رواية جهاد ومحمد الفصل الثالث 3 بقلم فاطمة علي

رواية جهاد ومحمد الجزء الثالث

رواية جهاد ومحمد البارت الثالث

رواية جهاد ومحمد الحلقة الثالثة

= حبيبتك !؟ انا قولتلك يا محمد انى مش عايزة الكلام دا ولا بحبك احترم رغبتى يا اخى
– مش بتحبيني !!!؟ احترم رغبتك!!؟ كل دا ومحترمتش رغبتك انا تعبت منك معقوله كل دا وحبى ليكى مش باين كل دا وانتى مش حاسه بقلبى إلى بينبض بأسمك اعمل ايه علشان تحسى بيا انا عارف انك متعرفيش عنى حاجه بس اعرفى بقى يا استاذة جهاد انا بحبك بحبك من زمان اوى اوى طول عمرى بتمناكى تكونى مراتى كنت حاسس دايما انك مش بتقبلى تكلمينى او انا الى ببعد عنك مع انى كنت براقب كل حركه من حركاتك كل تصرف منك بعشق ضحكتك بمووت فى تفاصيلك بعشق عيونك وخصلات شعرك الى من يوم ما شفتها جننتنى اه شوفت شعرك غصب عنى وانتى قاعده فى يوم مع اخواتى ومن يومها وانا بقيت متيم بيكى انا مفكرتش اتقدملك الا لما حلمت وربنا ادانى اشارة انك هتكونى مراتى …. انا اعرف عنك كل حاجه بقرا كل كلمه بتنزليها على الاكونت بتاعك طول عمرى بحب الشعر والخواطر بس عمرى ما كتبت غير فيكى انتى اجمل حاجه فى دنيتى وحتى كلمة حبيبتى مش عيزانى اقولها ليه يا جهاد …. قربت منها وحطيت ايدى على وشها ،،، ليه يا جهاد انا وحش لدرجادى انك متحبنيش انا محبتش اتقدملك الا لما اختم المصحف علشان اليق بيكى وابقى قدوة لعيالنا كنت بحفظ قلبى من اى فتنه علشانك علشان افوز بيكى يا حوريتى معقوله انى اتمناكى لدرجة الجنون وانك متحسيش بيا خالص …شيلت ايدى وبعدت عنها خلاص يا جهاد انا وعدتك انك لو مرتحتيش انا هنهى الموضوع مع عمى وهقول ان انا الى مش مرتاح
= محمد انا
– خلاص يا جهاد انتى بردو بنت عمتى وانا مقبلش تكونى مغصوبه على حاجه .. بعد اذنك
= محمد محمد استنى
_ فى ايه يا بنتى
= بصتله وانا منهارة من العياط مكنتش اصدق انى اجرحه كدا انا دلوقتى بحبه اوى يمكن كنت محتاجه اعترافه بس هو دلوقتى مش هيقبل كدا على كرامته ،،، مشينا وروحنا ومحدش فاهم حاجه خالص دخلت اوضتى وانا منهارة فعلا انا حبيته مفيش يوم عدى على مدار التلات شهور دول مكنش بيطمن عليا فيهم من بابا لحد كتب الكتاب واول ما كتبنا الكتاب بقى يطمن عليا عالطول شهرين كل يوم اكتر من تلات رسايل اشعار وخواطر وغزل انهارده مش هيبعتلى طبعا ولا اى يوم تانى معقوله خلاص هيطلقنى اد ايه الكلمة صعبه وتوجع مش علشان الحدث اد.ما انك هتبعد عن جزء من روحك قعدت اكلمه كتير تليفونه مقفول عدى يوم والتانى والتالت كلمت هناء علشان خلاص اعصابى باظت من القلق انا شخصيه قلوقه جدا بطبعى
= الو هناء عامله ايه
_ الحمدلله يا جوجو انتى عامله ايه
= الحمدلله. … ااا هناء هو محمد موجود
_ محمد!!؟ هو انتى متعرفيش ان محمد سافر اسماعليه
= سافر سافر ازاى يعنى
_ سافر فى شغل اول امبارح هو مقالكيش انتوا متخانقين
=لا ابدا شكرا هناء معلش هقفل
_ اتفضلى حبيبتى وابقى طمنينى عليكى
= ان شاء الله سلام
سافر سابنى وسافر جربت اكلمه الفون فتحه ومردش عليا قلبى وجعنى اوى حسيت بوجع قلبه لما كنت بتجاهل حبه شربنى من نفس الكاس اااه يا قلبى بعتله رساله يمكن يشفق بحالى
“إن غبت عن قلبي فَـ يا ضَيعَتِي من أين للصدر بقلب بديل ”
بعتها وبردو مردش ولا اهتم بيا ولا رد عليا فات اسبوع بحاله وانا حابسه نفسى مش عايزة اكل ولا اشرب سمعت بابا وهو بينده عليا وروحتله
_ جوزك جاى كمان شويه يا جهاد
= بجد يا بابا محمد رجع
_ اه وراجع وعايز …..
= بعد اذنك يا بابا هروح اجهز
_ جهاد جوزك بيقول انه جاى ينهى موضوعكم
= بصتله بصدمه هو مسامحنيش معقوله سيبت بابا ومشيت ودخلت اوضتى وفضلت بعيط بهستريا فظيعه قلبى وجعنى اوى اوى مستحيل انا مش هسمحله بكدا سمعت انه جه مسحت دموعى وخرجت وقف وفضل باصصلى وانا كنت مشتقاله اوى حساه حزين وخس اوى
– اخيرا طلعت عليا بحسنها بس كانت شاحبه وهزلانه اوى وخاسه جدا مشتاقلها حد الجنون شوفت رسالتها وتليفوناتها بس مقدرتش اقلل من كرامتى لانى هكون جوزها مينفعش انها تشوفنى ضعيف لانها هتتسند عليا قطع تواصل عيوننا صوت ابوها
_ انا هسيبكم شويه مع بعض
– ازيك يا جهاد
= هايله ههههه
– طب بتعيطى ليه
= انت عايز تسيبنى يا محمد
– علشان اريحك لانك مش مرتاحه معايا
= قربت منه وضربته فى كتفه تريحنى من ايه ها انا كنت بموت فى الفترة الى سيبتنى فيها ضربته تانى ليه تعمل فيا كدا ليه لسه هضربه التالته شدنى فى حضنه وفضلت اعيط
– كفايه يا حبيبتى حقك عليا متزعليش منى انا غبى
= متشتمش نفسك
– ياستى نفسى وانا حر فيها
= لا نفسك دى بتاعتى لوحدى ،،، خرجنى من حضنه
– وحشتينى اوى يا حوريتى
= وانت وحشتنى اوى يا محمد انا اسفه كنت عاميه بس فتحت … محمد انا بحبك اوى ووالله مش علشان اى حاجه انا قلبى اتعلق بيك من غير ما احس اتفق معاك عليا علشان احبك وبقيت مجنونه بيك
– انا عارف انى لا اُقاوم
= ياعم الغرور ارحمنا
– ههههه دى دعوتى دايما ان ربنا يزرع حبى فى قلبك والحمدلله استجاب دعوتى
= قربت منه وحطيت ايدى على وشه متزعلش منى يا محمد
– لا وحياة ابوكى خفى عليا بدل ما اخطفك من هنا دلوقتى
= ههههههههه حاضر
– بحبك يا جهاد بحبك اوى اوى ياحوريتى
= وانا بحبك اوى يا ابو عبيده
– مين عبيده دا ان شاء الله
= ههههه ابننا يا حبيبى
– بجد ودا جه امتى دا
= لا هما تلاته توأم
– كمان اللهم صلى على النبى
= عليه افضل الصلاة والسلام … اه هما عُدى ، عُبيده ، عُميرة حلم حلمته بيك على سجادة الصلاة ودا الى خلانى اوافق عليك لان حسيت ان دى اشارة
– وباذن الله تتحقق ونجيبهم
= هنجيي تلاته توأم هيجننونا وبعدين انا بحب البنات
– بصى احنا هنجيب فريق كورة بحاله بس الاول نركز على. التلاته التوأم دول
= ان شاء الله ربنا يرزقنا بالذريه الصالحه
– ان شاء الله هيرزقنا بس نتجوز ابوس ضوافر صوابعك اتجوزينى
= اممممم افكر
– تفكرى طييييب
= محمد يا مجنون نزلنى
– مش هنزلك انا مرتاح كدا
= طب علشان خاطرى
– متحاوليش تضعفينى
= وحياتى يا ميدو
– يخربيت دلعك ارحمينى والله شكلى هخطفك ونخلص
= ههههههه طب نزلنى علشان اتجوزك
– اهو يا حوريتى
= محمد
– عيون محمد
= انا عايزة اتنقب
– انتى بتقولى ايه بجد يا جهاد
= بجد يا حبيبتى …. حضنى وفضل يلف بيا وباسنى من راسى
– ربنا يبارك فيكى يا حوريتى
= لدرجادى فرحان
– طبعا انا لو اطول اخبيكى بين ضلوعى يا جهاد
= كنت هضيعك من ايدى
– ومين قالك انى كنت هسمحلك بكدا
= بحبك اوى يا ميدو
– وانا بموت فيكى يا روح ميدو .
أحببتكَ بقدر مالا يُحصيهِ عقلك ، و لا يخفقهُ نبضك
أحببتكَ مِدَادَ عشقِ الارضِ و أكثر
أحببتك حبّ أبديّ سرمديّ إلى مالا نهاية
تمت.