماح: كنت متأكدة انو هايعجبك خلاص ياخويا هناخد التالت دول.
دهب باستغراب: هاتخدي التالتة لمين.
سماح: الحمر ده أحسن واحد لكي انتي يادهب والتاني الذهبي هايكون لعروسة هاني والبيج ده انا اشتريته لمرات خالك مانها قاعده معنا يومين اكيد هتحضر الشبكه وباين عليها كده غلبانه وما عندهاش حاجه تحضر بها اشتريته لها انتي ايه رايك يا دهب.
ذهب بحب: الله يبارك فيكي يا خالتي سماح طول عمرك وانتي قلبك ابيض اللي تشوفيه صح اعمليه.
سماح: ربنا يخليكي يا حبيبتي ده انتي اللي قلبك ابيض وبنت اصول انا لو لفيت الدنيا كلها مش هلاقي زيك تاني يا دهب يا حبيبتي.
دخب تروح عند سماح وتحب على يديها: ربنا يبارك لي فيكي يا امي.
❈-❈-❈
شيرين نازلها من على السلم وبغل: ايه ده كل الحب والمحن ده اللي بين مرات الابن وحماتها ده انا لازم أعمل حاجه عشان اخرب حياتك يا دهب ما هو مش انتى يا معفنه تعيشي في الحب والحنان دي كلها ولا اهم من ده كله العز والرفاهيه دي وانا افضل عايشه في الذل والفقر اللي انا عايشه فيه ده.
وتروح عند دهب وسماح و بإبتسامة مزيفة: ربنا يخليكم لبعض ويديم المحبه بينكم يارب ويبعد عنكم العين الوحشه.
دهب وسماح في صوت واحد: يارب.
سماح: تعالى يابنتي شوفي الفستان ده كدا.
شيرين وتبص على الفستان وتخد الفستان الحمر: الله ياخاله الفستان ده حلو قوي.
سماح: فعلا حلو بس ده بتاع دهب يابنتي خدي فستانك اهو.
شيرين تبص على الفستان اللي سماح بتديه لها وتبص على الفستان اللي في يديها: لا بس انا عاجبني الحمر ده.
سماح باستغراب من وقاحه شيرين: بس يابنتي ده بتاع دهب.
دهب ببراءة: خلاص ياخالتي سماح طالما شيرين عايزة ده خليها تخدو وانا هاخد ده لاتنين حلوين.
سماح بزعل: بس انا عايزكي تلبسي انتي الحمر يادهب.
مهند بصوت عالي: ومافيش حد هايلبس الفستان ده غير دهب ياست الكل.
دهب مهند: انت رجعت حمدالله على السلامة.
مهند يروح عند شيرين ويبص عليها نظرات ارعبت شيرين ومافيش حد فاهمة غير شيرين ويخد منها الفستان.
– الله يسلمك يا قلبي خدي فستانك وماتزعليش ست الكل منك تاني.
دهب تخد الفستان وتبص على شيرين وترجع تبص على سماح: بس انا مش قصدي ازعلك والله ياخالتي.
سماح: عارفه ياحبيبتي بس الحاجة إلى أنا اجبهالك (تبص على شيرين) مافيش حد غيرك ياخدها.
شيرين بزعل: بس انا ماقولتش حاجه كل الحكاية أن انا بقول ان الفستان عاجبني ودهب هي اللي قالت خدي انا ماقولتش هاخدوا
مهند: خلاص حصل خير.
يمسك ايد دهب بحب وهو بيقول.
مهند: بعد اذنك يا أمي هنطلع نريح شويه ما تستنوناش على العشاء هنتعشى فوق.
سماح بحب: ماشي ياقلب امك اطلعوا ربنا يسعدكم ويبعد عنكم العين يارب.
مهند ودهب: يارب
خد مهند دهب وطلع وفضلت شرين تبص لهم بحقد وغضب وهي بتفرق في ايديها جامد
❈-❈-❈
تاني يوم.
اليوم المنتظر شبكه هاني في هيصه كبيره في البيت وناس كتيره راحه جايه والكل مشغول.
سماح: اي يام سعيد لسه في اي ماجاش.
أم سعيد: كل حاجه جاهزه ياست سماح الفاكهه والساقع مافيش بس غير الجاتوه والاستاذ مهند هينزل يجيب الله.
سماح: طيب ياحبيبتي.
ام سعيد: والله مش عارفه يا ست سماح لما انتم حاجزين قاعه الله اكبر ايه لازمتها التكاليف دي كلها.
سماح: اي يا أم سعيد انتي عايزها الناس تأكل وشي أمال الناس اللي هتيجي تبارك لي دي هاضيفها ايه القاعه لسه أن شاء الله اخر النهار أما الحاجات دي ضيافه للناس اللي هتيجي تبارك لي.
ام سعيد: ماشي يا حبيبتى الف مبروك ربنا يتمها عليكي بخير يا رب وتفرحي بهم و بعيالهم وعقبال يارب الفرح مايعدي على خير.
سماح: الله يبارك فيك يا حبيبتي وعقبال سعيد ابنك يارب.
أم سعيد: يارب ياحبيبتي يلا عايزه حاجه مني هادخل أشوف دهب بتعمل دي ياحبة عيني ماقعدتش من ساعت مانزلت.
سماح: انا والله يا أم سعيد اكيد عملت حاجه حلوه في حياتي علشان كده ربنا بعت لي مرات ابن زاي دهب انا لو لفيت الدنيا كله ولو كل يوم اجوز واحد من عيالي مش هاجيب واحده ربع دهب تاني.
ام سعيد: ربنا يخليكم لبعض يا حبيبتي و يدوم المحبه بينكم.
وتبص على شيرين: ويبعد عنكم العين الوحشه.
سماح: يارب العالمين ياقلبي.
باقي الفصل
في الغرفة اللي فيها دهب واقف الكل يبصوا لدهب بأستغراب وهي بتسأل عن عصام وفي الحظة دي دخل عصام وسمع دهب وهي بتسأل عنه.
عصام من علي الباب: انا هو عصام.
مهند والحاج محمد وسماح يبص على عصام وماحدش فاهم حاجة.
مهند: بتقول ايه يا عصام انا مش فاهم حاجه.
عصام بحزن: انا اسف يامهند عارف ان ممكن اكون خاين في نظرك بس والله كان من غصب عني.
مهند: قصدك انا مش فاهم حاجه وخاين في اي؟
عصام: انا بكون أبن عم دهب.
الكل في حالة من الذهول من كلام عصام.
مهند بصدمة: انت بتقول ايه
الحاج محمد: ما انت أبن عمها ليه ماقولتيش أن هي بتكون بنت عمك ياعصاَم.
عصام: انا اسف علشان ماقولتيش الحقيقة من الاول بس خوفت.
مهند بشك خوفت: من اي ياعصام.
عصام: من اللي انت شكك في يامهند.
مهند يمسك عصام من هدوموا وبغضب ويجي ضربوا بالبكس وهو بيقول بصوت عالي: يعني انت هو اللي كان السبب في كل حاجة حصلت لدهب وبسببك انت هي اتعذبة في حياتها وحتى أقرب الناس ليها كرهوها وقرفوا منها حتى انا جيت عليها على حاجة هي مالهاش ذنب فيها وكل بسببك وجاي تقول انا اسف لا يا عصام مش بسهولة دي.
❈-❈-❈
دهب بصراخ: اااااعاااا هايضربني انا عايزه اروح عند أمي وعصام اععععع. وتفضل تعيط.
سماح: اهدي يامهند خوفت البت.
وتروح عند دهب: اهدي ياحبيبتي مافيش حد هايضربك.
دهب بخوف: لا هو وحش وبيضربني.
مهند يبعد عن عصام بحزن ويسيطر على غضبوا ويروح عند دهب: بس ماتخفيش ده احنا بنلعب مش كدا ياعصام.
عصام يمسح وشوا مكان الضربه اللي اخدها من مهند.
– ايوه يادهب احنا بنلعب ماتخفيش ويروح عند دهب انا عصام جنبك اهو.
دهب: انت عصام.
عصام بحزن: ايوه انا عصام والله.
دهب بفرحة أطفال: عصام وتجي حضنها.
مهند يضيق وبصوت عالي دهب: ابعدي عنه.
دهب تحضن عصام اكتر وبدموع: انا خايفه ياعصام ماتخلهوش يضربني انا خايفه.
عصام يحضن دهب ويحاول يخليها تهدي: هشش ماتخفيش يادهب مافيش حد هيقدر يضربك طول مانا جنبك.
مهند مابقش قادر يسيطر على غضبوا اكتر ويجي شدد دهب وضرب عصام باقلم وبصوت كل غضب: دي مراتي انت فاهم.
الحاج محمد: اهدي يامهند.
سماح: يابني هي مش عارفة هي بتعمل ايه اهدي.
دهب بدموع أطفال: عصام انا عايزه عصام.
مهند بغضب وبصوت عالي: بس اسكتي اصل والله هضربك عصام مين اللي انتي عايزها انا هو جوزك.
❈-❈-❈
دهب تخاف وجسمه كل يرتعش من كتر الخوف من مهند وتجي واقعها من طوله على لارض. مهند يمسك دهب قبل ماتقع وبصوت عالي: دكتور حد ينادي الدكتور.
عصام بخوف: انا هاطلع انادي
ويطلع جاري على بره وبعد شوية يرجع ومعه الدكتور.
الدكتور خير اي اللي حصل.
مهند واقف جنب السرير بتاع دهب ويبص على عصام: لا مافيش حاجة حصلت هي خافت شوية وبعدين زاي ما انت شايف كده.
الدكتور يكشف على دهب: دي حصل له انهيار عصبي بس خفيف ماتخفيش شوية وهتقوم.
سماح: استغفر الله العظيم واتوب اليه الحمد لله على كل حال.
مهند: هو ماينفعش نطلعها من المستشفى يادكتور.
الدكتور: ينفع بس هاتحتاج عناية خاصة من كل اللي حواليه وزاي ماحضرتكم ماشوفت اي نوع من التوتر أو الخوف هايحصل له انهيار عصبي المرة دي الحمدلله جه خفيف والمره الجاية ممكن ينهي حياته وانا شرحت ليك ياحاج حالتها.
الحاج محمد يبص على مهند ويبص على الدكتور.
معليش يابني مش هاتتكرار تاني.
سماح: الحمد لله انه عدات على خير.
مهند طيب بعد أذنك يادكتور انا هاخدها معايا البيت وان شاء الله اللي حصل مش هيتكرر مره تانيه.
ويروح عند دهب اللي نايمه علي السرير ويجي شايله.
عصام: مهند سيبها في المستشفى لم نطمن عليها اكتر.
مهند بغضب: انت تخرس خلاص ومالكش دعوة بدهب ياعصام هي مراتي وانا عارف مصلحتها فين.
وهو ماشي معليش: ياحاج خلاص اجرأت المستشفى.
وخدها وطلعت وانا مش طايق نفسي انا طلعتها من المستشفى علشان انا مش عايز عصام يشوفها هي مرآتي انا ملاكي انا وبس ومش هاسمح لا اي حد يبص له بس ولا يلمح شعره من شعرها وبعد وقت كنت في البيت وخدها وطلعت الشقه بتاعتي انا وهي وحطيتها على السرير ورحت المطبخ وجهزت له اكل على ماتصحي وانا في المطبخ سمعت صوتة وهي بتعيط عرفت ان هي صحية.
مهند: مالك بتعيطي ليه.
دهب بخوف: انت وحش انا مش عايزك.
وتفضل تعيط.
مهند بتريقه: انت وحش انا مش عايزك وبغضب امل عايزة مين عايزها عصام.
دهب ببراءة: ايوه عايزه عصام هو حلو مش زايك وحش.
مهند بصوت عالي: وحياة امك.
ويمسكها من درعها عارفه لو اسمعك تجيبي اسم اي حد تاني غير مهند انا هاعمل فيكي اي.
دهب تعيط: اععع اهي اهي اهي.
مهند: بس يا بت اسكتي وقولي وراي مهند.
دهب بخوف: من مهند.
مهند يبص له بغضب تخاف وتمسح دموعها زاي الطفال وهي بتقول: مهند.
مهند: ايوه كدا شاطره كدا مش هزعل منك هاتي حضن بقاا علشان انتي وحشتيني.
دهب: لا علشآان انت وحش.
مهند بزعل مصطنع: بقاا كدا يا دهب انا وحش ده انا كنت هموت من الخوف عليكي وفي لآخر تقولي لاء انت وحش ده انا بحبك.
❈-❈-❈
دهب: انت مش بتحبني علشان بتضربني.
مهند بحزن ماشي يادهب تعالى يلا علشان تاكلي ولا اقولك تعالى غيري هدوم المستشفى دي لأول غيري وتعالى انا هطلع على ماتجي.
وبعد نص ساعة.
مهند: اي ده كل هي بتعمل اي ده كل معقولة عملت حاجة في نفسها لالالا.
ويدخل الغرفة وبخوف دهب ومن الصدمه ياقف مكانه. ويشوف دهب واقفه وهي بتحاول تلبس هدومها ومش عارفه تلبسهم.
– انتي بتعملي اي.
دهب: مند.
مهند بستغراب: مند مند مين يادهب.
دهب بخوف: انت.
مهند بصدمة: انا مند ياخيبتك السوده يامهند مراتك بتقول مند قولي وراي مهند.
دهب: مند.
مهند: لا يابت مهند.
دهب: مند.
مهند يمسك دهب من وسطها ويقربها منه وهو بيقول.
-تعرفي انا حبيت اسمي الجديد مند مند المهم انك انتي اللي بتقولي وبعدين اي اللي انتي عملها في نفسك ده.
دهب ببراءة أطفال: مند انا مش عارفه اغير ازاي.
مهند: طيب تعالي انا هاغيرك.
ويطفي انور عشان ما يشفش جسمها مهما كانت مراته بس هي مش في واعيها وهو مش عاوز يستغل ظروفها مهم كان السبب. دهب تحضن مهند وهي بتصرخ.
– اععع مند انا بخاف من ابو رجل مسلوخ هو هايجي في الضلمه.
مهند يشغل النور تاني: أمال هاغيرك ازاي.
دهب: مش عارفة بقاا انا بخاف من الضلمه يامند.
وتعيط.
مهند: لا خلاص ياقلب مند مش هاطفي النور خلاص ماتعيطيش.
❈-❈-❈
دهب تمسح دموعها ماشي مش هايعيط بس ماطتفيش النور يامند.
مهند بعصبيه: صبر أيوب يارب ماشي ياقلب منيل على عينو وعين اللي جابوا مند اسمي مهند قولي مهند مش مند اي مند دي ياربي.
دهب بغضب أطفال: انت وحش يامند
مهند بمشاكسه: انت وحش يامند ماعلشان انتي عسل تعالى اغيرك يلا علشان تاكلي.
وبعد وقت كنت غيرت لها وأكلتها وبصيت على الساعة لاقتها 9 صليت العشاء وغسلت الأطبق مكان لاكل وهي قعده قدم التلفزيون بتتفرج على الكرتون والله انا حاسس ان بقيت ماما وما عرفش.
مهند: يلا بقاا يادهب كافية كدا عايز انام.
دهب. انا بخاف: انام لوحدي يامند علشان ابو رجل مسلوخ منال كنت بتسبني انام لوحدي وبتقول أبو رجل مسلوخة يجي علشان يكولني علشان هي مش بتحبني.
مهند: يلا ماتخفيش انا معاكي.
دهب: لا أبو رجل مسلوخة هيجي.
مهند: تعالى ماتخفيش
ورحت عندها وشلتها ودخلت غرفة النوم ونايمته على السرير: يلا نامي علشان انا عايز انام.
دهب: مش هتنام معايا يامند زاي عصام.
مهند بغضب: نعم ياروح امك زاي مين.
دهب بخوف: عصام كان بيجي ينام معايا علشان انا بخاف من ابو رجل مسلوخه.
مهند: يارب صبرني لا ماتخفيش انا هنام معاكي بس ماتجيش اسم واحد تانى علشان مازعلش منك .
ونامت جنب منها على السرير.
دهب: ماشي يامند مش هتقول حاجه تانيه بس ماتضربنيش.
مهند: ماشي ياقلب مند تعالى بقا في حضني.
دهب: ماشي يامند.
مهند اها ياربي لو تعرف قد اي انا نفسي في الحظه دي تكون في واعيها هي وحشتيني اوي نفسي تكون مراتي بقا عارفه بسبب غبائي انا اللي ضيعتها مني بس بجد انا ندمان والله وبتمني تخف وترجع زاي الاول ونفتح صفحة جديدة مع بعض.
❈-❈-❈
تاني يوم.
الحاج محمد: ياسماح
سماح: نعم ياحاج
الحاج محمد: تعالى عايزك.
سماح: حاضر ياحاج جايه اهو معليش يام سعيد كملي انتي على ماشوف الحاج عايز اي واجي.
أم سعيد: حاضر ياست سماح.
سماح: نعم يامحمد.
محمد: هو انتي طلعتي شوفتي دهب.
سماح: بصراحة لا يامحمد من ساعة ماكون في المستشفى ماشوفتهاش وبعدين مهند معاها من امبارح قولت اسبهم على راحتهم.
الحاج محمد: طيب كنت عايز اقولك ان انا روحت للحاج إبراهيم َاتفقنا على كل حاجة وان شاء الله طالما.
هاني ونور عارفين بعد أن شاء الله هنعمل شبكها وكتب كتاب مع بعض.
سماح: الف انهار أبيض ياحاج ربنا يتم ع خير يارب العالمين ياخويا.
الحاج محمد: يارب وربنا يتم شفاء دهب على خير.
سماح. يارب العالمين
مهند: نزل من علي السلم هو ودهب. الباب يخبط أم سعيد تفتح الباب. منهد يشوف عصام واقف علي الباب.
مهند بصوت عالي: انت اي اللي جابك هنا؟
الحاج محمد وسماح يستغربوا من غضب وصوت مهند العالي لما شاف عصام.
الحاج محمد: عيب يا مهند انت بتقول ايه اتفضل يا عصام يا ابني.
دهب بفرحه اطفال عصام وعاوزه تجري على عصام علشان تحضنه. مهند يمسكها جامد وبغضب.
– انت رايحها فين.
دهب براءه: عند عصام هاروح اسلم على ده وحشني قوي.
مهند بغضب بصوت عالي: وحياة امك هو مين ده اللي وحشك يا بت انتى.
دهب تخاف من صوت مهند العالي وتفتكر لما كان بيقول لها انها ما تقولش اسم حد تاني غيري.
سماح: ايه ده يا مهند البنت مش عارفه حاجه ما تخوفهاش احنا مش ناقصين.
دهب بدموع: معلش مش هاقول اسم حد تاني والله بس ما تضربنيش.
مهند يهدي نفسه: طيب بس ما تعيطيش تعالى اقفي هنا جنب مني ما تروحيش عند حد وانا مش هضربك.
دهب ببراءه تجري َوترح وتقف وراء ضهري مهند: طيب خلاص انا مش هاروح عند حد بس ما تضربنيش.
مهند يبص على دهب يمسحلها دموعها: طيب انت كده شاطره طول ما انت بتسمعي الكلام انا مش هضربك.
هاني نازل من علي السلم يشوف اللي بيحصل يضحك وهو بيقول.
– يخرب بيت عقلك يا مهند هو انت بتكلم مراتك ولا بنتك.
مهند بغضب: ما حدش له دعوة.
ويبص على عصام: جاي ليه ياعصام.
عصام بحزن: انا جاي اشوف بنت عمي يا مهند.
❈-❈-❈
مهند الغضب: بنت عمك معها رجل وبقيت لرجل يا عصام.
سماح تستغراب: انت بتقول ايه يا مهند وبتكلم صاحبك ليه كده اتفضل يا عصام يا ابني ما تزعلش من مهند هو اكيد مش قصدي حاجه.
عصام يبص على مهند وبزعل: لا مش زعلان عارف يا مهند ان بنت عمي في بيت رجل ومعها رجل بس انا حبيت اطمئن عليها مش اكثر واذا جوزها مش حابب يخليني أطمن عليها واشوفها انا مش هاجي مره تانيه بعد اذنكم يا جماعة.
الحاج محمد: استني يا عصام يا ابني انت رايح فين ما تزعلش من مهند.
ويبص على مهند: انت ايه اللي حصل لك يا مهند وليه بتكلم عصام بالشكل ده الجدع ما غلطتش في حاجه وفي الاول وفي الاخر هو يا أبن عمها من حقه يطمن عليها ويشوفها وقت ما يعوز مش عشان انت جوزها وهي متجوزها وبقيت مراتك انك تمنعها تشوف اهلها او اي حد من اهلها يجي يشوفها.
سماح: ابوك معا حق يا مهند وانا والله مش عارفه ايه اللي حصل لك.
مهند يبص على عصام: انا مش قصدي حاجه بس دي مراتي وانا بغير عليها وعلى ما اظن ان احنا الاتنين فاهمين بعض كويس مش كده يا عصام ماتزعليش.
عصام بحزن: ايوه يا مهند فاهم.
مهند يبص على عصام و يمسك دهب من يديها.. تعالي معي
دهب تبص على عصام… وعصام هيجي معنا يامند.
هاني باستغراب.. مند يالههههوي علىكي يامهند بقيت مند ويفضل يضحك ههههه.
عصام واقف على الباب ويحط ايدي على وشها علشان يامسك نفسوا ومايضحكش.
سماح بصدمة.. مند مين مين ده ياحاج.
الحاج محمد يبص على مهند ودهب هو مين مند يادهب ياحبيبتي.
دهب ببراءه وتشاور على مهند.. هو ده مند.
سماح بضحكه هههههه.. الله يجازيك يا دهب والله ضحكتني اسمه مهند مش مند.
❈-❈-❈
هاني بتريقه. مند بقولك اي هتنزل الشغل ولا اي.
مهند بعصبيه.. هاني انا اقسم بالله مش ناقص خفت دم اصل انت عارف لو مسكتك هعمل فيك ايه.
سماح.. خلاص يا مهند ايهدي اخوك ما قالش حاجه وتبص علي هاني وانت يا هاني عيب عليك ماتتريقش على اخوك مند قصدي مهند.
هاني ههههه ماشي.
محمد.. أدخل ياعصام يابني واقف ليه تعالى.
عصام يبص على مهند.. لا معليش ياحاج مره تانيه.
مهند يمسك دهب بعصبيه تعالى يلا ويبص على عصام ويخدها ويطلع الشقه مهند يفتح الباب.. ادخلي يلا
دهب بخوف.. لاء هتضربني.
مهند.. هضرابك ليه.
دهب ببراءة.. علشان انا قولت على عصام عصام وانت قولت ان انا متقوليش اسم واحد تاني غيري.
مهند يمسح وشه بيديه وبذهق.. طب ما انتي عارفه ان انا قلت لك كده راح تحضنيه ليه يا اختي.
دهب.. علشآان هو وحشني.
مهند بعصبيه.. ويرفع ايدي اضربك ولا اعمل فيكي اي هو مين اللى وحشيك.
دهب تحط ايديها على بوقها زاي الطفل الصغير.. لا مافيش حد والله خلاص ماتضربنيش.
مهند.. طيب ادخلي وانتي عارفه لو تقولي الكلمه دي تاني هعمل فيكي اي.
دهب.. خلاص مش هقول.
مهند.. طيب ادخلي ماتخفيش مش هضربك.
دهب تدخل.. مند.
مهند يروق مزجوا.. ياقلب مند من جوه نعم.
دهب.. انا جعانه.
مهند يمسك دهب جامد من وسطه.. بس كدا غالي والطلب رخيص ياقلب مند بس هاتعملي اي لمند علشان هو هايعمل لكي أكل.
دهب ببراءة.. هاعمل اي يعني هكلي.
مهند يبص على دهب ويرفع حاجب وينزل تاني.. هاتاكلي بس.
دهب.. لا وهاسمع التلفزيون ونلعب انا وانت اي رايك.
مهند. يالههههوي طيب والله نفسي العب انا وانتي بجد.
❈-❈-❈
دهب خلاص ناكل ونلعب بس هي فين ستي.
مهند باستغراب ستك مين يادهب.
دهب ستي وتسكت شوية مش عارفة.
مهند يخد دهب في حضنوا.
دهب مند
مهند ياقلب مند اي مش عجبك حضني.
دهب. لا بس انا جعانه مش عايزه حضن.
مهند يبص على دهب.. لا و الله بس انا عايز حضن.
دهب ببراءه.. طيب هو الحضن هاكل منه ازاي.
مهند بصوت عالي.. ربنا يشفكي يادهب قبل ماتجننيني معاكي تعالى ياختي علشان اعملك تاكلي.
دهب تبص على مهند.. طيب يلا.
❈-❈-❈
في الدور اللي تحت.
هاني.. اي رايك ياحاج ما ان دهب الحمد لله طلعت من المستشفى نعمل شبكه و كتب كتاب الجمعه الجايه والجمعه اللي بعضها نعمل فرح.
سماح.. طيب والله فكره عسل ومالو بدل ما تكون الفرحه فرحتين ايه رايك يا حاج.
الحاج محمد.. هو احنا يعني هنتفق كده مع بعض واحنا قاعدين مش لما نشوف الناس رايهم ايه الأول و ظروفهم ايه لو موافقين انا ما عنديش مشكله ربنا يتم على خير..
هاني خلاص يا حاج نروح انا وانت والحجه اخر النهار نعمل لهم زياره ونشوف رايهم ايه.
الحاج محمد.. والله يا ابني انا مش عارف انت مستعجل على ايه اصبر شويه لما نشوف راي الناس ايه هو احنا يعني هندخل على الناس كده وخلاص مش لما ناخد ميعاد من الرجل الأول وبعد كده نروح واللي فيه الخير ربنا يقدمه.
سماح.. كلامك عين العقل والله يا حاج وتبص على هاني وصبر يا ابني على ما ناخد ميعاد من الناس الاول ونشوف رايهم ايه وبعد كده نروح ونتفق واللي فيه الخير ربنا يقدمه.
هاني.. طيب طالما كده رايكم انا هاتصل على عمي ابراهيم وهاخد منه الأذن وحدد معه ميعاد وبعد كده نروح واللي فيه الخير ربنا يقدمه.
سماح.. ربنا يسعد قلبك يابني ويتم فرحتك على خير.
الحاج محمد.. ربنا يسمع منك يارب ياحجه يلا احنا بقى يا هاني علشان تاخرنا على الشغل.
هاني.. طيب يا حاج ويبص على السلم بس مهند لسه ما نزلش.
❈-❈-❈
الحاج محمد.. لا سيب مهند اليومين دول على راحته لو عايز ينزل الشغل ينزل مش عايز خلاص كفايه عليه دهب.
هاني بضحك.. والله ربنا يستر ومهند ما يتجننشي بسبب جنان دهب دي بتقول له مند.
سماح.. عيب عليك كده يا هاني ما تفضلش تتريق على تعب مرات اخوك علشان ما تزعلوش منك.
الحاج محمد.. امك معها حق يا هاني انت كده بتجرح مشاعر اخوك.
هاني.. والله يا حاج مش قصدي بس هي تصرفاتها وكلامها كل بتضحك غصب عني والله يا حاجه مش قصدي.
سماح.. ربنا يهديك والله يا هاني يلا بقى انا هاقوم اشوف ام سعيد بتعمل ايه اساعدها في حاجه.
الحاج محمد.. طيب يلا احنا بقى يا هاني نشوف شغلنا عايزه حاجه يا سماح اجيبهالك وانا جاي.
سماح عايزاك تسلم يا اخويا تيجي بالف سلامه يارب.
هاني بطريقه على امه وابوه عقبالي يا رب ماقول لمراتي عايزه حاجه اجيبهالك وانا جاي.
سماح.. شوف الولد يا حاج بيتريق علينا انا وانت ازي.
الحاج محمد.. والله يا اخويا انا مش عارف انت مستعجل على ايه ده انت بكره هاتيشد في شعرك ما تخافش.
سماح بزعل.. اخص عليك يا محمد هو انا كنت بخليك تشد في شعرك.
الحاج محمد يبص على سماح.. الشهاده لله انتي لو كان في منك الف كنت تجوزتهم الف ولو كنت اخلي واحد يمتلك نسخه عنك ياام مهند ربنا يخليك لي وما يحرمنيش منك ابدا يا ست الحسن والجمل.
هاني ياود ياجامد انت ياحاج.
سماح الله يجازيك يا محمد كسفتني قدام الواد.
الحاج محمد.. بس ياض ياهاني ماتكسفيش الموزه بتاعتي.
❈-❈-❈
في شقة .. مهند
دهب واقفه على الباب بتاع المطبخ.
مهند هو انت ليه رجعتني بعد مارمتني؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكاية بنت الريف)
