رواية ثريا الفصل الأول 1 بقلم ذات الخمار

رواية ثريا الجزء الأول

رواية ثريا البارت الأول

رواية ثريا الحلقة الأولى

ثريا: اي الهبل دا يا ماما عايزاني اتجوز شيخ علشان لو ضحكت بصوت عالي ولا لبست ضيق يقتلني ولا يعمل فيا حاجه ويقول لك اغسل عارى والهبل دا طبعا لااا
الام: بص بقا يا بنت بطني انا سكتت لك كتير والظاهر اني دلعتك زياده عن ال لازم الراجل ابوكي اتفق معاه علي ٩ بالليل اعملي حسابك هتخرجي تقعدي معاه ورجلك فوق رقابتك انتي الظاهر اتدلعتي زياده ودا غلطنا احنا
خر ت والدتها لتفتح ثريا الفيس بوك وتكتب رساله لاحدهم وتقول له: الحقني يا اسامه بابا عايز يجوزني..
اسامه: طيب ونا مالي
ثريا: مالك ازاى يا اسامه انت عارف اني بحبك
اسامه: والمفروض اني اعمل اي انا مش جاهز اخطب دلوقتي يا ثريا
ثريا: كلم بابا يا اسامه وهو هيفهم وهيستناك
اسامه: ربنا يسعدك يا ثريا
ثريا: اسامه متسبنيش انا بحبك..
اسامه: بتحبيني ازاى وانتي حتي مشوفتيش شكلي يا ثريا معاشرتيش اسامه يا ثريا انتي حبيتي الصوره الل انا رسمتهالك بس حبيتي الصوره الل انا عايز اوضحهالك بس حبيتي اني بقولك انك البنت الوحيد ف حياتي وانا ف حياتي ١٠٠ بنت غيرك بس انتي علشان ضعيفه وغبيه صدقتيني انت هبله اوي يا ثريا تفتكري انا ممكن اتجوز واحده زيك انا يوم ما افكر اخد واحده هاخد انسانه نضيفه مالهاش علاقات مش زيك اكيد مدوراها..
ثريا: انت مجنون يا اسامه
ثريا: انا بحبك
ثريا: اساااامه
ثريا: رددد عليااااا
ثريا: بلووووك ليييي بسسسس..
لتنهار ثريا من البكاء علي فراشها..
…………………………………. ………………………………….
حلت الساعه التاسعه مساءا..
تقف ثريا امام المرآه تضع مساحيق التجميل بكثره علي وجهها وترتدي بنطال من الجينز الضيق وبلوزه ستان قصيره وشعرها يخرج من قطعه القماش الملقاه علي رأسها باهمال
لتدخل لها والدتها وتقول: يلا يا اختي قدامي..
ثريا: يلا..
خرجت ثريا ليستعجب اهل العريس..
مصطفي (والد العريس): هي دي عروستنا يا احمد
احمد (والد ثريا): ايوه هي دي ثريا بنتي يا شيخ مصطفي
مصطفي بضيق: استغفر الله العظيم..
احمد: تعالي نخرج يا مصطفي ونسيب العرسان شويه وبعدين ندخل لهم..
مصطفي: ماشي يلا بينا..
خرج مصطفي واحمد..
ثريا: هااي ازيك..
سَند: وعليكم السلام ورحمة الله وبركاته
ثريا: اه انت قديم من اياهم بتوع السلام عليكم ي ابني خليك روش كدا دلوقتي بقا فيه هاي وتشاو وكدا..
سَند: النبي صلي الله عليه وسلم كان عربي فيها اي لما نكون كلنا زيه علي منهجه ودينه واسلوبه مش لازم علشان ابقا روش البس توب مش توبي او اعيش عيشع مش عيشتي واشبه نفسي بالاشكال الفاسده بحيث ان اكون علي الموضه..
ثريا: اه اوكي اوكي..
سند بابتسامه: اسمك ثريا صح
ثريا: اه اسمي ثريا وبعدين انت باصص ف الارض كدا لي هو انا وحشه
سند: لا لا لا العفو طبعا دا اسمه غض بصر في الدين يا ثريا يعني مينفعش اي يبص لك ويتغزل فيكي
ثريا: شكلك قفل اوي ي ابني ما تخليك اوب مايند كدا..
سند: هو علشان ابقا اوبن مايند ابقا قليل الادب وامتع نظرى بمحرمات عليا ما هو لو انا كنت بقيت اوبن مايند مكنتش دخلت بيت ابوكي من بابه وكنت اتفرجت بره علي جسم اي واحده من الل هما اوبن مايند صح يا ثريا..
ثريا: هو انا يعني الل قلت لهم يبصوا عليا ما ياريت كلهم يغضوا بصرهم
سند: انا مأمور اغض بصري صح
ثريا: صح جدا
سند: وانتي مأموره تستري نفسك..
ثريا: هو انا ماشيه عريانه ما انا لابسه اهوه..
ليتنهد سند ويبتسم لها ويقول: انتي لابسه بنطلون صح
ثريا: شور
سند: ونا لابس بنطلون صح
ثريا: ذاتس رايت
سند: يبقا اي الفرق بيني وبينك دلوقتي الراجل طبيعي يلبس بنطلون لانه مالهوش جيبه ولا دريس والست مالهاش بنطلون ليها جيبه ودريس ف لما تحبي تحسي انك مميزه عن الرجاله البسي دريس.. ❤
ليدخل مصطفي واحمد
مصطفي: ها اي رأيك يا سندد
سند: انا عن نفسي موافق يا بابا.
احمد: واحنا هناخد رأي عروستنا
سند: متكسفهاش قدامنا يا عمي احمد خلي مامتها تاخدها ف اوضتها وتبقوا تسألوها براحتكوا وياريت يا ثريا متستعجليش وتصلي استخاره الاول قبل ما تختارى قرارك ايي..
مصطفي: طيب اكتب رقم سند علشان لما تبلغونا ردكوا
احمد: هاتي التليفون واكتبي رقم سند يا ثريا..
ثريا: حاضر..
لتسجل ثريا رقم سند..
وانتهت الليله بخير..
فتحت ثريا ال لاب توب الخاص بها وجلست تلعب فيه حتي غلبها النعاس وهي تحاول محادثه اسامه..
استيقظت ف الصباح لتجد والدها ينظر لها بغضب..
ثريا: خير يا بابا في اي..
ليجذبها من خصلات شعرها وييقرب وجهها من شاشه ال لاب توب ويقول: اي داا هااااا عرفيني اي دا..
دي اخره ثقتي فيكي يا ثريا تكسري ضهري يا ثريا مين اسامه دا يا بنت الل *******
وينهال عليها بالضرب المتتالي..
لتدخل والده ثريا وتقوم بابعاد زوجها للخارج وتترك تلك المنهاره من البكاء امامها وتغادر الغرفه وهي تقول: عيطي يا اختي عيطي يا حلوه..
لتحمل ثريا الهاتف وتضغط عده ارقام وتقول: ايوه الحقني يا سند بالله عليك هي… موتني..