رواية حرم اليزيد الجزء الثاني الفصل السادس 6 بقلم حياة

رواية حرم اليزيد الجزء الثاني الجزء السادس

رواية حرم اليزيد الجزء الثاني البارت السادس

رواية حرم اليزيد الجزء الثاني الحلقة السادسة

عدي : تاليااااااااااااا!!!
تاليا وبتجري نحوه بسرعة عشان تستنجد بيه وهي لسه ما استوعبتش حركة حماتها
: عدي كويس انك جيت ضر…
بتتفاجئ بيه بيزقها بقوة لدرجة أنها وقعت على الأرض
عدي وهو بيرفع أمه وبيقعدها على الكنبه : ماما انتي كويسه؟؟!
كانت الأم بتمثل انها بتعيط ومش قادره تقوم
فدوى بتمثيل العصبيه : هتكون كويسه ازاي يا عدي؟؟؟…..وهي مش سالمه من شر مراتك!!! ….. ده يعتبر ولا حاجه من اللي بتعمله!!!
نادية بتمثيل الخوف : اسكتي يا فدوى….انتي عايزة تخربي لاخوكي بيته…… وتبعديه عن ابنه اللي لسه ما شافهوش…… البت ما عملتش حاجه…. انا وقعت بالغلط وانا بنضف!!!
فدوى : ماما انتي بتكدبي ليه؟؟؟
عدي وبيوجه نظره لتاليا بغضب بعدين بيتحرك باتجاهها وبيقف قدامها
: اقفي بطولك فهميني!!!
تاليا بوجع : مش قادرة أقف انت زقيتني جامد على فكرة!!!
الأم خافت ابنها يحن لأنها عارفه انه بيحب مراته أوي فشاورت لبنتها تروح توقفها
-فدوى بتروح وتمد لها ايديها عشان تساعدها تاليا بتبصلها بتردد بعدين بتودي وشها الناحية التانيه
: جوزي هيساعدني!!!
عدي بيمسك تاليا بسرعة وبيقعدها جنب امه
عدي بعصبيه : لاخر مرة هسالك انتي ليه زقيتيها؟؟؟
فدوى بغيظ منو انو لسه بيسأل : هوا انت لسه هتسأل!!!….. يا جبروتك ياخي….. امي كل يوم بيتعمل فيها اسوأ من كده وبتسكت…… عشان قال ايه ما تخربش بيتك وعشان ابنك اللي لسه مجاش….. وبتتحمل الذل والاهانه بس خلاص…… انا اخد امي تعيش معايا انا وجوزي!!!
تاليا بانفعال وصدمة من كدبهم
: كدابة!!!……دول بيمثلوا عليك هما اللي ضر.. بوني…. انا مزقيتهاش والله…. انا بس بعدتها عني!!!
فدوى بتمثيل العصبيه عشان تضغط عليه اكتر
: يلا يا ماما لمي حاجتك عشان هتروحي معايا!!!….. ملكيش قعاد هنا تاني!!!
عدي كان حاسس انها صادقة ومصدقها بس ازاي وشافها بعيونه وكمان مع مين امه اغلى حد عنده : مفيش داعي تلم حاجتها ماما هتفضل هنا!!!
فدوى بخبث : تفضل هنا ازاي مع مراتك؟!!…. انا مستحيل اسمح بده!!!
عدي بضيق : ماهي مش هتفضل بوجود تاليا!!!
تاليا بعدم فهم : يعني ايه يا عدي؟!!
عدي وبيلف وشه الناحية التانية وعيونه بتتملئ بالدموع : يعني انتي طالق بالتلاته يا تاليا
الأم وفدوى بيشهقوا بصدمة بينما بتنزل دموع تاليا بصمت مش عشان طلقها عشان اتظلمت
تاليا وهي بتمسح دموعها : تمام حلو اوي!!!… بس هيجي اللي تعرف فيه اني كنت مظلومة….. وساعتها هتترجاني اسامحك….. بس انا مش هسامحك طبعاً…. وافتكر كلامي ده كويس!!!….. عشان انا متأكده ان اليوم ده هيجي قريب…وقريب اوي كمان!!!
وبتطلع على طول من عندهم بدون ما تلم حاجتها وهي ساندة نفسها على حيطة العمارة
-بتنزل دمعة حارة على خده بعد ما نزلت على طول!!!
قصي وهو بيقلب في التلفون : حلو الاسم ده يا منه ولا اللي قبله؟؟؟
ما بيلاقي رد بيلاقيها شاردة قدامه بيخبطها على كتفها عشان تركز معاه
منه بخضة : في ايه؟؟؟
قصي : كنت بسألك احلى الاسم ده ولا اللي قبله لقيتك شاردة
منه : اممممم
قصي : هااا ما جاوبتنيش حلو الاسم ده ولا اللي قبله؟؟؟
منه : معلش مكنتش مركزه معاك…. ممكن تقولي كنت بتقول ايه؟؟؟
قصي بابتسامة : ماشي لو جالنا ولد نسميه ادم ولا فهد؟؟؟
منه بعصبيه : ادم وفهد ايه؟؟؟….. لو جاء ولد هسميه محمد!!!…. ودي مافيهاش اتنين تلاته نقاش….. انا بقولك من دلوقتي!!!
قصي بضحك : ماشي ماشي اهدي بس
منه لتبتسم له بتمشية وبتلف وشها الناحية التانية وهي في دماغها الف سؤال عايزة تسألهولو
ليه انا بالذات؟!!…عملتلك ايه عشان تئذيني بالشكل ده؟؟؟… انت ليه بتتعامل معايا عادي كأنك مش عامل حاجه؟؟؟
بس سكتت وهو بصلها وهو عارف هي بتفكر بايه
قصي وهو لافف وشه الناحيه التانيه : اول حاجه محدش زي ما قولتلك…. محدش هيرضى بيا…. عشان اسم ابويا!!!…. وانا كان نفسي اعمل عيلة من زمان واجيب اولاد….. اعيشهم احلى عيشه…. هما وامهم بعيدا عن الذل و القهر اللي شفته في طفولتي…. بسبب اب طايش اناني مبحبش غير نفسه…. و بتاع نسوان وعايز كل حاجه تمشي بمزاجه…. بدون ما يراعي لمشاعر غيره
كان بيقول كلامه والدموع بتتساقط من عيونه بغزارة لدرجه انه صعب عليها بس مقدرتش تطبطب عليه عشان مش هاين عليها نفسها
قصي وبيكمل بعد ما مسح دموعه بابتسامة : وكمان حبيتك عشان انتي شبهها كنت بحبها اويي من وأنا صغير كانت غاليه عليا اوي اكتر من امي بس..
منه وهي بتمسك اذنها بانهيار : بس كفاية انت ايه مبتحسش؟؟؟…ما دام ما بتحبها اوي كده كنت اتجوزها!!!… مش تيجي تخرب لي حياتي وتيجي تقولي بحبها انتي شبهها
قصي باستغراب من انفعالها :انتي شكلك فهمتي غلط هي تبقى…
منه بصراخ وهي بتخبط في الطربيزة اللي قدامها : مش عايزة اعرف تبقى مين ميهمنيييييش!!!.. بس عايزة اعرف ليه دمرتلي حياتي إذا بتحبها!!!
قصي بخوف عليها : منه اهدي الانفعال مش كويس معاكي عشان انتي حامل
منه : عشان حامل؟؟؟…. عشان حامل ده اللي يهمك؟!!… بس تعرف انت اناني!!!… اناني اوي!!!…. تعرف ابوك انا معرفهوش بس من كلامك عنه شكلك اناني زيو….. ويمكن اسوأ منو كمان!!!…. عايز كل حاجه تمشي بمزاجك زيو بدون ما تراعي لمشاعر غيرك!!!
وبتمشي من قدامه جري لتحت وهي بتعيط بقوة ومش عارفه كلامها كان سكاكين بتقطـ*عه ويمكن حاله اسوأ من حالها!!!
كانت قاعدة مع جوزها وصحبتها واولادهم بيضحكوا ويهزروا مع بعض فجأة بتلاقي خبط جامد على الباب
قمر بنرفزة وعصبيه : إن شاء الله تتكسر ايدك يا اللي بتخبط!!!.. على الباب في حد عاقل يخبط الباب كده؟؟؟
وبتفتح الباب بتلاقي بنتها قدامها منهارة من العياط وحالتها صعبه
قمر بخضه : تاليا!!!
سليم : مين اللي في الباب ده يا قمر؟؟؟….. تاليا….. اهلا يا بنتـ….
بعدين بيركز على حالتها
قمر بعصبيه : بتعيطي كده ليه يا بنتي؟؟؟… ومال منظرك عامل كده؟؟؟…. مين عمل فيكي كده؟؟؟