رواية جوزوني خط الصعيد الفصل الثاني 2 بقلم منة عادل
رواية جوزوني خط الصعيد البارت الثاني
رواية جوزوني خط الصعيد الجزء الثاني
رواية جوزوني خط الصعيد الحلقة الثانية
متأسفة جدا هيكون عندي ظروف الايام الجايه ف مش هيكون معايا وقت انزلكو فيه هنزل دلوقتي بارت كمان طويل اهو تعويضا عن الايام الجايه
“جوزوني خُط الصعيد” البارت2
نسمة قفلت الباب ولسا بتلف وشها لقت تميم نزل الڤاظة ع دماغها وقعت م طولها ف ساعتها
تميم بخضة: نهار ابيض نسمة ي نسمة احيه لتكون ماتت بااابا ي بااابا
كلهم دخلو عليه الاوضه جري
تيمور بخضة هو انت عملت ايه
تميم سلامة نظرك يخويا هو انت شايف ايه ها كيكة سكر مثلا
الاب حمزة بخوف الله يخربيت غبائك البت ممكن تروح فيها
الام زينب بغضب تستاهل دي بتقولي يحجة
تيمور رن ع دكتورة صحبته الو ايوا ي لينا بقولك ايه تعالي ع الڤيلا بتاعت تميم بسرعة
لينا بغضب يتيمور نا لسا راجعه م الشغل وتعبانة هو نتو ليه بتفتكروني ف اوقات غلط كدا
تيمور بغضب تعالي بسرعههه
تميم شالها وحطها ع السرير
تميم بخوف بقولكو ايه هي لو طلعت عايشة هتسكتلي ع الل حصل دا
تيمور متقلقش منها دي هتنفخك بس
تميم احيه دي بتجيب دم
تيمور بسخرية انت خابطها ع دماغها عايزها تجيب ايه عصير بطيخ
لينا وصلت (لينا دكتورة عايشة ف الڤيلا الل جمبهم وصاحبة تيمور وهو بيحبها بس هي مش بطيقه)
لينا خير يجماعه ف ايه لينا شافتها وقالت بشهقة ينهار ابيض وسعو كدا
لينا طهرت الجرح ولفته بشاش وقطن
لينا هو ايه الل حصل
تيمور لا ولا حاجه العرسان بس كانو بيهزرو
الاب بخوف تفتكرو لما تفوق ممكن تقول لاهلها
نسمة وفاقت وخضتهم كلهم وبعدو عنها متخافوش مهبلغش عنيكم
تميم بتوتر ليه ها اكيد يعني مش عشان عيوني مثلا
نسمة بسخرية ههه هو اني يعني كنت قلت اني هسامحك تبقي بتحلم تعالي تعالي قربي عليا ي دكتورة سنديني عشان اتعدلهم الناس دي
لينا بخوف وسندتها حاضر
تيمور وهو بيخلع اممم طيب سلام انا بقا يجماعه عايزين مني حاجه
تميم شده بسرعه هتروح فين ها طب والله منت ماشي من هنا وسايبني ف الليلة دي لوحدي
زينب بغضب مخلاص بقا ي بنت الناس م الل حصل حصل
نسمة وهي بتبتسم بخبث وه طالما هو معندهوش ريحه الرباية جوزتوه ليه
حمزة بتحذير يعروسة يعروسة لاحظي كدا ان نتي كلامك جارح
نسمة بغضب والل ابنك عملو ف دماغي دا يتسمي ايه ع العموم معيزكش تقلق خالص من ناحية ربايته دي نا هربهولك زين
تيمور بخوف لتميم ابوس ايدك سبني اروح يجدع انا امي عيزاني يعم ولسا مدخلتش دنيا
تميم يعني انا يعني الل امي رامية طوبتي!
تيمور وهو بيجري هتوحشني يصحبي
نسمة بغضب بقولكم ايه كله يلا يطلع برا
تميم بخوف والله العظيم والله العظيم كمان مرة لطالع معاهم بابا متسبنيش ي بابا
حمزة وهو طالع معلش يبني مش بايدي والله ربنا يعينك
لينا بخوف لتميم بقولك ايه تعالي اسند مراتك يتميم
تميم خليكي معاها هي تعبانة وعايزة دكتورة اسنديها نتي الهي تنستري
لينا وهي ماشيه خلي بالك منها
تميم بخوف والله عايز الل ياخد باله مني
كله طلع تميم اتكلم بخوف بقولك ايه ممكن نتكل… وقطعته نسمة ببوكس ف وشه
اغمي عليه والله لربيك زين ي ابن الباشا لساتنا بنبدأ
(نسمة بنت جميله اويي وبتحب شغلها جدا وشخصيتها قوية جدا وهي شكلها الل هتعلم تميم الادب😂)
ــــــــــــــــــــ
تاني يوم الصبح
لينا نزلت م الڤيلا لقت تيمور مستنيها بورد
تيمور بحب يصباح الورد
لينا بغضب أووووف انا مش هخلص منك والا ايه اخلص عايز ايه
تيمور بحب عايز قلبك
لينا بسخرية آسفة والله انا قلبي مش للبيع ودخلت العربية
تيمور بقا كدا مهو انا مش هدفع فلوس كل يوم لبتاع الورد ودي تبقي اخرتها ووقف قدام العربية
لينا بنفاذ صبر وهي ف العربية وسع من قدامي
تيمور لا مش هوسع و دوسيني بقا لو تقدري وهبقي شهيد الحب من طرف واحد
لينا ابعد بدل م اجيب السماعة (السماعه الطبية)
تيمور بخوف لالا خلاص انا ماشي الا السماعه دي بتلسع اويي وطلع يجري وهي وراه والله لانفخك يتيمور بتجري ليه يجبان
تيمور بخوف هو العمر بعزقة يختي
ــــــــــــ
عند نسمة وتميم
تميم كان نايم ع الكرسي ونسمة ف البلكونة
تميم صحي وشافها وقال ف نفسه نهار اسوح دانا مطلعتش بحلم يجدعان اخلع منها ازاي دي
واتسحب عشان يطلع برا وهوب مرة واحدة نسمة جابته من قفاه خود اهنه بتتسحب إكده ورايح علي فين
تميم بتوتر ها رايح ع الحمام ايه بلاش البي نداء الطبيعة يعني
نسمة بخبث ايوه ايوه ايوه احب بقا اصححلك معلوماتك الحمام من اهنه يفالح
تميم احممم طيب طلعيلي هدوم بقا عشان داخل اخد شاور
نسمة ليه سلامتك مالك تكونش انشليت عشان اخدمك
تميم حسبي الله يشيخة وسعي كدا
نسمة بشماتة اعمل حسابك ف ورق مهم جاي انهارده هتقعد عشان تشتغل عليه
تميم باستفهام نعم شغل ايه مش المفروض المفروض يعني ان انهارده بعد الشر يعني صباحية واجازة
نسمة و عشان هو بعد الشر يبقي هتشتغل انهارده وأي غلطة إكده او إكده هندمك عليها نص الشركة بإسمي واظن انك عارف زين قوي الكلام ده
تميم للاسف عارف
نسمة عشان إكده مينفعش تغلط واصل فهمت
تميم بغضب بقولك ايه متكلمنيش كدا انا مش شغال عند اهلك انا
نسمة بغضب متجيبش سيرة اهلي علي لسانك يحيوان انت والله ارزعك كف اطيرلك سنانك
راح جبها من طرحه الاسدال وقال وهو بيمثل الخوف ي ماما ركبي بتخبط ع الجيران يبت راحت عضته من ايده تميم اه يبنت العضاضة دي زرقت وطلع يجري ع الحمام
زينب وهي بتخبط ع الباب يبني يحبيبي صحيت يقلب امك؟
نسمة فتحت خير يحجة
زينب بعصبية انا مسميش حجة انا اسمي زينب وزقتها ودخلت اللاه هو ابني فين
نسمة وه اكون بلعته اياك هو بيتشطف جوه
زينب بقرف ايه بيتشطف! ياااي يااي ع الفاظك البيئة
نسمة بغضب بقولك ايه يحجة عايزة ايه انا مش ناقصة وجع دماغ ع الصبحية
زينب انا عايزة ابني عشان يفطر
نسمة طيب خمسة وجايين
زينب بسخرية ايه انتي هتفطري معانا
نسمة وه اومال هاكل مع كلاب الجنينة اياك بقولك ايه ي ولية نتي لولا فرق السن الل بينا مكنتش خليت فيكي حتة سليمة ف حلي بقا عن دماغي السعادي زينب خافت وطلعت تجري انا بقا ابني هيعرفك تكلميني كدا ازاي نسمة قفلت ف وشها الباب
داهية تاخدك انتي وابنك وانت اطلع عايزة ادخل الحمام
تميم ببرود براحتي علفكرا
نسمة بغضب يقل راحتك يبعيد انت والحيزبونة امك دي
وبعد كدا جات ماسح لنسمة ردت بسرعه وكتبت كله تمام
تميم طلع م الحمام اومال فين الهدوم لا نا ممكن اعمل تصرف مش هيعجبك نا مبقتش باقي ع الدنيا نسمة حدفت الهدوم ف وشه و دخلت الحمام
تميم كان ممكن تحدفيهم بطريقة احسن من كدا علفكرا
و رن ع تيمور تميم بعصبية اهلا اهلا بالندل الل رماني امبارح وهرب
تيمور ايه دا هو انت لسا عايش
تميم ولا بقولك ايه شوفلي حجة اخرج بيها م البيت دا
تيمور بخبث بس كدا عنيا
تميم نا بثق فيك علفكرا
تيمور عيب عليك مع تيمور هتروح ف ستين داهيه استني مني مكالمة وخلصو المكالمة
استني نسمة لحد م تخرج م الحمام لقاها طالعه باسدال جديد
تميم هو نا ممكن اسألك سؤال
نسمة لاع
تميم هو انتي فاهمه الجواز ازاي يعني والا لما اتجوزتي قررتي تتوبي والا ايه حكايتك
نسمة يلا يجوازة الندامة الورق وصل تحت يلا علي الشغل يخويا
نسمة تحت شافتهم بيفطرو قالت يصباح الخير محدش رد عليها كررتها تاني محدش رد قالت بعصبية اني بقولكم يصباح الخير
حمزة رد بخوف ايه ها صباح النور يبنتي تعالي افطري
وف الوقت دا نسمة بصت لزينب الل مردتش وقالت ف نفسها والله ليكي يوم يولية انتي
وخرجت الجنينة
تميم نزل وقعد يفطر ويهزر مع باباه ومامته لقا نسمة دخل وحطت الورق والملفات قدامه وقالت وانت بقا هتقضيها مرقعة اياك
تميم بعصبية ايه بفطر بلاش لازم ابدأ يومي بنشاط
نسمة اتصدق معاك حق وقعدت
بعد شوية فون تميم رن وكان تيمور
تيمور الحقني يتميم انا تعبان يحبيبي تعالي نخلع
تميم لا حول ولا قوة الا بالله الف سلامه عليك انت ف انهي مستشفى
تيمور ف النادي عند حمام السباحة
تميم لا اله الا الله الف سلامة عليك جيلك حالا اهو
نسمة بخبث متتأخرش
بعد شوية وقت خرجت الجنينة وقعدت تراجع الورق وتشتغل ع الملفات فضلت ساعات ع الحال دا لحد العصر
لينا دخلت عليها بفرحة وقالت ي اهلا بالعروسة
نسمة يمرحب اتفضلي ي دكتورة اقعدي و كملت بخبث الا قوليلي انتي راجعة من عند تيمور
لينا وانا مالي بيه اصلا
نسمة وه هو مش تعبان و ف المستشفي
لينا وهو دا بيتعب دا تلاقيه ف اي نادي زي كل يوم
نسمة بخبث رنيلي عليه عايزة اتأكد لو ف النادي صُح
لينا رنت وفتحت الاسبيكر
تيمور بحب حبيبي يدوك وحشتك صح
لينا بعصبية وحش لما يلهفك هو انت فين
تيمور ابتدينا الغيرة بقا ف النادي يستي
نسمة بغضب وهي بتقغل السكة ف وشه تعالي ي دكتورة وريني النادي ده
لينا مش هينفع تتحر…..
نسمة قاطعتها بعصبية بقولك ايه متخلنيش اتعصب عليكي عاد وديني ونتي ساكتة وفعلا راحو
ف النادي
تميم باستجمام ياااه يتيمور اخيرا خلعت
نسمة من وراه لا يحبيبي لو مقمتش هخلعك من بعضيك وانت عاملي فيها تعبان وانت كيف القرد اهو
تميم بصدمة لالالا انا بيتهيألي صح
تيمور لا يخويا البس بقا وسابه وجري
نسمة قوم يخويا قوم خلينا نروح اني مقبلكش الاهانة برضو قدام الناس
لينا تحب اوصلكو
نسمة لا كتر خيرك اني وجوزي هنروح سوا
تميم بخوف ليه بس ليه
نسمة بغضب هو انت مش عايزني اروح وياك والا ايييه
تميم بخوف لا يحببتي هو نا اطول دا كرسي العربية هيفرقع من كتر الفرحة لان انتي الل هتقعدي عليه
روحو وطبعا نسمة قعدته ع الورق الل هرب منو
وهي قعدت قدامه وبتشرب قهوة
تميم بزهق يوووه وانتي هتفضلي قاعده كدا وسايباني اشتغل لوحدي
نسمة بشماتة لا يحبيبي اني قريته وراجعته ورقة ورقة الدور والباقي علي الل مقضيها سرمحة
تميم طيب بقولك ايه متجيبي كباية قهوة
نسمة بشماتة لاع
تميم طب حتي شفطة
نسمة بفرحة فيه لاع برضو
تميم يشيخة دا واحدة دخلت النار عشان مشربتش قطة ماية ومأكلتهاش ايش حالك نتي ونتي مشربتيش جوزك قهوة ي ويلك هتتشوي ف نار جهنم ع الجمبين
مردتش عليه وهو راح ف النوم وهو قاعد ع الكرسي نسمة غطته ونامت ع السرير
ــــــــــــــــــــ
تاني يوم الصبح
تميم صحي لقا نفسه متغطي قال ف نفسه ايه دا انا صعبت عليها والا ايه
نسمة كانت لابسة دريس واسع وواقفه قدام المراية قالتله صحيت اخيرا
تميم هو انتي خارجة والا ايه
نسمة خارجين رايحين الشركة نشوف الاستهتار الل فيها
تميم بصدمة هو انتي بجد عايزة تشتغلي
نسمة بسخرية والله دا السبب الوحيد الل مخليني علي ذمتك
تميم بنفاذ صبر هو الوضع الل احنا فيه دا هيغيب كتير
نسمة لاع شهرين تلاتة لما اوصل لل اني عاوزاه وبعدها هنطلق علطول متقلقش ولو ليك نية تتجوز من بكرا اني معنديش مانع واصل
تميم براحة ايه الرضا دا انا اول مرة احس بالديموقراطية
نسمة بخبث اصلك متفرقش معاي طلعلتلك هدومك ونازلة افطر متعوقش(متتأخرش)
نزلت تفطر وقعدت مع حمزة وزينب
زينب بغيظ معرفش يحمزة انا تعبانة اليومين دول ودايخة ليه
حمزة بضحك يمكن حامل يحبيبتي
نسمة فضلت تضحك
زينب بغضب انتي بتضحكي ع ايه يبت انتي
نسمة بضحك اصل يحجة ولية زيك ف السن ده تبقي حامل ازاي دانتي رجلك والقبر
زينب بعصبية دانا اصغر من الل جابتك
نسمة قامت ومسكت السكينة بتجيبي سيرة امي والا ايه عشان مسمعتش
زينب بخوف وطلعت تجري
ــــــــــــــــــــ
ف الشركة كله استقبلهم بالترحاب
تيمور بهزار لايقين ع بعض اويي
نسمة بغضب انت بتعمل ايه هنا
تيمور بخوف بفك الجو مع الموظفين
نسمة بغضب مخصوم منيك يوم
وطلعو ع المكتب
تميم بصدمة ايه داااا…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جوزوني خط الصعيد)
