رواية حريم القصر الفصل الثاني 2 بقلم حنين الماضي
رواية حريم القصر الجزء الثاني
رواية حريم القصر البارت الثاني
رواية حريم القصر الحلقة الثانية
فؤاد : مالك يا فارس
فارس : هى اللى اختارت
فؤاد : مين دى
فارس : المهندسة ليلى 😊
فؤاد : انا كنت شاكك من اهتمامها بيك أن فى حاجة بس قولت ماليش دعوة مدام انت مقولتش
فارس : ولا حاجة ولا محتاجة خليها تشبع بسى ماهر وفلوسة وفاكرانى مش فاهم
فؤاد : اسمع كلامى انت فاهم البنات غلط وراجع نفسك واسألها هى لية عملت كدة
فارس : واسألها لية !! هى براحتها على الاخر
فؤاد : لو كل واحد ساب اللى مرتبط بيها على راحتها ،مافيش واحدة هتقعد معاة
فارس : يعنى اروح ازعقلها قدامة واهزأها عشان تعرف انى مهتم بيها !!!
فؤاد : مش لازم تهزيئ بس يكفى انك تكون موجود فى المكان حتى لو هتديها وش ،بس هى تعرف انك مكبرتش دماغك وطنشت وشوف بعدها هى هتعمل ايه
فارس : بس انا فعلا مش حابب ادور وراها ولا اروح المكان
فؤاد : يبقى انت يا شقيقى محبتهاش
فارس : تفتكر ؟
فؤاد : يعنى الحب يعنى غيرة ، ازاى انت هادى كدة وانت عارف انها رايحة شغل عند واحد انت نفسك بتقول علية مش تمام ؟!
فارس : دة شغل وطبيعى هى تتعرض لمواقف زى كدة ولازم تتعامل
فؤاد : مافيش حاجة اسمها كدة مع إنسانة انت مرتبط بيها
فارس : يمكن يكون كلامك صح
فؤاد : فكر كويس وشوف انت عاوز أية بدل ما يجى الوقت وتنتقم منك ههههه
فارس : هى ولا هتشوفنى تانى خلاص
فؤاد : طيب انت حر ،هنزل انا بقى عشان اتأخرت والمفروض اكون من ساعتين هناك وهى رنت عليا خلاص يبقى قلقت عليا ههههه
فارس : هههه يعنى جاتلك الإشارة خلاص
فؤاد : هو كدة تمام ههههه سلام يا عنيد
فارس : سلام يا مرح
___________________
ليلى : تخيلى يا مى ولا فكر يتصل حتى بيا بالرغم أن ماهر كلمة قالة
مى: وماهر كلمة لية يا ليلى بس ؟
ليلى : انا اللى قولتلة ياريت تعرف فارس على الميعاد عشان يعرف انى بشتغل مش بدلع
مى : وتفتكرى ماهر دة دخل علية كلامك !!
ليلى : قصدك أنة فهم
مى : طبعا وباين اوى انك بتغيظى فارس بماهر والاتنين اكيد فهموا دة وفارس مش هيتصل بيكى وماهر ماهيصدق يستغل الموقف عشان انتى عارفة أن عينة منك
ليلى : اوووف بس انا لازم اروح دة شغل وواخدين عربون على الشغل دة
مى : مين اللى واخد ،انتى ولا فارس ؟
ليلى : مبتتحسبش كدة يا مى ، دى فلوس بنجيب حاجات والباقى بيفضل لحد الاوردر ما يخلص خالص وناخد باقى حسابنا وبنتحاسب فالاخر
مى : يبقى خلاص كملى الشغلانة دى لوحدك أو تنسحبى وتخلى فارس يكمل هو وتحطية قدام الأمر الواقع
ليلى : تصدقى فكرة 🤔 بس انا كلمت ماهر وبلغتة إن انا اللى جاية
مى : عادى جدا هو لية حد يروح يكمل الشغل مش مهم بقى انتى ولا فارس ولا انتوا الاتنين ،المهم حد منكم يروح
ليلى : خلاص اتصلى انتى بفارس وعرفية
مى : انا 🙄
ليلى : اة ما انا مش هقدر اكلمة وانا كدة ،مش انا صاحبتك ويهمك راحتى
مى : أمرى لله هتصل .. بيرن اهو
ليلى : عارفة ممكن يكون شايف الاسم ومتعمد ميردش
مى : لسة بيرن .. الو الو صباح الخير يا بشمهندس
فارس : صباح النور انسة مى
مى : شكلك نايم لسة
فارس : اة نايم وشكلى هاخد اليوم كلة نوم
مى : 🙄 اليوم كلة نوم لية كدة
فارس : عندى سهرة بالليل وعاوز اكون فايق
مى : ممم طيب كنت عاوزة اقولك ليلى كلمتنى و
فارس : ايوة ايوة عندى علم ودكتور ماهر كلمنى والراجل محترم جدا وقدر الموقف وهى برافوا عليها انها كلمتة وعملت الصح وحددت ميعاد كويس جدا وهو هيكون فى انتظارها وانا عاوزها تثبت كفائتها فالشغلانة دى وهسيبها هى تتعامل للآخر وحلال عليها اى تعاقد يجى من الدكتور لان انا كمان عندى شغلانة تانية كنت مأجلها وهى عارفة دة وسبحان الله اتحلت اهى لوحدها
مى : 🙄 يعنى انت مش عاوز الشغل بتاع دكتور ماهر
فارس : لا خالص مبروك عليها
ليلى : انت انسان مستفز جدا وصعب تتعاشر وانا عارفة انك بتعمل كدة عشان تغيظنى بس لعلمك انا لا متغاظة ولا انت هممنى وفعلا انا عاوزة الشغل بتاع ماهر لوحدى وكويس انها جت منك وياريت يبقى كل واحد فى طريق بعد كدة
فارس : مافيش مشكلة زى ما تحبى واتمنالك التوفيق مع السلامة
مى : الو الو فارس … دة قفل
ليلى : انسان حقير 😭
مى : طيب أهدى يمكن يكون متعصب دلوقتى ولما يهدأ هيرجع يكلمك
ليلى : لا يا مى خلاص ،فارس بياع وكنت لازم افهم كدة
مى : يعنى اية كنتى لازم تفهمى كدة
ليلى : هو عاوز يلغى شخصية اللى معاة ويتحكم فيها وتقولة حاضر ولما يغلط المفروض مزعلش ولا اعاتب واتعامل عادى كأن مافيش حاجة حصلت وانا مش قادرة اكون كدة
مى : يمكن انتى فهماة غلط
ليلى : لا أنا كنت فهماة غلط لكن دلوقتى فهمتة صح
مى : طيب هتعملى اية فى ميعادك مع ماهر
ليلى : هروح وياريت تيجى معايا وتخليكى جنبى أنا ماليش نفس اشتغل بس هروح عشان أنا خلاص أجبرت علية
مى : لازم تكونى اقوى من كدة ،متوقفيش حياتك على فارس او غيرة ومش لازم تطلعى خسرانة كل حاجة
ليلى : قصدك اية
مى : يعنى صفحة فارس دى تتقفل حتى لو بالغصب وتثبتى لنفسك انك تقدرى تشتغلى وتنجحى من غيرة واكسبى ماهر دة ،مش يمكن فعلا يعجبة شغلك ويبعتلك عملاء تانيين وشغلك يكبر بعيد عن فارس
ليلى : بس انا محبطة من جوايا وماليش نفس حتى اشرب وعاوزة اقعد اعيط واقفل على نفسى الباب
مى : بطلى ضعف بقى وياترى هو هيعمل فى نفسة زيك كدة !! مش بعيد بعد ما كلمناة يكون كمل نوم عادى جدا وزى ما قالك هينزل يسهر بالليل ويفك عن نفسة وخليكى انتى بقى عيطى لحد ما تضيعى نفسك وهو ياخد بالة من شغلة ونفسة واكيد هيشوف غيرك ويكمل حياتة.
ليلى : 😥 كلامك دة بيخنقنى اكتر وبحس ان قلبى موجوع وعاوزة اعيط واصرخ ونفسى اضربة أو يحصلة اى حاجة تنكد علية
مى : يبقى مافيش فايدة هتفضلى تعيطى على حاجة راحت وانتى اللى هتخسرى
ليلى : شكلى باين علية جدا انى مضايقة واكيد دكتور ماهر هياخد بالة
مى : اقولك حاجة تعالى نعدى على المول ندخل كأننا بنعمل تيست ميك اب ونظبط ونجيب ايشاربات جديدة ونروش الطقم وناكل ايس كريم ونروح واحنا فريش
ليلى : والله انتى رايقة
مى : وانكد على نفسى لية هو أنا هعيش كام مرة يعنى
ليلى : طيب يالا عشان يادوب نعمل اللى بتقولى علية دة ونروح عشان دة مشوار
مى : يالا بينا لما اشوف اخرتها معاكى اية
ليلى : تفتكرى فارس شايف واحدة تانية غيرى
مى : يووووة مافيش فايدة مهما اتكلمت هتقعدى تقوليلى فارس ،يا بنتى فكك منة بقى وكويس أنها خلصت على كدة
ليلى : كل دة عشان مسمعتش كلامة
مى : شكلى هرجع فى كلامى وهسيبك تروحى المشوار لوحدك
ليلى : طيب خلاص هسكت
مى : لا متسكتيش بس فكك من فارس وخلى بالك دكتور ماهر دة مركزة حلو اوى حاولى تكسبية
ليلى : أنا هعمل شغلى يا مى وخلاص
مى : طيب يالا بس ونشوف ساعتها ههههه
______________
فؤاد : السلام عليكم
داليا : عليكم السلام اتأخرت لية
فؤاد : نمت كنت سهران بالليل
داليا : سهران !!!
فؤاد : اة عادى هو عيب ولا اية
داليا : لا مش عيب بس استغربت مش اكتر
فؤاد : لية انتى مالكيش شلة تسهرى معاهم أو تخرجى معاهم
داليا : ههه شلة كمان !! لا أنا الحقيقة معرفش غير اسراء بنت خالتى وهى أقرب واحدة ليا
فؤاد : اهو يعنى ليكى أصحاب
داليا : دى قريبتى هههه
فؤاد : يعنى مبتخرجيش معاها
داليا : ظروفها دايما مش مناسبة ولما بحب اشوفها أنا اللى بروح
فؤاد : اشمعنى
داليا : هى متزوجة فى بيت عيلة وحماتها صعبة شوية فى موضوع الطلوع والنزول دة ولازم تحصل مشكلة كل ما تخرج مع زوجها وانا مش حابة كدة .
فؤاد : اااة يبقى انتى كدة مش مصحباها عشان صداقة للصداقة
داليا : مش فاهمة قصدك
فؤاد : قصدى انها صعبانة عليكى عشان كدة انتى مقربة منها ودى مش صداقة كدة
داليا : بس انا برتاح معاها فالكلام
فؤاد : انت متخيلة أنها بتريحك
داليا : انت عاوز توصل لأية
فؤاد : هى قريبتك وبتحكيلك
داليا : اة
فؤاد : هى بالنسبالها انتى صاحبتها لأنها لقت حد يسمعها ومهما كانت مشاكلك مش هتيجى حاجة جنب مشاكلها وبعدين هى اكيد فى مشاكلها دى بتستنجد بيكى ولا اية ؟
داليا : اة طبيعى
فؤاد : هل انتى بقى بتستنجدى بيها فى حاجة ؟
داليا : بص اسراء صاحبتى من قبل ما تتجوز ويمكن عارفة كل حاجة عنها ومش معنى أنها اتجوزت يبقى كدة احنا مش اصحاب لكن ميمنعش انها بعد زواجها من حسام حياتها اتغيرت غصب عنها وانا عذراها
فؤاد : طيب تفتكرى أنا لو عندى صديقة كدة زيك ينفع أفرط فيها
داليا بابتسامة : يعنى انت عاوز تقنعنى ان معندكش اصدقاء
فؤاد : اصدقاء زيك لا
داليا : زيى ازاى بقى
فؤاد : نفس اهتمامك كدة بقريبتك وخوفك عليها وحبك ليها ،يعننننى لو نكون اصدقاء هبقى اسعد واحد فالدنيا
داليا بابتسامة : معنى كدة أنك بتقدم طلبك للصداقة بينا ؟
فؤاد : طبعا واتمنى اخد موافقة على طلبى
داليا : ياااة للدرجادى
فؤاد : مش بقولك أنا لو عندى صاحبة زيك صعب أفرط فيها لان النوع دة مش موجود دلوقتى وشبه انقرض
داليا : هههه وانا موافقة
فؤاد : ههه متشكر ودة اسعد يوم فى حياتى النهاردة يا صديقتى العزيزة
داليا : ههههه حلو
فؤاد : ههه هو اية دة ؟
داليا : حلو الجو دة هههه
فؤاد : البريك جة ولا لسة ؟
داليا : قدامة عشر دقائق بس لية ؟
فؤاد : اول مرة احس انى جعان كدة وعاوزك تيجى معايا على مكان هيعجبك
داليا : مكان اية دة والشغل ! دة البريك نص ساعة
فؤاد : ماهو فالسريع بدل المكان المعتاد اللى كل البنك بينزلوا فية وكلة مركز مع كلة
داليا : هههه انت مش طبيعى
فؤاد : اة انا حاسس بكدة حتى قولت لفارس قبل ما انزل
داليا : فارس اخوك الكبير صح
فؤاد : اة
داليا : وقولتلة كدة لية بقى ؟
فؤاد : ههههه
داليا : بتضحك لية
فؤاد : عشان مش هينفع اجاوب دلوقتى
داليا : لية هو سر
فؤاد : لا مش سر ولا حاجة بس سيبيها لوقتها وهقولك كل حاجة مش بقينا اصدقاء
داليا : هههه المفروض
فؤاد : خلاص يبقى هقولك اكيد بس فى وقتها
احمد : انتوا عمالين ترغوا وتضحكوا ومش حاسين بالكارثة اللى احنا فيها
فؤاد : كارثة اية دى
احمد : مافيش ولا عميل دخل خدمة عملاء لحد دلوقتى
داليا : اة صحيح مافيش حد دخلنا خالص !!
فؤاد : طيب اية الكارثة فى كدة ،يبقى الحمدلله مافيش مشاكل ههههه
داليا : ههههه أيوة صح والبنك قدر يحل كل مشاكل العملاء هههه
احمد : لا يا ميس فى عملاء بدأوا يلغوا تعاملاتهم كدة معانا
فؤاد : بلاش تشاؤم يا احمد لو اللى انت بتقولة حقيقى كانوا لازم يعدوا علينا كخدمة عملاء الاول عشان نقفل حساباتهم ولا اية
داليا : صح يا فؤاد
احمد : دلوقتى تشوفوا وهيجوا
فؤاد : أنا مسميك احمد تشاؤم
احمد : ربنا يستر وميطلعش اللى فى دماغى
داليا : أهدأ انت بس واهو بدأوا يجوا
فؤاد : الناس على ما صحيت هيبتدوا يهلوا علينا
داليا : ثوانى ارد على الموبايل .. الو
اسراء : 😩😩
داليا : مالك فى أية ماااالك ؟
_________________
لاااااايك وكومنت لمتابعة رواية حريم القصر وتتوقعوا اسراء مالها ؟؟؟ وياترى فارس هيكلم ليلى ؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حريم القصر)
