رواية جمانة الفصل التاسع 9 بقلم هوس ريجا
رواية جمانة البارت التاسع
رواية جمانة الجزء التاسع
رواية جمانة الحلقة التاسعة
لغدوا روحو وداهم معاهم جداتي فالليل عرفت بلي خطب الخبر طاح عليا كالصاعقة حكمتني حالة ارق حاجة ثقيلة تحطت على صدري وضيقت عليا النفس ماحبت تهبط ماحبت تخرج نضت قعدت نمسح على صدري حابة نبكي بصح ماقدرتش دموعي نشفو مكانش الدموع حابة غير نبكي ونرتاح هزيت قرعة ما شربتها بلاك يتنحى هذا الثقل عليا بصح والو رجعت رقدت غمضت عينيا شريط ذكرياتي معاه ڨاع فات عليا طلع النهار في وجهي وانا نفس الحالة نسمع في ماما تعيط عليا نضت لميت روحي نمشي ونتمراما لدوش عيينا منفوخين محاوطهم سواد شفتي بيضة وجهي صفر نخلع غسلت وخرجت لماما فالكوزينة تحط فالفطور شافت حالتي تخنزرت فيا علبالها واش بيا ماهتميتش قعدت فرغت القهوة نشرب راسي وجعني شفت معاها ماما راح نروح لتونس عند خالي _لاه وقرايتك مابقلهاش ،نهار تبدا القراية نهبط _ضك نعيط لخالك اذا قدر يجي يديك معاه وصح عيطتلو قالها غدوا نجي وصح لغدوا جا داني بقيت يامات وكي مارتحتش وليت رجعت لدار العشية ندير فالعشا سمعت صوت جدة تهدر تفضلو تفضلو زارتنا براكة خرجت لقيت خالي ومرتو وجهينة رحت سلمت عليهم دخلنا لصالو ڨاع تلمينا ڨصارة حتى نطقت مرت خالي لماما اليوم جيناك بطلب ونشالله ماترديناش _عينيا ليكم _اليوم جيناكم خطابة لجمانة لوليدنا عمر شفت مع ماما كشغول كان علبالها عكس جداتي لي تصدمت شفت مع جهينة مصدومة هي علبالها بلي نحب حمزة كيفاه تقبل خوها يخطبني نطقت جداتي الشور شور عمامها نخبروهم ونشوفو واش كتب ربي شفت مع جهينة درتلها براسي هيا خرجت ولحقتني انتي علبالك بهذ الموضوع _ايه علبالي ،وعلاش ماقلتيش لعمر بلي جمانة ماتفيدكش _ جمانة عمر ملي رحتي وهو يسقسي عليك وعجبتيه ويحبك واش تحبي نقولو بلي تحب حمزة لي مي مقام خوها سكت _جمانة خمي فيها مليح أدي لي يحبك وماتديش لي تحبيه ،لا مانيش حابة_على جال حمزة ؟حتى وهو يقولك بلي مانيش حابك ياوو افهمي مايحبكش ديري كرامة لروحك واقبلي بعمر صدقيني غير تعيشي معاه كيما تحبي ويديرلك فالدنيا دنيتين لوقتاش تستناي حمزة ممكن يامات وتلقايه جايب مرتو وجاي سكت خمي مليح فيها واديها نصيحة مني هذه افضل فرصة باه تنساي حمزة وخرجت خلاتني بقات هدرتها تتعاود في راسي تعشاو وراحو فاتو عند خوالي دخلت عندي ماما هاه واش قلتي ،انتي واش رايك _اكيد قابلة سكت _خمي مليح يومين ونعيطولهم نرجعولهم لخبر ما بين مانسقسي عمومك،فاتو يومين وعمومي قبلو واعطاو الموافقة قاعدة تحت الشجرة نوكل فالقطوطة جات عندي ماما قعدت معايا هاه واش خممتي ولا مزال ،فاه _كيفاه فاه في موضوع خطبة عمومك قابلين بقيتي غير انتي وراهم يستناو ،قوليلهم قابلة ،ملا وجدي روحك يومين يجو يشوفوك ونتفاهمو على كلش .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جمانة)
