رواية حظ الملايح الفصل السادس والعشرون 26 بقلم حنين ابراهيم
رواية حظ الملايح الجزء السادس والعشرون
رواية حظ الملايح البارت السادس والعشرون
رواية حظ الملايح الحلقة السادسة والعشرون
سمر بتوعد إنت كده قفلت ملفك يا أيمن الكـ…
بعد أن عاد مهاب بوقت قصير
سمر بدلع: هوبا حبيبي ممكن أطلب منك طلب؟
مهاب: يا عيون هوبا إنتي تأمري
سمر : ممكن نروح بكرة لنهاد أصلها وحشتني
مهاب بتفكير: أجلي كمان أسبوع تكون نسرين رجعت من جامعتها وبالمرة نشوف إتفاقك مع دار النشر
سمر بتردد: مهو
مهاب: : مهو إيه هو في مشكلة جديدة ولا إيه
سمر: تقريبا كده أيمن هبب حاجة و إحنا لازم نلحق الوضع
مهاب: هبب إيه
سمر: عاكس وحده شغالة عنده في المطعم و هي إتصلت بيا وقالتلي إنها هتشكيه لأخوها ف يا نلحقه يا منلحقوش
بعد نصف ساعة كان يقود وهو يسألها عن التفاصيل
سمر: من فترة أشواق كلمتني إن عندها زميلة محتاجة شغل لأن أبوها متوفي و أخوها يادوب بيصرف فلوسه على علاج والدته وشغله باليومية يعني النهاردة شغال بكرة يا عالم عرضت على أيمن يخليها تشتغل عنده دوام جزئي على حسب محاضراتها و هو وافق أخوها في الأول كان رافض بس هي أقنعته إن ده الحل الوحيد عشان تكمل جامعتها و تحقق حلم أبوها بإنها تبقى دكتورة
والنهاردة لقيتها بتكلمني و بتحكيلي إن جوز أختي عاكسها ولما صدته قالها إنه مستعد يريحها من قرف الشغل و يصرف عليها لغاية ما تكمل جامعتها و يأجرلها شقة تفتح فيها عيادتها في لو وافقت أنه يكتب عليها
أنا طلبت منها تستناني ونحل الموضوع بس هي بلغت أخوها و زمانه رايحله من محافظته الي هي أبعد من مننا
بعد بعض الوقت وصلت سمر لبيت عمها لتدخل مثل العاصفة: إيه الي إنت هببته مع بنت الناس ده بقى هي دي الأمانة الي أمناك عليها؟
أيمن ببرود: أنا معملتش حاجه غلط أنا طلبت الجواز
كانت نهاد تنزل من السلالم ببطءبسبب حملها عندما سمعت جملته
: مين ده الي هيتجوز
جيهان بتشفي: جوزك يا حبيبتي وهيجيبها دكتورة بدل ما إنتي كل شوية أه رجلي و اه ضهري ودوني دكتور أدينا هنجيبهالك تقعدلك 24 ساعة
سمر بسخرية: تعرفي يا مرات عمي أنا بموت في ثقتك بنفسك دي دي ولا كإنها وافقت خلاص
جيهان بثقة: هتوافق يا عيوني عشان الفلوس بتعمل كل حاجة و إنتي أدرى بظروفها لما نكلم أخوها و نعرض عليه إنه يجوزهاله ويكتب الشقة بإسمها هيوافق
نهاد بصدمة أكبر شقة إيه الي يكتبها باسمها ثانية وحدة قصدك الشقة الي هو واخد كل فلوسي أول بأول على حس أنه يجهزها في أسرع وقت و أسكن فيها؟
سمر بصدمة: نعم يا روح أمك؟ .
أيمن حاطط رجل على رجل: الملاليم الي كنتي بتديهاني دي من حقي لأني سمحتلك تشتغلي برة بيتك و ضحيت بأكتر من8 ساعات في اليوم مطالب البيت كانت أولى بيهم وفوق كل ده بترجعي تنامي ولو طلبت حقي الشرعي بتتحججي بالحمل والشغل
مهاب: ما إنت لو كنت راجل كنت تخليها تقعد في البيت و ترتاح بس لا إزاي تضيع عليك السبوبة الي هتيجي من وراها
جيهان: إحترم نفسك و نتا بتتكلم مع إبني هو كل الي عمله إنه إحترم رغبتها في الشغل و في المقابل هي قصرت في واجباتها إتجاهه و نسيت إن ليه متطلبات و حقوق
هو من حق يجيب وحدة تشوف متطلباته
سمر وهي بتردح: و يشغلها تحت إيده عشان يلهف كل الي هيجي من وراها يا عالم جعانة
هو فين عمي من كل ده ولا هو موافق
جيهان بسخرية: عمك هيقول إيه أيمن راجل و من حقه ياخد قراراته
سمر عروقها برزت و كانت هتهجم عليهم لكن مهاب مسكها: يلا يا سمر إحنا مش جايين نتخانق نظر لنهاد يلا يا نهاد لمي هدومك و يلا بينا
نهاد: و أنا مش هسيب بيتي و أمشي
نظر لها الجميع بصدمة
أيمن بسخرية: عين العقل يا حبيبتي
سمر بصدمة: إنتي بتقولي إيه؟
نهاد حاولت التماسك أمامهم: زي ما سمعتي محدش ليه دعوة بالي بيحصل بيني و بين جوزي زي ما أنا متدخلتش في علاقتك بجوزك ولا قولتلك إنتي ليه فضلتي تملي دماغي إن بيت العيلة مش كويس و إنتي عايشة فيه عادي و دلوقتي عايزيني أغضب و أنا على وش ولادة و أتمرمط بإبني ساعتها مين هينفعني بابا وماما هيفضلو لحد إمتى شايلين همي في المقابل إنتي هتسبيني و ترجعي تعيشي مع جوزك و تنبسطو بحياتكم
سمر بدموع: يعني تدخلي هو الي هيخرب حياتك و إنه يتجوز عليكي عادي و تمام؟ ماشي
إلتفتت لهم: مبروك يا إبن عمي متنساش تعزمنا على الفرح
نظرت لأختها بغضب و كانت ستغادر لكن نهاد أمسكت يدها و عانقتها وو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حظ الملايح)
