رواية حب غير مشروط الفصل الثامن والأربعون 48 بقلم لولا
رواية حب غير مشروط الجزء الثامن والأربعون
رواية حب غير مشروط البارت الثامن والأربعون
رواية حب غير مشروط الحلقة الثامنة والأربعون
منه حضنته جامد وغمضت عنيها وهي بترتجف وهو زيها غمض عنيه بخوف ودقات قلبهم بقيت مسموعه وقصت السلك
ادم ومنه اتنفضوا سوا وغمضوا عنيهم بقوه لما سمعوا السلك اتقص ولكن القنبله اتلغي مفعولها
منه فتحت عنيها بفرح وعدم تصديق واكملت بدموع فرح وهي بتضحك اادم مموتناش ااادم القنبله وقفت فعلااا وسقفت بفرح واكملت بضحك مموتناااش ياا ادم مموتناااش احنا عااايشين يسس يسس وعيطت بفرح واكملت الحمدلله يارب الحمدلله
ادم بضحك ده بجد! !!!! منه انتي متاكده انها وقفت بجد وضحك واكمل هي فعلا وقفت ومش هنموت خلاص ??? وبص للقنبله واكمل بدموع فرح دي وقفت !!!! وقفت بجد وعيط بفرح واكمل انا بجد مش مصدق ان ده حصل مش متخيل اننا لسه عايشين والقنبله وقفت انا فخور بيكي اووي يا منة اوووي انا متجوز اعظم ست في الدنيا كلها انتي قويه وشجاعه اوي بجد
منه بدموع فرح الحمدلله يا حبيبي نشكر ربنا اني اتصرفت صح ووراء كل رجل عظيم امرأه وانا قويه وشجاعه علشان انت معايا يا قلبي ده انا كنت هموت من غيرك يا ادم لو كان حصلك حاجه قبل مااجي انا مقدرش اعيش وانت مش موجود معاايا كنت شايفه الحياه سودا اوي وكلها وجع وقهر بس اللهم لك الحمد نحمد ربنا عدت علي خير وربنا كتبلنا عمر جديد ومحرمناش من بعض يا نورعيني وضحكت بفرح واكلمت هااا فين مكفائتي بقي
ادم بدموع فرح اطلبي اللي انتي عايزاه يا ست البنات
منه ضحكت وشاورت علي خدها
ادم فضل يضحك واكمل بحب يالهوي ده ياريت كل المكفائات كده ده انتي كده اللي هتكافئيني قربي
منه ضحكت وقربت منه وباس خدها بحب
منه بصتله بحب واكملت بدموع كنت حاسه ان روحي بتتسحب مني وانا شيفاك في الموقف ده يا حبيبي منهم لله اللي كانوا عايزين يحرموني منك يا قلبي يارب يوريني فيهم يوم
ادم بدموع انا فعلا مش عارف مين يعمل فيا كده انا مش بأذي اي حد بس تصرفك كان غلط يا منة .. كده كنتي عايزه تسيبي ساره لوحدها وتكسريها
منه حطت ايديها علي خده واكملت بعياط حبيبي ساره صغيره ومنا ماتدرك هتكون اتقبلت الواقع هي غيرك انت شوفت اهلك كده انما هي مكانتش هتشوفنا فساره هتتوجع اه بس هتتقبل واهلها معاها انما انا عيطت واكملت انا كنت هموت وراك من وجعي عليك حتي لو مش معاك يا ادم …يا ادم ده انت نورعيني ودنيتي هو انا عايشه غير علشانك يا قلبي
ادم بحب ودموع فكيني عايز احضنك ومطلعكيش من حضني تاني انا فخور بيكي اوي متجوز ست شجاعه ب100 راجل اي واحده مكانك مكانتش هتعمل كده ابداا انا ربنا بيحبني انه جعلك نصيبي بجد خدت ست البنات كلهم
منه حضنته واكملت بدموع فرح ده علشان انا بحبك بجد وعارفه حبك في قلبي عدي الحدود ومقدرش اعيش في حياه انت مش فيها انت اسيرني في قلبك زي منا اسراك في قلبي وحالفه ماتطلع منه ولا حد يكون بدالك وولا حاجه تفرقنا حتي وان كانت الموت اموت معاك ولا اني ابعد عنك تاني .. ادم انت اللي زيك مش موجودين دلوقتي انا شوفت منك حب وحنان وغيره واهتمام وخوف عليا وكل حاجه حلوه وفريده من نوعها تخليني اضحي بأي حاجه علشانك مش عمري بس وبصتله بحب وقربت باسته وهو بادلها المشاعر
وهنا الباب اتكسر و الشباب دخلوا
منه بعدت عن ادم بسرعه بحرج واكملت بضحك اهو انتوا كده يا رامز دايما الحكومه بتيجي متاخره
مالك بضحك والله العظيم تلاته انتوا ماشوفتوا ربايه علشان الواحد قلبه وقع في رجله وانتوا هناا وسكت واكمل بضحك انا مش هتكلم احسن خليني ساكت وفضل يضحك
حاتم بصدمه طبعا انا لو حلفتلكم علي المصحف اني مش كداب وفعلا كان في قنبله ومنه كانت منهاره عياط مش هتصدقوني صح
عمر فضل يضحك فاكمل رامز بضحك وهو بيهز راسه بيأس الحكومه جات متاخر اه علي اساس حضراتكم عاتقين بصراحه وخايفين من الموقف
منه بحرج ادم قولهم يتلموا خلاص
ادم فضل يضحك واكمل احترم نفسك انت وهو وكفياكم تحفيل علشان مزتي بتتحرج ويلا فكني يا حلو منك ليه علشان حبيبت قلبي وقفت القنبله بس وكده كتر الف خيرها وشجاعه انها تعمل كده انما متقدرش هي علي الحديد ده
عمر بضحك يا جدع متهزرش يعني فعلا كان في قنبله ومنة وقفتها
حاتم ضربه بلرجل واكمل بضحك انتوا بجد مش مصدقين هو انا ههزر في حاجه زي دي يا حيوان والله حصل وشوفتهم بعيني انا معرفش جابوا برود الاعصاب للحاجات اللي كانوا بيعملوها دي ازاي ده انا مش معاهم واعصابي تعبت
منه بحرج احمم انا هستناكم برا فكوا ويلا
ادم بضحك ولا تتحركي ايه يا حبيبتي هو اانا شاقطك ده انتي ام بنتي طوز فيهم نفر نفر
مالك بضحك بالله ما عارف ارد اقول ايه باردين برود مش في حد
رامز بضحك تعالوا ساعدوني نفك روميو وضربه في كتفه واكمل بضحك يا شيخ اتقي الله ده انت روحك كانت علي كف عفريت وكنت هتقابل وجه كريم وقاعد بتحب
منه وشها احمر وطلعت وقفت برا
ادم بضحك يعني ينفع كده وبعدين يا حيوان منك ليه هو انا بحب في مين مش مراتي دي وحلالي ولا واحده والسلام
عمر بضحك حقك منتا مشوفتش شكل حااتم جاي يجري ويقولنا الحقوا ادم في قنبله علي صدره وقربت تنفجر ومنه قفلت عليهم ومش عارف اساعدهم تعالوا ساعدوني نكسر الباب ويعيط ورعبنا كلنا وخلي اعصابنا في ذمه الله وجينا نجري وكسرنا الباب نلاقي روميو وجوليت مش علي بالهم الدنيا وفي عالم تاني
ادم فضل يضحك واكمل هو فعلا كان كده بس انتوا جيتوا اخر الفيلم
منه من برا بضحك يا شيخ جتكم ستين نيله انا لولا ربنا الهمني وقطعت السلك الصح كان زمانكم علي مجيتكم دي جيتوا استلمتونا جثث قال جم يجروا قال
حااتم لالا بعد الشر اسكتي وساعدهم يفكوا ادم
مالك حضنه واكمل بدموع فرح الحمدلله انك بخير يا حبيبي بجد والله قلبي كان واقع في رجلياا
ادم ضمه ليه واكمل بحب الحمدالله يا غالي
حاتم حضنه واكمل بدموع حقك عليا معرفتش اكسر الباب واساعدكم نحمد ربنا منة اتصرفت صح
ادم بحب يا حبيبي مش منك هو فعلا باب كبير وصعب لوحدك تكسره نحمد ربنا عدت علي خير وخلاص
رامز حضنه واكمل بدموع الحمدلله علي سلامتكم يا حبيبي وانا معاك وهنجيب حقك من اللي عمل كده
ادم بحزن والله ماعارف مين ممكن يكون عايز يأذيني كده يا رامز انا مبعملش حاجه لحد
حاتم اتوتر واكمل في سره هعرفه كل حاجه لما نكون لوحدنا
عمر حضنه بدموع واكمل ولاد الحرام كتير بس الف حمد وشكر ليك يارب انك انت ومنه بخير يا غالي دي بلدنيا كلها
ادم طبطب علي ضهره واكمل بحب تسلم يا حبيبي ربنا يخليك ليا يارب
وطلع لمنه وفتح ايديه واكمل بحب وفرح عايز حضن بضمير بقي اديني فكيت ايدي
منه ضحكت واتعلقت في رقبته وضمته ليها جامد وهو ضمها ليه اكتر ولف بيهاا كتير وهما بيضحكوا بفرح
والشباب بيبصلهم بابتسامه فرح مبسوطين بيهم
ادم نزلها وهو حاضنها واكمل بدموع بجد بحبك اكتر من الدنيا كلها ولو في كلمه توصف اكتر من كده كنت قولتها انا مشوفتش زيك ولا هشوف مميزه فكل حاجه وقادره تبهريني بيكي فكل مره بشوفك وبكتشف فيكي حاجات اجمل بكتير وانهارده خاطرتي بحياتك علشاني ومرضتيش تسبيني هو مين في الدنيا كلها ممكن يحبني قدك ولا انا احب حد زي ما بحبك بجد خلصت فيكي كل الكلام الحلو اللي ممكن يتقال ومفيش كلمه اتقالت حسيتها تكفي اللي جوايا ليكي انتي الحاجه الوحيده اللي عشت عمري كله اتمناها تكون ملكي وحصل ومش عايز ابعد عنك تاني ابدا يا منه انا بحس ان الدنيا اعتذرتلي عن كل قسوتها لما بعتتك ليا
منه بحب ودموع انا بحبك اكتر بجد يا ادم انت بردو استحملت علشااني كتير اوي يا ادم واستحملت بسببي وجع وكلام سم محدش يستحمله وحاربت حرب كبيره اوي قدام اهلي وكنت قد وعدك وفي الاخر انا خسرتك قدامهم وبردو فضلت صادق في مشاعرك ناحيتي وبتحبني … بجد ربنا يخليك ليا يا نورعيني وميحرمنيش منك ابدا يارب
ادم بحب ولا يحرمني منك يا ام ساره يا غاليه
رامز احمم احمم انا بقول نروح احنا وانتوا كملوا
ادم بضحك يابني انت مال اهلك دلوقتي مركز معانا ليه
مالك بضحك لا يا حبيبي ولا يهمك كمل كمل انا هاخدهم وامشي دلوقتي
منه بحرج ادم يلا نمشي علشان دول مش هيبطلوا تحفيل بسبب الموقف اللي كنا فيه
حاتم بضحك يلا ياختي كويس والله ادركتي انكم كنتوا في خطر
منه بتنهيده اوووف اسكت يا حاتم بجد ده انا كنت مرعوبه والله العظيم
عمر وهو بيكتم ضحكه اكمل اممم محنا عارفين يا غاليه من غير ما تحلفي كان باين عليكم اصلا
ادم وطي يجيب توبه فاكمل عمر بضحك خلاص والله خلاص وراح وقف ورا حاتم علشان كان جمبه
حااتم بضحك انت جاي ورايا طب بالله يضرب بردو عادي علي اساس بيعزني اوي ادم
ادم رمي التوبه واكمل بضحك طب بالله فعلا رميتها علشان انت ملكش ذمب عيب عليك يا توما
حاتم بضحك تسلم يا كبير
منه بضيق ادم اضربهم كلهم علي فكره حاتم حفل معاهم
حاتم بضحك تصدقي يابت انك حيوانه وخساره فيكي اني روحت اجيب مساعدات علشان انقذكم
منه لوت بوقها واكملت بضيق طب متعصبنيش طب ده كان فاضل دققتين وخلصوا انتوا جيتوا متاخر خالص اصلا والاسم معاكم ظابط قال
رامز بضحك احمم واضح اني بتهزق
منه بضحك نفسي مره تيجوا في الوقت المناسب بجد دايما متاخرين بتيجوا بعد ما المصيبه تتم وتخلص
رامز بضحك يعني انا هيجي في بالي يا ام لسانين ان في قنبله انا توقعتها خطف عادي فبدور علي ماهلي علشلن محدش يحس بس لما حاتم قال قنبله جينا بسرعه فعلا بس كان الوقت اتاخر نحمد ربنا انك اتصرفتي بجد
ادم بتنهيده الحمدلله فعلا وباس راسها بحب واكمل يلا نروح واعملوا حسابكم محدش يجيب سيره اللي حصل ده كله قدام اهلي كأن كنا مع بعض عادي بنجيب حاجات
الجميع تمام
رامز هترجع مصر امتي يا ادم انا احتمال ارجع انهارده تعبت من هنا بصراحه وخلاص بقيت مع سالي
منه بحماس ادم بالله انهارده ونبات في بيتنا ارجوك انا اتعقدت من هنا اوي وكرهت البلد
ادم باس ايديها واكمل احجزلنا كلنا يا رامز هنرجع انهارده
منه بفرح حلو اوي كده
بعد شويه في المستشفي كلهم جم
ساميه بلهفه اخيررا يابني ايه كل ده قلقتوني عليكم وايه الدم اللي في ايدك ده يابني
ادم بص لايده واكمل بتوتر ااه ده صندوق ادويه وانا بدور علي دوا منه وقع اتكسر وعورني
ساميه بتنهيده الحمدلله انك بخير يا حبيبي دي اهم حاجه
منه بحب الحمدلله وحضنته اكتر
ساره كل ده كنتوا فين يا بااابي واحشتوني
ادم وطي لمستواها ودموعه نزلت وحضنها جامد وغمض عنيه بالم واكمل بهمس نحمد ربنا اني شوفتك تاني يانورعيني وباس ايديها وخدها كتير وحضنها تاني
وكلهم كانوا مستغربين اشتياقوا لساره
حاتم بتمثيل كل ده علشان قولتلك هخطفها منك يومين وترجع انت ومنه عرسان جداد وضحك بتمثيل واكمل من ساعه ماقولتله هات ساره يومين عندي وافضل انت ومنه سوا وهو مش مبطل عياط ويقولي لا مش هتبعد عني تاني
ساميه بحزن يا حبيبي هو بيتكلم علشانك بس متبعدهاش عنك تاني خلاص يا قلبي اهدي
ادم دموعه نزلت وشالها وقام وقف وهو حاضنها واكمل مش هتبعد عني خالص ولا هي ولا امها انا مقدرش اعيش من غيرهم
منه بحب ودموع ربنا يخليهالنا يا حبيبي
ادم بحب ودموع يارب يا منة بجد يارب
ساره مسحت دموعه واكملت بحزن مالك يا بابي في ايه
ادم ابتسم بحب واكمل كنتي واحشاني يا قلب بابي مفيش حاجه اانا كويس اهو
ساره بصت لمنه ومسحت دموعها واكملت بحزن انتي كمان بتعيطي علشان كنت واحشاكي
منه ضحكت من بين دموعها واكملت بحب اه يا قلبي
ساره ضمت منه وادم واكملت بحب وانتوا كنتوا واحشني خالص وانا بحبكم
ادم ومنه ضحكوا بحب وباسوا خدهاا
جيسي بحب عقبال ماتخاوها يارب
ادم بحب تسلمي يا غااليه وتخاوي سولي
رامز سو انا حجزتلنا كلنا هنرجع القاهره ها فاعملي حسابك وحضري الشنط
سالي ماشي يا حبيبي حاضر
ساميه احسن والله الغربه وحشه واحنا يا ادم هنرجع
ادم اه خلاص يا ست الكل هنرجع يلا بس علشان نلحق نحضر الحاجه
مالك يلا ووطي شال سليم اللي كان نايم ومشيوا
في اوضه ادم
منه وهي بترتب الشنطه اكملت بفرح بجد مش قادره اتخيل اننا خلاص هنرجع سواا وانا كويسه يووه ده كان هم وانزاح
ادم حضنها من ضهرها وباس رقبتها بحب واكمل الحمدلله يا حبيبتي
منه حطت ايديها علي ايديه واكملت بحب عارف يا ادم وانا في حضنك كده بحس بامان وراحه بال عمري ماحسيتهم في حياتي يارب يديم عليا وجودك في حياتي ونس العمر ويجعل يومي قبل يومك لاني مش هقدر اعيش من غيرك فعلا
ادم باس خدها بحب واكمل بعد الشر عنك يانورعيني يارب ياخد من عمري ويديكي يا ست البنات
منه بحب بقولك ايه ينفع لما نرجع مصر نروح ناكل في اي مطعم برا
ادم بحب مع اننا هنرجع تعبانين بس عنيا اوامرك يا حبيبت قلبي شوفي المكان اللي يعجبك ونروح
منه بحب والله انت قلبي
والباب خبط فاكملت منه افتح دي ساره
ادم فتح واكمل بحب اهلا اهلا بحبيبت بابا ايه الجمال ده كله
ساره وهي بتلف حوالين نفسها اكلمت بص يا بابي خالتو شهد لبستني الدريس ده وعملتلي شعري
ادم شالها واكمل بحب يخرابي علي الجمال حلوه اوي يا سوسا
منه بحب خالتو شهد دي شاطره اوي حلوه خاالص التسريحه اللي عملهالك
ساره بمرح لبستني انا وملك زي بعض
منه باست خدها واكملت بحب عسل يا قلبي
ادم بحب يلا يا منمن لبستي
منه اه بظبط الطرحه بس ووقفت قصاد المرايه تظبطها وادم شال الشنطه ونزلوا
في الصالون
مالك بضحك يابني بطلوا صداع واقعدوا الله يحرقكم
سليم وهو بيلعب كوره اكمل بحماس بابا استني بس علشان هكسبه
حااتم وهو بياخد الكوره اكمل بضحك تكسب مين يابن الجزمه انت
جيسي بضحك تشكر يا عم حاتم
حااتم بضحك مش ابنك اللي خياله مصورله انه هيكسبني
مروان بحماس انا هاجي مع سليم وهنكسبك
حاتم بضحك بررراحتك انت الخسران مش هجوزك بنتي
مروان بضحك لا خلاص اكسبوا انت يا سليم
كلهم فضلوا يضحكوا فاكمل رامز بضحك انت يا حيوان مش عيب كده
مروان طب ما انت اتجوزت ماما عيب ليه
شهد بضحك خلاص يا رامز سيبه احنا خدنا راي العروسه وهي وافقت خلاص
سالي بضحك يبقي علي البركه
ادم بضحك طب لو حاتم كسب مش هجوزك بنتي يا سليم
سليم برجاء خالو اديني الكوره الله يخليك وحياه ملك
كلهم فضلوا يضحكوا فاكمل حااتم بضحك خلاص صعبت عليا واداله الكوره وخلاه يكسب
سليم بفرح وهو بيسقف اهو انا اللي جبت جول اهو هتجوز ساره خلاص
ادم بضحك تؤ بردو مش موافق لما يجيلي مزاج اوفق بقي
منه بضحك يا ادم بطل رخامه
سليم ضرب رجله علي الارض بغيظ واكمل بص يا بابا عمو
مالك بضحك اعمله ايه عمو مش بنتو دي وهو حر بقي
سليم بضحك خلاص جاتلي فكره
جيسي بضحك فكره ايه يا قلب امك تعالي قولي
سليم لا علشان هتقولي لباابا وبابا هيقول لعمو
جيسي بضحك لالا متقلقش عيب عليك
سليم بضحك همس هخطف ساره
جيسي فضلت تضحك واكملت بضحك انت يا شبر ونص انت بتجيب الكلام ده منين وشالته قعدته علي رجلها وهي بتضحك
ادم بضحك عارف يا مالك اخرو مع ابنك هتلاقيني معلقهولك والله
مالك بضحك علقه انا بايع
سليم بغيظ مش هتعرف
ادم بضحك ياالا متعصبنيش وراح شاله من جيسي ورفعه واكمل اوريك هعرف ولا مش هعرف
سليم بضحك لالا خلاص نزلني يا عمو
ادم علقه من هدومه علي الحديده اللي عند الباب واكمل بضحك هااا علقتك ولا معلقتكش
ساره بعياط لا يااا بابي نزله هو مش هيضايقك تاني خلاص
سليم بخوف انا اسف والله خلاص يا عمو مش هعصبك تاني
كلهم فضلوا يضحكوا عليه فاكمل ادم بضحك وهو بيشيله ايوه كده احترم نفسك علشان اجوزك بنتي
سليم حاضر والله هبقي مؤدب والله
ادم ضحك ونزله فاكملت ساره بعياط ممكن مش تضايق بابي تاني يا سليم
سليم مسح دموعها واكمل بضحك انا كويس متعيطيش علي فكره انا مكنتش خايف وكنت بمثل انتي عارفه اني مش بخاف من حاجه اصلا
ساره بضحك اه عارفه
كلهم فضلوا يضحكوا فاكمل ادم بضحك ياالا متستفزنيش هعلقك تااني قاال مكنتش خايف قال ده انت كان فاضلك ثانيه وتعيط عايز تعمل فيها جامد قدام البت
حاتم بضحك ايه جو العشق الممنوع اللي هما فيه ده يا جدع
جيسي بضحك انا اكشتفت حالا اني معرفتش اربي
مالك بضحك اكتشفتي حالا بالله لتسكتي خالص ابنك كسفنا الواحد مش عارف يقول ايه الراجل بنتته بتتثبت قدامه
ادم بضحك يااا مااالك متعصبنيش قال بتتثبت قال وبص لساره واكمل علي امك يابت
ساره بدموع سليم مش هيضايقك تاني والله بس بليز يا بابي مش ترفعه كده
منه بضحك مش هيكلموا يا قلبي متعيطيش
ادم مسح دموعها واكمل بضحك ايه يا ساره يخربيتك كل ده علشان سليم
ساره بحزن علشان انا معرفش اصحاب غير سليم
ادم باس خدها بحب واكمل انا وسليم اصحابك يا قلب بابا ولا تزعلي
سليم لا انا بس
كلهم فضلوا يضحكوا فاكمل ادم بضحك يابني هو انا واكل ورثك عرفني بس
مالك بضحك بيغير عليها يا حبيبي اومال انت فاكر ايه احنا عيالنا رجاله اوي
ادم وهو بيشيل ساره اكمل بضحك عليه وعلي ابوه اللي يجوزهاله بقي
مالك بضحك خد بالك انك بتهزقني كتير بسبب سليم
ادم بضحك مش خلفتك استحمل بقي
جيسي بضحك ده والله مورينا الويل بنشد في شعرنا منه يا ادم بجد
ادم بضحك لا حقكم يا حبيبتي ابنك قعد معايا يوم عصبني مبالكم انتوا
سليم ده علشان انت بتقولي مش هجوزك ساره
كلهم ضحكوا فاكمل ادم بضحك اه فانت مستقصادني بقي
سليم بضحك لا انا بحبك بردو علشان انت ابو ساره ويعني عمي بردو مينفعش اكرهك
كلهم ضحكوا بشده علي كلامه
ادم بصدمه علشان ابو ساره !!! … ويعني عمك بردو !!! وضحك واكمل تصدق ياض انك ابن كلب
منه بضحك ويعني عمو بردو مينفعش يكرهك تحس الواد بيشفق عليك
ساميه بضحك عليه لسان عايز القص
حاتم بضحك والله سكر ودمه خفيف
مالك بضحك دمه خفيف ايه ده مترباش يالا اتربي عيب كده عمك الله يخربيتك
سليم بحب انا بهزر يا عمو وبحبك خالص متزعلش مني وراح حضن رجليه
ادم نزل لمستواه وحضنه واكمل بحب وانا بموت فيك يا سولي وباس خده
سليم باس خده واكمل بمرح اتصالحنا ?
ادم ضحك واكمل بحب مقدرش اخاصمك اصلا وحضنه واكمل ده انت حبيب وقلب عمو من جوه
رامز بص لساعته واكمل بحب يلا يا جماعه معاد الطايره جيه
ادم بحب يلا
وكل واحد مشي مع مراته وعياله وراحو المطار وركبوا الطياره
منه وهي سانده راسها علي كتف ادم اكملت بنوم دوما انا هنام شويه علشان لما نوصل نخرج
ادم بحب ماشي يا حبيبتي وخدها في حضنه وغمض عنيه ونام وساره كانت علي رجله
ساميه بحب تعالي يا قلب تيته نامي في حضني علشان بابا نعسان وتعب خالص
ساره نزلت وراحت علي رجل ساميه
ادم حس لما نزلت وفتح عنيه فاكملت ساميه بحب نام يا قلبي هي معايا متخافش
ادم ابتسم وغمض عنيه وضم منه ليه
في الطياره من ورا شويه
شهد واخده حااتم في حضنها وبطبطب عليه واكملت حبيبي هقولك علي حاجه مهمه لما نروح بس فكرني ها
حاتم بنوم ماشي يا حبيبي بس فين ملك
شهد بضحك نايمه علي رجل سالي خدت عليها خالص
حاتم بضحك مش حماتها بقي
شهد بضحك علي رايك
عند سالي ورامز
رامز بستغراب مالك يا حبيبتي
سالي بتعب مفيش انت عارف بقالي كتير مركبتش طياره بقالي 7 سنين فحاسه اني عايزه ارجع وتعبانه
رامز بحب طب تعالي وسند راسها علي كتفه وطبطب عليها
سالي بقرف رامز هات اي سله او كيس مش قادره
جيسي تلاقيكي حامل يابت
سالي بتعب يابت لا ده بسبب الطياره حامل ايه
رامز بفرح طب مايمكن يا حبيبتي
سالي مسكت السله ورجعت ورامز طبطب عليها ورفع شعرها
شهد بقلق مالك يا سالي في ايه
رامز معلش يا شهد هاتي مياه لو جمبك
حاتم بقلق امسك اهي يا حبيبي ربنا يطمنك عليها مالها في ايه
رامز مسحلها وشها وهي رجعت ضهرها لورا بتعب
مالك انزل من هنا وديها لدكتوره علطول يا رامز ممكن صح تكون حامل والطياره غلط عليها ربنا يستر
سالي بتعب لا مفروض بتبقي غلط بس مش دلوقتي لما الحمل بيبقي قدام شويه حتي لو حامل
حاتم هو ينزل مصر يطمن عليكي وباذن الله خير
رامز بقلق ربنا يستر بجد وباس جبينها واكمل سلامتك يا حبيبتي سالي ابتسمت بتعب واكملت الله يسلمك ياا حبيبي
حاتم هاتي ملك عنك طيب
سالي لالالا سيبها هي نايمه عملالي ايه البت يعني
شهد ياحبيبتي انتي تعبانه
سالي بحب لالا سبيها دي سكر انا بحب البنات اوي اصلا
جيسي بحب ربنا يكتبهم ليا وليكي يا قلبي
سالي بحب اللهم امين يارب
وبعد عده ساعات هبطت الطياره مطار القاهره الدولي
عمر بضحك بالله تعالوا بصوا نايمين حاضنين بعض ازاي ولا عاملين اعتبار للبني ادمين اللي معاهم
حاتم وهو بيصحي ادم اكمل بضحك يلا يا عصافير وصلنا انت ياالا وهزه
ادم اتخض هو ومنه واكمل بسم الله حد يصحي حد كده يا حيووان
مالك بضحك ماهو لو مصحكش كده مش هتصحي خالص انتوا نايمين بعمق ولا اكنكم في بيتكم
منه بضحك انتوا ايه يضايقوا انتوا وحضنت ادم واكملت يلا يا جوزي يا حبيبي نروح بيتنا وننام براحتنا بعيد عن الناس الوحشه دي
ادم بضحك ده من عيوني
مالك بضحك بقينا ناس وحشه يا عم حاتم بعد اربع سنين معاها ليل نهار
حاتم بضحك مبيطمرش في اشكالها حاجه زي اللي جابها
منه بضحك تشكر يا عم حاتم متربي
حاتم وهو نازل اكمل بضحك غصب عنك انتي وابوكي النتن
ادم بضحك انا معرفش بيكره ابوكي اوي كده ليه
شهد في سرها بحزن هو ده يتحب اصلا يا ادم ده والله انت اللي طيب اوي
منه بضحك بص هو مش حااتم بس ده في اجماع علي كده والله يا ادم
ادم ضحك ونزلوا كلهم
سالي بتعب رامز ممكن يا حبيبي نروح البيت مش قادره بصراحه اروح انهارده واستني دوري وكل الحوار ده خليها بكره
حاتم بضحك الله هو حرم المقدم بتستني الدور زي الناس عادي
رامز بضحك اتلم يا بطل علشان مقلش ادبي عليك انا مش منهم ومش بستغل اسمي في اي حاجه
ادم بضحك يااا جدع هما بيعرفوا فيها مقدم بيخلصوا كل حاجه من نفسهم انت فعلا مبتتكلمش
حاتم بضحك شوفت منا عارف يابني والله
رامز بضحك والله يابني مش بفتح بوقي فعلا بس بتفاجئ بمعامله بشوات من نفسهم كده
سالي بحب اومال انا بحب الظباط ليه وقولتلك ادخل شرطه معلشان كاريزما وباست خده
رامز ضحك وباس خدها واكمل بحب والله انتي قلبي فعلا دخلتها علشانك
سالي بحب حبيبي
مالك دوما هتروح بيتك ولا جاي معانا
ادم لا رايح بيتي يلا بينا
سالي هي ساره نامت
منه اه من بدري
سالي شالتها واكملت بضحك خليها معايا انهارده قلب عمتو
منه لو صحيت هتخرب الدنيا وتصدعك
رامز يا منه انتوا شقتكم فوقينا علطول لو عيطت هنطلعها
منه بضحك اااه والله نسيت انكم نفس العماره خلاص اذا كان كده ماشي
ادم احنا كده كده هننزل نتعشا برا نشوف منا مانيجي هتصحي ولالا
منه بحماس خلاص ماشي
ساميه يلا بقي نروح لحسن اتهدينا اليومين دول خالص
ادم اااه بجد مين سمعك يلا
سالي ابقوا شوفوا يوم ونتجمع
شهد بحب باذن الله
وفعلا كلهم ركبوا اوبر وكل واحد اتجه يروح لبيته
في بيت ادم
ادم دخل هو ومنه واكمل وهو بيتنهد بارتيااح يااه ده والله البيت واحشني اوي اوي
منه بضحك البيت بس ?
ادم شد وسطها ليه واكمل بضحك وهي دي فيها كلام وصاحبه البيت كمان ودي بلذات واحشتني اكتر
منه ابتسمت بحب واكملت طب يلا نغير هدومنا علشان ناكل برا زي ما اتفقنا
ادم بحب طب ماتسيبك من برا وخلينا في بيتنا وساره نايمه عند رامز تحت والدنيا فل وغمز
منه بضحك والله مايحصل يلا يا حبيبي احترم نفسك كده انا نفسي نتعشا برا مع بعض بجد واحشني جو الخروج معاك يا ادم
ادم باس ايديها واكمل بحب طب هتاكلي ايه
منه بمرح ايه رايك ناكل جمبري في مطعم علي البحر
ادم بضحك وغمز وماله حلو الجمبري وكله فسفور
منه ضربته في كتفه واكملت بضحك اتلم هاا علي اساس حضرتك يعيني معندكش صحه ومستني حبه الفسفور بتوع الجمبري
ادم بضحك الله واكبر يخربيتك في ايه هتحسديني علي الصحه كمان مش كفايه اللي الواحد فيه
منه بضحك يا ادم اتلم بجد هو انا هحسدك يعني وضربته واكملت يلا امشي مش عايزه اشوف وشك تاني
ادم برفعه حاجب قد كلامك ?
منه برفعه حاجب هتعمل ايه يعني
ادم هنزل انام عند اختي تحت وضحك واكمل بينها هي ورامز علشان مبقاش لوحدي اللي اتنكد عليا
منه مسكته من قميصه واكملت بضحك انسي الكلام ده … ده انا اموتك لو فكرت تسيبني تاني وبعدين رامز خد ساره علشانك ده جزاته تنكد عليه قال عايز تنام في النص قال وضحكت
ادم شدها ليه واكمل بحب بذمتك ههون عليكي تموتيني وضحك واكمل ماهو ميبقاش يومي انا بس اللي اضرب يعني
منه بحب مقدرش طبعا بعد الشر عنك يا حبيبي وضحكت واكملت بعدين ده هما اللي عندهم مروان وساره يعيني هما اللي يومهم اضرب
ادم بحب اصلا يابت سالي تعبانه مسمعتيش بيقولوا عايزين يروحوا لدكتوره شكلها حامل
منه بفرح يا قلبي ده ياريت والله ربنا يديها ويفرحها يارب
ادم بحب انتي وهي يا منمن يارب
منه وشها احمر واكملت بابتسامه مليانه حب يارب يا سي ادم
ادم بضحك هو مش بلدعا بس علي فكره في طرق علميه كتير مع الدعا
منه بضحك يا قليل الادب اتربي و روح البس واخلص
ادم بضحك فكري يمكن تقولي بلاش نزول ونعرف الطرق
منه بضحك لا مش عايزه اعرف حاجه ياخويا واتربي شويه هااا يلا روح البس
ادم بضحك اخوكي مين يابنت الجزمه اشحال مش في بينا بنت
منه حطت ايديها حوالين رقبته واكملت بحب واي يعني ما انت اخويا وابويا وحبيبي وصاحبي وجوزي وكل حاجه ليا
ادم باس خدها بحب واكمل بحب بجد بحبك
منه بحب وانا اكتر وبصتله بحب واكملت ممكن بقي بليز تروح تغير هدومك وننزل بلييز
ادم بضحك خلاص انتي هتشحتي ولا ايه ولفت انتباهو الصوره الكبيره اللي في الصالون لسليم وساره وبصلها وعنيه متجمعه فيها الدموع واكمل انتي اللي عملتيها مش كده ?
منه بحب سبق وقولتلك عايزين نكبرها ونحطها في شقتنا فعملت كده قريب قبل ماعرف اني تعبانه
ادم حضنها ودموعه نزلت واكمل بحب بجد خلصت كل الكلام اللي ممكن يتقال فيكي انا بحبك اوي يا منة اوي
منه طبطبت علي ضهرها بحنان واكملت بحب وانا بموت فيك ومسحت دموعه واكملت بحب مش عايزه العيون الحلوين دي تنزل دموع تاني
ادم بحب ودموع ده من فرحتي بيكي والله يا قلبي مفيش واحده هتعمل زيك كده ابداا كفايه اسم بنتنا وباس ايديها واكمل بحب تسلم ايديكي اللي عملتها وعلقتها يا ست البنات
منه بحب تسلم يا روح قلبي واصلا دول اهلي زيك بلظبط مش مستاهله كل المدح ده
ادم باس جبينها واكمل بحب اصيله طول عمرك وضحك واكمل بس مش بنت اصول
منه بحزن تعرف اني بستعر منه بجد برغم ان اي حد بيعرف اني بنته بيعملي تعظيم سلام الا اني لا بقرف من اسمه اللي شيلاه وبتمني لو مبقاش منه كمال الشريف ودموعها نزلت واكملت اوقات بقول ذمبي ايه علشان يكونلي اب بلقسوه دي
ادم حضنها واكمل بحب وهو بيطبطب عليها هو ميستاهلش دموعك علي فكره دموعك دي غاليه متنزلش علشان حد وانا ابوكي ومكانه ومسك وشها بين ايديه واكمل بحب طول عمري بقول انك بنتي البكريه قبل ماتيجي ساره ولسه عند كلامي انا بعاملك وبدلعك وبحبك زي ساره فعلا
منه ابتسمت من بين دموعها واكملت انت فعلا قدرت تعمل معني كلمه الاب يا ادم من يوم ماعرفتك وانا حاسه اني في امان معاك بحس في حضنك بامان محستوش في حضن كمال ولا هحسه
ادم بحب ربنا يهديه علشان نفسه انما احنا مش عايزينه في حياتنا خلاص ادم هنا وهيعوضك عن كل الدنيا
منه حضنته واكملت بحب انا مش عايزه غيرك انت وساره من كل الدنيا
ادم بحب وانا مش عايش غير علشانكم
منه بحب يلا علشان ننزل بجد ودخلت الاوضه واختارت دريس ابيض ماسك من عند الصدر وفيه لامعه سيمبل اوي مناسب للخروج بطرحته بيضه واكملت بحب دوما البس ابيض زيي
ادم بضحك ابيض في ابيض ليه يا حبيبتي ملايكه نازلين من السما
منه بضيق خلاص براحتك
ادم بحب هلبسه طبعا عيب عليكي وباس خدها وطلع قميص ابيض وبنطلون كلاسيك ابيض واكمل بضحك فاكره لبست الطقم ده امتي
منه بضحك يوووه متفكرنيش
ادم بضحك قولي
منه بضحك لما شوفتني في دهب وكنت رايحه من وراك وفاجئتني انك واقف ورايااا كنت ساعتها لابس كده اووووف قلبي وقف ساعتها
ادم وهو بيفك زراير قميصه اكمل بضحك ده علشان انتي مشوفتيش ساعه رباايه مش اكتر
منه بضحك مش مهم اليوم ده انت ساعتها بهدلت بكرامتي الارض واتربيت المهم بعد اليوم ده تاني يوم بلظبط كان اجمل يوم في حياتي كلها
ادم قلع قيمصه وركنه علي جمب وشد وسطها ليه واكمل بحب عيد حبنا الرابع ويوم ماتكتبي علي اسمي وبقيتي مراتي رسميااا يا ست البنات
منه بحب تعرف انا مهما دورت في حياتي علي يوم فرحت فيه من قلبي مش هيكون بحلاوه اليوم ده ساعتها حسيت ان حلم العمر اتحقق وانا في حضنك ومن حقي افضل في حضنك براحتي لانه مكاني وحلالي رسمياا وحضنته وسندت راسها علي صدره واكملت بحب يكفيني اني مرات ادم الشافعي علشان اتخطي اي حاجه وحشه حصلت في حياتي فكره انك معاايا بتخليني احس واتاكد اني قد ايه انا محظوظه اوي اني مراتك
ادم ضمها اكتر وباس راسها واكمل بحب انا مفيش واحده في الدنيا كلهاا قدرت تخلي لساني مربوط وعاجز عن الكلام غيرك ورفع وشها ليه واكمل بحب عليكي عيون ممكن ابصلهم سنه ومش هزهق الوحيده اللي بتقدر تثبتني قدامها ب اي حركه او كلمه او نظره او اي حاجه ممكن تعملها وبصلها بحب واكمل عارفه يا منة زمان لما كنت بحبك ايام الجامعه وكنتي تتعبي شويه ايام عادتك وشك كان بيصفر وبيطلعلك حبوب كتير في جبينك وتحت عينك بيسود من التعب وكنت بكتشف ده منك انتي انما انا مباخدش بالي لما نبقي قاعدين ومركز علي ملامحك والاقيكي تضايقي وتقوليلي بص يا ادم رغم اني حطيت ميكاب بس وشي لسه مصفر والحبوب باينه وباين عليا اني باهته وتحت عيني اسود وتعبانه اوي وتبقي مفكره اني مركز مع ملامحك علشان شايف عيوب فيها او انك وحشه ومتغيره بس اللي متعرفيهوش اني ببقي في نفس اللحظه قاعد مركز في ملامحك وبقول انا مش مستوعب ان ربنا خلق حد بلجمال ده كله وفعلا هو مبدع سبحان الله وجعل فيكي كل الابداع وجعلك في عيني مبهره وجميله و الوحيده الحلوه ومشوفتش ولا هشوف في جمالها
منه بحب ودموع بجد بعشقك
ادم باس جبينها واكمل وانا اكتر بكتير يلا بقي نلبس
منه بحب عنيا خمس دقايق وطالعه ومسكت الدريس ودخلت الحمام
ادم بضحك بردو !!!! طب هو انتي هتقتنعي امتي اني جوزك وابو بنتك طيب
منه بضحك من جوه ده شئ وده شئ تاني خالص
ادم وهو بيلبس اكمل بضحك والله لو ركزتي هتلاقيها نفس الشئ وطبيعي بس ماشي ربنا يهديكي يا حبيبتي
منه طلعت واكملت اقفلي السوسته واتلم هاا
ادم بضحك هتلم حاضر بس لو متلمتش في اي حته برا متزعليش
منه بحده نعم يا حبيبي ولفتله واكملت يعني ايه هاا عرفني هتخوني يعني ولا ايه منا مش فاهمه ده والله لو فكرت اقتلك انت وهي بلمسدس
ادم بضحك بلمسدس كمان
منه ااااادم
ادم بضحك قلب ادم هو انا اقدر يا ام ساره بزمتك اللي يشوفك يعرف يبص برا وسيبك منك خالص انتي تعرفي عن تربيه جوزك كده ده انا بغيظك بس مش اكتر
منه برفعه حاجب اممم لما نشوف ولفت واكملت يلا
ادم حط شعرها علي جمب ورفع السوسته واكمل بحب رفعتها اهي خلاص ولبس قميصه وهي لفت وابتدت تقفله الزراير وعدلت اللايقه
ادم بحب تسلملي ايدك يا مزتي
منه بحب قلب مزتك يلا بقي اخلص يا ادم كل ده علشان ننزل
ادم وهو بيسرح شعره اكمل مش كفايه رجعتيني البس زي زمان وانا من يوم ماتعرفت مش بلبس غير بدل
منه برفعه حاجب لا يا حبيبي انت تلبس علي حسب مزاجي انا ماله الكاجول يعني ما قمر اهو انما جو البدل دي بحسك وزير الداخليه وانت ماشي
ادم وهو بيرش برفيوم اكمل بضحك وماله يا ام ساره نلبس علي مزاجك بلاش بدل خالص غير وانا نازل الشغل
منه بحب ايوه كده و مسكت برفيوم ورايحه ترش فادم مسك ايديها واكمل بتعملي ايه
منه بستغراب ايه بعمل ايه برش برفيوم
ادم شال البرفيوم مكانه واكمل وهو بيلبس الكوتش لا يا حبيبي ده تحطيه لما تكوني انتي وجوزك لوحدكم يعني للبيت بس انما تنزلي بيه لا
منه بضيق ليه وفيها ايه يعني
ادم بحده اممم ده احنا هنستعبط بقي ويبقي لازمته ايه الحجاب يا متعلمه يا فاهمه لما حضرتك بتتعطري وانتي نازله واللي رايح واللي جاي يشم البرفيوم بتاعك و يوصف جمال العطر اللي طالع منك ويبصلك نظره مش كويسه ساعتها هفرح بيكي انا مش كده ده غير الذمب اللي هتاخديه وكل ده من ازازه برفيوم ملهاش ستين لازمه
منه بدموع علي فكره انا مش قصدي اني الفت نظر حد يا ادم انا بحطها عادي
ادم قام مسح دموعها واكمل بحب ممكن تهدي انا يا قلبي بقولك كده علشان تفهمي ليه محبتش تنزلي بيها مش علشان تعيطي بصي يا منه هقولهالك صريحه انتي مراتي يعني مفيش بينا كسوف بس مش هتكلم عليكي علشان مش هقدر ادي بيكي مثال فهقول مثال عموما علي اي حد عادي بصي يا قلبي البرفيوم دي ريحتها جميله جداا بس في نفس الوقت مثيره جدا فا لو واحده حطت منها في البيت قدام جوزها مش مهم كده كده هي حلاله وبراحته انما برا البيت اي راجل هيشمها وتعجبه طبيعي هيشتهي الست اللي حطاها دي وهيبقي نفسه يقرب منها اكتر واظن انتي فاهمه قصدي وطلما الست عملت اي تصرف يجذب اي راجل غريب ليها بتاخد ذمب وبتبقي لابسه زيك محتشم عادي بس ازازه برفيوم بتضيع كل ده كانها لابسه عريان لان نظرته ليها بتبقي نفس النظره انه بيشتهيها فهمتي ??
منه حضنته واكملت انا اسفه يا ادم فعلا فاتتني خالص حقك عليا
ادم بحب من غير اعتذار يا قلبي خلاص محصلش حاجه وفي البيت حطي براحتك مش هقولك لا وباس ايديها واكمل بحب يلا بينا
منه بحب يلا
——————————————-
في بيت حاتم
شهد طلعت الصالون بعد ما غيرت واكملت ايه يا حبيبي مش ناوي تنام
حاتم بتنهيده ملك لسه نايمه
شهد قعدت جمبه واكملت اه من ساعه ما سالي نيمتها جيت حطيتها في اوضتها مصحيتش واكملت بستغراب بس ليه هو في حاجه عايز تتكلم فيها صح
حاتم بتنهيده كلها حزن تخيلي ان كمال كان هيموت ادم انهارده
شهد بصدمه ايييه كان هيموته ازاي يعني وانت عرفت منين
حااتم حط راسه علي رجل شهد وفرد جسمه علي الكنبه وهي بقيت تسمحله علي شعره فاكمل بتنهيده كلها وجع انهارده منة لما صحيت مخضوضه لما كانت قلقانه علي ادم كانت عندها حق طلعنا دورنا عليه فكل حته ملقيناهوش فا رامز قال نجيب الكاميرات ونشوف عملنا كده لقينا ان في حد غرز ابره في رقبته وخدوا في عربيه والراجل اللي عمل كده ده بدر دراع كمال اليمين فانا اعرفه
شهد فتحت عنيها بصدمه وشهقت واكملت يالهوي وبعدين حصل ايه لحقتوا ازاي
حاتم روحنا القسم واتصلنا بادم وعملنا تتبع للخط واثناء ماهما بيوصلوا للمكان انا كلمت كمال واتخانقت معاه والواطي الزباله بيهددني بيكي انتي وملك قولتله متقدرش تقربلهم وواجهني انا فضل يقولي روح جهز عزا ودفن لادم وهون علي بنت عمك لما تترمل وكلام كله سم وحقد ناحيه ادم
شهد بحده ودموع الحيوان قطع لسانه يخش هو اللي يغور ونرتاح منه
حاتم بتنهده هانت اوي يا شهد انا مش هسكتله تاني المهم فون ادم فصل لما كنا قربنا نوصل ومعرفناش نحدد الموقع فقسمنا نفسنا وقولنا اللي يلاقيه يكلم التاني ومنة لقيته كان متربط بجنزير وفي قنبله بتعد دقايق معدوده علي صدره
شهد بصدمه يانهااار اسود ده اتجنن حاتم ده .. ده كان هيموته بجد
حاتم بسخريه واومال بيهزر ده انسان زباله ومعندوش قلب اللي خلاه كان هيموتني انا وهز راسه بيأس واكمل منه صممت تفضل مع ادم وادم لما شافني نادي عليا بكل صوته وقالي خدها من هنا وامشوا بس قبل مادخل راحت قفلت الباب بتاع المستودع ده وقالتلي امشي هو فاضل دققتين وانا هموت معاه انا اترعبت وحاولت افتح الباب معرفتش روحت اناديهم بس اتاخرت ولحسن الحظ الحمدلله منه اتصرفت وقصت سلك من القنبله وقف مفعولها والا كانت بعد الشر هي وادم حصلهم حاجه دلوقتي
شهد بعياط وبحده كفاياك سكوت يا حاتم عرف ادم خليه يجيب حق اهله كفايه بقي كمال ظلمه كتير وجيه عليه ووجعه كتير اوي واخرهم كان هيموته لولا ستر ربنا وبصتله بوجع واكملت اللي قولتلك فكرني اقولهولك لما كنا في الطياره هو اللي هقوله دلوقتي انت عارف ان كمال عايش بفلوس وورث عمو سليم الله يرحمه
حاتم بصدمه انتي بتخرفي بتقولي ايه
شهد بعياط زي مابقولك ادم قالي كده ابوه كان غني جداا وليه فيلال واملاك وشركات بس لما توفي كل ده اتبخر وكانه لم يكن تقدر تقولي كل الفلوس دي راحت فين طلما هو مات وازاي مفيش جنيه واحد راح لابنه الوحيد واظن ظروفه الماديه اللي انت ومنة قللتوا منه بسببها اكبر دليل علي كلامي
حاتم بصدمه يا نهاار اسود ومنيل معقول الوساخه بيه وصلت لكده ??? منا بقول بردو ازاي ابن سليم الشافعي اكبر دكتور في مصر معهوش فلوس وفقير ?? انا من اول يوم شوفت ادم وعرفت اسمه ساعه المستشفي عرفت انه ابن سليم واستغربت اوي بعد كده لما عرفت مستواه بس مجاش في بالي ابداا ان كمال يكون بلبجاحه والوساخه دي يعني يبقي عايش بفلوس ابوه ويهينه ويذله
شهد انسان مقرف وزباله بجد وادم مش هيسكت يا حاتم هو اصلا طول السنين اللي فاتت بيدور علي اعداء لابوه وعايز يعرف مين قتل اهله
حااتم تنهد بحزن وقام جاب اللابتوب بتاع شغله مع كمال زمان وقعد جمب شهد وفتحه وكتب علي جوجل تاريخ وفاه الدكتور سليم الشافعي وظهرله التاريخ بصور سليم وساره
شهد بابتسامه حزينه شبه ادم بسم الله مشاء الله ومامته بردو جميله اوي ربنا يرحمهم
حاتم بتركيز تمام كده عرفت توفوا امتي وجاب سجل الشركه والاسهم بتاعت كمال واكمل بصدمه دكتور سليم ومراته ماتوا من 25 سنه بلظبط وفي الوقت ده بصي اسهم الشركه كانت في الارض بس بعد اسبوع من وفاتهم الايراد والاسهم عليت اوي فعلا
شهد بحزن وده بيفسرلك ان كمال وقف شركته علي رجلها من تاني وكبرها وجاب فيلال وصرف من فلوس سليم ابو ادم اللي هو ذله واهان كرامته
حاتم غمض عنيه بوجع واكمل وهو بيمرر ايديه في شعره ازاي كده بجد يخربيت القرف والبجاحه ومسك فونه واكمل انا هتصل بادم اقوله لما منة تنام يجيلي
شهد بحزن فعلا ده الصح كفايه قرف وظلم بقي ربنا ينتقم منه بجد
——————————————
عند ادم ومنه في المطعم
منه بضحك ميخصنيش هتغنيلي يعني هتغنيلي ناكل وهتغنيلي
ادم بضحك يا منة اتلمي الناس يا حبيبتي جوزك دلوقتي شخصيه مرموقه في المجتمع عيب
منة برفعه حاجب ليه هو انت هتتكسف تغني لمراتك وتعبر عن حبك ليها قدام الناس يا ادم
ادم بحب طب خلصي اكل ولما نقعد علي البحر نشوف موضوع الغنا ده
منه بضحك والله هتغني علشان انت صوتك قمر وساره طلعالك وضحكت واكملت عارف ساره حفظت اغنيه للاب علشان تبقي تقولهالك في اقرب مناسبه وبتغنيها سكررر وكيوت بجد
ادم بضحك دي قلب ابوها من جوه دي
منه بحب يلا وانت بتاكل فكر في كلمات مناسبه لاغنيه تليق بمنمن حبيبتك
ادم بضحك هو مفيش اغنيه اتعملت تليق بيكي يا عمري فبلاش غني خالص
منه بضحك لا يا راجل مبتثبتش بردو هتغني
ادم بضحك حاضر كلي بس ولقي فونه بيرن
منه بستغراب مين
ادم بص واكمل ده حاتم ورد واكمل ايه يا ابو ملك
حاتم ايه يا ادم بقولك منة صاحيه ولا نامت
ادم بضحك احنا برا يا حاتم سايبين ساره نايمه عند رامز وبنتعشا برا
حاتم بضحك اه رميتوا البت وبتعوضوا ايام زمان قبل ماتخلفوا بقي
ادم بضحك اه حاجه زي كده بس مقدرش ارميها دي قلب ابوها دي … بس بنت عمك بقي صممت نتعشا برا انهارده
حاتم بحب ربنا يسعدكم يا حبيبي بقولك اسمع ومتردش بكلام مفهوم علشان منة
ادم تمام
حااتم بتنهيده عايزك في موضوع مهم اسهر براحتك واتبسط مع مراتك وخلصوا خروجكم وتعالي انا مش هنام مستنيك بس تيجي يا ادم والافضل متعرفش منة حاجه علشان مش هتبلعها انت روح معاها ولما تنام انزل وتعالي وبعتلك اللوكيشن بتاع عنواني وقدام منه كاني بقولك ابقي تعالي اي يوم انت وهي عندي يعني ونسهر وكده علشان اكيد هتقولك في ايه
ادم بحب خلاص ماشي يا ابو ملك عنيا
حاتم بحب ماشي يا حبيبي سلام
ادم بحب سلام
منة بستغراب ماله حاتم عايز ايه
ادم وهو بياكلها اكمل ابدا ده بيقولي عايزك تيجي مره عندي انت ومنه ونسهر سوا وكده كلنا
منة وهي بتاكل منه اكملت بحب ياريت فعلا نبقي نروح مره يا ادم
ادم سرح وكان مشغول ب يتارا حاتم عايزه ليه
منه بستغراب ااادم انت معايا بقولك نبقي نروح مره
ادم بانتباه هاا اه يا قلبي معاكي عيوني حاضر
منه ابتسمت بحب وكملوا اكلهم بعدين راحو قعدوا قدام البحر وادم كان واخد منه في حضنه
منه بحب غنيلي بقي
ادم بضحك بردو مصممه
منه بحب اممم يلا
ادم بحب اغنيلك اغنيه ايوه بسببك قادر اكمل ?
منه بفرح دي روعه بعشقها غني يلا وحضنته وغمضت عنيها بارتياح في حضنه
ادم تنهد وضمها ليه وبدا يغنيلها بصوت مميز ورائع جداا اغنيه تعبر عن مدى حبه ليها ولما خلص ضمها اكتر وباس جبينها وهي دموعها نزلت بفرح واكملت بجد بموت فيك مش عارفه اوصف فرحتي
ولقيوا كل اللي كانوا قااعدين حواليهم بيسقفوا باعجاب شديد
منه اتفاجئت واكملت بفرح الحق وفضلت تضحك
ادم ضحك واكمل بحب شكرا شكرا جداا وهمس بضحك لمنه اتفضحنا كله كان مركز معانا اظن كده اتبسطي وفرحانه واني عبرت عن حبي لمراتي قدام الناس
منه بضحك فوق ماتتخيل
بنت حضرتك دكتور ادم مش كده
ادم بابتسامه ايوه انا اتفضلي
البنت ممكن صوره مع حضرتك
منه برفعه حاجب افندم
ادم بهمس هشش اسكتي خالص وبص للبنت واكمل بابتسامه اكيد اتفضلي
منه برفعه حاجب لا والله ورايحه تمشي شدها واكمل بهمس حاد اتهدي واهمدي ميصحش كده
البنت لمنه ممكن حضرتك تصورينا
منه بغيره نعم اعمل ايه ياختي ??
ادم بص لمنه بحده واكمل بضحك للبنت ممكن سيلفي عادي وهتبقي اجمل
منه بحده هي ايه دي اللي هتبقي اجمل انت اتجننت ولا ايه مين دي اصلا
البنت بابتسامه حضرتك انا في كليه الطب وادي الكارنيه بتاعي واديته لادم واكملت بحب ونفسي جداا اكمل واوصل زي الدكتور ومتابعه كل اخباره علي السوشيال وبشوف كل تكريم ليه وهو بلنسبالي مثال وقدوه اقتدي بيه خصوصا لما حكي عن حكايته ورحلته الصعبه في لقاء قبل كده في امريكا لان صعب اي حد مر بظروفه انه يوصل كده بس هو وصل وانا حاليا لسه في تانيه طب بس عندي امل احقق ولو جزء بسيط من انجازات حضرتك في الجراحه واتمني ساعتها تسلمني انت شاهدتي بنفسك بجد يابختك بيه يا مدام انت خدتي فارس احلامي انا وبنات كتير ده بسم الله مشاء الله ادب واخلاق وجمال وكاريزما وجراح معروف كمان
ادم ابتسم واكمل كلامك ده شرف ليا بجد واتمني في يوم اسلمك شهادتك يا دكتوره وتكوني ساعتها احسن مني كمان
منه بصتلها واكملت بحده لا وعلي ايه هو انتي خليتي فيها مدام ولا زفت بعد كل المدح ده ماتخديه بلحضن بلمره علشان فارس احلامك ميصحش تبقي صوره بس ولا نظرات بس لالا اعملي اكتر من كده اقولك اطلعوا علي المأذون
ادم بهمس حااد الله يخربيت اهلك بتقولي اييه اخرصي خالص مسمعش حسك
البنت بابتسامه انا مقصدش اخليكي تغيري بعتذر بس انا بتكلم بتلقائيه
منه بحده تلقائيه اه دي كده تبقي مصيبه اكبر انك تبصي لواحد واقف مع مراته بلنظرات دي ومتجمعيش كلام وتقولي كل المدح ده بتلقائيه معناه انه كلام مش مترتب وطالع من قلبك
البنت بابتسامه طب ما ده حقيقي هو انا كنت هعرف منين اني هقابل الدكتور فعلا كلامي طالع من قلبي
منه بحده هو انتي مش واخده بالك ان الحيوانه مرات الدكتور واقفه ولا ايه?? ولا انا اباجوره جمبه واخدني معاه منظر منا مش فاهمه بردو بقولك ايه يا بت انتي .. انتي تغوري من وشي حالا وولا صور ولا زفت
ادم بصلها بحده واكمل منة ممكن تهدي يا حبيبتي عيب ميصحش كده وبص للبنت واكمل امسكي الكارنيه بتاعك يا قمر ويلا اتصوري الصوره بسرعه من فضلك متزعليش منها هي بس بتغير شويه
منه شقهت واكملت بعصبيه قمر في عينك انت وهي … هي حصلت بتعااااكسهاا قدامي يا ادم طبعااا منا مش ماليه عينك لو كنت عاملي احترام مكنتش قولت كده اوعي كده خليهالك اشبع بيها وايااك تيجي ورايا انت فااااهم ورايحه تمشي مسك ايديها وحط الكارنيه قدام عنيها واكمل بحده ميمشيش معااكي انها اسمها قمرر
قمر بضحك مش معقوله بجد انتي غيوره جداا
منه اتحرجت واكملت بحده حتي لو قولها يا انسه متقولش قمر انت تغازلها لييه
ادم بس انا مش بغاازلها يا مدام يا محترمه ياللي عارفه جوزك كويس وواثقه فيه انا مبحطش عيني في عين اي ست انا قولت اسمها عادي كنت اربع سنين مسافر مرفعتش عيني لواحده مش لاني بس بحترمك لانه بردو حرام هاجي اعملها دلوقتي وانتي جمبي ??
منة بغيره متقولش اسمها طلما هو بيتغاازل بيه قولهااا يا انسه يا دكتوره اي زفت
قمر بضحك تشكري
منه بحده انتي تسكتي خالص علشان انا مش طيقاكي
قمر بابتسامه المهم انك صريحه
منه بعصبيه اااادم البنت دي وطتلي ضغطي يللااا نمشي حالا وبجد لو اتصورت معاها
ادم اه بتهدديني يعني ?? هو المفروض ابقي قليل ذوق علشان حضرتك متغيريش
منه برفعه حاجب بقي كده طيب يا ادم تمام مش انت شايف كده خلاص
قمر رفعت الفون ووقفت جمبه وابتسمت وهو وقف معاها في الصوره ومنه بصتلها بغيره وعنيها دمعت ورايحه تمشي مسك ايديها وهو باصص للشاشه وبيضحك مع قمر وصورت واكمل بفرح شكرااا لحضرتك جدااا
ادم بابتسامه العفو
قمر بابتسامه يلا باي يا مدام
منه بضيق في داهيه
ادم بتمثيل ضحك معلش هي منه كده بتحب تهزر
قمر بضحك لا عادي ولا يهمك وبصت لمنه واكملت بضحك خلي بالك منه مصر والدنيا كلها محتاجاه وانا عايزه اتكرم وهو بنفسه يديني شهادتي
منه بابتسامه بارده تصدقي لولا توصيتك ليا علي جوزي وابو بنتي كنت هطبخه بكره علي الغدا .. شكراا انك نبهتيني اخلي بالي منه اصل انا ادركت اهميته في حياتنا بعد كلامك
ادم بصلها وهو بيحاول يكتم ضحكه فاكملت قمر بضحك مش معقول بجد دمك خفيف
منه بابتسامه بارده اممم كتير قالي كده عقبالك اصل خفه الدم والقبول مش بلعافيه دول من عند ربنا كده
ادم بحده منة خلاص قولت عيب
منه بصتله برفعه حاجب وسكتت
قمر بابتسامه عموما اتمني اشوفكم تاني باي
ادم بابتسامه باي
منه شدت ايديها منه وخرجت ركبت العربيه وقفلت الباب برزع وهو ركب جمبها واكمل بضحك براحه بروح امك العربيه جديده لسه جايبها
منه بضيق بسرعه علشان عايزه اروح اتخمد يا ادم
ادم بضحك الله تتخمدي !!! وانا اللي فكرت السهره طويله
منه امممم ده عشم ابليس في الجنه بلظبط
ادم بضحك كل ده علشان صوره سيلفي اومال لو خليتك صورتينا كان حصل ايه
منه اممم عارف مسلسل سفاح الجيزه ?
ادم فضل يضحك واكمل لا معرفوش ومش عايز اعرفه
منه اممم تبقي فهمت ياروحي
ادم وقف واكمل ثواني وجايلك
منه فضلت سرحانه في الطريق ودموعها نزلت بغيره
ودقايق وادم دخل وهو معاه بوكيه ورد واكمل بحب علشان اميره قلبي مينفعش تزعل واليوم يختم بنكد باس ايديها واكمل بضحك حقك عليا علي اللي زعلك مني اللي انا والله معرفوش بس اتعودت اخدك علي قد عقلك علشان مش بحبك تزعلي مني اي ان كان وضحك
منه بدموع لا والله وانت لما تقف تتصور معاها وتقولها يا قمر مفروض انا مغيرش وبعدين هو انا كنت خالصه منهم لما كنت مش معروف علشان الموضوع يزيد لما اتعرفت
ادم بحب مسح دموعها واكمل بصي يا قلبي انا ندهتها باسمها والله مش في نيتي اي حاجه تاني حاجه والاهم مينفعش ابقي دكتور معروف وطالبه واخداني قدوه اقولها لا مش هتصو معاكي اصل مراتي بتغير دي قله ادب وقله ذوق ومش معني اني اتصورت معاها يبقي مش بحبك ومش بحترمك وعيني زايغه وكل الهبل اللي جيه في دماغك ده لان حبي ليكي مالوش علاقه بأي حاجه تاني في حياتي انتي مميزه وفي ركن لوحدك ثالثا بقي انتي مضايقه علشان بقيت معروف ??
منه بدموع اكيد لا طبعا انا نفسي ربنا يعليك اكتر واكتر بس انا بغير اوي وده من زمان فاهم انا مش بحب حد يشاركني فيك
ادم باس خدها ومسح دموعها واكمل بحب محدش يقدر في الدنيا كلها يشاركك فيا وضحك واكمل الا سوسا
منه ضحكت واكملت بحب سوسا ماشي دي حته مني دي بس بردو بادبها انما شغل جوزي وحرقه الدم ده لا
ادم بضحك لا ماهتتجوز سولي خلاص وابتسم بحب واكمل مش عايز اشوف الدموع الحلوه دي تاني وكفاياكي غيره في الشارع علشان بتحلوي وغمز واكمل بضحك ومش مسئول عن رده فعلي هنتمسك اداب بفعل فاضح في الطريق العام
منه بضحك اتلم واطلع يا ادم يلا عايزه اروح ومسكت الورد واكملت بحب شكرا علي جمال اليوم والاغنيه والورد اقولك حاجه … شكرا انك في حياتي اصلا
ادم رفع ايديها باسها واكمل بحب من غير شكر ده واجبي وانا هفضل في حياتك كده كده
وبعد شويه وصلوا البيت
منه وهي بتقعد علي الكنبه اكملت بتعب ياربي يوم مرهق اوي واتاوبت واكملت هموت وانام بجد يوم كانت احداثه غريبه اوي ومرينا فيه بكل المشاعر قلق من عمليتي ودموع وخوف بعدين القنبله وقلق اكبر ورعب ورومانسيه وغيره وحب مشاء الله محرمتنيش من حاجه انهارده وضحكت
ادم بضحك وهو بيفك زراير قميصه اكمل بغمز ولسه بقي مسك الختام بتاع اليوم
منه بضحك ادم اتلم هاا انا هموت وانام
ادم قلع قميصه و شالها بين ايديه واكمل بحب وهمس ولو قولتلك انك واحشتيني اوي
منه بصتله بحب واكملت هو انا امتي عرفت افرض رايي اصلا
ادم بضحك بس عامله فيها جامده
منه حطت ايديها حوالين رقبته واكملت بحب مع الكل الا انت مبعرفش اجمد بصراحه ولا اتنك ولا اي حاجه ليها علاقه بلتقل ومش شيفاها قله كرامه او اني دايما موافقاك فكل حاجه علي قد مانا بتصرف بطيبعتي قدامك لاني عارفه وواثقه ان ادم فاهم اللي جوايا ومش من الرجاله اللي تقولك لا انا احب البنت الصعبه التقيله قدامي … لا منه مش تقيله وبتقوله انها بتموت فيه ليل نهار وهو مش بيتغير وعاجبه وفاهمها صح
ادم بحب انتي مميزاتك كتير بس دي من اكتر الحاجات اللي بتشدني فيكي طبيعتك وتلقائيتك وعدم تصنعك قدامي
منه بصتله بحب وهمست بحبك
ادم بحب وانا اكتر وقرب باسها بحب وهي تجاوبت معاه وبدلته المشاعر
بعد شويه ادم نايم عاري الصدر ومنه سانده راسها علي صدره ونايمه وهو بيمشي ايديه علي شعرها بحب
ادم منة .. حبيبي انتي صاحيه ?? وهمس كويس انك نمتي وقام براحه من جمبها وباس راسها بحب وغطاها كويس وراح خد شاور ولبس قميص وبنطلون ونزل ركب عربيته ومشي
بعد شويه في بيت حاتم الباب خبط
شهد ايوه حاضر وفتحت واكملت بابتسامه اتفضل يا ادم
ادم بابتسامه تسلمي ودخل واكمل فين حاتم
حاتم انا اهو تعالي يا ادم
ادم راح قعد قدامه واكمل بتنيهده خير يا حاتم قلقتني عايزني في ايه وليه مش عايز منه تعرف
شهد طب اسيبكم براحتكم
ادم يابنتي خليكي في ايه للدرجه دي
حاتم بتنهيده حزينه هي عايزه تدخل جوه لان دي حاجه تخص حياتك انت
ادم بستغراب حاجه تخص حياتي !!! لالا خليكي يا شهد انتي زي سالي واما جوزك يعرف فيها ايه يعني اقعدي
شهد قعدت بحزن فاكمل حاتم بتنهيده انا سبق وقولتلك هيجي يوم تعرف اني معاك مش عليك
ادم بقلق هو في ايه يا حاتم
حاتم بتنهيده حزينه مش عشت طول عمرك تدور علي اللي قتل اهلك ويتمك ??
ادم اتصدم واكمل بوجع وانت .. انت عرفت الكلام ده منين واصلا محدش غيري مصدق انهم اتقتلوا شهد قالتلك يعني او منه ??
حاتم بحزن لا يا ادم انا عرفت من نفسي ومن زمان اوي مش من شهد ولا من منة ومسك ايديه طبطب عليها واكمل بحزن هساعدك تجيب حقك بس عايزك تجمد وتتصرف بحكمه زي عادتك
ادم بصله بوجع واكمل بخوف عرفته صح ?? قولي انك عرفته ?? ودموعه نزلت واكمل بوجع ودموع والله يا حاتم وغلاوه مراتي وبنتي مش هسنالك المعروف ده ابداا بس قولي مين
حاتم بتنهيده حزينه اهدي طيب وطبطب عليه واكمل هقولك طبعا اومال انا جايبك ليه دلوقتي بس اتصرف بعقل بلاش عصبيتك تخسرك كل حاجه وبلاش تاخد غلطه الشخص ده بذمب حد تاني بريئ مالوش علاقه ابدا ومختارش نصيبه (( كان يقصد منة لما ادم يعرف ان ابوها اللي عمل كده))
ادم بدموع وخوف حاتم انت وترتني اوي في ايه ارجوك قول مره واحده هيكون مين يعني ومين اللي مخدهوش بذمبه انطق وريحني انا قلبي واجعني اوي انت متعرفش هتريحني ازاي لما تقوله لاني هبدا انفذ وعد وعدته لابويا وامي من زمان اوي اني هجيب حقهم وعشت عمري كله انا الوحيد اللي واثق انهم اتقتلوا فقولي مين اللي قتلهم وانا مش هنسهالك ابداا
حاتم تنهد بوجع واكمل كمال الشريف
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
