رواية حبيت رجل مجهول الفصل الحادي عشر 11 بقلم عبدالرحمن حسني
رواية حبيت رجل مجهول الجزء الحادي عشر
رواية حبيت رجل مجهول البارت الحادي عشر
رواية حبيت رجل مجهول الحلقة الحادية عشر
د سامح / حسااااام !
حسام بيضحك / ايه رأيك ف المفاجأه دي
د سامح مصدوم / مش معقووول لا مستحيل
حسام / ليه بس مستحيل ؟
حسام قفل الباب ودخل
د سامح/ انت بتعمل ايه !؟
حسام / يااااااه بس يا دكتوور مكنتش اعرف انك بخيل مش عايزني ادخل بيتك !؟
د سامح / انت ميت ! في حاجه غلط
حسام / انت لسه شوفت غلط
د سامح / قصدك اييه
حساام / يعم مش قصدي حاجه انت بتمسك ف الكلمه ليه متبقاش قفوش يا دكتور وبعدين فين كرم الضيافه اخوك علي لحم بطنه
د سامح / انت ازاي عايش !؟
حساام / هحكيلك قولي بس فين المطبخ نشرب شاي او ناكل حاجه عندك فراخ في التلاحة انا زي اخوك الصغير بردو يعني وده بيتي
د سامح بيشاور بصباعه بتوتر / من هنااا
حساام / اخوك حساام بقا بعد أكله حلوه بيعمل كوبايه شاي انما ايه عظمه
د سامح / هفهمك كل حاجه بس اهدا
حسااام بياكل من التلاجه/ والله ما مستعجل يا سامح يعني احنا هنروح من بعض فين
د سامح / بالهنا والشفا
حسام / الله يهنيك يا محترم احكيلي بقي اصلي أحب اسمع وانا باكل اوي
د سامح بتوتر / حاضر بص ابو منار الله يرحمه هو الي عمل كل ده انا مليش ذنب
حساام / ااه ااه منا واخد بالي تاخد حتة فراخ ، تجنن انت طباخ جامد ، عشان كدا متجوزتش ببتضبخ لنفسك بقي ، كمل كمل انا سامعك ،
د سامح / والله انا قولتو بلاش حرام عليك ، قالي ده هزقني ومسح بكرامتي الارض عيل زي ده يعمل فيا انا كدا
حسااام / ااه فعلا انا عملت كدا يلا الله يرحمه الا هو مات ازاي !؟
د سامح بتوتر / مش فاكر ، ااااااه عربيه خبتطه
حساام / مالك يا دكتوور مش علي بعضك ليه
د سامح بيتكلم بالعافيه / انت عملت اييه عشان ترجع للحياة دي معجزة
حسام / شوف يأخي ربنا سبحانه
د سامح / ايوه بس ازاي !!؟
حسام بيضحك / زي الناس يا سامح والله انت كلامك غريب اوي اشرب بس كوباية الشاي دي انا عملتها ب ايدي
د سامح بيشرب / طيب ممكن تحكيلي
حسام / اشرب بس وقولي رأيك في الشاي عندك نيتفلكس مشترك انت ومقضيها أفلام يا خلبوص
د سامح مش قادر ياخد نفسه / ارجوك متلعبش بأعصابي اكتر من كدا قولي
حسام / الفيلم ده حلو اوي
د سامح / انا مش قادر اخد نفسي انا بموت
حساام ببرود / ااه ما دا نفس الدوا الي كنت بتديه لخويااا بس انا حطيت جرعه زياده شويه اصلي عرفت انك مريض قلب بردو
د سامح بيتكلم بصعوبه / اخوك مين ؟
حسام / انا مقولتلكش !! انا خالد اخو حسام التوأم
د سامح / الحقني انا بموت حرام عليك
حسااام بعصبيه / حررراااام علياااااا حرام عليا انا يا كافر يا عديم الاحساس
د سامح/ انا بموت
حساام / ااه هتموت حرمتني من اخويا عشان الفلوس يا كلب الفلوس بس كما تدين تدان ي دكتور ولا مكنتش تعرف والعين بالعين والسن بالسن والبادي اظلم وانت الي ابتديت
د سامح / ااااه قلبي
حساام / سلامة قلبك يا حبيب قلبي بتوجع صح
د سامح / الحقني ارجوك
حساام / مش عارف !! اتحايل علي شويه
د سامح / حرام عليك الرحمه
حساام / الرحمه موجوده عند الي خلقك وخلقني ، ومفتكرش انو هيرحمك عشان انا ارحمك
د سامح / هعملك الي انت عايزه بس الحقني هديك كل فلوسي
حساام / ولا مال الدنيا يخلوني ابيع حق اخويا
د سامح / هتروح ف داهيه لو موتني
حساام ببرود / لا يا ساااااامح ده انت مجرم قديم وعارف ان الدوا دا بيجيب ازمه قلبيه وانت مريض قلب والكل عارف يعني مفيش اي حاجه غريبه
انا ف الامااان زي ما انت كمان موت اخويا وكنت ف الامان بس جالك عزرائيل الي هياخد روحك
د سامح بينهج و مش قادر يتكلم ……
حسام / عارف ممكن اعمل معاك صفقه حلوه
د سامح/ ارجوك بسرعه الي انت عايزه
حسام / امضي علي الورقه دي انك اتنزلت علي جميع اموالك
د سامح / لمين
حسام / دا حق منار انت خدت فلوس ابوها كلها
د سامح / حاضر حاضر
حسام / شاااطر
د سامح / الحقني بقا وديني المستشفي واديني العلاج الي هناك ده
حساام / بصراحه يا سامح يا حبيبي انا مكسل اقوم الكنبه بتاعتك حلوه اوي جايبها من فلوس حرام دي صح ؟
د سامح / احنا اتفقنا
حسام بيضحك / انا عيل برجع ف كلامي
د سامح / لا لا فلوسي
حسام / طيب انا لازم امشي بقي عشان عندي مشوار مهم اه صح وانا في المطبخ نسيت اقفل البتجاز الغاز بقي في كل حته انت مش شامم ولا ايه ؟ متنساش تقفله
د سامح / انت هتعمل ايه تااااااااني
حسام بيضحك / يأخي عمري ما جربت السجاير في حياتي بس ليه لا. اجربها انهارده استأذنك في سيجارة هروح اشربها بره بقي الجو هنا بقي مخنوق يا ساااامح
د سامح / ابوس ايدك لاء متعملش كدا
حساام بيضحك / ابقي سلملي علي ابو لهب
د سامح / لاااااااا
حسام خرج بره وولع السجاره وشرب منها نفس / ايه القرف ده انتو بتشربوها ازاي دي
ورمها جوه البيت وطلع يجري
( و البيت انفجر )
٠٠٠٠٠٠٠٠٠٠
( الباب بيخبط )
ايوه مين
حسام / حضرتك حرم ابو منار
ايوه مين حضرتك
اسمك الاستاذه منال مش كدا
منال / ايوه يا سيدي انت مين
حسام / احب اعرفك بنفسي انا النقيب حسام خطيب منار وزوجها المستقبلي ان شاء الله
منال بصوت واطي / نقيييييب ! هيا البت منار وقعت علي نقيب
حسام / بتقولي حاجه يا طنط
منال / لا يا فندم اتفضل
حسام بتكبر / أشكرك ، خالص التعازي في زوج حضرتك
منال / منجلكش في حاجه وحشه يا بيه
حسام / طيب انا عملت الواجب نشوف شغلنا بقي يا منال
منال بخوف / خير يا باشا !!
حسام / حق منار فين من ورث أبوها يا منال
منال بتوتر / دي ملهاش ورث ابوها غضب عليها ووصاني مدهاش حاجه وهو اصلا كان حيلته حاجه
حسام / لا كدا ازعل منك الراجل مات في حادثة عربيه والبيت الطويل العريض ده بتاعه يعني ملكه معاكي ما يثبت انه مكتبلهاش حاجه من الورث يا منال
منال / لا يا باشا بس انا معايا عيالي وكل واحد فيهم هياخد شقه دول تلت ولاد صغيرين وابوهم مات
حسام / يا حرااااام ، ف عشان هما تلت ولاد ناكل حق البت يا مناااال انتي عارفه ان دي جريمة ؟
منال بخوف / ينهر اسود جريمه ايه دي منار دي بنتي انا الي مربيها
حسام ببردو / طااااايب هتمضي هنا عن حق منار الشرعي في شقه من الاربع شقق وكمان حقها في اي فلوس اتسابت وليها التلت في كل حاجه
منال / بس يا باشا
حسام بعصبيه / مناااااال شكلي هاخدك معايا القسم نتناقش هنااك
منال / لا لا وعلي ايه يا باشا أمضي
حسام / شاطره يا منال امضي بقي علي الورقه دي كمان
منال / دي ايه دي كمان
حسام / هتبيعي حقك انتي واولادك في البيت منار هتشتري البيت كله مش عايزه تشوف حد فيكم فيه بصراحه أشكالكم تخلي الواحد عايز يجيب الي ف بطنه وانا لسه واكل فراخ
منال / بس يا باشا ده ظلم انا هروح فين يعني انا وولادي
حسام / هو انا هديكي فلوس من بنك الحظ يا ووليه
هتروحي تشتري بالفلوس بيت تاني المهم تبعدي عن هنا خالص
منال / حاضر حااااضر
حسام / انتي بتزعقي ولا ايه
منال / لااااا يا باشا هو انا اقدر بس
حسام / يلا يا حلاوه أمضي وخدي فلوسك ومعاكي شهر تشوفي بيت تاني تنقلي فيه
منال / تحت أمرك يا باشا
حسام بطريقه درامية / شاطره يا منال البلد فخورة بيكي مع السلامه
منال بتعيط / مع السلامه يا باشا
……………….
فاطمه / الوو
عمر / ايوه يا حب
فاطمه / اخلص بقا انت فين
عمر / الله !! مشغول ده ايه ده شويه وجي
فاطمه / هو انت كل يوم مشغول مشغول انا زهقت
عمر / والله ! زهقتي دلوقت يا فاطمه مبقتيش تحبيني زهقتي مني خلاص
فاطمه / ااه زهقت اديلك شهر مش عايز تقعد معايا وكل شويه مشغول
عمر / ااه مشغول واذا كان عجبك بقا سلاام
منار / ايه بس دا كلو في ايه ي طمطم
فاطمه بتعيط / قفل ف وشي ومعاملتو بقت وحشه خالص
منار / اهدي بس وكل شئ هيتحل هو اكيد مشغول ي طمطم براحه عليه شويه
فاطمه / انا بجد تعبت يا منار مبقتش قادره
منار / اهدي بس وصلي علي النبي
فاطمه بتعيط / عليه الصلاة والسلام
منار / تعالي نقعد في البلكونه شويه وبطلي عياط
٠٠٠٠٠٠٠٠٠٠
صوت صاروخ ف السما واتكتب بحبك يا طمطم تتجوزيني
منار / بنت يا طمطم
فاطمه / ايه ده !؟
منار / ابو خدود طلع رومانسي يا بت
فاطمه والدموع في عينها ويظهر عمر من وراها
عمر / تتجوزيني
فاطمه بتعيط / انت معفن اصلا وانا مش بكلمك
عمر / يختي عليها كيوت تعالي ف حضني
حساام / اظن مفيش احلي من كدا مفاجأة
منار / دي طبعا خطتك
حسام بغرور / طبعا
فاطمه بتضربو / يعني خليته يتخانق معايا اخس عليك يا حساام
حساام بيتريق وبيقلد فاطمة / اخس عليك يا حسام ،. علفكره بقا الشهر الي كان بيقولك فيه مشغول كان بيظبط الفرح والمكان الي هتقدو
فيه شهر العسل وكل الترتيبات وانتي قاعده زي الباندا ف البيت مش بتعملي حاجه غير انك بتاكلي وتنامي
فاطمه / نينينينيني دمك تقيل
حساام / انا مش عارف حبيتها علي ايه دي
عمر / انا بعشقها يا حساام
حساام / اعشقها بعيد عننا يعم يلا من هنا اشكال زباله
منار بتضحك/ حساااااام عيب
حساام بغزل / هي دي الناس الي تتعشق مش الباندا دي
منار بتضحك / بس بقا عيب
حسام / متجيبي
منار / اجيب ايه !!؟
حسام / انا قولت حاجه في ايه ما براحه
منار / طيب اتلم
حسام / ولو متلمتش ؟
منار / بحبك
حسام / بعشقك
منار / كداب
حساام / طب والله بحبك بحبك بحبااااااااااك
منار / طيب خلاص خلاص صدقتك
حسام / يخرابي علي الملاك خدي يا ستي
منار / ايه الورق ده كله !؟ً
حسام / ده حقك
منار بتضحك/ حقي في أيه
حسام / حقك ف بيت ابوكي والفلوس الي كانت ليكي
منار / انت عملت كدا ازاي
حسام / مش مهم المهم ان حقك رجعلك وكمان مرات ابوكي منال هتسيب البيت خلاص كمان شهر عارف ان انتي متعلقه بيه بقي بيتك خلاص
منار مبسوطه / وكمان عرفت اسمها ، علفكره بقي بيتنا مش بيتي لوحدي
حسام / طب متيجي نخرج شويه ونسيب الأشكال الي تقرف دي مع بعض
منار بتضحك / سبهم في حالهم بقي ، بقولك ايه احنا لازم نروح المستشفى دلوقت تكمل علاجك عمليتك بكرا الدكتور سامح أكدلي
حسام / الدكتور ساامح !
منار / ماله
حسام / لا ملوش يلا نروح مفهاش خروج
٠٠٠٠٠٠٠٠٠
( في المستشفى)
( الباب بيخبط)
ممرضه / حساام الدكتور بيقولك استعد العمليه بكرا
حساام / تمام انا جاهز
منار / خلاص بكرا
حساام / متخفيش كل هيبقا تمام ان شاء الله
٠٠٠٠٠٠٠٠٠
( فلاش باك )
حسام / فهمتيني طبعا يا دكتور اية ولا ايه ؟
د اية / اه يا حساام دي فكره كويسه اوي اننا نعيشها اليوم ده من تاني انك ف العمليه بس مش هتموت كدا هيا حياتها
هتستمر وعقلها هيرجع يشتغل تاني
حسام / بظبط كدا المهم عايز كل حاجه تبقا مترتبه صح
مفيش حاجه تتغير
د اية / متقلقش بس في حاجه
حسام / اييه
د اية / كدا هيا هتكمل حياتها فعلا بس انت مش هتتجوزها ف دي صدمه اكبر ليها
حساام / مين قال اني مش هتجوزها
د اية / بس انت كنت بتمثل عليها الحب هتتجوزها وانت مش بتحبها
حسام / لا انا بحبها انا عمري ما حبيت حد كدا ف حياتي
د اية / انت فعلا كدا هتاخد مكان اخوك حتي اسمو
حسام / ليا الشرف
د اية / انت فعلا انسان كويس اوي يا خاالد
حساام / لا اسمي حسااام خالد مات
٠٠٠٠٠٠٠٠٠٠٠٠
منار / حسااام حساااام
حساام / ايووه يا حبييبتي
منار / يلا يا حبيبي نام عشان العمليه بكرا ربنا يستر
حسام / حاضر وقولت متخفيش
منار / مقدرش مخفش عليك .
حسام / عارف بس بردو متخفيش حبيبك راجل
منار / وسيد الرجاله كمان تصبح علي حاحه حلوه شبهك
حسام / هصبح عليكي يا قمر
٠٠٠٠٠٠٠٠٠٠
د اية / يلا يا حساام احنا جاهزين للعمليه انت جاهز
حسام / جاهز
منار / هترجعلي تاني صح
حسام / اكيد يا حبيبتي ادعيلي
منار / بدعيلك من كل قلبي
حسام / سلام يا روحي .
مسكة ايدو وبتعيط عشان خاطري ارجعلي تاني
٠٠٠٠٠٠٠٠٠
شهد / هو هيموت يا منار
منار / ابعدي عني خالص
٠٠٠٠٠٠٠٠٠
( فلاش باك )
حسام / شهد لازم كل حاجه تتعاد زي زمان بظبط حتي الاسئله بتاعتك
شهد / حاضر
٠٠٠٠٠٠٠٠٠٠
(باك)
شهد / ارجوكي ردي عليا هيموووت ؟
منار بعصبيه / انا معرفش انا خايفه عليه اكتر منك ابعدي عني
قعدت علي الارض ومش مصدقه لا حساام مش هيمووت يااارب لا مش هيمووت عشان خاطري ياارب لا انا مصدقت لقيت
حد يحبني واحبه ياارب متخدووش مني سؤال شهد بيدور ف بالي هو هيموت يا منار لا مش هيموت لا لا حسام حساام مش
هيمووت لا مستحيل لا
فاطمه / منار منار مناااار
منار / ايه حسااام فين حساام
فاطمه مبتسمه / العمليه نجحت وحسام كويس جوه اهوو
منار بتضحك / بجد ؟
فاطمه / ااه ادخلي شوفيه
طلعت اجري علي الاوضه وانا هموت من الفرحه
منار / حسااام
حساام / مش قولتلك متخفيش
منار خدته بالحضن / وحشتني اوي
حساام / تتجوزيني ؟
منار / اااه اااه اكيد طبعااا موافقه
حسام / بحبك يا منار
منار / بعشقك يا قلب منار
تمت..
لقراءة الرواية كاملة اضغط على : (رواية حبيت رجل مجهول)
