رواية حب بالصدفه الفصل الثالث عشر 13 بقلم ملك ناصر
رواية حب بالصدفه الجزء الثالث عشر
رواية حب بالصدفه البارت الثالث عشر
رواية حب بالصدفه الحلقة الثالثة عشر
دارين بصوت واطي: اخوكي طلع راجل ميفو..
لميس بغباء: ايه ميفو دى يابت بيبيع سندوتشات جبنه فينو يعني ولا ايه..
دارين بصتلها لحظه بصه غباء وبعدين اتكلمت: يا لميس ركزي معايا اخوكي تاجر ممن.وعات ما.فيا يعني فهمتي؟
&&بعد خمس دقايق من الضحك..
دارين مربعه اديها وبتبصلها بغيظ: انتي بتضحكي على ايه دلوقتي شكلك انتي كمان معاه والله..
لميس بضحك هستيري: هههههه مش قادرة همووت ههههههه
دارين بغضب: لميس انا مش بهزر..
لميس حاولت توقف ضحك: احم خلاص خلاص والله بس قولي كلام يعقل يعني تيجي تقوليلي اخوكي تبع رجال الما.فيا وعايزاني اعمل ايه يعني اقعد اعيط جمبك دانتي غريبة جدا..
دارين: انا سمعته بودني يا لميس سمعته بودني وهو بيتكلم في التليفون امبارح بليا كان بيقول البضاعه وصلت والشجنه والاطفال وحاجات غريبة كده ده معناه ايه بقا فاتح حضانه مثلا..
لميس اتكلمت بجدية: بصي يا حبيبتي هو مفيش غير حلين الحل الاول انك كان بيتهقلك او بتحلمي الحل التاني بقا انك فهمتي غلط ومفيش منو الكلام ده.. وكملت بضحك.. هههه كنان ملقتيش غير كنان اخويا تقولي عليه كده ده مش بيق.تل النمله..
دارين قامت وقفت بضيق: خلاص يا لميس براحتك متصدقيش.. وقامت من جمبها وراحت قعدت لوحدها..
سيف جه وقعد جمبها: مالك يا دري.. زعلانه ليه..
دارين بأبتسامه: انت عارف اني بحب اسم دري ده اوي ماما وبابا كانوا بيدلعوني بيه..
سيف باستغراب: كانوا؟؟
دارين بحزن: الله يرحمهم..
سيف فهم واتأثر بكلامها: الله يرحمهم
في الوقت ده كانت في عيون بتراقبهم وصورتهم صورة الاتنين وابتسمت بخبث ومشيت (يا ترى مين العيون دي؟!)
»»»»»»»»»»»»»»
في مكان تاني»»
كانوا قاعدين مع بعض بيفطروا في مطعم..
فراس: عايزك تحكيلي عن نفسك شوية يا…. اه صح مش ناوية تقوليلي اسمك؟
ابتسمت بهدوء واتكلمت: هَزال..
فراس باستغراب: هَزال؟! اسمك غريب اوي..
هزال بابتسامه: مامتي من اصول تركية وهي اللي سمتني بالاسم ده..
فراس:اسمك مميز..
هزال بثقه وهي بتاكل: عارفة..
فراس بهيام: اسمك مميز زيك..
هزال اتكسفت وسكتت..
فراس مسك اديها الصغيره بين ايده: هزال.. انا.. انا حاسس اني معجب بيكي..
هزال اتصدمت واتكسفت جدا ووطت راسها..
فراس: مش هتقولي حاجه
هزال شالت اديها بهدوء واتكلمت بخجل: وانا كمان..
فراس بفرحه وهيام لتلك الجميله اللي خفطفت قلبة من اول مره فهو مش معجب بها بل متيم بها وبكل تفاصيلها..
فراس: وانتي كمان ايه..
هزال: مبسوطة معاك حاسه اني مش عايزة ابعد عنك بحس بالامان وانا معاك يا فراس.. بس..
فراس بقلق: بس ايه
هزال: خايفة تبعد عني لو عرفت حقيقتي..
فراس حس بقبضة في قلبه: انا مستحيل ابعد عنك مهما كان السبب.. بس ده ميمنعش اني عايز اعرف عنك كل حاجه.. وليه اول مره شوفتك فيها كنتي بتعيطي..
هزال بحزن: انا هحكيلك… وبدأت تحكيلوا كل حاجه..
هزال: ماما كانت عايشة في تركيا زي ما قولتلك اصولها تركي.. وبابا كان مصري بس كان عايش في تركية فتره مش كبيره اوي.. شاف ماما في يوم وحبها او المفروض يعني حبها ده اللي اوهمها بيه.. هو كان عايز يتجوزها علشان ياخد
الجنسية التركية وعلشان ماما كانت جميلة اوي هو حب جمالها مش حبها هي.. واتنهدت بحزن.. بس ماما فهمت ده غلط وللاسف حبته اوي واعترفتلوا بده وبابا ما صدق بس شرط علشان يتجوزها تيجي معاها مصر هنا يعني.. وفعلا
هي سابت اهلها علشانه ونزلت معاه مصر واتجوزوا وكنا عايشين مع جدتي مامت باباه كانت ست وحشة اوي.. بجد وحشة كانت مطلعه عين ماما وكانت بتستغل انها مش بتفهم كلامها وتشتمها وتتريق عليها اودام الناس.. وبابا كان سمحلها بده ومش بيتكلم.. لحد ما ماما حملت فيا وجبتني واول ما
جدتي عرفت اني بنت قومت قيامه وسخنت بابا على ماما بتفكيرها المريض مع ان بابا مكنش فارق معاه بس طبعا كلام جدتي اصر عليه.. وبعد ما كانت ماما بس اللي بتضرب وتتهان بقيت انا وماما لما كان عندي خمس سنين ماما حملت تاني بس للاسف الحمل مكملش بس ضرب بابا ليها وزعلها المستمر وسق.تت ساعتها مقدرتش تستحمل اكتر من كده خدتني
وهربنا خدت الفلوس بتاعتها من بنك مكنوش كتير يدوب يكفوا تذكرتين لتركيا وسافرت لأهلها وانا معاها وعشنا هناك سبعتاشر سنه لحد ما خلصت تعليم وكل الفتره دي كنا قاعدين عند خالو ومراته خالو كان حنين عليا اكتر من بابا ومرات خالو كانت بنت طيبة اوي وكانت صغيره وبتحبنا..
بعد كده نزلنا مصر بقا بعد اصرار ماما مع اني مكنتش عايزة اجى هنا ابدا نزلنا وكنا معانا فلوس لان ماما رجعت اشتغلت بشهادتها وكمان خدت فلوس من ورث باباها وانا كمان كنت بشتغل خدنا شقة هنا وعشنا عادي بس مكنتش مرتاحه مكنتش حاسة ان ده مكاني.. لحد ما في يوم زميلي في الشغل كنت معجبه بيه..
فراس بمقاطعه وغيره: اييه؟
هزال: كنت معجبه بيه وهو فهمني انه كمان معجب بيا للاسف كنت مغفله زي ماما بالظبط مع اني كنت متعقده من الرجاله كلهم وكنت كارهه فكره الجواز بس مش عارفة حسيت باعجاب ناحيه الشخص ده وارتبطنا فتره حبيت
اهتمامه بيا وكلامه معايا بس بعد كده اكتشفت اني محبتوش هو.. المهم.. في يوم كنا خارجين وانا كنت مفكره انه انه هيطلب ايدي للجواز بس اتصدمت لما روحت المكان ده ولقيته قاعد بكل برود وفي لحظه قالي..
فلاش باك&&
عز: انا مش قادر اكمل..
هزال بصدمه: ايه؟
عز: زي ما بقولك انا مش مرتاح معاكي ومش بحبك
هزال بدموع: ل. ليه انا عملت ايه
عز ببرود متجاهل مشاعرها وقلبها اللي صوت كسره كاد يكون مسموع: معملتيش بس انا مش بحبك هو الحب بالغصب ولا ايه..
هزال بغضب: اومال قولتلي انك بتحبني ليه.. علقتني بيك ليه ادمت مش بتحبني ليييه..
جت بنت من وراه وحطت اديها على كتفه بمياعه: مخلاص بقا يا حبيبتي ما قالك مش بيحبك الله كنتي فتره في حياته وعدت..
هزال: انتي مين..
عز ببرود وهو بيبوس ايد البنت: دي حبيبتي وقريب اوي هتكون خطيبتي دي البنت اللي بجد حبيتها..
هزال بصدمه وقهر: ليه فيها ايه زياده عني
عز: تؤ تؤ فيها كتييير انتي مش شايفة لبسك عامل ازاي ولا اسلوبك معايا.. دانتي حته مكنتيش بتحسسيني بأهتمامك بيا.. غير كل ده انا حبيتها هي وعمري ما حبيتك كنتي فتره في حياتي وعدت..
البنت: يالا بقا يا حبيبتي علشان ورانا مشوار انا وحبيبي ومش عايزين نتأخر..
باك&&
هزال والدموع متعلقه في عنيها: قالها بكل جراءه وبجاحه وسبني ومشي..
فراس: هو ده اليوم اللي شوفتك فيه اول مره..
هزال هزت راسها بأجاب..
فراس: لسه بتحبيه..
هزال بسرعه: لاا.. صدقني لا ابدا انا اصلا محبتوش من الاول كان بس مجرد اعجاب بشخصيته واهتمامه بيا مش اكتر كان شخص عادي جدا في حياتي محستش معاه زي ما حسيت معاك بالامان والراحه كنت احيانا بخاف منه بس.. بس انت لا..
فراس مسك اديها واتكلم بحنان: هعوضك عن كل ده يا حبيبتي..
هزال قلبها دق عند كلمه حبيبتي..
هزال: مش هنروح بقا..
في مكان تاني»»
: مراقبها..
: خطوه بخطوه يا باشا…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب بالصدفه)
