رواية تلميذ الشيطان الفصل السابع 7 بقلم منة محمد
رواية تلميذ الشيطان الجزء السابع
رواية تلميذ الشيطان البارت السابع
رواية تلميذ الشيطان الحلقة السابعة
في فيلا هشام في جو كله مظاهر السعاده والفرحه دخلت اروي بين الحشد هي وامها
اروي بحيره ومتاهه: ازاي هلاقيها وسط الناس دي
وفاء: نسال
اروي قرت من سيده ما وبخوف: السلامو عليكم هو ده بيت هشام الشرقاوي
السيده: ايوه هو
اروي: هو انتي امه
السيده: لاء يا حبيبتي مش امه هي الي واقفه جنب العروسه لابسه بمبي
اروي بدموع: انا عايزه اتكلم مع امه انا في مصيبه كبيره ودي امي , وشرفي في خطر بسبب هشام الشرقاوي
السيده صرخت: ايه
اروي: لو مش مصدقاني احنا معانا الدليل شوفي هشام راجل مش كويس والبنت دي كانت بتشتغل معاه وانتـ حرت انقذيني منه ارجوكي
وفاء: احنا ناس اشراف ومستحيل يا ست هانم نتخلي عن شرفنا وكرامتنا
السيده: تمام يا حبيبتي انا راجعة دقيقه واحده اهدي انا جايه
اروي: ماشي
السيده قربت ع زوجها: سمير تعال اسمع الي بيقوله الناس دول
سمير بعدم فهم: بتقولي ايه
السيده شدته: تعال اسمع البنت بنفسك
سمير قرب عليها بسؤال: ايه الي حصل معاكي يا بنتي
اروي ببكاء هستيري: عمي انا بشتغل في شركه هشام بيه الشرقاوي وهو راجل فاسد وشرفي وسمعتي في خطر بسببه هو كداب ومحتال وعمالي مكايد كتير
سمير: متعيطيش يا بنتي
اروي: انا عندي استعداد احكيلك كل عمايله انا شغاله في مكتبه هو بيستغل حوجه البنات وقدر يوقعني ولو مش مصدقني شوف البنت دي كانت بتشتغل عنده وقتلت نفسها بسببه
سمير: ياساتر يارب
اروي عيطت بجنون: حتي ابويا مات بسببه
سمير بتأثر لحالتها: متعيطيش ارجوكي_زعق في الفرقه) وقفوا الموسيقي دي حالا انا مش عايز الخطوبه دي
هشام لف بتعجب: بتعمل ايه يا اونكل حصل ايه؟
سمير بغضب: ليك عين تقول ليه انت تعرفها
هشام لما سمير شاور ع اروي لف بجمسه وشافها وركبه الف عفريت ورجع بصله
سمير: اخص عليك تستغل البنات ع شرفهم
هشام: مين قالك كده تعال اشرحلك الامر
سمير بنفعال: وانت متخيل اني عايز اتكلم معاك مش هتكلم معاك انا رافض النسب من عايله عندها ابنك فاسق زيك
هشام بقهر: بتقول ايه بس يا اونكل ازاي الناس هتحترمنا بعد كده تعال معايا وهقولك كل حاجه
سمير بنظرات احتقار: يحترمك اي احترام بتتكلم عنه , هما امثالك يعرفوا معني الاحترام الفاسدين امثالك ميفهموش معني الاحترام _شاور لـ اروي_ تعالي قربي هنا
اروي قربت هي وامها بالفعل وهشام صرخ: دي كدابه دول عالم خداعين نصبوا ع شركتي
وفاء شاورت عليه بغضب: انت الي كذاب, بنتي مخدتش منك المبلغ ده , يا ناس الراجل ده مفسد في الارض وبيجبر البنات تعمل حاجات تغضب ربنا
هشام اتك ع فكه: بطلي تخاريف يا ست انتي والا
سمير : اخرس الامر في منتهي الوضوح
هشام برجاء: يا اونكل تعال هقولك كل حاجه
سمير برفض قطعي: مش عايز اسمع حاجه وانا مش هكمل الخطوبه دي
هشام: ارجوك يا اونكل بتقول ايه
سمير شاور لـ ابنه: يله يا ابني قوم
عفاف كأنها في كابوس قالت برجاء: يا سمير بيه اسمعني ارجوك
سمير: يا مدام عفاف انتي عارفه انا قد ايه بحترمك لكن سوري مش هتمم الجوازه دي يله
هشام مسكه من دراعه برجاء: ارجوك يا اونكل اقف اسمعني
سمير شد ايده منها: قلت مش عايز اتكلم معاك ياقـ ذر
هشام: اسمعني هقولك كل الحكايه
عفاف: اسمعوني يا جماعه
المعازيم بدئت تنسحب وهي بتنظر لهشام نظرات احتقار وتقي قعدت ع جنب وانهارت في البكاء بس بدون اي صوت
هشام بقي زي المجنون وسطيهم: اسمعوني محصلش حاجه دي كدابه (صرخ وداخل عليها) ارررروي
عفاف دفعته عنها وسألتها: انتي مين؟ وليه بتعملي كده
هشام اتك ع فكه بقوه: دي كدابه وغشاشه
عفاف بحزم شديد: اسكت انا بسألها ليه كل العداوه دي مع ابني
اروي جسمها بينتفض بشده: انقذيني منه انا معملتش حاجه, انا كنت بشتغل عنده في الشركه ودي غلطتي الوحيده الراجل ده دمر حياتي وبابا مـ ات بسببه, حاول يسرق شـ رفي
وعـ رضي مستعده احلفلك بالله انا مش بكدب يا خالتي
عفاف من منظرها الهستيري مسكت ايدها تهديها
هشام: اسمعي يا ماما دي محتاله
عفاف بصرخه: اخرس
هشام: بتكدب يا ماما
عفاف: قلت اسكت. روحي يابنتي استريحي في بيتك , ومش هيحصلك حاجه
هشام اتك ع اسنانه بتهديد: مش هسيبك سامعه يا اروي
عفاف لفت وبعزم قوتها لطشته بالقلم واخدت بنتها ومشت بيها وهشام هيولع في الكل كليله
……………قصص منه محمد كاتب……………
في غرفه تقي الي حرفيا منهاره
عفاف: كفايه يا تقي كفايه يابنتي انتي قويه وشجاعه
تقي: ازاي وكل حاجه انتهت اخويا اهانني ده كان قدوتي انا مصدقتش البنت دي انها بتتكلم عن اخويا خدعنا كتير لدرجه متخيلتهاش
عفاف بدموع: انا كمان مش متخيله ابدا ان ابني تكون دي حقيقته, ده انا ربيته ومتوقعتش يطلع منه العفن ده كله
هشام دخل ويبصلهم ووشه مخطوف
عفاف: مش مكسوف انك دمار كل حاجه خلاص ضميرك مـ ات
هشام: ماما
عفاف بصرخه: اخرس عمري ما توقعت انك تطلع ابليس رجيم كده, كنت مفكراك ملاك بريئ انت عندك اخت بعد كل الي حصل فيها كنت عايزه الارض تنشق وتبلعني, الابن الي بفتخر بيه الليله قتـ لني بالحياه لما عرفت انه فاسد
هشام: دي كدابه وبتتهمني اتهامات باطله , انا معملتش حاجه يا ماما
عفاف: انت كداب والصوره الخليعه دي ايه, مفكرتش ابدا ان الفضيحه دي هتحصل في يوم خطوبه اختك مين هيرضا يتجوزها بعد الي حصل
هشام: ماما صدقيني انا
عفاف قطعته: مهما قلت انا مصدقه البنت دي وامها , لو شفت ضلك حتي مش هتشوف وشي في الدنيا دي مره تانيه, ياتري فهمت
هشام: بتقولي ايه انا معملتش حاجه
عفاف :اخرس مش عايزه اشوف وشك قدامي تاني , ومش هسمع منك حاجه انا همشي من هنا للابد
هشام قلب عيونه بوعيد ولنفسه: كل ده حصل بسببك ياروي انتي غلطي في حقي وانا مش هسيبك ومش هسامحك
…………..قصص منه محمد كاتب…………….
في منزل اروي
وفاء: شوف يابني الغلابه والاغنياء عايزين يحافظوا ع شرفهم واحنا مكناش عايزين نشوه سمعه اخته
قاسم: ولا تقلقي لكل ده احنا نشكر الله انه هيسيبكم في حالكم دلوقت ومش هيقدر يعمل حاجه لـ اروي انا عارفه وكتير هو مش هيقعد في هدوء بعد كل الي حصل جواه بركان دلوقت واكيد هيحاول ينتقم منكم ليه متجوش تعيشوا معايا لا يمكن يلاقيكم
اروي: لاء يا عم قاسم انت كده بتعرض نفسك للخطر بسببي مفيش داعي زياده احسان
قاسم ابتسم:اروي انتي اختي الصغيره وكوني احافظ عليكي ده واجب ع الاخ مش احسان منه
وفاء فكرت وردت : موافقين مستعدين نمشي معاك
قاسم ابتسم : تمام يله قوموا لموا حاجات بسيطه معاكم وانا هاجي بكره اخد باقي الحاجات (قام) همشي دلوقت
وفاء راحت معاه للباب: شكرا يابني مع السلامه
اروي: لو حاول هشام يؤذيني يا ماما هطلب من امه الحمايه
وفاء: ماشي يابنتي , بس هي امه ياتري هتسمعنا, وتصدقنا وتساعدنا كمان , خايفه لاترفض تساعدنا وقعدنا لوحدنا هنا مش صح حمل تقيل يابنتي يله قومي حضري الشنط
………………قصص منه محمد كاتب……………..
في فيلا هشام
هشام بنكسار: ارجوكي صدقيني انا البنت دي جات تشوه سمعتي لاني رفعت قضيه نصب ضدها مكنتش اعرف انها هتيجي لحد عايلتي وتعمل كل ده ( ركع قدامها ومسك ايدها) ارجوكي اتكلمي معايا ليه نعاقبيني كده وانا معملتش حاجه
عفاف: والبت التانيه مين هي وايه علاقتك بيها
هشام: دي موظفه عندي في المكتب
عفاف: وايه
هشام :كانت صديقه مقربه ليا
عفاف :صديقه بس ولا كان فيه علاقه تانيه تربطك بيها
هشام بعد تردد كبير رد: كنت بحبها كتير وكنت عايز اتجوزها بس هي سابتني لانها حبت واحد تاني ومتوقعتش تعمل فيا كده, لكن خدعتني كتير وطلبت منها في يوم تجيلك وتشوفيها عشان نتجوز وفجأه اختفت وبعدها
عفاف قطعته :معرفتش عنها حاجه وجات شركتك تنتـ حر فيها مش كده
هشام : ده الي مش قادر افهمه لانها رجعتلي وقالتلي انها سابت حبيبها وعايزنا نرجع لبعض انا رفضت ازاي اقبل كده وباي وش هواجهك عشان كده انتـ حرت ومش عارف ليه اختارت مكتبي صدقيني انا معنديش دليل ع صدق كلامي لكن انا ابنك هشام ارجوكي ثقي فيا وصدقيني انا معملتش حاجه غلط
عفاف: تمام روح امسك كتاب الله واحلف انك بريئ وصادق ولو كداب يقلبه ع اختك
هشام بتردد كبير مسك المصحف وبلع ريقه وحلف كدب عشان ينجي نفسه وقال : انا صادق في كل كلمه بقولها
عفاف: افتكر حاجه واحده لو كنت بتكدب نتيائج افعلك هتتحملها اختك
هشام :ازاي تقولي كده هي مش بس اختي هي بنتي مفكره احلف كدب انا ابنك هشام يا ماما الي لعب في حضنك معقول تربيتي تسمح اعمل كده ارجوكي ثقي فيا ده كله غلطي لان مش حكتلكم الي بيحصل معايا بس كل همي قلت بلاش اضايقكم انا مذنب في حقكم ارجوكي سامحيني لو قدرتي
عفاف: لاء يابني متقولش كده الغلط مش غلطك ده غلطي سامحني يابني
هشام باس ايدها :متقوليش كده يا امي
عفاف بدموع: انا ام واقدر احس بيك واقدر افهم وجعك يابني ازاي اصدق بنت غريبه واكدب ابني حتي مدتكش فرصه تتكلم وتدافع عن نفسك
هشام ضمها بخبث: لاء يا ماما انتي امي وحتقدري تعملي فيا اي حاجه كفايه ولو عملت فيا اي بنت غريبه كده مره تانيه هقولك واطلب مساعدتك انا ابنك لازم تثقي فيا دايما انا مقدرش اعمل حاجه تغضب ربنا
تقي ضمته: انا اسفه يا ابيه فهمتك بشكل غلط
هشام: لاء يا بنتي انتي مغلطتيش في حاجه, الموضوع جه كده انتي الي لازم تسامحيني لان بسببي حصلك الموقف البشـ ع ده يوم فرحك
تقي لاء يا ابيه الحمد لله ان الجوازه دي ما تمتش انا مش هتجوز من العايله دي باي شكل الي قدر يهين اخويا بالشكل ده يمشي
هشام ضمهم وباس دماغ عفاف وابتسم بشر لـ اروي …!!!!
……………………………………………….
في مكتب هشام تحديدا ع الموبيل
هشام لراجل ما عرفت حاجه عن قاسم……امال بتعمل ايه كل الايام دي ……عايز قاسم بأي طريقه دور عنه وجبهولي لحد هنا
هشام قفل وكلم نفسه : قاسم مش خاين, بس راح فين ليه مش بيرد ع موبيله , ولا بيحاول يتصل بيا لو مبعتش اروي للوزير ع الاقل كان رفض ممكن يكون له يد ان البنت دي تيجي هنا هي وامها لبيتي, لا لاء يمكن يخون باي طريقه ده رجلي من زمان وهو عارف كويس انا مستحيل اتهاون مع الخاينين اكيد حصله حاجه وبسببها مش قادر يرد عليا بس ازاي وصلوا لهنا هتجنن بالتأكيد حد ساعدهم لايمكن يوصلوا هنا بدون مساعده بس هو مين؟!
عفاف خبطت ودخلت بسؤال هشام
هشام رسم الحزن ع ملامحه: اتفضلي يا امي
عفاف: جيت اعرف راجع امتي القاهره
هشام اتنهد: الطياره معادها بكره الصبح
عفاف: هشام انسي الي حصل مفيش داعي تتقهر كده
هشام بقهر: ازاي انسي كل المذله الي اتعرضلها صعب يا ماما, اظن عارفه قد ايه كان كل همي احافظ ع سمعتنا وشرفنا , الناس هتفكر فينا ازاي
تقي: ابيه سيبك من كلام الناس احنا ولا نهتم هما بيقوله ايه او بيفكروا ازاي
عفاف :اختك كلامها صح يابني انت ابني وانا ثقتي فيك كبيره
هشام :انتي ام عشان كده ده كلامك ,عارفه يا امي اتحملت معناه كبيره, لكن لما حد قرب منكم ده الي لا يمكن اتحمله
تقي: ربنا يخليك لينا
هشام بقهر: يخليني وكنت السبب في تدميرك ياتقي, اتحملتي كتير بسببي ودلوقت مين ممكن يقبل يتجوزك
تقي بأبتسامه: حبيبي هلاقي ملاك نفسك بالظبط يشبهك انت وبس, وهيتجوزني , انا مستعده استحمل اي الم في الدنيا ما عدا اخسرك انت , انا مش بحب اشوفك حزين ابتسم عشاني
هشام كونه انه حلف كدب مرعوب وخايف اوي عليها لكنه غصب عنه ابتسم ومسح بأيده ع شعرها
تقي شدته من دقنه بمرح: ايوه كده النبي تبسم هقوم اعملكم عصير
…………………………………………
في منزل قاسم نزل الشنط وفتح الباب: تعالي يا اروي ادخلي واقفلي الباب وراكي
اتفضلوا ده بيتكم من هنا ورايح
وفاء:احنا بنشكرك كتير ي بني عملت معانا كتير
قاسم: متحرجنيش يا حجا وفاء لو كنت رفضت الي بيعمله هشام من البدايه كانت فوقيه والاستاذ شوقي احياء يرزقون
اروي: هو انا الورقه الي وقعت عليها لسه مع هشام وهيرجع يبتزني بيها
قاسم ابتسملها: متقلقيش خلاص مش هيقدر يعمل اي حاجه
وفاء عيونها جات ع بنت قاسم وهي نايمه: سبحان الله ربنا حط البنت دي في اختبار صعب ,امها ماتـ ت في سن صغير بجد صدمه كبيره
اروي باست الطفله من خدها بحنيه وقالت: عندك حق بشوفها بحس اني وجعي شئ صغير
قاسم قام رفع بنته وراح نيمها في سريرها ورجع وقف ومعاه ورقه مطبقه
وفاء: ليه واقف تعال اقعد
قاسم قرب مبتسم : اتفضلي يااروي الورقه بتاعتك دلوقت هشام بيه مش هيقدر يعملك اي حاجه
وفاء رفعت عيونها للسماء بحمد: الحمد لله يارب
اروي بفرحه كبيره: انت حليت اكبر مشكله ليا
قاسم بضحكه: ده كان لازم يحصل انا عارف ان مفيش اوراق تانيه يقدر يستخدمها ضدكم ومش هيبقي عنده طريقه يتهمكم بيها
وفاء :بس يابني انت خلقت عداوه بينك وبينه عشانا
قاسم :لاء ده عشان مراتي وبنتي, وانا مش خايفه منه هو معهوش اي حاجه ضدي
وفاء: تمام روح غير هدومك ع ما احضر الطبليه
قاسم قام :ماشي
اروي اتنهدت بسعاده: الحمد لله يارب
……………….قصص منه محمد كاتب……………
في مكتب هشام
لطيف انت ذلتني قدام الوزير حاولت اقنعه بصعوبه انت المفروض تبقي قد كلمتك انا اتبعت اسلوب معين اقنع بيه معالي الوزير يديلك المناقصه والكبار بس الي قد كلمتهم فيه حد لكل شئ لكن انت توعد بكذا وتوعد بكذا وتعمل الشئ الغير متوقع
هشام : سيد لطيف حاول تفهم البت دي وصلت لعايلتي في اليكس ومكنتش ع علم بكده , وبلغت قاسم ياخدها بنفسه لمزرعه الوزير وبعد ايام مـ^^
لطيف قطعه بحده :اسمع انت لايمكن تخدعني, قولي بصراحه انك غيرت رايك في امر البت دي
هشام نفخ بملل: وليه اغير رآي لو كنت عايز كنت رفضت من الاول , هشام لما ينوي ع حاجه بيعملها
لطيف شوحله: اتكلم وقول زي ما انت عايز, اما انا فخلصت كلامي , ومش برغمك وانا عشان معالي الوزير مستعد اقتـ ل عيالي
هشام بغضب ونرفزه: ايه الكلام الي بتقوله ده انا اهتميت بيك كتير حالا نسيت
لطيف: انت ما احسنتش عليا , لو عطتني حاجه اخدت المقابل قصادها , وقبل ما تتعصب من كلامي هقوم امشي سلام
هشام قام فتح الدرج يطلع الورقه الي وقعت عليها اروي ملقهاش اتصل بحارس الامن
هشام :مين دخل مكتبي في غيابي
الحارس :مفيش حد دخل يا بيه
هشام :يعني ايه مفيش حد امال المستن الخاص بيا راح فين؟!
الحارس: احلفلك محدش دخل ولا خرج هنا يا بيه
هشام زعق: قولي راحت فين الارض بلعته , ولا طار في السماء , ولا كنت نايم ازاي تتجهال مين جه ودخل واخد الملف
الحارس: يا سعاده البيه
هشام صرخ فيه: اخرس _مسك التلفون واتصل بالمسؤال عن الكاميرات وهنا كانت الصدمه شاف قاسم بياخد ملف اروي حصله حاله ذهول وبينه وبين نفسه قال : يعني ده سر اختفاء قاسم , اروي وامها وصلوا بيتي بمساعدته , انت غلطت كتير يا قاسم غلطت غلط فادح بخيانتك لهشام الشرقاوي
…………………قصص منه محمد كاتب……………….
في منزل قاسم تحديدا ع السفره
وفاء: احكيلي عنك يا بني يا قاسم
قاسم: انا كنت وحيد امي وابويا , ولما وصلت 20 سنه امي وابويا ماتـ وا في حادثه ,
واخدتني خالتي تربيني وهي حماتي كمان
وفااء: مجاتش تشوفك
قاسم بقهر: لاء هي مفكره اني السبب في مـ وت بنتها , وبصراحه معاها حق انا المسؤل
وفاء :لاء يابني انت مش مسؤل عن مـ وت حد, الحياه او المـ وت في ايد ربنا وحده كل واحد بينزل محطته ده مقدر ومكتوب
قاسم قام وقف لما سمع دق ع الباب: هشوف مين ع الباب
اروي رجعت بالشاي: امال فين عم قاسم
وفاء بتنهيده: راح يشوف مين ع الباب
اروي هنا طلعت وشافت هشام واقف يزعق وبصلها وقاله: كدا برضو يا قاسم تغلط في حقي انا , اروي تعالي هنا
اروي من كتر الخوف طلعت تجري تستخباه منه في حضن امها!
قاسم بجديه: انت واقف ع عتبه باب بيتي مش مكتبك , قولي انا الي عايزه بهدوء من غير صوت عالي
هشام بنظرات استعلاء: قولي انت المفروض اتكلم ازاي فهمني ايه هي قدراتك, انت مجرد عامل بسيط عندي
قاسم :انا مش بشتغل عندك , كنت بشتغل عندك عشان كدا انا واقف مع الغلبانه اروي
هشام: مش مصدق انك تقدر تعمل معايا انا كده, مكنتش اتوقع انك تخوني عشان حياله بنت لو عجبتك كنت بلغني
قاسم صرخ عليه: اقفل بؤك الست ممكن تكون غير كده , ممكن تكون اخت او ام وانت واقف قدام بيتي عشان كدا مستحملك
هشام: انت تجرؤ تتكلم معايا كده
قاسم :مش جرئه بس يا هشام بيه انا عندي الي اكتر من الجرئه, انا هادي عشان كنت في يوم بشتغل عندك , برغم ملكش فضل عليا في حاجه بالعكس انت حولتني من انسان
لحـ يوان عديم الاحساس, لكن دلوقت خلاص قاسم اتغير للاحسن
هشام : وانا بالفعل شايف ازاي اتغيرت يا قاسم , لكن للاسف ان التغير ده حصل معايا ومكنتش اعرف بس انت غلطت في حقي كتير ومش هسامحك ومش هسيبك لا انت ولا اروي
قاسم :افتكر قبل ما تعمل اي حاجه انا شاركت في كل افعالك القـ ذره, افعالك كافيه
تشـ وه اسمك وسمعتك طول حياتك , اما بالنسبه لـ اروي اسمعني كويس اوي, اروي اختي الصغيره ولو شوفت واحد بيبصلها هفقـ ع عينه اي ان كان او مهما يكون سامع , وبما انها اول مره تزورني في بيتي بعزمك ع كوبايه شاي
هشام لف للسواق بسؤال :تحب تدخل تشرب شاي
السواق: لاء يا بيه
هشام : انا مخدتش جزء من الي عطيته والي بينا مخلصش سلام يا قاسم
قاسم قفل الباب ورجع لقاه اروي بتترعش وبتقول: ده عارف ناس تقيله في البلد
قاسم : متخافيش يا اروي مش هيعمل حاجه مشي
وفاء :هو جه ليه
قاسم: لانه عرف اني خدعته وساعدتكم جه يضايقني ويقول انه عرف
وفاء :جه يضايقك
قاسم :متخافيش كدا ياروي مش هيقدر يعمل اي حاجه ليا
وفاء بتوتر: وافرض يابني عملك حاجه
قاسم اطمنوا مش هيقدر كل انسان عنده نقط ضعف وانا عارف كل نقاط ضعفه , الي هتخاليه عاجز عن انه يعمل اي حاجه
اروي ببكاء :عم قاسم اوعي تبعتني للوزير مره تانيه
قاسم بيطمن فيها: متخافيش كده يااروي ثقي فيا , انا اعتبرتك اختي وانا عارف ازاي احمي اختي كويس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تلميذ الشيطان)
