رواية حب كبير الفصل الأول 1 بقلم رنا سليمان
رواية حب كبير الجزء الأول
رواية حب كبير البارت الأول
رواية حب كبير الحلقة الأولى
_بس انا بحبك ومش عايز اطلقك
_يبقي بتكذب علي نفسك……انت عُمرك ما حبيت ولا هتحب غيرها……يمكن حبيت اهتمامي بيك لكن محبتنيش انا
_انا مش هقدر اعيش من غيرك بلاش تمشي المرة دي
_مبقاش ينفع……..انا استحملت كتير معاك وحاولت اني اغيرك بس مفيش فايدة …….انت عُمرك ما هتتغير…….انا اه بحبك ويمكن بحبك اكتر من اي حاجة في حياتي بس الحُب مش كل حاجة……..انا مش قادرة اعيش معاك وانا واثقة ان في غيري في حياتك وان قلبك معاها
_بس انا مبحبهاش ……..انا بحبك انتي وعايزك انتي
_نفسي اصدقك بس مش قادرة………لو فعلا بتحبني طلقني وابعد عني وخليني ابدا حياتي من جديد بعيد عن تعب القلب دا
_لا يا رنا…….انا مش هطلقك……..ومش هسيبك تروحي ليه او لغيره……..انا واثق انه السبب في كلامك دا وانا هو اللي فضل وراكي لحد ما اقنعك بالطلاق بس انا مش هطلقك ومش هديله الفرصة انه يبعدني عنك
_كفاية بقي يا يونس…….انا خلاص تعبت ومبقتش قادرة استحمل…….بلاش تضغط عليا اكتر من كدة………انا مفيش حد اقنعني بحاجة انا واخدة القرار لوحدي ومحدش يعرف عنه اي حاجة ارجوك طلقني وتسيبني اعيش حياتي لاني والله تعبت لو فعلا زي ما بتقول بتحبني بجد طلقني وخليني في حالي بقي
اخدت شنطتي وخرجت برا المطعم بعدت عن المطعم وقعدت علي اقرب رصيف …….بدات اخد نفسي بتعب وانا بعيط……..كُنت مخنوقة ومش قادرة حتي اني اخد نفسي……..تعبت من وجودي جمبه ومن تقليله مني ومن مشاعري طول الوقت…….تعبت من رفضه ليا ولحُبي وانه مفكر اني تحت امره في كل اللي هو عايزه…….انا اه بحبه اكتر من آي حاجة في حياتي بس والله تعبت……..عارفة انه بيحب غيري ونفسه يكون معاه انهاردة قبل بكرة بس كُنت فاكرة انه ممكن يجي اليوم ويحبني انا ……..بس مبقتش قادرة خلاص علي معاملته ليا ولا قادرة اني اعيش معاه حتي رغم حُبي ليه……..حسيت ب حد جاه قعد جمب………بصيت لقيته قاعد و باصص قدامه بصيت الناحية التانيه ومسحت دموعي ……..بدا يتكلم وهو باصص قدامه
_يمكن معاملتي ليكي كانت وحشة…….يمكن وحشة اوي كمان بس…….بس انا حبيتك وحبيتك اوي كمان……..انا بس مش بعرف ابين مشاعري لحد علشان كدة معرفتش ابين ليكي قد اية بحبك………كُنت فاكر اني بحبها واني لما اتجوزك احتمال انساها وانسي حبي ليها لانها عمرها ما حبتني في يوم بس اللي اكتشفته اني عُمري ما حبيتها واني محبتش حد قدك في حياتي ………انا اللي بحسه معاكي عمري ما حسيته ما غيرك ابدا……..بحس جمبك اني مبسوط واني مش شايل هم اي حاجة وانا جمبك……..وانا جمبك مبحسش بالوقت وببقي عايز افضل جمبك دايما……..يمكن اكون زعلتك كتير يا رنا بس……..بس انا ندمان علي كل حاجة عملتها في حقك و زعلتك رنا انا……..رنا انا مش هقدر اعيش من غيرك……..انا مش هقدر اطلقك وابعد عنك……..انا عندي استعداد اني اعمل اي حاجة علشان تسامحيني وترجعي البيت
لف وشه ليه وبصلي وعينه كلها دموعه وبدا يتكلم
_انا بحبك يا رنا………بلاش تبعدي عني علشان خاطري
_متاخر اوي يا يونس………كان نفسي تيجي وتقولي الكلام دا من بدري بس انت اتاخرت اوي لحد ما قولته……..اسفة يا يونس بس انا مش هقدر اني ارجع ليك بعد انهاردة………ارجوك بلاش تصعب الموضوع عليا وعليك وطلقني………لو زي ما بتقول انك بتحبني وعايز تعمل اي حاجة علشان اسامحك…….طلقني
سمعنا صوته وهو بينده عليا……..بصينا احنا الاتنين لقيناه واقف قدام العربية وكان بيقرب مننا بعصبية……قام وقف وكان هيروح ناحيته وهو متعصب……..قومت بسرعة ومسكت في ايده وحاولت اقف ما بينهم وانا خايفه انهم يتخانقوا
_انت ليك عين انك تقابلها بعد كل اللي عملته معاها دا
_وانا هاخد رايك قبل ما اقابل مراتي كمان ولا اية
_بس انتو الاتنين…….انتو هتتخانقوا في الشارع ولا اية………انا جيت هنا بمزاجي يا محمد ومفيش حد غصب عليا اني اجي اقابل يونس……..مكنش ليه داعي انك تيجي ورايا لحد هنا ……..وبعدين انت عرفت منين اني هاجي اقابل يونس اصلا
_مش مهم يا رنا عرفت منين المهم اني اخدك من هنا واروحك…….لاني عارف كويس انه هيحاول يأثر عليكي ويخليكي تغيري رايك من تاني
_بس انا مش عيلة صغيرة يضحك عليها يا محمد……..وبعدين متنساش ان يونس لحد دلوقتي جوزي واننا كان لازم ننزل ونتكلم وننهي الموضوع بهدوء وانت مش من حقك انا تدخل في الموضوع دا وتحاول تمنع كلامنا مع بعض……..يمكن انت ساعدتني كتير بس دا مش معناه انك تدخل في حياتي اكتر من كدة
_انا اسف يا رنا بس انا كُنت فاكر
_فاكر اية يا محمد……..انا قولتلك اللي فيها ومعتقدش ان في كلام بعد كدة
مسك في ايدي وقرب منه وهو مبتسم
_يا ريت تكون فهمت يا محمد بيه………اتنين متجوزين اتخانقوا وهيتصالحوا عادي زي اي اتنين متجوزين بيحصل بينهم خلافات يعني مش محتاجين لا مساعدتك ولا مساعدة غيرك…….اتفضل بقي امشي لو سمحت
فضل باصص عليا وبعدها ركب العربية وهو متعصب ومشي……اول ما بعد بالعربية شيلت ايدي من ايده
_اتاكدت من اية
_اتاكدت من اية يا رنا
_ان مفيش اي حاجة بيني وبينه زي ما كُنت مفكر……..عملت كدة علشان اثبتلك اني واخدة قرار الطلاق دا من نفسي
_رنا انا اكيد واثق فيكي بس
_يونس انا تعبانة ومش قادرة اتكلم اكتر من كدة انا مش طالبة منك غير الطلاق ف لو سمحت طلقني وارحمني من كل دا
سيبته من غير ما اسمع اي رد منه ومشيت لاني مكنتش حابة اني اتكلم مع اكتر من كدة بس اول ما شوفتها وقفت في مكاني وفضلت باصة عليها وانا مصدومة ومش مصدقة نفسي……..بدات تقري مني وهي علي وشها ابتسامه عريضة…….فضلت واقفة في مكاني ومش قادره انطق بحرف حتي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب كبير)
