رواية حبي الفاخر الفصل السابع عشر 17 بقلم أسماء عبدالموجود
رواية حبي الفاخر البارت السابع عشر
رواية حبي الفاخر الجزء السابع عشر
رواية حبي الفاخر الحلقة السابعة عشر
جاء الصباح وذهب الجميع الى المستشفى يطمئن على ” تالا” بعد ان خرجت من «غرفه العنايه» الى غرفه عاديه
دلف الجميع الى الغرفه بعد ان علموا انها بدات تستعيد الوعي وقف عمر بجانب تالا وازال جهاز التنفس قائلا: تالا انتي شايفاني
رمقته تالا باستغراب قائله: انا فين؟
اقترب محمود وجلس بجوارها قائلا: تالا حبيبتي أنتي كويسه
دفعتها تالا بيدها قائله: أنت مين
وقف محمود بصدمه قائلا: أنا جوزك مش فاكراني
« ماما فين» قالتها تالا وهي تحاول النهوض
اقتربت الممرضه لمساعدتها على النهوض ووضعت خلفها الوساده وخرجت الممرضه
دلفت والدتها قائله بذعر: بنتي عملتوا فيها إيه!
زفرت جليله قائلة: مش وقته الكلام ده يا زينات المهم نطمن عليها
جلست زينات بجانب ابنتها محتضنا راسها قائله: أنا بنتي هتخرج من المستشفى دي معايا لبيتي
اقترب محمود من زينات وامسك يدها قائلا برجاء: حماتي ارجوكي مش هقدر انها تبعد عني ابدا
« كفايه اللي حصل لبنتي وزي ما دخلنا بالمعروف نخرج بالمعروف » قالتها زينات وهي تبعد يدها
«اهدي يا ست زينات الكلام اخده وعطا » قالها حسين وهو يقف من المقعد ثم نظر الى عمر واكمل قائلا: عمر هتقدر تخرج النهارده
نظر عمر الى التحاليل قائلا: ايوه يا عمي بس لازم راحه
« حماتي يبقى تعالي عيشي معنا عشان تطمني على بنتك او لو حابه اخدها نعيش في بيت لوحدنا موافق » قالها محمود برجاء
نظرت زينات الى العائله قائله: أنا مش انانيه عشان ابعدك عن اهلك هجيب هدومي واجي القصر ،، ثم نظرت الى تالا قائله: ده جوزك يا حبيبتي روحي معاه
هزت تالا راسها واشارت الى محمود قائله: ده جوزي يا ماما
امسك محمود يدها وقبلها قائلا: ايوه يا حبيبتي جوزك حبيبك
وضعت زينات يدها على كتف تالا قائله: ايوه يا حبيبتي انا هجيب هدومي واجي اقعد معاكي ،، ثم نظرت الى جليله واكملت قائله: ولا عندك راي تاني يا ست جليله
«طبعا تنوري» قالتها جليله في ترحيب
•••
بعد انا انتهت اجراءات الخروج عدا الجميع الى القصر وبعد وقت جاءت زينات وهي تحمل حقيبه كبيره دلفت زينات الى القصر وخلفها مصطفى يحمل الحقيبه وقف مصطفى قائلا: اودي الشنطه دي فين يا ست جليله ،،
وقبل ان تنطق جليله صرخت زينات به قائله: أنت غبي .. غرفه بنتي الهانم تالا
نظر مصطفى الى جليله قائلا: اطلعها يا هانم
« كيف في غرف ما ينفعش تنام ازاي مع زوجين » قالتها جليله باستغراب
جلست زينات بجوار ابنتها بالمقعد قائله: ما هو ابنك مش هيقرب من بنتي غير لما ترجع لها الذاكره
« كيف الكلام ده » قالها كمال بصدمه
وقفت زينات ونظرت الى محمود قائله: انا هاخد بنتي
،، واقتربت من ابنتها وامسكت يدها واكملت قائله: شكل جوزك مالوش كلمه
اقترب محمود مسرعا من حماته قائلا: اعملي اللي تحبيه انا هنام في اي غرفه بس بلاش تبعدي تالا عني
همهمت زينات قائله: طيب يلا يا بنتي عشان ترتاحي
وبعد ان صعدوا اقتربت جليله من ابنها قائله: أنت اتجننت ازاي تعيش معاكم
زفر محمود بغضب قائلا: امه بعد اذنك ممكن ما حدش يدخل في الموضوع
صرخ به حسين قائلا: محمود كلم امك باحترام ازاي ماحدش يدخل في الموضوع من حقنا ندخل ولا احنا موتنا
اقترب ‘علي’ من والده وقبل يده قائلا: بعد الشر عليكم يابا محمود بس زعلان على مراته
ذهب حسين بغضب وذهبت خلفه جليله
“طول عمرك بتعمل اللي بتحبه يا اخويا لكن لا انا لما اعمل حاجه الكل يقف ضدي” قالها محمود بغضب
وبهذا الوقت دلف ‘عمر’ اقترب من يارا قائلا: فين ساره ؟
“فوق نايمه” قالتها يارا بهدوء
” نايمه ليه انت مش قلت انها كويسه” قالها عمر باستغراب
“ما تقلقش هي بس تعبانه شويه واغمى عليها من اللي حصل” قالتها مليكه حتى يطمئن
لكن التفت ‘عمر ‘ واقترب من محمود وامسكه من الجلباب بيده قائلا: عملت ايه لاختي
دفع محمود يده قائلا: لما مراتي ترجع لها الذاكره واختك لو كان ليها يد هاخد حقي منها بالقانون
” لا انت تغيرت يا محمود..انا رايح اشوف عمك احسن مرارتي تتفقع” قالتها فاطمه بضيق وذهبت
صرخأ به عمر بغضب :حاول انك تقرب منها وانا ادفنك
رفع محمود يده يلكمه لكن امسك عمر يده والكمه قائلا: دي بسبب اللي عملته لاختي
اقترب محمود وقبل ان يلكمه دفعه ‘علي’ بعيدا قائلا: خلاص يا محمود اطلع اطمن على مراتك
صعد محمود وهو يستحلف لعمر قائلا: هتاخد الضربه دي بس اصبر،، وصعد خلفه عمر ليرى شقيقته دلفه الى غرفتها وجدها نائمه قبل جبهتها وخرج الى غرفه الرياضه لكي يخرج غضبه
—————————————————————-
ميرا
روحت انا وحسام زياره لمليكه ركن العربيه جنب القصر بعد ما قالنا البواب ودخلنا احنا وماسكين اكلات عملتها خالتو :سلمى’ دخلنا لقيناها قاعده بالصالون هي وواحده معها وعلي واقف اول ما شافنا ‘علي’ رحب بينا قعدت جنب مليكه حسام بعد ما سلم على اخته قعد على الانتريه اللي قصادنا
مليكه: احب اعرفكم على يارا حسين الهواري
ابتسمت وقلت: اهلا يا يارا
حسام: اهلا يا انسه اتشرفنا
يارا: شكرا الشرف ليا
شاورت مليكه على حسام وقالت: ده اخويا دكتور حسام ،، بعدين شاورت عليا وقالت: ودي بقى ميرا بنت خالتي وصاحبتي
يارا: اهلا نورتوا .. اسيبكم واشوف ساره عن اذنكم
مليكه لو صحيت قولي لي
مشيت يارا وقالت: حاضر
علي: طيب خدوا راحتكم انا خارج بره عندي مشوار
مشي علي واتكلم حسام وقال: عامله ايه؟
مليكه: والله البيت ده بقي مشاكل بسبب اللي اسمها تالا
-: تالا مين دي
مليكه: دي حكايتها حكايه واحده مغروره ومرات محمود اخو علي
وفضلت تحكي لنا على كل اللي حصل معها
حسام: شكلها حربايه البيت بقى
-: بس انا مش مستريح لموضوع وقعت.. يعني مثلا ساره دي هتوقعها ليه وتالا دي شفتها يوم فرحك مش معقول تكون ضعيفه وماتحاولش تدافع عن نفسها وتمسك في حاجه قبل ما تقع وخصوص السلم تقدر تسند عليه
مليكه: مش هسكت غير ما اعرف الحقيقه
حسام: المهم شغلك بكره اول يوم ليكي
-: صحيح عملتي ايه؟
مليكه: لسه قلت له يقول للعيلة يا اما مش ههتم بابنه وهددته بالتسجيل
وقف حسام وقال: طب يلا بينا احنا
مسكت مليكه ايدي وقالت: لا ارجع انت محتاج ميرا شويه وهيوصلها مصطفى بالعربيه
حسام: طيب بلاش تتاخر
مشي حسام وطلعنا انا ومليكه جناحها ومر الوقت واحنا وبنتكلم حضنتها وقلت: طيب عن اذنك بقى نشوف بعض في المستشفى
مليكه: اطلبي من مصطفى او حسين وانت عارفاهم يوصلوكي
ضحكت وقلت: اللي كانوا بيخطفوكي
مليكه: اه يا اختي
-: طيب باي
خرجت من الجناح ونزلت لكن سمعت صوت جاي من تحت السلم قربت من المكان وانا بتلفت حواليا لقيت الصوت بيزيد قربت الغرفه ومسكت اوكرت الباب وفتحت ايد سحبتني لجوه وقفلت البيت وحوطتني ورا الباب وقال: مين انتي
زقتيه بعيد وقلت: أنت اللي مين؟ انا سمعت صوت جاي من هنا وكنت عايزه اعرف ايه
استند على الحيطه وقال: ميرا
استغربت وقلت: عمر
وقف في اضاءه من الشباك وبدا يلعب على كيس الملاكمه
-: عرفت منين اني انا
وقف لعبه وبص لي وقال: ما اعرفش كنتي على بالي حسيت انك موجوده هنا
-: حست ازاي
اخد فوطه صغيره ومسح وشه وقال: انتي لسه جايه
-: لا من شويه وماشيه دلوقتي
عمر: طيب استني 10 دقائق اخد دش واوصلك
-:لا عم مصطفى هيوصلني
عمر:مصطفى مين
-:مصطفى اللي شغال عندكم
عمر: لا زمانه مشغول في الارض انتظري في الجنينه 10 دقائق واوصلك
-: تمام
خرجت من الغرفه اتخضيت من واحده كانت طالعه على السلم وقفت وبصت لي وقالت: مين انت وبتعملي ايه هنا
حطيت ايدي على قلبي وقلت: انا ميرا بنت خالت مليكه مرات علي
هزت راسها ونزلت من السلم وهي بتبص لي من تحت لفوق وقفت قدامي وقالت: وبتعمل ايه في الغرفه دي
-: هو حضرتك محققه
٠٠: لما اسالك تجاوبي وتردي باحترام
-: وانا مش بردح عشان تقولي اكلمك باحترام .. اما عن الرد فانا حره
رفعت ايدها وقبل ما امسكها مسكها عمر وقال: في ايه يا مدام زينات
زينات: البيئه دي بتكلمني بطريقه وحشه
-: ياوليه اختشي وعيب على سنك وشعرك الابيض
نزل عمر ايدها وقال: حصل ايه عشان ترفعي ايدك عليها دي ضيفه عندنا يا مدام زينات
-: وانا ما غلطتش يا عمر انا بكلمها باحترام تقول لي كلميني باحترام
-: زينات انا فهمت كنت بتعملي ايه معاه واحده رخيصه
-: بصي انا بس محترمه انك واحده كبيره انك تغلطي في شرفي يبقى امسح بشرفك وكرامتك الارض ما فيش رخيص غيرك هنا
عمر: مدام زينات عيب الكلام ده و أنتي هنا ضيفه كمان واحترام الضيف واجب فما تغلطيش فيها.. يلا يا ميرا انتظريني بره
بصيت لها من تحت لفوق بقرف ومشيت وقفت في الجنينه حوالي 15 دقيقه وكنت هدخل اشوف اتاخر ليه لقيته خارج و بيشاور لي اركب ركبت العربيه ورديت الباب بضيقه وركب هو كمان وقال: معلش تاخرت عليك
-: خلاص تمام
——————————————————-
(عمر)
بعد ما وصلت ميرا بيتها واطمنت عليها مشيت دخلت القصر كانت ماما قاعده مع بابا في الصالة
ماما: عمر تعالى اقعد معنا شويه
ابتسمت وقلت: معلش يا فطومه عندي شغل على اللاب
التفت وكنت ماشي وقفني نداء بابا
بابا: عمر لحظه عايزك
التفتت له وقلت: خير يابا
قرب بابا ووقف قدامي وقال: ليه بتتعامل معايا كده ولا كاني ابوك عملت لك ايه
ضحكت بسخرية وقلت: عملت ايه لا ما عملتش حاجه .. فاكر من 9سنين لما مثلت انك تعبان وكان حلمي هيضيع رجعت من السفر عشانك.. من وانا وصغير كان هدفي الطب لكن أنت كنت حابب الهندسه على مزاجك ودلوقتي عايز تجوزني بدافع شخص ليه جميل عليك
وقفت ماما وقربت مننا وقالت: انت دلوقتي دكتور بفضل ا
قطعها بابا وهو بيقول: فاطمه خلاص.. عمر يا ابني افتح معايا صفحه جديده انا كبرت ومش ضامن اعيش قد ايه
-: اه شغل المسلسلات كبرت وعايزك سندي وفاضل لي كم يوم
ماما: عمر كلم ابوك باحترام عن كده
بابا: معلش يا فاطمه سيبيه يقول اللي في قلبه.. عمر مش هجبرك تتجوز براحتك بس خلاص نفتح صفحه جديده
-: والمطلوب .. أنا اصلا ما حدش يقدر يجبرني على حاجه
بابا: بس انا طالب منك حضن كل يوم لمده شهر حتي
مسحت الدموع اللي نزلت من عينيه وحضنته وقلت: خلاص حقك عليا يابا
بابا: حقك انت عليا يا ابني ما تحرمنيش منك انا غلطان
بوست رأسه وبصيت في عينيه وقلت: ما تزعلش انت مني بس ما كنتش بكلمك ولا اصالحك عشان بردوا بترجع تتحكم في حياتي
بابا: من النهارده معك في اي قرار
مسكت ايده وبوستها وقلت: طيب انا عندي شغل اخلصه ومن الاسبوع الجاي هنقعد مع بعض
بابا: ربنا يوفقك يا ابني
~~~~~~~~~~~~~~~
بغرفه «مليكه» كانت تجلس بالسرير وهي تقرا احد الكتب تركت الكتاب من يدها ووضعته بالكومدينو نظرت الى علي الذي كان يجلس امامها قائله: قلت للعيله
ترك اللاب من يده قائلا: تجهزي بدري هتروحي وترجعي معايا
لم تجيبه وضعت راسها على الوساده وشردت بالقادم قائله بداخلها: اول خطوه في الانتقام هتبدا لما احط رجلي في المستشفى
______________________________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبي الفاخر)
