رواية حب قيد المراجعه الفصل الثالث عشر 13 بقلم دودو محمد
رواية حب قيد المراجعه الجزء الثالث عشر
رواية حب قيد المراجعه البارت الثالث عشر
رواية حب قيد المراجعه الحلقة الثالثة عشر
عاد فريد إلى المنزل وهو غاضب نظر إلى والده وقال بصوت مختنق
-اتصرف يا بابا الخبر ده لازم يتشال من كل المواقع وننزل كمان تكذيب للخبر
حرك رأسه بالرفض وقال
جلال :-مش هينفع يا ابنى الصور بالخبر نزلوا خلاص والكل عرف انكم على علاقه ببعض غير أن ابوها كلمنى لأن بنتهم الضرر عليها اكبر دى سمعة بنت وطلب منى أننا نتصرف فى الموضوع ده
نظر له بصدمه وقال بغضب
فريد :-يعنى ايه انا ادبست!؟ لا بقولك ايه يا بابا اتصرف جواز مش هتجوز ولو فريده دى اخر بنت فى العالم برضه مش هتجوزها
هدر به بغضب وقال
جلال :-انت اتجننت، عايز تصغر ابوك قصاد الناس أنا اديت كلمه لراجل
تكلم بنفاذ صبر وقال
فريد :-ما هو مش علشان بنتهم محدش راضى يتجوزها يدبسوها فيا انا
تكلم بغضب شديد وقال
جلال :-فريد اتكلم مع ابوك بأدب
اقترب منه سريعا وربت على ظهره وقال
اكرم :-يا عمى اهدا علشان خاطرى العصبيه مش كويسه عليك
نظر إلى فريد بغضب وقال
جلال :-اعمل حسابك هنروح نتقدم لفريده بليل ولو معملتش كده لا انت ابنى ولا اعرفك
ووضع يده على قلبه واتجه إلى غرفته
نظرت له بحزن وقالت
حنان :-ليه كده يا ابنى تزعل ابوك لو حصله حاجه بسببك مش هسامحك طول عمرى
وتركته ودلفت الغرفه عند جلال
نظر له وقال بنبره هادئه
اكرم :-هتعمل ايه يا ابن عمى نصيحه وافق علشان خاطر ابوك
حرك رأسه بالرفض وقال
فريد :-مستحيل ده يحصل، فريده يا اكرم!! احنا عمرنا ما اتفقنا مع بعض يبقى ازاى هتقدملها ده شغل جنان والله
تكلم سريعا وقال بتوضيح
اكرم :-فريده مش وحشه على فكره هى بس محتاجه اللى يفهمها ولو بطلت تستفزها هتشوف فريده على حقيقتها
وضع يده على وجه و تكلم بغضب وقال
فريد :-مش عايز اشوفها على حقيقتها ولا عايز افهمها سيبونى براحتى انا مش بتاع جواز أنا بحب اكون حر دى حياتى وانا حر فيها
حرك رأسه بالرفض وقال
اكرم :-يبقى انت كده ناوى تجيب أجل ابوك لو منفذتش كلامه انت مش عارف ان ممنوع عنه العصبيه نهائى
زفر بضيق وقال بصوت مختنق
فريد :-ياريتنى ما رجعت مصر، انا مخنوق هخرج اشم شوية هوا
وخرج من الفيلا سريعا صعد سيارته وتحرك بها بسرعه جنونيه.
…………………………………………………………….
عم المساء وحضرت عائلة فريد إلى الفيلا الخاصه بعائلة فريده لكن دون وجود فريد نظر لهم بأستغراب وقال
كريم :-اومال فين فريد اول مره اشوف خطوبه من غير عريس
نظر إلى اكرم بتوتر وقال
جلال :-فريد بيجيب حاجه وزمانه جاى
بحث بعينه بأستغراب وقال
اكرم :-اومال فين فريده
تكلم بتوتر وقال
حاتم :-ها فريده فى اوضتها بتجهز وشويه ونازله
تكلم بمرح وقال
جلال :-ده ايه الخطوبه دى اللى محدش فيهم موجود
تعالت ضحكاتهم وظلوا يتكلمون بسعاده
اقترب جلال من اكرم وقال بصوت هامس
-اتصل بالزفت ده شوفه راح فين
تكلم بتوتر وقال
اكرم :-مش بيرد يا عمى اعمل ايه طيب
نظر له بقلق وقال
جلال:-ربنا يستر ويجى بس
بالاعلى بالغرفه الخاصه بفريده
جلست أمامها بترجى وقالت
هند:-ابوس ايدك قومى أجهزى الناس تحت مستنينك ولو منزلتيش مش هيحصل خير من اخوكى كريم
نظرت لها بعدم اهتمام وقالت
فريده :-مش قايمه ،خلى كريم يتجوزو بقى
زفرت بضيق وقالت
هند :-يا بنتى بلاش عناد قومى اجهزى دلوقتى وبعد كده يبقى يحلها ربنا ابقى سبيه وقولى محصلش نصيب المهم دلوقتى تنزلى ليهم تحت
تكلمت بغضب وقالت بنفاذ صبر
فريده:-قولتلك مش نازله متحاوليش يا هند لأن مستحيل ده يحصل
بالاسفل
نظر جلال بساعة يده بتوتر ونظر إلى اكرم حتى يحاول الاتصال بفريد وفى ذلك الوقت هبطت فريده من أعلى الدرج بوجه عابس صافحة الجميع وجلست بجوار والدها
تنهد حاتم بأرتياح وقال بتساؤل
-خير يا جلال فريد لسه قدامه كتير
ابتلع ريقه بتوتر وقال
جلال :-م م مش عارف والله يا حاتم اكرم بيتصل بي مش بيرد عليه
ابتسمت بضيق وقالت بغضب
فريده :-تلاقيه بيقضى وقت مع اى واحده رخيصه دى حاجه مش جديده عليه
وفى ذلك الوقت سمعوا صوته وهو يقول لهم
فريد :-لا والله بس كنت عند بتاع الورد بختارك اجمل نوع عنده علشانك يا عروسه
تنهد بأرتياح وقال بأبتسامه
جلال :-عاش يا ابنى تعالى جنبى يا عريس
حرك رأسه بالرفض وقال
فريد :-لا هقعد جنب خطيبتى
جلس بجوارها واعطاها الورد وقال
-اتفضلى يا عروستى
أخذته منه بغضب والقته بجوارها ونظرت الاتجاه الآخر
تكلم جلال وقال بنبره سعيده
-بصوا احنا مش هنتكلم فى الموضوع بطريقه تقليديه فريده بنتنا وفريد ابنكم واللى هما عايزينه مع بعض يجيبوا احنا ما علينا غير ننفذ وبس
تكلم بصوت هادئ وحنون وقال
حاتم :-مافيش فرق ما بينا اهم حاجه ربنا يسعدهم
تكلمت بغضب وقالت
فريده :-انتوا اخدين الموضوع بجد ولا ايه احنا هنعمل خطوبه وبعد كده كل واحد يروح لحاله ونقول أن مافيش نصيب ده اخر حاجه عندى
تكلم بزعل مزيف وقال
فريد:-ليه بس يا ديده زعلتينى وانا اللى فكرت أن الفرحه مش سيعاكى دلوقتى
صرت على أسنانها بغضب وقالت
فريده :-اسمى الانسه فريده لو سمحت وبعدين هفرح على ايه يا حسره
تكلم جلال سريعا وقال
-احنا نقراه الفاتحه دلوقتى وبعد كده يحلها ربنا
تكلمت سريعا وقالت بغضب
فريده :-انتوا هتقراه الفاتحه بجد
تكلم بنفاذ صبر وقال
كريم :-ممكن تحطى لسانك فى بؤقك وتسكتى شويه
زفرت بضيق ونظرت لهم بغضب
وبدأ الجميع يقرأه الفاتحه معاد فريده اقترب من أذنيها وقال بتهكم
فريد:-ما تقرى الفاتحه يا عروسه ولا مش حفظاها
صرت على أسنانها بغضب وقالت بصوت هامس
فريده :-عرسه لما تمص دمك وتخلصنى منك يا بارد
ابتسم بضيق وقال بصوت مختنق
فريد:-اعمليهم عليا يا بت ده انتى هطيرى من الفرحه مش مصدقه نفسك أنها جاتلك على طبق من الماظ طول عمرك كنتى هتموتى عليا ولحد دلوقتى بتحبينى يعنى أنا حب عمرك إنما انتى ولا حاجه بالنسبه ليا عرفت غيرك كتير اجمل واحسن منك وفى الاخر وقعت فيكى انتى عرفتى مين الفائز فى الخطوبه دى
نظرت له بغضب ونهضت سريعا وقالت
فريده :-عن اذنكم هطلع اقعد فى الجنينه بره
وخرجت وتركتهم جلست على المقعد بضيق وظلت تنظر أمامها حتى سمعت صوته يقول لها
فريد :-متفرحيش اوى وتعيشى الدور علشان أنا عمرى ما هكون ليكى
أغلقت عينيها بغضب شديد وقالت بصوت مختنق
فريده:-انت جاى ورايا ليه علشان تقولى الكلمتين العبط دول لا اطمن انت مش فى دماغى اصلا ولا عمرى فكرت فيك معرفش انت جايب التقاليع دى منين بس انا عمرى ما افكر فى واحد زيك طفل مدلل عايش حياته بالطول وبالعرض معتمد على غيرك ينفذلك طلباتك يعنى انت اقل من انك تيجى فى تفكيرى اصلا روح يا بابا العب بعيد وروح لشوية البنات اللى شبهك اللى بيفرحوا بالعبط والهبل اللى انت بتعملهم دول
ابتسم لها بعدم تصديق اقترب من أذنيها وقال بصوت هامس
فريد :-امممم فعلا بأمارة اعترافك بمشاعرك اللى كنتى بتكتبيها على ورق وتخافى أن انا اشوفها
اعتدلت سريعا ونظرت له بغضب وقالت
فريده :-انت بتقول ايه محصلش الكلام ده
اومأ رأسه بالتأكيد وقال
فريد :-لا حصل كنتى تكتبى الكلام على ورقه وترجعى ترميها فى سلة المهملات وتمشى وانا كنت باخد الورق ده واقراه
أرجعت شعرها خلف أذنها وقالت بتوتر
فريده:-ا ا الورق ده مكانش بتاعى د د دى واحده صحبتى كانت طالبه منى اكتبلها رساله لصاحبها
نظر لها بأستغراب وقال بتساؤل
فريد :-وصحبتك برضه كان اسم صاحبها فريد
زفرت بضيق وقالت بنفاذ صبر
فريده :-انت شاغل بالك بالماضى ليه ما تنساه وسيبه فى حاله وبطل كل شويه تتكلم على حاجه مكانش ليها بدايه ولا عمرها ما هيكون ليها نهايه
وتركته وصعدت إلى غرفتها
نظر إلى أثرها بأستغراب ثم التفت إلى الخلف ونظر إلى الأعلى وتابع نافذة غرفة فريده حتى وجد الضوء يظهر من الداخل زفر بضيق وخرج سريعا وغادر المكان واتجه إلى إحدى الاماكن حتى يقضى باقى الليل بها .
………………………………………………………………
مر عدة ايام
وجاء يوم الخطبه حضر جميع رجال الأعمال والصحفين والمقربين من العائلتين ببهو الفيلا الخاصه بعائلة فريده
جلست فريده على مقعدها بضيق وقالت بصوت مختنق
-انا مش عارفه لزمتها ايه الخطوبه دى مش خلاص انتشر أننا اتخطبنا عايزين ايه تانى
ربت على ظهرها وقالت بتوضيح
هند :-انتشر أن تم قراية الفاتحه بس لازم الخطوبه تتصور والناس كلها تشوفها علشان نخلص بقى من كلامهم
نظرت إلى أنعكاسها بالمراه وقالت بضيق
فريده :-انا عايزه اخلص بقى من الموضوع ده بأسرع وقت عايزه ارجع لحياتى الطبيعيه الشركه والعمال والصفقات عايزه ارجع اركز فى شغلى تانى
ابتسمت لها وقالت بنبره هادئه
هند :-ان شاءالله يا حبيبتى يلا بقى علشان ننزل زمان فريد جه
زفرت بضيق وقالت
فريده :-انا مش طايقه اشوفه
نظرت لها بأستغراب وقالت
هند :-يا بنتى انتى من يوم ما كانوا هنا يطلبوا ايدك مشافش وشك خالص حتى لما طلبك علشان تنزلى تختارى الشبكه رفضى
ردت عليها بعدم اهتمام وقالت
فريده :-انا لا عايزه اشوف وشه ولا عايزه حاجه منه يخلص بس اليوم ده وبعد كده ربنا يسهل
ثم نهضت من على مقعدها وقالت بصوت مختنق
-يلا بينا
نظرت لها بقلق وقالت بتحذير
هند :-فريده اهدى ارجوكى فيه كاميرات كتير تحت
اومأت رأسها بتفهم وقالت
فريده :-عارفه متقلقيش يلا
ثم هبطوا الاثنين إلى الأسفل وبدأوا الصحفين التقاط الصور لها
اقترب فريد إليها وقبل يدها وابتسم لها بأستفزاز وقال
-قمر يا روحى
صرت على أسنانها بغضب وقالت بصوت هامس
فريده :-اللهى تطلع روحك
ابتسم لها وقال بتهكم
فريد :-اضحكى علشان الصوره تطلع حلوه يا قلبى
زفرت بضيق وحاولة تبتسم أمام الموجودين
امسك يدها ووضع بها محبس الخطبه وضغط بقوه على يدها وقال
-مبروك
نظرت له بضيق وقالت
فريده :-الله لا يبارك فيك
وفى ذلك الوقت أعلن هاتفه عن وجود اتصال نظر به بتوتر ودلف سريعا إلى الداخل واجاب على الهاتف بتلعثم وقال
فريد:-جوليا ع ع عامله ايه يا حبيبتى
تكلمت بغضب وقالت
جوليا :-انت ليه مرجعتش، مش قولتلك اخر الاسبوع تكون عندى
رد عليها بتوتر وقال
فريد:-كنت راجع بس بابا تعب فاجئه ومقدرتش اسافر واسيبه
تكلمت بغضب وقالت
جوليا :-بابا اللى تعب ولا انت يا عريس
وفى ذلك الوقت سمع صوتها خلفه
ابتلع ريقه بتوتر والتف سريعا إلى الصوت وقال بصدمه
فريد:-جوليا !!
اقتربت منه وقالت بغضب
جوليا :-انت تضحك عليا انا يا فريد اوعى تفكر أن انا سهله
امسك يدها بتوتر وقال سريعا
فريد :-لا والله مش بضحك عليكى الموضوع مش زى ما انتى مفكره
نظرت له بعدم تصديق وقالت
جوليا :-اومال ايه فهمنى
ابتسم لها وقال بنبره هادئه
فريد :-الموضوع أن فيه اشاعات كتير انتشرت علينا كدب و العائلتين قريبين من بعض اوى ف بابا اتفق مع ابوها أننا نعمل خطوبه كده وكده علشان سمعت بنتهم وبعد كده هنسيب بعض ونقول محصلش نصيب هو ده كل الموضوع والله
تكلمت بعدم تصديق وقالت
جوليا :-اوعى تكون بتضحك عليا يا فريد
احتضنها بحب وقال
فريد :-وحياتك عندى مش بضحك عليكى واحشتينى اوى
ثم ابتعد عنها ونظر إلى شفتيها وقبلهما
ظلت تنظر لهم بصدمه أغلقت عينيها بضيق وأخذت نفس عميق واخرجته بهدوء ثم اقتربت منهم وقالت بغضب
فريده :-انت اتجننت ايه اللى انت بتعمله ده افرض حد من الصحفين شافك واخد ليكم صوره بالمنظر ده هيبقى ايه الوضع
ابتعد عن جوليا سريعا وقال بضيق
فريد :-دى جوليا حبيبتى وناوى أن شاءالله اعرف اهلى عليها واتجوزها
ابتلعت مرارة كلامته بحلقها وتنهدت بضيق وقالت بصوت مختنق
فريده :-دى حاجه متخصنيش انا بقولك احترم نفسك بس الشويه دول لحد ما حفلة الخطوبه تخلص وكل واحد يروح لحاله
نظر إلى جوليا وقال بنبره هادئه
فريد :-تعالى يا حبيبتى معايا كأنك من المعازيم وبعد الحفله هعرفك على بابا وماما
وترك فريده وخرج عند المعازيم
نظرت إلى أثرهم بضيق وحاولة أن تهدأ قليلا ثم تحركت خلفهم .
……………………………………………………………..
انتهت حفل الخطبه وعادت عائلة جلال إلى الفيلا جلسوا جميعا ينظروا إلى جوليا بأستغراب نهض بغضب وقال
جلال :-فريد تعالى معايا عايزك
ابتلع ريقه بتوتر ونظر إلى جوليا وابتسم لها وتحرك خلف والده
دلفوا الغرفه واغلق اكرم الباب خلفهم
نظر له وقال بتساؤل
جلال :-مين دى وبتعمل ايه هنا
تكلم بتلعثم وقال
فريد :-د د دى جوليا يا بابا
هدر به بغضب وقال
جلال :-ايوه يعنى عايزه ايه منك
ابتلع ريقه بتوتر وقال
فريد :-د د دى صحبتى ولما عرفت خبر خطوبتى جات مخصوص علشان تكون جنبى وانا مرضتش اخليها تقعد فى فندق وجبتها معايا هنا
نظر له بعدم تصديق وقال بتساؤل
جلال :-صحاب بس ولا فيه حاجه تانيه ما بينكم
حرك رأسه سريعا وقال
فريد :-ل ل لا طبعا أصحاب بس مش اكتر
اومأ رأسه بالموافقه وقال
جلال :-ماشى، بس هى ناويه تقعد قد ايه هنا
تكلم بتوتر وقال
فريد :-اسبوعين بالكتير اوى
زفر بضيق وقال بأمر
جلال :-معنديش مانع بس ابقى فهم خطيبتك الموضوع علشان متفتكرش حاجه كده ولا كده
زفر بضيق وقال
فريد :-حاضر يا بابا عن اذنك
وخرج من الغرفه ونظر إلى والدته وقال
-ماما معلش خليهم يحضروا ليها اوضه
نظرت إلى جوليا بضيق ونهضت من على مقعدها وقالت
حنان :-حاضر يا ابنى
وصعدت إلى الأعلى
نظر حوله بتوتر واقترب إليها وقال بصوت هامس
فريد :-جوليا بقولك متجبيش سيرة العلاقه اللى ما بينا لأن هو مش مستعد يعرف حاجه زى دى دلوقتى انا قولتله أننا أصحاب بس وجايه علشان تباركى ليا على الخطوبه وقدام شويه هقوله كل حاجه وأننا هنتجوز أنا وانتى
نظرت له بضيق وقالت
جوليا :-وليه مش مستعد يعرف دلوقتى
تكلم سريعا وقال بتوضيح
فريد :-مقصدش حاجه بس هو مريض وخطوبتى كانت النهارده هتبقى صدمه ليه لو قالتله أننا هنتجوز دلوقتى
اومأت رأسها بضيق وقالت
جوليا :-ماشى يا فريد
ربت على ظهرها وقال بحب
فريد :-يلا يا حبيبتى اطلعى ريحى فى اوضك
صعدت إلى الأعلى وظل يتابعها بضيق وفى ذلك الوقت اقترب اكرم له وقال بعدم تصديق
-موضوع انكم أصحاب ده مش داخل دماغى
رد عليه بضيق وقال
فريد :-هو ميدخلش دماغ حد اصلا أنا وجوليا على علاقه وعايشين مع بعض ولما عرفت بموضوع الاشاعات ده جات مصر وعرفت أن انا بخطب ومش عارف دلوقتى اعمل ايه مش هقدر اقول لبابا حاجه زى دى وهى قاعده ومنتظره اكلم بابا على موضوع جوازنا
زفر بضيق وقال بنفاذ صبر
اكرم :-ازاى بيجيلك قلب تعمل كده يا اخى اهو ده اخر القرف اللى كنت بتعمله حلها بقى يا حلو تصبح على خير
وتركه وغادر البيت سريعا
نظر إلى أثره بضيق وصعد إلى غرفته.
……………………………………………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب قيد المراجعه)
