رواية جحيم قاسي الفصل الخامس والثلاثون 35 بقلم ملك يسري
رواية جحيم قاسي الجزء الخامس والثلاثون
رواية جحيم قاسي البارت الخامس والثلاثون
رواية جحيم قاسي الحلقة الخامسة والثلاثون
في اليوم التالي
في المستشفى اسد كان قاعد مع ابوه مستنين الدكتور يخرج من اوضه الكشف ويقولهم الحاله عامله ايه بعد فتره الدكتور خرج من الاوضه
الدكتور: الحمد لله هو دلوقتي فاق وحالته اتحسنت وتقدرو تشوفوه
حسين: تمام شكراً ليك يادكتور
حسين دخل هو واسد الاوضه ولقي اخوه نايم على السرير وباين عليه التعب
حسين بفرحه أول مشافه: حمدالله على سلامتك ياخوي
ابراهيم بتعب: الله يسلمك ياخويا هو ايه الي حصل
حسين: كنت بتدلع مش اكتر خضتنا عليك
ابراهيم: سلامتك من الخضه ياخوي
حسين: المهم انت دلوقتي كويس
ابراهيم: الحمد لله
اسد: حمدالله على سلامتك ياعمي
ابراهيم: الله يسلمك يااسد يابني
صافيه دخلت عليهم بعد مفاقت
صافيه بدموع: حمدالله على سلامتك أن شاء الله انا وانت لا
ابراهيم:متقوليش كده بعد الشر عليكي
صافيه:خضتني عليك اوي
ابراهيم: متخافيش عليا جوزك اسد ولا ايه يااسد
اسد بضحك: طبعاً ياعمي
حسين:تعالي يااسد نسيبهم شويه مع بعض
اسد:يلا يابوي
خرج اسد هو وابوه من الاوضه
حسين:روح انت يااسد استريح وطمنهم ومتخليش حد يجي انا كلمت الدكتور وقالي إن هو هيطلع بعد يومين وهيكمل علاجه من البيت
اسد:حاضر يابوي طب انت مش هتيجي
حسين:لا انا هفضل شويه روح أنت علشان انت تعبت
اسد: حاضر يابوي خلي بالك من نفسك
اسد مشي وهو فرحان أن هو هيروح يشوف ملاكه ويعتذر ليها اسد ركب العربيه وفضل يتصل علي ملاك ومابتردش عليه
اسد:اكيد لازم تكون زعلانه انا جرحتها اوي
بعد فتره اسد وصل القصر بتاعه ودخل لقي الكل قاعد في الصاله ماعدا ملاك
أميره: بابا عامل ايه يااسد
اسد: الحمد لله ياحبيبتي بقي كويس وفاق وزي الفل
أميره:بجد يعني أنا ينفع اروح اشوفه
اسد: أبويا قال لا هو كمان يومين وهيطلع
صافيه:تعالي يابني كل لقمه انت ماكلتش من امبارح
أسد:لا ياامي انا مش جعان هي فين ملاك
رقيه: ملاك من الصبح في اوضتها ومانزلتش وطلعت اخبط عليها مردتش افتكرتها نايمه اطلعلها انت يابني
اسد بخوف:أنا طالع ليها بسرعه
اسد طلع اوضه ملاك وفتحها بسرعه بس ملقاش حد الخوف دب في قلبه اسد قاعد ينادي عليها في الأوضه بس مكنش في حد بيرد راح فتح الدولاب وملقاش هدوم وبالصدفة لقي جواب على الترابيزه راح بسرعه يقرأ الجواب وهو خايف فتح الجواب وكان مكتوب
اسد انت لما تقرأ الجواب ده انا مش هكون موجوده انا عايزك تعرف ان انا محبتش حد في حياتي قدك بس انت كسرتني اوي بكلامك يمكن كمان كسرتني اكتر مازين كسرني ياريتني فعلاً معرفتكو زي مكنت بتقولي كنت علي الاقل مش هتكسر مرتين بس انت فعلاً عندك حق انا من ساعه اما دخلت حياتك وانت مبتشوفش غير المصايب انا اسفه لو في حاجه اذتك بسببي ارجوك طلقني يااسد ومدورش عليا حتي لو دورت مش هتلاقيني طلقني وشوف حياتك وانساني وانا كمان هشوف حياتي بس ارجوك خلي بالك من ماما وقولها أن انا بحبها اوي وكانت احلي ايامي حياتي الي قضتها معاكو
ربنا يوفقك في حياتك ويسعدك بس ارجوك لو لسه بتحبني طلقني. بحبك رغم انك كسرتني.
اسد بدموع: ملاكككككككككك
يتبع…
لقراءة الفصل التالي : اضغط هنا
الرواية كاملة اضغط على : (رواية جحيم قاسي)
