رواية جحيم شمس الفصل الخامس 5 بقلم رشا منصور
رواية جحيم شمس الجزء الخامس
رواية جحيم شمس البارت الخامس
رواية جحيم شمس الحلقة الخامسة
الضابط أحمد
ها يا متولي اتفضل احكي وفهمني
متولي…. أنا يا بيه شغال هنا من خمستاشر سنه من أيام حسين باشا الله يرحمه كان راجل ونعم الرجال عنده شركه كبيرة والفيلا دى وفلوس وعربيات ياما وبيعطف ع الغلابه وكل الناس بتحبه وكان متجوز الست نريمان هانم بنت الأصول وفي يوم عرفنا أن حسين باشا مات قالوا إنه عمل حادثه بالعربيه ومات هو والسواق زعلنا عليه أوى وكانت الصدمه كبيرة على الست ناريمان لأنها
كانت حزينه أوى كانت بتحب الباشا ومتجوزين بقالهم سنين كتير ومخلفوش عيال وبعد محاولات كتير مع الدكاترة حصل الحمل وكان أسعد يوم عندنا كلنا و حسين باشا مات من قبل ما يشوف الطفل اللى بيحلم به وفضلت ناريمان هانم حزينه وبعد اسبوعين صحيت ع صوت عالي ولقيت البت سعديه الشغاله جايه تقولى روح هات الدكتور بسرعه الهانم بتولد
جريت يا بيه لحد المستشفي هى بعدينا بشارعين وجت الإسعاف وخدت الهانم والولادة كانت صعبه أوى بس ربنا كرمها وجابت بنت زى فلقه القمر
وبعدها ظهر صفوان باشا وقتها كان شغال في شركه حسين باشا الله يرحمه وكان مدير أعماله وجه يطمن ع الست ناريمان ومن يوم وفاته بقي هو المسؤول عن الشركه والكل في الكل هناك ما الست ناريمان كانت طول الوقت مع بنتها وكمان هى طول عمرها ملهاش في الشغل ولا تعرف عنه حاجه وبقي كل يوم والتاني صفوان باشا عندنا
وكان يفضل يوصيني ع الهانم اخلي بالي من طلباتها ومدخلش حد غريب البيت ولو احتاجنا أى حاجة أتصل عليه وزود لنا المرتبات وكان بيجيب حاجات كتير للبنت الصغيرة وعين موظف مخصوص يجيب لوازم البيت كل يوم علشان نفضل إحنا جمب الهانم لو احتاجت حاجه بصراحه يابيه كلنا فرحنا وقولنا ربنا رايد أن الهانم متتبهدلش من بعد الباشا الله يرحمه لأنها ولا كان لها في الشغل ولا كانت هتقدر تسيب البنت الصغيره ومرت الأيام والشهور وبعد سنويه المرحوم
الست ناريمان هانم
نادت عليا أنا وسعديه قالت لنا أن صفوان باشا عاوز يتجوزها وهى مش عارفه تعمل ايه خايفه يكون طمعان فيها وفي نفس الوقت خايفه ترفض ووقتها هتخسر الشركه وده حق بنتها وهى متفهمش حاجه فيها وأهلها في بلاد بره وهى لوحدها هنا ملهاش حد غيرنا
قولت لها أنا والبت سعديه يا هانم اتجوزى وربي بنتك ولو طلع وحش اطلقي منه وارفديه من الشركه ووقتها بيعيها وحطى فلوسها في البنك واهو تبقي امان لكي ولبنتك
وفعلاً يا بيه بعد شهر واحد كانوا متجوزين وبقي صفوان باشا صاحب الشركه والفيلا اللى إحنا فيها دى وبقي الكل في الكل رسمي لأنه جوز الست وزود بقي في العربيات والهدايا وسفريات وقولت الحمد لله الهانم ربنا عوضها ما هى بنت حلال وتستاهل كل خير
الضابط أحمد…
وبعدين يا راجل يا خرفان أنت اسألك سؤال تحكيلي قصة حياتك أنا مالى باللى مات ولا اللى اتجوز اخلص شمس تبقي بنت مين
متولي…
جايلك يابيه في الكلام اسمعني للأخر واستحملني
الضابط أحمد. اتفضل بس خلصني
متولي… وبعد حوالي سنه يابيه الهانم رجعت من سفريه منهم وشكلها وحالاتها متغيرة ولما سألت صفوان باشا قال الهانم اخدت دور برد وفترة وهتبقي كويسه
وبعد كام يوم جاتلي البت سعديه وقالتلي الحق ياعم متولى الست ناريمان لقيتها حاطه بوردة بيضاء وبتشم فيها وخايفه تكون زى بتاعه الأفلام
قولت لها بس يابت بلاش كلام فاضي الهانم عندها برد وتلاقي ده علاج من بلاد بره وبتشمه ربنا يشفيها يارب
روحي خليكي في شغلك وخدى بالك من البت الصغيرة واهتمي بأكل الهانم هى الفترة دى محتاجه تتغذى أصل البرد بيحتاج مراعيه واعملي لها ليمون
سعديه….
اكل إيه وبرد إيه ياعم متولي الست ناريمان هانم بقت صبح وليل تشرب في خمره ومبقتش تاكل ولا حتى فايقه تشوف بنتها
متولى … أنتى بتقولي ايه يابت أنتى
وقتها يابيه خوفت ع الهانم أوى وحسيت أن الموضوع ده صفوان باشا له دخل فيه الهانم عمرها ما شربت ولا عمر البيت الطاهر ده كان فيه منكر واعوذ بالله يبقي مين بس اللى دخل الحاجات دي وعلم الهانم الشرب غيره خوفت يابيه ع الهانم
علشان كده يا بيه دخلت للفيلا جوه وقابلت الهانم وفعلاً لقيتها بتشرب بس كانت بتبكي قولت لها ليه يا هانم بتعملي في نفسك كدا أنتي عمرك ما كان لكي في الحاجات دى لو مش خايفه ع نفسك خافي ع بنتك
قالت ليا اخاف من ايه بعد اللى عرفته أنا جوزى اتقtل يا عم متولى حب عمر وأبو بنتي
الحادثه كانت مدبره لحسين كان عاوز يخلص منه بعد ما كشف سرقته حرمني من جوزى وأكيد أنا كمان هحصله عمره ما يخليني عايشه بعد ما عرفت الحقيقة
متولي…. هو مين ده يا ست الهانم هو حد يقدر يقربك وأنا موجود ولو عاوزة نجيب حرس لكي متخافيش يا هانم كلنا هنا فداكي أنتي والهانم الصغيرة
ناريمان هانم…. أنا هنا لوحدى من غير أهل وأنت اللى ليا هنا علشان كده عاوزة أوصيك تخلي بالك من بنتي أوعى يعمل فيها حاجة أعتبرها زى بنتك حافظ عليها لحد ما تكبر وتعرف كل حاجه وتعرف إزاى تاخد حقها وحقنا إحنا كمان
متولي…
قولت لها بعد الشر عليكي يا هانم ولسه مخلصتش كلامي
بنبص لقينا 😱
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جحيم شمس)
