رواية جراح لا تنسى الفصل الأول 1 بقلم أماني السيد

رواية جراح لا تنسى البارت الأول

رواية جراح لا تنسى الجزء الأول

رواية جراح لا تنسى الحلقة الأولى

كانت تجلس مع والدتها تتابع اخبار مواقع التواصل الاجتماعي
مرفت: يا بنتى هتفضلى قاعده كده لحد امته لامنك متجوزه ولا منك مطلقه ولا عارفين فين اراضيه
منتهى : قلبى بيقولى انه عايش وهيرجع تانى
مرفت : لو كان عايز يرجع كان رجع انما انتى بقالك ٤ سنين ماتعرفيش عنه حاجه ارفعى قضيه طلاق غيابى وعيشى حياتك انتى لسه صغيره مش هتضيعى عمرك كده مايمكن يكون مات
منتهى: هفضل كده لاخر يوم في عمري استحاله هعرف اشوف حد تانى قلبى بيقولى هيرجع وقريب اوى
مرفت : عارفه الدكتور اللى فى العيادة اللى تحت طلبك منى وراضى بظروفك وقال هيعتبر ابنك ابنه
منتهى : يا ماما لو سمحت ارجوكى كفايه كلام في الموضوع ده لانه محسوم بالنسبالى
سابت والدتها ودخلت غرفتها وكانت بتشوف اخبار السوشيال ميديا والاقتصاد وفجأة ظهرت قدامها صوره زوجها
منتهى قربت التليفون اكتر من وشها ايوه هو الجرح اللى فى حاجبه هو هو بس مين اللى معاه دى وراحت جرى على امها
ماما يا ماما بصى كده
مرفت : ايه ده مش ده زهران جوزك اقريلى كده الكلام المكتوب ده
منتهى : رجل الأعمال عرفات وزوجته فى افتتاح فرع الشركة الجديدة في مصر مع نخبه من أكبر رجال الدولة
مرفت : ايه ده هو اتجوز وغير اسمه وايه اللى قلب حاله كده مش يمكن شبهه يا بت
منتهى : لا لا لا اكيد في حاجه غلط ومش هو زهران استحاله يتجوز عليا استحاله يتخلى عنى انا وابنه حتى لو بكنوز الارض
مرفت : طيب وانتى هتعرفى ازاى إذا كان هو ولا شبهه وافرضى طلع شبه جوزك ومش هو هتعملى ايه
منتهى : بصى يا ماما فى الاعلان هنا بيقولوا انه فتح فرع لشركه جديده ومحتاج موظفين خبره وإن دى فرصه كويسه للشباب اللى بيدور على عمل وانه فتح الشركه لهدف خلق فرص عمل للشباب وان قريب هيكون ليها فروع تانيه ف مصر
مرفت : ايه ده هى ليها فروح تانيه غير مصر
منتهى: اه دبى
مرفت : لا ياختى اطمنى يبقى مش جوزك ده اكيد شبهه فبلاش تروحى وتيجيى وتتعبى نفسك واسمعى كلامى
منتهى : الكلام معاكى بقى كله على الجواز كده م شمعقول انا قايمه
تانى يوم الصبح لبست منتهى واتشيكت وجهزت للنزول
مرفت : ايه ده انتى اتاخرتى على الشغل انهارده ومالك يابت متشيكه كده
منتهى : بصى بصراحه انا اخدت اجازه من الشغل
مرفت : امال رايحه فين كده
منتهى : بصراحه كده وبدون مقدمات رايحه اقدم فى الشركه بتاعت زهران او عرفات
مرفت : انتى ليه غاويه تتعبى نفسك كده جوزك الشحات ده هيلحق يعمل الهلومه دى كلها امته اعقلى ومتضيعيش شغلك من ايدك ماصدقنا لقينالك وظيفه محترمه بمرتب محترم
منتهى : يا ماما الشركه دى كبيره ولو قبلت فيها هيكون بمرتب اعلى وكده كده مش هسيب اللى انا فيها غير لو قبلت فى التانيه دى
مرفت : انتى حره انا هسيبك تعملى اللى فى دماغك عشان ماترجعيش تقولى انى السبب
فى مكان تانى فيلا فخمه كان على الفطار عرفات وزوجته يسرى بيفطروا
هاله : هتتاخر انهارده برا
عرفات : لا يا حبيبتي ابدا انهارده مافيش اجتماعات هخلص مراجعة الورق وهاجى على طول بإذن الله
هاله : ربنا معاك يا حبيبي
عرفات : مالك يا يسرى من امبارح ساكته وحاسك قلقانه من شئ
هاله : لا أبدا انا بس كنت متوتره بسبب حفله امبارح والحمد لله إنها عدت
عرفات: طيب عدت وكانت رائعه الحمد لله اهو فكى بقى وكده وارجعى هاله حبيبتي
هاله: وأنا كده مش حبيبتك
عرفات: لأ طبعا حبيبتي برضه انتى عارفه ان انا بحبك فى كل حالاتك بقولك ايه انا هنزل بقى كفايه تاخير لما حبيبه حبيبه ابوها تصحى كلمينى فديو وخلينى أصبح عليها ماشى يا حبيبتي
هاله : ماشى يا حبيبي مع السلامه
خرج عرفات ووصل الشركه ودخل بكل شموخ
وقابل نهله السكرتيرة بتاعته
عرفات : نهله انهارده فى ناس هتيجى تقدم هعمل انا ومؤمن المقابلات
وعلى مايبدا معاد المقابلات ابعتيلى اى ايميلات وصلت
نهله : حاضر يا فندم
وخرجت جهزت كل الاوراق المطلوبه واتصلت باستاذ مؤمن تبلغه عن مواعيد الانترفيو
مؤمن: هو عرفات بيه وصل
نهله : اه وصل حالا وبلغنى ان حضرتك وهو اللى هتعملوا الانترفيو
مؤمن: تمام قبل ماتدخلى اى حد بلغينى
وصلوا المقدمين على الوظائف ومن ضمنهم كانت منتهى
بدأ الانترفيو وكان مؤمن وعرفات هما اللى بيعملوا الانترفيو وجه دور منتهى ودخلت الغرفه
منتهى : سلام عليكم
مؤمن: وعليكم السلام
وبدأ مؤمن يسألها اسئله وكان جمبه عرفات مش قادر يتكلم بسبب صداع عصف بدماغه مره تانيه
مؤمن بص لعرفات لقاه ماسك دماغه
مؤمن: عرفات مالك فى ايه
عرفات: صداع صداع جامد اوي
منتهى بقت واقفه زى المشلوله خايفه عليه لكن واضح انه فعلا مايعرفهاش لكن هو هو زهران جوزها قربت جرى عليه
زهران زهران انت كويس
مؤمن هنا بصلها وتنح وعرفات اغم عليه
اتصل مؤمن بالدكتور وقاله يجيى بسرعه
مؤمن : مين انتى وزهران مين اللى بتتكلمى عنه
منتهى : ده زهران جوزى انا واثقه ان هو بس هو ماله
مؤمن: لا ده واضح انه موضوع طويل
دخل الدكتور وقال انه حاول يتذكر حاجه هى اللى عملت كده واداله مهدئ
مؤمن : هيفوق امته
الدكتور: كمان ١٠ دقايق بإذن الله
منتهى : هو ماله
مؤمن: فاقد الزاكره عرفات صاحبى وكنا مسافرين مع بعض وحصلتله حادثة كبيره فقد فيها الزاكره بتاعته
مؤمن : انتى بتقولى انك مراته
منتهى : ازاى بتقول صحبك ومقالكش انه متجوز وعنده ولد
مؤمن: انا عرفته وقت الحادثة
كان فى عربيه خبطته وجريت وانا لحقتها واخدت الارقام بسرعه وبلغت عنها ولما عرفات فاق مكنش معاه اى اوراق او اى حاجه نقدر نعرف بيها هو مين
ومن وقتها بقينا صحاب
منتهى : طيب ساعدنى افضل معاه لحد يفتكرنى مش عشانى حتى عشان ابنه ارجوك
مؤمن: بس كل اما يشوفك وقتها ممكن نضغط على اعصابه ممكن لا قدر الله يكون فى خطر على حياته
منتهى : طيب انا هستنى لما يفوق ولو تعب تانى وقتها مش هشتغل هنا لكن لو فاق ومحصلش حاجه يبقى هشتغل هنا
مؤمن: انتى طبعا عارفه انه متجوز دلوقتي
منتهى والدموع فى عنيها اه عرفت
مؤمن: وعنده بنت عمرها سنتين
منتهى : وعنده ابن عنده خمس سنين مايعرفش عنه حاجه وعنده زوجه اولى مستنياه بقالها ٤ سنين
مؤمن بص فى السى فى بتاعها وحفظه بسرعه
مؤمن : خلاص انا هتصرف وهعينك السكرتيرة بتاعته
منتهى : طيب واللى بره
مؤمن: دى السكرتيرة بتاعتى وكانت ماسكه شغلنا احنا الاتنين لحد ما واحده تيجى جديده انا هقوله انى محتاج نهله وهخليكى انتى معاه اتفقنا
هاتى رقمك بسرعه قبل مايفوق عشان نتفق هنعمل ايه الفتره الجايه
منتهى سابتله رقمها
وقتها كان عرفات بدأ يفوق
مؤمن : حمد الله على السلامه
عرفات : حصل ايه
مؤمن: شكلك كنت بتحاول تفتكر حاجه وضغط على اعصابك بعت جبت الدكتور الخاص بيك
رجع تانى عرفات بعينه على منتهى
مؤمن : مدام منتهى هتكون السكرتيرة بتاعتك انا عملت معاها انتر فيو وعندها خبره كبيره جدا وبإذن الله هنستفاد من شغلها
عرفات : طيب تمام
اثناء حديثهم تليفونه رن وكانت هاله وبتتصل فيديو كول فتح عرفات المكالمه
عرفات : حبيبه حبيبت قلب بابى صحيت
هاله : اول ماصحيت سالت عليك
عرفات : عن ازنكم وسابهم وراح يتكلم فديو مع بنته
مؤمن: هو بيحب الاطفال ومتعلق ببنته او بكره لما يفتكر ابنه اكيد هيحبه برضو
منتهى : هستلم الشغل امته
مؤمن : من بكره بإذن الله