رواية حب غير مشروط الفصل السادس والثلاثون 36 بقلم لولا
رواية حب غير مشروط الجزء السادس والثلاثون
رواية حب غير مشروط البارت السادس والثلاثون
رواية حب غير مشروط الحلقة السادسة والثلاثون
داليا بحب خلاص هقول لاخويا الصبح انك عايز تقابله بكره
عبدالله تمام يا حبيبتي
داليا بحب يلا تصبح علي خير
عبدالله بحب وانتي من اهلي ياست البنات
داليا ابتسمت بحب واكملت باي
عبدالله باي
تاني يوم الصبح في بيت حاتم
شهد صحيت لقيت نفسها في حضن حاتم فابتسمت بحب لما افتكرت انهم امبارح كانوا كويسين اوي مع بعض وباست خده ورايحه تقوم شدها بقيت تحته
شهد شهقت واكملت بضحك يخربيتك انت صاحي
حاتم بضحك اه صحيت من شويه بس مغمض عيني علشان مصدع اوي
شهد بقلق مصدع من ايه يا حبيبي مالك
حاتم بحب سيبك من الصداع دلوقتي وقرب من وشها اوي واكمل بهمس بقي بقولك متناميش تنامي وتسبيني يا شهد
شهد ضحكت واكملت بحب والله ياتومي كنت نعسانه خالص حقك عليا ياروحي
حاتم بضحك اه واصرفها فين انا حقك عليا دي
شهد بضحك الله هو انت مش عجباك حقك عليا اخص عليك يا حاتم
حاتم بحب سيبك من الكلام انا بحب الافعاال صلحيني بافعالك
شهد بابتسامه انت رايق يا حاتم وانا مش فيقالك الصراحه فاوعي كده علشان اقوم اروق البيت واحضرلك الفطار قبل ماتنزل
حاتم بحب سيبك من البيت ومن الفطار دلوقتي
شهد بضحك يا حاتم اتلم واوعي بجد انت هتتاخر ولسه مفطرتش
حاتم بضحك لا متقلقيش عليا انا المدير يعني براحتي
شهد بضحك طب وفيها ايه المدير علشان المدير متبقاش منضبط في مواعيدك يعني اسمع مني وقوم اجهز انا قلبي عليك
حاتم بضحك هو انتي هتقوليلي قلبك عليا اه منا عارف .. واكمل بخبث طب هسيبك بس بشرط
شهد خلاص ماشي قول
حاتم ابتسم بخبث وشاور بايديه علي شفايفه
شهد شهقت واكملت اااه ياقليل الربااايه انت مستحيل اعمل كده خليك
حاتم وهو بيقرب اوي اكمل بضحك خلاص انا كده كده حابب افضل وحط ايديه علي ضهرها وقربها منه
شهد شقهت بخجل واكمل حاتم بجد اوعي ومتحرجنيش
حاتم بضحك ايه جو العرسان الجداد اللي انتي شغاله فيه ده يا شهد عيب علي بطنك يا حبيبتي
شهد بخجل طب ابعد عني وقوم
حاتم رفعه حاجب وهو بيبتسم بخبث واكمل تؤ تؤ قولتلك شرطي
شهد بحده وانا مش هعمل كده هااا
حاتم بضحك خلاص خلينا للسنه الجايه
شهد بحرج يا حاتم بليييز
حاتم بضحك والله لو عملتي ايه
شهد حطت ايديها حوالين رقبته واكملت بحب ياتومي بقي هتزعل شوش حبيبتك
حاتم بضحك والله مهما تعملي هو انتي عارفاني باجي بلدلع ???
شهد بضيق لا
حاتم بضحك خلاص بتدلعي ليه وتضيعي وقتك انا مش هتنازل
شهد بحرج اوووف ده انت بارد
حاتم بضحك اوي علي فكره
شهد وعد لو عملت كده هتبعد عني
حاتم بحب وعد
شهد غمضت عنيها وقربت منه وباسته بحب وهو حط ايديه وراها وقربها منه اكتر وبعد دقايق بعد هنا وسند جبينه علي جبينها واكمل بضحك هقوم واسيبك اهو علشان تعرفي اني قد كلامي وفعلا قام ودخل الحمام
شهد بضحك حقيقي مش محترم وقامت اختارت دريس حماله وقصير شويه وراحت خدت شاور في الحمام التاني ولبسته وفردت شعرها وطلعت تحضر الفطار
وبعد شويه وهي بتقطع السلطه لقيت ايد حاتم بتحضنها من ضهرها وسند راسه علي كتفها واكمل بحب بتعملي ايه
شهد وهي بتقطع السلطه ادته خيار فكالها منها واكملت بحب بعملك السلطه جمب الفطار وجبتلك حلويات امبارح بس نسيت اطلعهم فطلعتهم اهو انهارده علشان تحلي
حاتم غمز واكمل بضحك والله انا عايز احلي بيكي انتي
شهد زغدته بايديها في بطنه وهو حاضنها واكملت بضحك اتلم واتربي شويه وقشرت البيض واكملت تومي هو البيض ده ريحته زفره
حاتم قرب منه واكمل لا زي الفل
شهد بقرف مش عارفه حساه زفر اوي انا مش هاكل بيض يا حاتم كل انت
حاتم هو انا هاكل كل ده ليه يعني
شهد بضيق بجد نفسي جزه منه
حاتم حبيبتي هو حلو انتي بس علشان حامل فقرفانه
شهد حتي لو مش عايزاه كل انت
حاتم باس خدها واكمل بحب ولا تزعلي ياست اابنات متكليش حاجه ملكيش نفس ليها
شهد ابتسمت واكملت حاتم هو انت لما تنزل هتقفل بلمفتاح زي زمان
حاتم بستغراب ايه السؤال ده هو انا قفلته امبارح ?
شهد لا بس بسالك
حاتم باس رقبتها بحب واكمل ده كان زمان دلوقتي انا عندي ضمان انك هتفضلي في حياتي
شهد لفتله واكملت بضحك يا شيخ وايه هو بقي
حاتم حط ايديه ناحيه قلبها واكمل بحب ده بينبض باسمي ومستحيل يتخلي عني
شهد وقفت علي اطراف صوابعها وباست خده واكملت بحب في دي عندك حق
حاتم بضحك صبرني يارب
شهد ضحكت واكملت لازم يصبرك علشان يا بشمهندس يا فاشل هتتاخر علي الشركه وكله من دلعك وطلعت بلاكل
حاتم وهو بيطلع وراها اكمل بضحك انا بردو اللي بدلع ماشي يا شهد
شهد بقولك ايه وانت جاي بلييز هاتلي اندومي كوري معاك
حاتم برفعه حاجب اجبلك ايه ?
شهد بتوتر لا ولا حاجه وقعدت جمبه وبدات تاكل
حاتم اممم كويس انك رجعتي في كلامك علشان كنت هقلب عليكي
شهد بضيق والله نفسي فيه يا حاتم
حاتم وهو بياكل اكمل هعمل نفسي مسمعتش حاجه
شهد بضيق تمام براحتك يا حاتم
حااتم ساب الاكل وبصلها واكمل حبيبتي انتي ليه محسساني اني عاوز احرمك من حاجه عايزاها مش علشان انا خايف عليكي
شهد بحزن انا بقولك الكوري ده نضيف جدا وغالي
حاتم اممم وحراق جداا وضار ولا بتكلم غلط ?
شهد بضيق تمام خلاص
حاتم باس خدها واكمل بحب عايزه مكرونه اقوم اعملك مكرونه بلشوربه عادي بنفس الطريقه وعلي الاقل مضمونه وصحيه ومش هنحطلها شطه انما اندومي لا والف لا مش هيدخل البيت ده كله امراض
شهد بضيق ولا مكرونه ولا غيره مش عايزه خلاص
حاتم لو هتتقمصي علشان خايف عليكي اتقمصي يا شهد
شهد بضيق متقمصتش علي فكره
حاتم بضحك احلفي كده
شهد بغيظ مش هحلف هاا
حاتم بضحك ما هو واضح انك متقمصتيش الصراحه وخلص اكله وقام غسل ايديه واكمل انا هنزل يا حبيبي ها
شهد راحتله واكملت بابتسامه تروح وتيجي بلسلامه ياروحي
حاتم حضنها واكمل بحب حقك عليا انا بتكلم علشان خايف عليكي يا شهد انا مليش غيرك انتي وملك كل دنيتي
شهد باست خده واكملت عارفه يا حبيبي وخلي بالك من نفسك
حاتم باس خدها واكمل بحب. حاضر يا قلبي يلا باي متفتحيش لحد
شهد بابتسامه حاضر وقفلت
——————————————
عند ادم كان واقف في بلكونه اوضته وحزين اوي وبيفكر في منه
فلاااااش باااااك
ومشي بيها وقفها قدام المرايه وحضنها من ضهرها واكمل بحب اهي احلامي كل ليله وانا نايم مش بشوف غير القمر اللي قدامك دي
منه بدموع وحب لفتله واكملت بجد بحبك
ادم باس ايديها واكمل بحب مش اكتر مني
منه لا انا اكتررر
ادم لا انا اكترر وبكره تعرفي
منه بضحك هنشوف
يوم تاني
منه بضحك حبيبي يا دوما والله
ادم بحب قلب دوما والله .. امتي بقي يا منه اصحي كل يوم الاقيكي في حضني من غير ابوكي والوش ده كله
منه بحزن والله بتمني كده كل يوم وابتسمت واكملت بحب بس هانت
ادم بتنهيده ياريت والله ده الواحد بجد مش عارف هيفضل كده لحد امتي
منه بحب لحد انسب وقت علشان نطلع اقل الخساير وبردو واحنا سوا
ادم بحب هنعدي كل حاجه سوا متقلقيش
منه بحب واثقه من ده
يوم غيره
ادم بحب ربنا معاكي يا حبيبتي واكمل بضحك ركزي بقي علشان لو سقطي هشوف غيرك مش فاضي استني سنه كمان
منه ده انا اقتلك انت واللي تفكر تبصلها مش تاخدها مكاني
ادم بحب فكرك ادم ممكن يحب غيرك في يوم من الايام
منه بحب لا زي منا محدش غيره هيدخل قلبي مهما حصل
ادم بحبك
منه ابتسمت بفرح واكملت بحب وانا اكتر بكتير بجد .. حقيقي يا ادم يبختي بيك انت اللي مهون عني كل اللي انا فيه
ادم بحب وباذن الله هانت يا حبيبتي وهتبقي معايا طول العمر
يوم غيره كان بيكلمها في الفون ساعه لما رجعت بيتها لما ابوها جيه من السفر
ادم المهم طمنيني ابوكي قاالك ايه
منه رجعت ضهرها لورا راكملت والله يا ادم مقالش وده قالقني جداا مش مطمني يعني كان عايش معايا دور الحنين اوي ومجبش سيره اي حاجه
ادم بقلق ربنا يستر مش مطمن لسكوته كنت عايز اعرف اشوف بيفكر في ايه
منه كبر دماغك ومتشغلش بالك يا حبيبي مفيش حاجه تدعي للقلق ده كله انا ومش هوافق مهما يحصل انت ايه مخوفك
ادم بحده امممم تقدري تعرفيني هتعملي ايه في خطوبتك اللي ابوكي هيعملها دي خلاص
منه بدموع معرفش بس مش هوافق حتي لو ايه ولو وصلت احرجهم بس انا غصب عني فعلا يعني حتي لو هتخطب لحاتم هيبقي مؤقتا
كلهم اتصدموا فاكمل ادم بصدمه نعم تعملي ايه ??
منه بدموع ادم انت عارف ان حاتم مش هيقذر يتجوزني كده كده وان ليك بس فا لو معرفتش اتصرف هعمل كده مؤقتا
ادم اتصدم وكمل بوجع ودموع يااه بلسهوله دي وياتارا بقي هتقلعي دبلتي من ايدك وتحطي مكانها دبلت حاتم ولا هتلبسي كل واحده في ايد
منه بدموع دبلتك في ايدي ومش هقلعها وهقولهم كده عاجبهم ماشي مش عاجبهم خلاص
ادم ضحك بدموع واكمل لا اصيله فعلا منه بصتله بوجع ودموع واكملت اوعدك هحاول بكل طاقتي اني معملش ده بس لو اضطريت ههاودهم كام يوم بس
ادم بعصبيه وتهاوديهم ليه منا ممكن اروح دلوقتي واخربها علي دماغهم كلهم ومش هيهمني حد واخدك وامشي
منه بعصبيه علي الاقل يكون زي حاتم معاه يعيشني زي منا بعيش او حد من اولاد رجال الاعمال وانا وافقت اتجوزك وانت ابن دكتور سليم الشافعي اللي سيرته لحد الان حلوه انما مش ابن ابراهيم البواب عندي
منه بس بس يا حبيبي متضربش حد لايروح يبلغ عنك وتدفعله فلوس علشان يرضي يتنازل مش ناقصين المستوي ده يطلع منه اي حاجه علشان الفلوس
وافتكر لما شافها بتضحك ولابسه دبله حاتم وبتمسك ايديه وهي بتضحك وبتلبسه دبلتها ولما وقعت وتعبت
الدكتوره لا مش ضغط ولا حاجه الف مبروك المدام حامل
منه قلعت الدبله بتاعت حاتم ورميتها علي الارض واكلمت بعياط بطل غباء بقي انا مبحبش غيرك ومقلعتش دبلتك … دبلتك في ايدي الشمال اهو ومش عايزه غيرك
منه بعياط وصراخ سبوني اوعي منك ليها سبوني ادم انت بتقول ايه ارجوك متعملش فيا كده ادم انا عايزه البيبي علشان خاطري يا ادم ارجوك ورحمه ماما ساره وبابا سليم لتسبني اجيب البيبي ووالله هبعد عنك خالص عاشان خاطري
ادم بعصبيه هششش قولت مش عايز اسمع صوتك سيره امي وابويا متجيش علي لسانك القذر انتي فاااهمه وبعدين انتي ايه يا شيخه معندكيش دم ?? بقولك مش عايز اخلف منكك اييه مبتفهميش انا مش بحبك ومش هحب عيل منك
منه بدموع مهما تعمل هفضل مراتك ومش هتقدر بكلامك تنكر الحقيقه دي وحضنته واكملت بعياط مهما حرمته عليا هيفضل حضنك. الحضن الوحيد اللي حلالي ومش هتقدر تمنعني منه مهما قولتلي يا ادم
منه بدموع وانا يكفيني شرف اني افضل شايله اسمك طول عمري يا ادم
منه بدموع ادم ممكن اخر طلب
ادم بتنيهده وقف قدامها واكمل اطلبي
منه بدموع ممكن احضنك لاخر مره طلما مش هتيجي تشوفني تاني
ادم اتنهد بوجع وعنيه مليانه دموع وفتح ايديه فجريت حضنته وفضلت تعيط بانهيار وباست خده ورجعت حضنته تاني كانها بتودعه
ادم دموعه نزلت وضمها اكتر وفضل كده شويه مش عايز يسيبها وبيشبع من حضنها. ورفع وشها ليه وباسها بحب كبير .. ومنه حطت ايديها حوالين رقبته وقربته منها اكتر
ادم بدموع ووجع هتواحشيني اوي يا منه وعلي عيني ابعد عنك بس انتي اللي وصلتينا لكده لازم اثبتلك واثبت للكل اني هوصل وهيبقي ليا اسم
باااااااك
ادم تنهد بوجع واكمل برغم كل وجعي منك ده الا انك واحشتيني اوي يا منه ودموعه نزلت واكمل مش قادر اتخيل اني هبعد عنك كل ده مش قادر قويني وصبرني يارب قويني علشان فعلا مبقتش قادر وضعفت بدري اوي
وسمع الباب بتاع اوضته بيخبط فمسح دموعه وخرج فتح لقي مروان
ادم وطي لمستواه واكمل بحب اهلااا حبيب بابا صباح الخير
مروان صباح النور انا جيت اسلم عليك قبل مااروح الحضانه
ادم بحب ياخواتي علي الشطاره مين هوديك سالي ?
مروان لا بابا رامز زمانه جيه تحت هو اللي كل يوم بيوديني
ادم باس خده وشاله واكمل بحب طب تعالي ننزل نشوف بابا رامز جيه ولالا
مروان بحماس يلا
ادم بستغراب بس ماما فين
مروان بهمس اقولك بس متقولهاش
ادم بضحك عيب عليك سرك في بير
مروان بهمس كانت بتعيط ولما قولتلها ليه بتعيطي قالتلي بطني واجعاني يا مروان. واكمل بحزن بس انا حاسس انها مش بتقول الحقيقه
ادم كان نزل بيه وشاف رامز فاكمل صباح الخير يا حبيبي
رامز بحب صباح الفل يلا بينا يا حضره الظابط عاشان الحضانه
ادم استني يا رامز طب انت يا مارو ليه حاسس ان ماما بتعيط من حاجه مش من بطنها فعلا
مروان بحزن علشان هي اتخانقت مع بابا رامز واتخصموا فاكيد زعلانه
ادم بتمثيل ضحك لا لا يا حبيبي مين قالك كده دول كانوا بيهزروا
رامز ابتسم بحزن واكمل بحب لا يا مارو انا وماما متخنقناش يا حبيبي احنا كنا بنهزر عادي وبعدين مش انت السبب
مروان بحزن بس انت عيطت وماما دلوقتي بتعيط
رامز باس خده واكمل بحب هي بتعيط علشان تعبانه فعلا قالتلي كده مشتغلش بالك انت
سالي وهي خارجه من المطبخ عنيها واضح عليها انها وارمه من كتر العياط اكملت بجمود مروان هات شنطتك احطلك السندوتشات
مراون اداها شنطته وراح وقف جمب رامز وهمس ماما مش راضيه تجبلي بيبس وبتقولي اشرب عصير ممكن تبقي تجبلي انت يابابا
رامز شاله واكمل بحب عيون بابا هجبلك اللي انت عايزه
سالي بحده علي اساس ايه مسمعتش انا كده قولت مفيش بيبس
ادم بتنهيده سالي ممكن صوتك ميعلاش ده طفل ونفسه في حاجه مفيهاش حاجه لو جاب كل فين وفين مره هاتلو يا رامز
رامز بحده انا كده كده كنت هجيب مليش دعوه بكلام حد وباس خد مروان بحب
سالي رايحه تتكلم قاطعها ادم واكمل بحده هششش صوتك ميعلاش وانا واقف علشان قسما بالله انا ماسك نفسي عنك بلعافيه
سالي بدموع يعني دلوقتي بقيت انا اللي غلطانه
ادم بحده اه لما تعلي صوتك كل شويه في وجودي ومتعمليش اي احترام لاني واقف وتزعقي لطفل مالوش ذمب علشان تطلعي خنقتك عليه هااا انتي فاهمه يبقي فعلا انتي اللي غلطانه
سالي بدموع تمام مش انت شايف كده انا مش هتكلم تاني علي مروان ربيه انت يا ادم وحطت اكله في الشنطه وسابتها واكملت بس رامز ميدخلش
رامز ببرود هدخل براحتي لاني بعتبره ابني وهو بيعتبرني ابوه
سالي بحده متقووولش ابنكك وتعصبني انت ايه ياخي مبتحسش
ادم بحده وهو بيشدها سااالي انا قولت اييه
رامز ببرود مين قالك كده لا بحس اوي كمان علشان كده كررت ابعد عنك انما مروان مالوش اي ذمب وبعزمك انهارده علي خطوبتي انا وزينه
سالي بصدمه ايه خطوبتك وانهارده! !!!
رامز بابتسامه اه وهقولك زي ماقولتيلي اوعي متجيش يا سوو ومسك شنطه مروان واكمل بحب يلا احنا يا بطل
ادم بخبث شايفك مصدومه يعني فرقلك في ايه
سالي بعياط ادم هو فعلا هيخطب زينه
ادم هز راسه ب اه واكمل اومال فكراه بيهزر ولا ايه يا قلبي
سالي بوجع ودموع تخيل اني عمري مافكرت ان يوم زي ده ممكن يجي ورامز يقدر يشوف غيري
ادم بابتسامه معلشان ضمنتي وجوده وحبه ليكي فاجيتي عليه وظلمتيه
سالي بحده ودموع انت لو تعرف هو اذي اختك قد ايه مش هتقف معاااه ياا ادم
ادم بحده عرفيني عملك ايه ولو غلط في حقك انا هوريه الويل بس انتي ساكته وعجبك سكوتك وهتخسريه وعنيه دمعت واكمل وصدقيني مش هتستحملي تشوفيه مع غيرك انتي بس بتمثلي انك قويه انما المشهد ده بيموت يا سالي بيموت بلحيا انك تشوفي حته من روحك من حق غيرك ….وميفهمش الاحساس ده غير اللي عاشه وكان بيتكلم بوجع واضح
سالي بدموع انت بتقول بوجع كده ليه يا ادم
ادم بدموع لاني جربت ده ورامز جربه بس رامز وجعه اكبر بكتير رامز حبيبته اتجوزت اخوه وخلفت منه وهو مفروض ميبينش
سالي بصدمه عيشته ازاي يعني انت مش متجوز منه ازاي اتخطبت
ادم بدموع سيبك مني يا سالي ورايح يمشي
سالي بدموع مش هسيبك غير لما تقولي يا ادم
ادم بوجع ودموع انا تعبان اوي يا سالي اوي وقلبي واجعني ووالله مش عايز اشوفك زيي ارجوكي متضيعيش رامز من ايديكي
سالي حضنته واكملت بدموع يا قلب اختك تعبان من ايه سلامه قلبك يا نورعيني مالك ارجوك احكيلي يا ادم
ادم بوجع هقولك
——————————————–
عند منه صحيت وبتتكلم في الفون
منه بدموع والله وانتي يارورو واحشتيني اكتر
ريهام بحزن والله انتي اكتر انا زعلانه اني كلمتك بعد كل ده الاقيكي قطعتي قلبي يا منه وفاجئتيني بكل اللي قولتيه ده
منه بدموع الحمدلله علي كل حال
ريهام بحزن طب انا عايزه اشوفك
منه بدموع هجيلك العياده يا قلبي كده كده انا مش بتابع مع حد ابعتيلي عنوانك وهتابع معاكي بما انك هتستقري في القاهره خلاص
ريهام عنيا بس تعالي انهارده يا منه اكيد
منه بحب حاضر والله ربنا يعلم انا من زمان بحبك قد ايه انتي مش جارتي بس انتي اختي الكبيره واكتر والله
ريهام بحب تسلمي يا غاليه هستناكي ها
منه بحب حاضر يلا باي
ريهام باي
وقامت غيرت هدومها ولبست الدريس والحجاب وطلعت
منه صباح الخير
ساميه بحب صباح القمر يا حبيبتي
مالك صباح النور رايحه فين
منه بابتسامه هروح لدكتوره صاحبتي اتابع معاها واجيب هدومي واجي
مالك حط كوبايه الشاي علي السفره واكمل طب يلا هاجي معاكي
منه لالا يا مالك خليك علشان شغلك انا مش هتاخر والله
مالك يا بنتي عادي مش مشكله شغلي انا
منه بمقاطعه والله ابدا انا هجيب عربيتي وهروح بيها والله ماتقلق عليا متخافش هخلي بالي
مالك يا منه مش هتفرق اروح معاكي علشان اكون مطمن
منه والله متخافش انا هطمنكم
مالك بحب طب علي مهلك وانتي بتسوقي
منه حاضر يلا انا هنزل عايزه حاجه يا ماما من برا
ساميه بحب سلامتك يا قلب ماما
ونزلت
جيسي خرجت وهي بتتكلم في الفون ولابسه دريس لحد بعد الركبه بحته صغيره وحماله وفارده شعرها وقعدت تلبس الكوتش واكملت بضحك عيب عليكي يا صافي اكيد لو كده هقولك يعني
ساميه بهمس هي مراتك طلعت بهدوم نومها ونسيت ان ابوك هنا ولا ايه
مالك كاتم عصبيته واكمل بهدوء مخيف مراتي دي اخرها معايا هكسرلها رجلها واقعدها في السرير واريح
جيسي سمعته ووفتحت عنيها جامد بصدمه وبصتله بخوف واكملت بقولك ايه يا صافي سلام انتي دلوقتي وقفلت معاها
مالك بحده انتي ازاي تخرجي من اوضتك بلبس ده يا هانم هو مش انتي عارفه ان بابا هنا وممكن اي وقت يصحي
جيسي بستغراب اما انا هنزل اصلا هتفرق معايا لو راجل قد ابويا شافني !!
ساميه اتصدمت فاكمل مالك بحده نعم ياروح امك قولتي ايييه ??
جيسي اتخضت واكملت في ايه يا مالك غلطت في ايه انا بلبس كده علطول وانت عارف
مالك مسك دراعها جامد واكمل بعصبيه انا قولتلك قبل كده مش هتكلم علي لبسك دلوقتي علشان بسمع منك كومنتات سخيفه ملهاش اي لازمه وفي دهب عليتي صوتك عليا وقولتيلي وانت مال اهلك تطلع مين علشان تتحكم في لبسي وانا قولتلك انتي لو خطيبتي ولا مراتي كنت كسرت رجلك ولا تنزلي بلقرف ددده واديني اتجوزتك واعمل اللي انا عايزه واقسم باللله ماهتعتبي الباب بلبس ده ولا هتعتبيه اصلااا
جيسي بحده انا معنديش لبس غيره وعلي فكره انت
مالك بحده هششش صوتك ميطلعش هتتكملي تقولي ايه ده انتي فعلا انسانه مش محترمه ولا محترمه دينك ولا محترمه الحيوان اللي متجوزاه ولا حتي محترمه نفسك هتفضلي لحد امتي طريقتك مقرررفه كده اللبس ده للبيت بينك وبين جوزك مش نازله تفرجي الشعب كله عليكي دي حركات بنات مش كويسه وبعدين انتي قولتي لمين انك نااازله هاااا …. ردددي عليااا قولتي لمييين
جيسي بخوف ودموع كنت هقولك دلوقتي والله
مالك بعصبيه دلوقتي اااه … دلوقتي ده اللي هو ازاي بعد مالبستي ازبل حاجه عندك وخلصتي وكررتي تروحي خلاص فتبقي تشوفي بقي الكلب جوزك هيوافق ولالا مش كددده ???
جيسي بدموع لا يا ماالك انا مقصدش كده بس قولت انك مش هترفض لاني رايحه للدكتوره وانت وافقت بيها
مالك بحده طب ايه رايك ولا موافق ولا هتنزلي انهارده خاالص
ساميه بحزن خلاص يابني هي هتغير وسيبها تروح
مالك بحده بس انتي يا ماما لو سمحتي وبص لجيسي واكمل بحده اقسم بالله تطلعي من اوضتك كده تاني مره مش تنزلي بيه الشارع ده تطلعي من اوضتك كده تاني بس وعايزك تتفاجئي هعمل فيكي ايه
جيسي بدموع طب خلاص والله هغير واشوف اي حاجه تعجبك واروح للدكتوره
مالك بحده لا بردو مفيش مرواح لما تحترميني وتعملي اللي يعجبني هبقي اعملك اللي يعجبك غير كده لا علشان انني بجد زودتيها اووي يا جيسي وانا مبقتش طايق العيشه كده كل حاجه بتعمليها بتبقي عايزه تعانديني وخلاص ومتسمعيش كلامي وانا اتخنقت من طريقتك كفايه اوي اللي كنتي بتلبسيه واللي سمعته بسببك قبل مانتجوز وكنت بموت الف مره وانا شايف عيون الكل بتاكلك ومش قادر اتكلم انما دلوقتي انسي اللي انا عايزه وبس اللي هيحصل
وهي كانت بتعيط ومرضتش عليه
ومالك فتح الباب واكمل بحده واعملي حسابك تبعتي تجيبي هدوم غير القرف ده كله وتكون هدوم طويله وبكم وبيتي وخروج لان المنظر ده مش هيبقي غير في اوضتنا وبس وابقي اشوف اللي قولته متنفذش
ورزع الباب ونزل
ساميه بحزن ينفع كده يا جيسي
جيسي بدموع يا ماما والله هو كان موافق مجاش في بالي اقوله تاني
ساميه بحزن سيبك من مشوارك ينفع اللبس ده مش شايفه اختك منة بتلبس ازاي مع ان جوزها في غربه بس في غيابه وفي وجوده بتحترمه ومحترمه دينها وبتعمل الصح
جيسي بدموع تمام يا ماما ودخلت اوضتها وقفلت الباب وقعدت علي الارض وضمت رجليها واكملت بدموع منة منة كل حاجه منة دايما بيفضلوا منة عليااا وانا اللي دايما لوحدي وقلبي واجعني وفضلت تعيط
——————————————-
في العياده
منه بدموع بس كده ده كل اللي حصل
ريهام بدموع يا قلبي تعاالي وفتحتلها ايديها
منه حضنتها وفضلت تعيط بكل طاقتها
ريهام بدموع مش هقولك متعيطيش هقولك خرجي وجعك وكتمانك كله يا منه
منه بدموع ووجع اااه يا ريهااام اااه كل االلي مريت بيه مش شويه ابداا بجد اناا كسرت حبيبي وجوزي بايدي واتكسرت منه بسبب وجعي ليه ده هو اكتر واحد بحبه في الدنيا يا ريهام ادم كل دنيتي انتي عارفه مش قادره اتخيل اني مش هشوفه كل ده مش قادره اتخيل ان مش هيكون معايا في اهم ايام حياتي ويشيل ابنه بنفسه اانا قلبي واجعني اوي اوي بجد يارب انا هموت من كتر ماهو واحشني ونفسي المحه واضمه شويه …هفضل ازاي اربع سنين من غيره انا موجوعه اوي انه شايفني وحشه وطماعه وكسرته كده يا ريهام انا نفسي ادم يرجعلي اوي نفسي احضنه واعتذرله واقوله انا اسفه يا حبيبي و خلاص محدش هيبعدنا عن بعض تاني يا قلبي بس هو كسرني اوي ووجعني و رد عليا رد قاسي اوي يا ريهام اوي
ريهام بدموع طبطبت عليها وهي حضناها واكملت هيرجعلك يا حبيبتي بس مش دلوقتي هو بيحبك جداا انا عارفه حبك انتي وادم واصل لغايه فين والصادقون في الحب لا يملون رغم انك كسرتيه ووجعتيه لسه بيحبك وادم مش هيقدر يكرهك مهما بعد وعرفاكي انتي بردو بتموتي فيه وبتحبيه اكتر من نفسك وكنتي بتحميه مش قصدك تكسريه كده ابدااا وهيا فتره وهتعدي وهيشوفك ويفرح انو معاه ابن وفي نفس الوقت هيزعل على انك استحملتي وحملتي وولدتي وربيتي صح من غيره لان ادم مهما بين انه قاسي وبيكرهك هو كداب وبيموت فيكي وفي ابنه بس هتنبهري بيه ساعتها لما تشوفيه دكتور كبير قد الدنيا وحقق حلمه وحلمك وحلم امه الله يرحمها لما يبقي جراح معروف سيبيه يا حبيبتي سيبيه يكمل تعليمه وادعيلو ربنا يوفقه ويرجعلك هو هيندم انو سابك واه مش هيستحمل بعدك عنه وتلاقيه مقهور وبيعيط من وجعه وشوقه ليكي دلوقتي زي مانتي بتعيطي بس انتي لازم تقوي يا منه اقوي و خليكي مبتسمه دايما متضعفيش خليكي قويه واستحلمي تجربتك الصعبه دي اللي بتوجعه زيك واكتر لانه اكيد هيموت من ندمه لانه مفكر ابنه مات بسببه ومن بعده عنك علشان هو مستحيل يكون مبسوط دلوقتي ابداا ….وانا عايزاكي قويه وقد تجربتك وبصي للي في بطنك وكوني ليه الام والاب يامنه وعوضي مكان ادم لحد مايرجعلك ورب الخير لا يأتي الا بلخير
منه بدموع ووجع انا اكتر واحده نفسها تشوف ادم ناجح ويبقي اكبر دكتور في الدنيا هو يستاهل وقولتله هبقي فخور بيك اوي بس مش قادره ابعد عنه يا ريهام انا بحبه اوي والله بحبه اوي ومحتجاه جمبي دلوقتي
ريهام ابتسمت بحب واكملت وهيرجع والله والسنين هتجري وضحكت واكملت وهتيجبي نونو تاني عادي وساعتها يبقي معاكي فيه
منه بحرج اتلمي يابت
ريهام بضحك حاضر بس متحمريش اوي كده يلا بقي تعالي نكشف علي قلب خالتو
منه والله خالتو دي كلبه قدرت تسافر سنه بحالها متعوده كل يوم ونا نازله افوت اسلم عليها وارغي معاها شويه تمشي كده وتسبني
ريهام بضحك اديني جيتلك اهو ياستي وصدعيني زي مانتي عايزه
منه نامت علي السرير واكملت بحب وهي بترفع الدريس والله انتي قلبي ربنا يخليكي ليا يارب ياريهام وميحرمنيش منك ابدا
ريهام وهي بتحط الجل علي بطنها اكملت بحب ولا يحرمني منك يا غاليه وقعدت جمبها وبدات تكشف عليها
منه بصت علي الشاشه بابتسامه ودموعها بتنزل بصمت واكملت في سرها فينك يا ادم فينك تشوف ابنك وهو بيكبر جوايا ..ياريتك هنا يا ادم ياريتك هنا عشت احلم بليوم ده بس كل مره كنت بتخيله كنت بشوفك جمبي واقف ماسك ايدي عمري ماتخيلت ولا تفكيري وصل اننا نوصل لكل ده
ريهام ابتسمت بحب واكملت زي الفل اهو شيفاه يا منه وضحكت واكملت باذن الله ولد ولا بنت هيطلعوا شبه بابي ويجننوكي
منه ابتسمت بدموع واكلمت يا قلبي اه شيفاه ودموعها نزلت بغزاره
ريهام بضحك بس بس كل ده علشان قولت هيطلعوا شبه بابي
منه ابتسمت بحب من بين دموعها واكملت لا طبعا مقدرش ده انا اللي مهون عليا اني واثقه من كتر ما بحب ادم هشوفه تاني في ابنه او بنته وهو او هي اللي هيعوضوني شويه عن بعده
ريهام طبطبت عليها بحب واكملت بابتسامه ربنا يفرح قلبك بيه يا حبيبتي وتقومي بالف خير يارب ومسحت الجل وكملت باقي الكشف واكملت بصي بقي انتي ضغطك واطي اوي لدرجه وحشه وده غلط اوي علي الحامل حاولي ظبطتيه وانا هكتبلك ادويه التزمي عليها وهكلمك اقولك تجيلي امتي تاني
منه بابتسامه تمام حاضر وحضنتها واكملت تعبتك اوي يا ريهام
ريهام بحب يابت انتي اختي بطلي هبل .. ولو عوزتي اي حاجه او تعبتي كلميني علطول هاا
منه بحب عيوني يا غاليه
ريهام بحب يلا روحي وخلي بالك من قلب خالتو
منه بضحك عنيا ده حبيب ماما اصلا هو انا عايشه غير ليه
ريهام بحب ولجوزك يا منه لجوزك اللي هيرجع وهيخليكي تفتخري بيه العمر اللي جاي كله
منه ابتسمت بووجع واكلمت يارب يلا ياروحي باي
ريهام بحب باي
وطلعت منة من العياده لقيت كل واحد قاعد مع مراته وبيتكلموا صعب عليها نفسها اوي انها جات لوحدها ودموعها نزلت ومشيت من العياده واكملت بوجع في سرها طب انا بهون علي نفسي غياب جوزي عني وحطت ايديها علي بطنها واكملت انت بقي هقولك بابا فين ازاي ? ودموعها نزلت واكملت صبرني يارب ارجوك مش بعترض بس اديني صبر وراحت قعدت علي البحر مع نفسها وشافت الصيدليه اللي كان بيتشغل فيها فجربت تتصل بادم كان بيديها غير متاح فدموعها نزلت وافتكرت
فلااااش بااااك
منه راحت لادم مره شغله في الصيدليه وهما متجوزين ودخلت لقيته بيقيس الضعط لبنت والبنت واضح مزكره معاه اوي
منه بصتلها برفعه حاجب واكملت احممم
ادم رفع نظره واكمل بستغراب منه ايه اللي جابك يا حبيبتي
منه برفعه حاجب ايه مكونتش عايزه اجي ولا ايه
ادم بضحك بت انتي هبله مش هبقي عايزك تيجي ليه يعني
منه دخلت وقفت جمبه واكملت انت بتعمل ايه يا حبيبي
ادم بضحك بقيس الضغط هكون بعمل ايه يا منه ما واضح يعني
منه اممم واضح فعلا ولقيته ايه
ادم وهو مركز مع الجهاز اكمل واطي اوي
منه اممم فعلا واطي اوي ولو مكنش واطي تلاقيه وطي اكتر
البنت بحده تقصدي ايه حضرتك
ادم بس بس انتي بتعلي صوتك عليها ليه
البنت انت مش شايف يا دكتور خطيبتك بتتكلم ازاي تقصد ايه هي يعني
منه بكيد تؤ تؤ اسمها المدام بتاعتك انا مراته يا حبيبتي مرات الدكتور اللي حضرتك جايه تقيسي الضغط عنده علشان تتاملي في جماله مش كده
ادم بصدمه حط ايديه علي بوقها وهمس يخربيت ابوكي بتقولي اي اسكتي
البنت بحرج انتي مش محترمه انا هعمل كده ليه يعني
منه شالت ايديه واكملت بعصبيه انتي اللي مش محترمه وكدابه كمان وبصت لادم واكملت وللمصحف الشريف يا ادم كانت هتاكلك بعنيها الحيوانه دي
البنت بحده ده انتي اللي حيوانه وستين حيوانه كمان
منه رايحه تمسك فيها ادم مسكها واكمل بحده بس يا منه انتي التانيه خلاص وبص للبنت واكمل بحده احترمي نفسك وانتي بتتكملي مع مراتي وخلاص وقتك خلص اتفضلي برا
البنت بصتلهم بقرف وخرجت
ادم غمض عنيه واكمل بتنهيده ايه اللي انتي عملتيه ده
منه بحده طبعا منتا عاجبك تتعاكس من البنات
ادم بحده انتي هتعلي صوتك عليا انا كمان انتي اتجننتي ?
منه بغيره قولتلك ميت مره انا بغير عليك وهفضل اغيرر ومش فارق معايا يعجبك او لا وطلعت من الصدليه في داخله الدكتور التاني
ادم بلهفه محمد كويس انك جيت انا هشمي انا بسرعه
محمد تمام روح
ادم خرج لقي منه بتمشي فاكمل بحده انتي يابنتي ..يا هااانم وراح وراها مسكها واكمل بحده هو انا مش بنادي علي اهلك ولا اطرشتي
منه بدموع سبني يا ادم
ادم بتنهيده طب ممكن تهدي انا والله يا قلبي مقصدش ازعلك
منه بدموع طب تمام يا ادم ممكن تسبني عايزه اروح
ادم بحب لا هنروح بيت رامز عايزك في كلمتين
منه بضيق انسي الكلام ده مش عايزه اروح معاك حته
ادم برفعه حاجب يعني كده طب تمام براحتك ورايح يمشي منه مسكته واكملت استني بس عايز نروح ليه
ادم باس خدها واكمل بهمس هقولك لما نروح يلا
وفعلا راحو بيت رامز ودخلوا الاوضه وادم قعد علي السرير وبصلها واكمل اقعدي
منه قعدت واكملت بحزن نعم يا ادم
ادم بحب انتي الاول عارفه انا زعقتلك ليه ?
منه بحزن علشان بغير عليك
ادم لا مش علشان كده من امتي بزعقلك لما بتغيري عليا انا زعقت لان انتي اتعصبتي عليااا وانا مبكرهش في حياتي قد ما بكرهه الصوت العالي مش انتي عارفه كده
منه بحزن اه عارفه
ادم بضحك واما انتي عارفه بتعلي صوتك ليه
منه بحزن خلاص يا ادم انا مقصدش وهي عصبتني اوي
ادم شدها قعدها في حضنه واكمل بحب منه حبيبتي هو ايه اهم بنود الحب في وجهه نظرك
منه الامان والثقه
ادم حلو اوي وانتي مش بتحسي معايا بكده
منه بحزن لا بحس بس
ادم من غير بس انا مش هتحكم في الناس تبصلي ازاي بس المهم انا ايه من ناحيه الكل وانتي ايه فارجوكي غيري بس اعرفي اني مليش ذمب مش كل مره تعلي صوتك وتقلبي عليا انا طب انا مالي محسساني اني بقولهم بصولي
منه ضربته في صدره واكملت بغيره متقدرش اصلا
ادم بضحك واما انتي عارفه اني مقدرش اصلا بتحرقي دمي اانا ليه
منه بحزن علشان انت حلو اوي والبنت بتبصلك وانا مبحبش حد يبص لجوزي
ادم ضحك واكمل عارفه انا مهمنيش فكل الجمله قد انك بتشوفيني حلو اوي واني جوزك وانك بتغيري انما البنات واللي تبص واللي تعاكس كلهم ولا يفرقوا معايا بجنيه
منه ابتسمت بحب واكملت انا بثق فيك بس بغير عليك اوي يا ادم وده غصب عني
ادم بحب عارف يا قلب ادم علشان فعلا الحب مش سبب كافي لإننا نكمل مع أى شخص يعني يافرحتي لما تبقي بتحبيني بس مش فهماني بتحبيني بس مش عارفه تخليني مبسوط معاكي بتحبينى بس ممكن كل شويه اضايق بافعالك وتكسير كلامك بتحبيني بس مش عارفه تكتفي بيا بتحبنيي وبينا مشاكل ملهاش حل ومش مستحملين بعض ومفيش حاجة اسمها هي لو بتحبك مش هتعمل كذا وكذا هي مش قواعد اكتر ناس ممكن تقرفك في عيشتك هما الي بتحبيهم وبيحبوكي عادي وضحك واكمل زيك كده بتقرفيني بس مقدرش اعيش من غيرك
منه بصتله برفعه حاجب وضربته في صدره واكملت ماشي يا ادم فاكمل بضحك بهزر والله خلاص وباس ايديها واكمل بحب .. الحب ونقطه . مش كفايه لان التفاهم مهم في الحب الأمان مهم في الحب الثقه وحطي تحتها مليون خط مهمه جداا في الحب اني ابقي مطمن اني مش هتغدري بيا في يوم وتسبيني وتتخلي عني مع اول مشكله مهمه اوي في الحب .. إني انام و انا تعبان و عارف إنك هتشليني فوق راسك مهم في الحب اني ابقي نايم عارف اني لا هتخان ولا هتهان دا مهم من الحب اني ابقي مرتاح في طريقتك لا بتتصنعي ولا بتترسمي ولا في تكاليف علي اسلوبك وبطبيعتك قدامي دا مهم في الحب واني اقف قدام المراية واثق في نفسي عشان ورايا حد بيدعمني وبيقولي هتوصل يا ادم ده مهم في الحب … فا الحب انك تشاركيني واشاركك كل حياتنا سوا سواء الاهتمام و الاحترام والتفاهم مهمين اوووي في الحب الناس الي يقدرو يوفرولنا حياة هادية وفيها تفاهم وامان وراحة هما دول الي يستاهلو الحب هما دول الي هنكمل بيهم و عشانهم فكل ده. بيكمل مع الحب يا منه انما الحب لوحده مش بيكمل والا مكنش في فراق ابداا لان غالبا الفراق بيجي من غياب حاجه من كل اللي قولتهم
منه باست خده واكملت بحب يابختي بيك يا ادم بجد
ادم بحب ده اانا اللي يبختي بيكي والله يا منون وضحك واكمل بس انا عايز اردلك الجميل ماهو ميصحش انتي تبوسيني وانا لا
منه بضحك اتلم يا ادم ورايحه تقوم شدها واكمل بضحك تعالي بس
منه بضحك ادم اتلم اوعي
ادم بحب طب ولو موعتش هتعملي ايه
منه بضحك مش هعمل للاسف
ادم بضحك شوفي وقرب باسها بحب
بااااااك
منه بدموع وهفضل اقولها حتي وانت بعيد هتوصل يا ادم وهتخليني فخوره بيك وقامت راحت بيتها جابت هدومها واتجهت لبيت حماتها
في بيت تاليا
عمر رجع من الشغل ورجع ضهره لورا بتعب واكمل ها يا ست داليا خير قولتي عايزه تقوليلي حاجه
داليا بحرج هو بصراحه
تاليا بضحك اقوله انا
داليا بحرج بس يا تاليا اسكتي
عمر يابت في ايه منك ليها متقرفوناش
تاليا بضحك هقول انا وابتسمت واكملت بحب داليا جايلها عريس وطلب يشوفك انهارده
عمر بتفاجئ عريس وده تعرفيه منين انشاء الله
سهير بضحك هيكون منين يا عمر من الجامعه ولا انت بس اللي بتحب في الجامعه
عمر اممم قولتيلي والحلو بقي بتكلميه بقالك قد ايه ??
داليا بتوتر هو احنا بنحب بعض بقالنا سنتين لما دخلت الجامعه بس .. بس متكلمناش كتير لا
عمر لا والله عموما خليه يجي وانا هعرف بمعرفتي
تاليا بضحك عمر بلاش الجو بتاع اخو العروسه ده علي خطيب البت
عمر بضحك عملتيه خطيب البت .. لا لا متقلقيش بس داليا بنتي مش اختي بس وبصلها واكمل وهي كدابه وكانت بتشوفه كتير
داليا بتوتر هو يا عمر اه بشوفه بس والله عمري ماعملت حاجه غلط
عمر وانا واثق فيكي وعارف انا ربيت مين كويس انتي بنتي يا داليا مش اختي بس .. وعموما عرفيه انه يجي
داليا بفرح والله انت حبيبي وباست خده وقامت كلمت عبدالله
عبدالله بتوتر ها عملتي ايه
داليا بفرح وافق يشوفك تعالي بقي بعتلك اللوكيشن
عبدالله بفرح اخيرااا طب تمام ياروحي هلبس وجاي حالا
داليا بحب مستنياك
تاليا بحب مبسوطه انك واففت تشوفه وفرحت اختك
عمر بحب حبيبتي انا بحب وعارف واكيد مش هقولها علي حد بتحبه لا وخصوصا هو طلب يدخل البيت من بابه وجاي يتقدم هرفضه ليه غلاسه يعني وضحك
تاليا ابتسمت بحب واكملت ربنا يخليك لينا يا حبيبي وعقبال ماتسلمها لايد عريسها
سهير بحب اللهم امين يارب ياقلبي ويشفيكي ويعافيكي يارب
تاليا بحب يارب يا ماما
عمر يلا هقوم انا اجهز
تاليا بابتسامه خدني معاك وفعلا قاموا لبسوا وتاليا لبست دريس روز وطرحه بيضه وكوتش ابيض وميكاب هادي خالص وعمر قميص اسود وبنطلون اسود وتاليا وقفت قدامه وقفلت ازرار القميص وعدلت اللايقه فوطي باسها بحب واكمل تسلميلي يا روح قلبي
تاليا بضحك طب اتلم مش وقتك
عمر بضحك الله مش بكافئك علشان واقفه تقفلي القميص
تاليا بضحك لا ياخويا مش عايزه منك مكافئات
عمر برفعه حاجب اخوكي !! انتي عبيطه يابت انتي ولا ايه وشد وسطها ليه واكمل بخبث اوريكي اخوكي ولا لا
تاليا بخجل وضحك عمرر بجد اتلم اوعي مش وقتك
عمر تؤ تؤ لما تقولي انا مين الاول
تاليا بحب انت جوزي وحبيبي وكل دنيتي … ها ارتاحت كده يلا بقي اخلص علشان العريس اللي جاي
عمر قرب باسها بحب واكمل اه كده زي القمر روحي بقي علشان دقيقه كمان ومش هطلع للراجل
تااليا بضحك والله مجنون
وراحت لدليا الاوضه وخبطت
داليا بحب ادخل
تاليا باعجاب ايه القمرر ده
داليا بضحك علشان تعرفي بس
تاليا باعجاب مشاء الله زي القمر الدريس والطرحه والميكاب كله جميل
داليا بحب والله انتي حبيبتي
تاليا بحب يلا هروح انا احضر الحاجه الساقعه متتاخريش هاا
داليا بحب طالعه وراكي علطول
وفعلا داليا راحت تحضر الحاجه الساقعه في المطبخ وعمر دخلها وحضنها من ضهرها فشهقت بخضه
عمر بضحك يخربيتك نجمك خفيف كده ليه ده انا
تاليا بخضه حرام عليك يا عمر بجد خضتني
عمر بحب سلامتك من الخضه يا قلب عمر وباس خدها واكمل .. ها ايه رايك في جوزك
تاليا بصتله باعجاب واكملت بحب قمر طبعا انا جوزي طول عمره موز
عمر ضحك واكمل بحب ده والله مفيش قمر غيرك ولا اجمل منك
تاليا بحب والله انت قلبي بس مش وقته ابداا خالص الكلام ده ابعد كده علشان احضر الحاجه للراجل
عمر بحب لا حضري وانا كده
تاليا عمرر ميصحش اطلع
عمر. وهو حاضنها اكمل بحب ماقولنا لما يجي بقي .. بقولك ايه يا تاليا
تاليا وهي بتصب البيبس اكملت امممم يا حبيبي
عمر بحب ماتجيبي بوسه
سهير دخلت تجيب مايه واكملت بضحك طب مش في المطبخ يا مفضوح
تاليا اتكسفت اوي وبصت للارض واكملت بهمس اوعي يا عمر اوعي يخربيتك
عمر فضل يضحك واكمل اهو انتوا كده كل شويه تدخلوا في اوقات غلط خالص اخر ما ازهق هاخد مراتي واهج
سهير بضحك وهي طالعه ياللي مش متربي واقف تحب في المطبخ ومش عايزنا ندخل كمان طب اختار انت اماكن مناسبه ومش هنقولك لا براحتك مش مراتك
تاليا وشها احمر ومبصتش ليهم فسهير ضحكت عليها وطلعت وداليا كمان كان طلعت
تاليا بحرج بجد عجبك كده
عمر بضحك عادي عادي مراتي ومحدش ليه حاجه عندنا بس المهم
تاليا بابتسامه اممم خير
عمر بحب مش هتجيبي البوسه بردو
تاليا ضحكت واكملت انت فعلا مش متربي والله
والباب رن ففتحت داليا
عبدالله دخل واكمل بابتسامه مساء الخير
سهير بضحك بسم الله مشاء الله لا يابت اختيارتك حلوه وسيم الواد
داليا بحرج بس يا ماما انتي بتقولي ايه
عبدالله ضحك واكمل بابتسامه ربنا يخليكي يا امي والله تسلمي
تاليا انا سمعت الباب خبط يلا اطلع شكله جيه
عمر خلصتي
تاليا مسكت الصنيه واكملت اه خلصت اهو يلا
عمر بحب يلا وطلعوا مع بعض
عمر بابتسامه وهو خارج من المطبخ ورايح في اتجاه الصالون اكمل منور يا عر
ولم يكمل اتصدم صدمه عمره واكمل بعصبيه انت بتعمل ايه هنا يا حيوان انت
تاليا شافته الصنيه وقعت من ايديها من الصدمه وهمست بدموع عبدالله
——————————————
عند ادم
ادم بدموع اديني قولتلك كل حاجه انتي بقي مش ناويه تصارحيني يا سالي
سالي بدموع ووجع انا مش قادره اتخيل كميه الوجع والمعناه اللي انت عشتها بجد يا ادم ودموعها نزلت واكملت بس اكيد في حاجه غلط انت كنت بتحكيلي عن منه وحبها ليك الواضح ميخليهاش تعمل كده بس ممكن .. ممكن اتجبرت تبعد عنك
ادم تنهد بوجع واكمل سيبك من منة انتي في نظرك اي ممكن يبعد واحده عن واحد بتحبه
سالي بوجع هي بتختلف من شخص لشخص وفي اسباب كتير بس لو فعلا بتحبه فاكيد بيكون في سبب
ادم بتنيهده اممم وانتي بعدتي عن رامز ليه يا سالي هو وجعك في ايه
سالي دموعها نزلت واكملت بحده بلاش السيرره دي ارررجوك
ادم بعصبيه لا منا لازم اعرف ومش هسكت زي كل مره كفاااياكي بقي سكوت انتي بتحبيه متنكريش
سالي بدموع ووجع وهو كسرني
ادم بعصبيه ياادي اليوم الاسود قوليلي عملك ايييه ??? عرفيني نيلك ايه ??? وانا هربيه واعلمه الادب بس متسكتيش كفياكي بقي سكوت بقالك سنين ساكته و انتي بتحبيه من زمان زي ماهو بيحبك وواضح جداا ومتنكريش حتي بعد جوازك من احمد مقدرتيش تنسيه واكبر دليل مروان ابنك مراون نسخه مصغره من رامز وطلع شبه كده لانك بتحبي رامز وبتحبي ملامحه اللي طلعت في ابنك غصب عنك
سالي بدموع ووجع وليه متقولش ان مروان طلع شبه رامز لان مروان ابن رامز يا ادم
ادم بصدمه نعممم ابنه ازاي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
