رواية تلميذ الشيطان الفصل الرابع عشر 14 بقلم منة محمد
رواية تلميذ الشيطان الجزء الرابع عشر
رواية تلميذ الشيطان البارت الرابع عشر
رواية تلميذ الشيطان الحلقة الرابعة عشر
في مكتب ياسين اروي دخلت وأأعدت قدامه وعيونها لتحت
ياسين بهدوء: تحبي شاي ولا عصير
اروي بعدت عيونها عنه بصعوبه: شكرا ولا حاجه
ياسين اتنهد وقال: عارف اني في نظرك شخص اخلاقه مش تمام, او بمعني اصح انا راجل سمعته بطاله بالنسبه لك , بس الحقيقه مش زي ما انتي بتعتقدي
اروي بصتله: ليه بتحاول تحسن شخصيتك قدامي!
ياسين: انا مش بحاول احسن اي حاجه, بعد سوء التفاهم الي حصل في المدرسه بعدها انتي اخدتي موقف سيئ عني, لدرجه بقيت اشك في نفسي
اروي بجديه شديده: لو كان فهمي كدا ايه الغلط الي انا عملته , وقولي ع طول كنت عايز ايه مني
ياسين بصلها وقالها: المديره بلغتني عن الظروف الصعبه الي بتمري بيها اللايام دي وحاسس ان كل ده حصل بسببي
اروي: ولو
ياسين: عايزك ترجعي الشغل
اروي: انت بتحسن ليا مره تانيه
ياسين: انا مش بحسن عليكي انا بحاول اصلح غلطي وعايز افهمك اني مش عايز منك اي حاجه وبجد مش عايزك تكوني في الم بسببي ولا عايز اكون سبب في متاعب تتعرضلها
اروي لنفسها: خليكي صاحيه يا اروي اوعي تصدقي خداعه يمكن تكون مؤامره جديده بيلعبها عليكي ولو وقعتي المره دي مش هتقومي يمكن يكون زي ما بيظهر وبصي لوضعك الحالي لو كانت دي رحمه من ربنا اوعي ترفضيها لو لقيتي فرصه ترجعي الشغل خديها مش هتفضلي محتاجه وتنذلي مفيش اصعب من الحوجه ده اسلم حل منا هاخد بوسي واروح بيها ع فين
ياسين لاحظ سرحان وسألها : ها قررتي ايه؟!
اروي انتبهت: موافقه ارجع الشغل بس ليا شرط لو وافقت عليه هرجع المدرسه
ياسين: شرط ايه ده؟
اروي: متحاولش تتكلم معايا او تتصل بيا ولو فيه اي حاجه تخص الشغل كلمني في مكتب المديره لايمكن نكون لوحدنا في اي مكان لو وافقت ع كلامي بلغني
ياسين استغربها لكنه رد بسرعه: اوكيه معنديش اي اعتراض
اروي: تمام هرجع المدرسه من اول بكره شكرا لحضرتك
ياسين تابع اثارها وقال لنفسه: اثبتت لي ان فيه حاجه بتدور في دماغها من ناحيتي
…………..قصص منه محمد كاتب………………
علي السفره
عفاف بصتله بسؤال: انت ليه مروحتش الشغل النهارده
هشام: حسيت اني مليش رغبه اروح
عفاف: يابني هو انت مش هتبطل تفكر في الي حصل ليه بتصعب الحياه ع نفسك بتحكي في الماضي كل شويه خلاص فات وقت طويل وانتهي مين عارف راحت فين انساها يابني
هشام: النسيان مش سهل بالسهوله دي ادعي يا امي اعطر فيها واطلب منها تسامحني وتصفح عني
عفاف: انا بدعي ليل مع نهار انك تعطر فيها وتسامحك وتغفرلك كل الي عملته فيها بس اشمعني دي يا هشام يعني انت قلت انك ارغمت بنات كتير غيرها ليه دي بالذات
هشام: عشان دي الوحيده الي فضلت ع موقفها رغم بهدلتها وهددتها ومع ذالك رفضت تستسلم لكن غيرها وافقوا اول ما عرضت عليهم الفلوس باعوا شرفهم بكل سهوله حتي هايدي سلمت لي برغبتها عشان الفخفخينه و الفلوس اما اروي كانت عكسهم كلهم
عفاف: طيب ما تسأل قاسم عليها
هشام: حاولت لكن قاسم مش واثق فيا ورفض يقولي مكانها
عفاف: لازم تظهر صدقك واعترف له بغلطك حاول تطلعه من السجن ع قد ما تقدر يمكن لما تعمل التصرف ده يصدقك المهم الدكتور قالك ايه عن عمليه اختك
هشام: حدد بعد بكره العمليه
عفاف: حاسه بقلق كبير ممكن يكون فيه خطوره عليها
هشام: يا امي اطمني دي جراحه في الوش مفيش اي خطوره واطمني اتكلمت مع الدكتور في كل التفاصيل وعملت بحث عن الجراحه دي ع النت وهي جراحه سهله وبتتعمل يوميا وان شاء الله هتلاحظي الفرق بعد العمليه لما ترجع تقي زي الاول لان لما تختفي العلامه دي هترجع اختنا الطفله البريئه لينا
عفاف: يارب
هشام: يله ناكل انا بجد جعان تقي اكلت
عفاف: ايوه بعتلها هشام
هشام: نعم
عفاف: اتصل بياسين بلغه يجي يوم عمليه اخته
هشام: حاضر هتصل بيه بعد الاكل
…………….قصص منه محمد كاتب……………….
في الارياف وتحديدا في استراحه ياسين
عماد: كويس انك جبتها للمكتب واتكلمت معاها ووافقت ترجع
ياسين: اه وافقت بصعوبه الحمد لله بس يا اخي بنت غريبه جدا جدا
عماد: ازاي قدرت تقنعها الغريبه جدا جدا دي
ياسين: تخيل حطت عليا انا صاحب المدرسه شروط
عماد: اي شروط
ياسين: اني متصلش بيها ابدا وممنوع اتكلم معاها في اي وقت ولو عايز اتكلم بخصوص الشغل اروح للمديره واتكلم معاها في وجودها لايمكن نتكلم لوحدنا ابدا
عماد: هي بتطلب وظيفه معلمه ولا ظابط امن حتي الجهات الامنيه مش بتحط الشروط دي
ياسين: ايوه بس ع الاقل حسيت براحه انا مش عايزها تكون في معناه بسببي
عماد: بس قولي انت بتعمل كل ده عشان حاسس بظروفها ولا
ياسين: والا ايه كمل
عماد: يعني ما يمكن تكون معجب بيها
ياسين: انت مجنون صح
عماد: ليه مجنون ع كلامك هي جميله جدا واي راجل ممكن يحبها
ياسين: هي من ناحيه جميله هي جميله بس شرسه وقت الغضب
عماد: وانا بحب الشراسه فلو مكنتش معجب بيها قولي وانا احاول
ياسين: ولا حتي تفكر ولا اقولك روح وحاول ده انا معملتش حاجه غير اني اتصلت بس بيها بالتلفون شوف انت بقي ممكن تعمل في سيادتك ايه دي هتكـ سر العفش فوق دماغك
عماد لعب حواجبه: لاء انا هتكلم معاها بكل احترام وذوق سيب لي الفرصه لانها واضح انها محترمه ومؤدبه
ياسين: وانت كمان مؤدب ومحترم
عماد: تمام هتكلم معاها
…………….قصص منه محمد كاتب…………
يوم عمليه تقي عدي الوقت كله في قلق وتوتر وانتظار
هشام: اطمني يا ماما هتكون بخير
عفاف: ان شاء الله
ياسين جري ع الدكتور: ها طمنا يا دكتور
د/ العمليه نجحت وهننقلها اوضه عاديه تقدروا تشفوها
هشام: شكرا يا دكتور الف شكر
ياسين: ها لسه قلقانه
عفاف: الحمد لله
ياسين: كله هيكون بخير
بعد ساعات دخلوا لتقي والدكتور بيفك الشاش واول ما شافه تقي الفرحه بانت ع ملامحهم
عفاف: جميله بنتي جميله كان معاك حق يا هشام تقي رجعت زي ما كانت ربنا يحفظك يابنتي
ياسين: شريكتي تحبي تشوفي شكلك في المرايا (طلع الموبيل) شوفي وابتسمي
تقي: العلامه شلتوها من ع وشي لكن الوجع الي جوايا هتشلوه ازاي
عفاف بدموع ورجاء: تقي بلاش تتكلمي كدا يابنتي, الي حصل معاكي كان مقدر انسي كل حاجه
تقي: انتي عشان امي عايزني انسي بس صعب
هشام بصلها والصدمه الي حصلتلها جابت نهايتها خلتها واحده تانيه خالص كانت بتضحك وتهزر بقت كتله حزن متحركه من الزعل ع نفسها
ياسين اتعصب: انتي وعدتيني مش هتتكلمي في الماضي , وتخلينا مقهورين عشانك , ولو اتكلمتي كده تاني مش هتكلم معاكي مره تانيه
تقي: ارجوك يا ياسين متزعلش مني
ياسين بصلها مكشر : انتي الي مش بيهمك زعلي وبتطلبي مني مزعلش
تقي: خلاص اسفه مش هتكلم كده تاني
ياسين: وعد
تقي :وعد
ياسين مسح ع شعرها بحنيه: الكلام ده مش هيطلع من بؤك مره تانيه
تقي : خلاص مش هقوله مره تانيه
ياسين بمرح: بصي وشوفي بقيتي زي القمر
هشام تلفونه رن برقم الدكتور صديقه طلع بره ورد وعرف انه لقاه مصطفي وحبسوه وبالفعل هشام خرج بحجه انه عنده شغل مهم وهيرجعلهم تاني وراح للمكان
د/ كان مستخبي في بور سعيد وانا كنت بدور عنه بالصدفه ده مكار كبير يا هشام
هشام: ليه حصل ايه
د/قال انه ميعرفش بنت بأسم تقي وعمره ما جه اسكندريه ابدا خلاني من غيظي
ضـ ربته وعـ ذبته
هشام: انت متأكد انه هو الشاب يعني يمكن عذبناه ع الفاضي
د/ طبعا واثق ومتأكد انه هو من بطاقته وتلفونه نفس البروفايل
هشام: وهو فينه
د/مرمي جوه
هشام: عايز اشوفه
د/تعال
هشام دخل المكان لقاه شاب مربوط ع كرسي ووشه كله دم قرب اوي منه ومسكه من ياقته ولسه هيضربه ظهرت اروي بتصرخ وتقوله= انت منفعل بسبب شوفتك من الي انتهك شرف اختك انت هتعاقبه عن الي عمله حالا نسيت الي قلته انه هياخد العقاب الي انت تستهله بس انا عارفه انك مش هتعاقب نفسك لانك شخص متناقض في كلامك ودي عاده هشام الشرقاوي
هشام:لاء انا مبقتش كده يا اروي
د/ انت بتكلم مين
هشام شاور ع مكان: معاها اروي كانت واقفه هناك
د/ مفيش حد
هشام بص لمصطفي الي بيبصله بستغراب وطلع يجري
د/ ايه الي جرالك ليه طلعت تجري بسرعه احنا من امتي بندور عليه ولما مسكناه مقولتش كلمه ولا عملت له اي حاجه
هشام: اعمل ايه
د/ تعمل ايه عاقبه ده دمر حياه اختك
هشام: مش هقدر انا كمان دمرت حياه اروي ومتعاقبتش ع كده
د/ ايه الكلام الفارغ ده يا هشام
هشام: ده مش كلام فارغ دي الحقيقه لما ناويت اقتل مصطفي شوفت اروي قدامي كانت بصالي بحقد وقالت لي عايز تعاقب الي دمر حياه اختك ومين الي هيعاقبك ع انك دمرت حياتي كلها
د/ انا مش فاهم حاجه في الاول كنت بتدور عنه زي المجنون ولما لقناه عجزت عن انك تعاقبه لانك شايف ان العقاب انت الي تستحقه قبله
هشام: ايوه هو ده العدل
د/ اوكيه هدخل بنفسي اعاقبه لان تقي غاليه عندي زي ما هي غاليه عندك
هشام مسك ايده: انا هعاقبه بنفسي بس الاول هدور ع اروي واعتذرلها عن الذنب الي عملته وبعدها هاخد من مصطفي كل لحظه قهر وحزن عاشتها اختي بسببه المهم اتحفظ عليه في مكان ميهربش منه
د/ولو رفضت اروي تسامحك بعد ما تلاقيها هتعمل ايه
هشام بصله لان معندوش اجابه لو فعلا رفضت تسامحه
……………………………….
يوم جديد ياسين صمم ياخد تقي ويخرجها بمناسبه نجاح العمليه
ياسين دخلها مكان: ها ايه رايك يا تؤتؤ نقعد بره لان الجو جميل
تقي : اوكيه
ياسين: يله تعالي ها حاسه بأيه مبسوطه
تقي بأبتسامه خفيفه: اممم
ياسين: ايوه كده انا هطير وانا شايف شريكتي القديمه واختي الجميله قاعده قدامي فاكره لما كنت راجع من امريكا ولسته الطلبات الي خلصتها في شهر كامل اشتري فيها
تقي: والمول اتقفل لانك شطبته
ياسين بضحكه: عارفه كل صحابي اتنمروا عليا بسبب كده وفيه منهم فكرني هفتح محل في اسكندريه عشان كدا بشتري كل الحاجات دي
تقي: انا ضايقتك كتير يا ياسين
ياسين: مش كتير ده جدا جدا بس تعرفي بفضلك اخدت خبره كبيره في الشوبنج ودلوقت بسببك الي هتكون مراتي هتبقي مبسوطه جدا لان بقي عندي خبره في عالم الحريم يله قوليلي تحبي ناكل ايه الكلام اخدنا ونسيت اسألك
تقي: لاء مش عايزه اكل انا جيت هنا عشانك
ياسين: تقي هتاكلي يعني هتاكلي شوفي المطعم هنا صاحبه صديقي هروح اقابله واسلم عليه واقوله ان اختي حبيبتي جات معايا ناكل سوي هتشوفي هينزلنا اطعم اكل بشكل خاص استنيني
شاب لصاحبه: عارف مين دي
صاحبه: مين
الشاب: البت الي قاعده في التربيزه الي ورايا
صاحبه: ايوه تطلع مين
الشاب لف لتقي وصفرلها: ياتري عرفتيني
تقي: لاء انا معرفكش
الشاب: معقول نسيتي بالسرعه دي يعني متقبلناش في دبي عايشه فين ممكن تستضيفينا معاكي
تقي: اسمع انا مش كده
الشاب: متقوليش كده لو عايزه فلوس اكتر اديكي
تقي حطت ايدها ع ودنها وفضلت تصرخ وتصرخ الشباب خافت وقامت تجري وياسين جري عليها و إرتبك ومستغرب من شكلها وصراختها المرعبه واخدها في حضنه وهو بيسألها حصل ايه؟!
……………..قصص منه محمد كاتب………….
عفاف بتحرك إيدها ع راسها ببكاء : عيني عليكي يا بنتي متعيطيش خلاص
تقي تبكي وجسمها يرتجف : ماما قولتلكم بلاش تخرجوني من البيت مقدرش اعيش مع سمعتي البطاله عشان كدا بخاف من الخروج الكل شايفني ساقطه يا امي ساقطه
عفاف قلبها وجعها عليها : لاء يابنتي
تقي بين شهقاتها : مقدرش اعيش وسط الاشراف يا ماما الكل عارفني
عفاف بقهره: لاء الموضوع مش كده ياتقي مش كده المواقف دي ممكن تحصل لـ اي بنت
تقي صرخت بوجع: لاء يا ماما المواقف دي مش بتحصل للبنات الشريفه ليه مش عايزه تقتنعي انا بقيت في نظرهم ساقطه مش هقدر اعيش كده انا مبقتش عايزه اعيش في الدنيا ارجوكم اقـ تلوني وارحموني
عفاف حضنتها بتحاول تهديها : لاء انتي معملتيش حاجه غلط عمرك ما اذيتي حد ولا جيتي ع حق حد
تقي: امال عملت ايه عشان يحصل فيا كل ده عملت ايه وربنا عاقبني اشد عقاب بس خلاص والله ما بقيت قادره اتحمل مين دعا عليا اتفضح كده يا ماما مين
ياسين دموعها عصرت قلبها وأدمته اترمي في حضن هشام وبكاء: مش قادر اتحمل اشوفها كده
اما هشام غمض عيونه واتمنى يلاقي كل ده مجرد حلم
………….قصص منه محمد كاتب……………………..
في السجن
قاسم بحده: جاي ليه يا هشام بيه
هشام بنكسار وضعف: انا عارف ان علاقتنا مش كويسه, بس انا جيلك وكلي امل انك تساعدني
قاسم بتهكم: ليه فيه ضحيه جديده ناويت تاخد شرفها
هشام: لاء يا قاسم انت فهمتني غلط , انا الحياه دمرتني وكسرت دهري من العقاب الي اخدته انا في كرب شديد صدقني انا عارف غلطت فيك انت واروي كتير , وانا ندمان ومكسوف من كل حاجه عملتها معاكم , سامحني لو تقدر واعملي معروف صغير قولي عنوان اروي عشان اروح اطلب منها السماح عارف الكلمه صغيره قدام افعالي الكبيره, بس والله العظيم انا في كرب شديد
قاسم : عن اي غلطه هتعتذرلها عن موت ابوها, ولا عن قتل امها , ولا عن التشهير بسمعتها هي مستحيل تسامحك وناهيك عن كرهها الي مليان في قلبها من ناحيتك
هشام نزلت دموعه: بحلفلك بالله انا بدور عنها مش عشان اؤذيها
قاسم: انا اشتغلت معاك خمستاشر سنه مين يعرفك اكتر مني
هشام حرك راسه برفض: لاء يا قاسم, اسمعني كويس انا مش هشام القديم الي كنت تعرفه, انا اتغيرت
قاسم :انا مش محتاج تاكدلي ولا ممكن اقع في شباك خداعك عشان كدا احسلك تمشي من هنا وانا مش هقول لـ اروي بأي حال من الاحوال
هشام برجاء: لاء ياقاسم ارجوك اسمعني انا اتنازلت عن كل القضايا الي رفعتها ضدك صدقني وهتخرج خلال ايام
قاسم: انت دخلتني السجن لما وقفت قصادك ودفعت عن الغلبانه اروي وكشفت كدبك امشي الزياره انتهت
هشام : دقيقه واحده يا قاسم انا بتوسلك صدقني انا في اسوء حاله مره واحده قولي عنوان اروي عشان اقابلها قبل ما اموت واطلب منها السماح انا في كرب شديد احكيلك ازاي انا ربنا عاقبني عن الي عملته وبعترف قدامك ممكن وقتها بس تصدقني اختي تقي انت قابلتها دفعت تمن غالي تسديد ذنوبي
قاسم بهتمام : ايه الي حصلها قولي
هشام بدء يحكيله الي حصل لتقي وقد ايه ربنا خلص منه كل ذنب عمله
قاسم بحزن شديد: ربنا وحده الي يعلم انا زعلت ازاي لما عرفت الي حصل لـ اختك بس انت السبب وهي بريئه معملتش حاجه غلط في حد, كنت اتمني تتعظ وتوب قبل ما ينزل عليك عقاب ربنا عشان متدفعش بنت طاهره تمن اخطائك و كله سلف ودين الا ظلم العباد يا هشام بيه
هشام : انا يائس يا قاسم يائس , المجرم في حق اختي تحت ايدي لكن مش قادر اعاقبه كل ما افكر في عقابه احس كأن اروي بتقولي انت كمان تتعاقب ازاي مذنب يعاقب مذنب , قاسم ابوس ايدك انا لا عارف انام ولا عارف اعيش حياة طبيعيه وحالتي حرفيا صعبه بقيت عايش في كابوس مخيف بياخد جزء من اعصابي ونفسيتي بقيت اشحت الدعاء من كل الناس ارجوك قولي ع مكان اروي عشان اطلب منها الغفران قبل ما امـ وت
قاسم : انت مفكر ان غلطتك بسيطه لدرجه اروي تسامحك
هشام :عارف ومقتنع ان جريمتي مش صغيره , لكن جايز لما تعرف ان دعائها طال اختي تعفو عني قولي هي فين
قاسم : مقدرش اقولك مكانها بدون اذنها وبصراحه كده انا خايف , والخوف يمنعني اقولك مكانها
هشام : اي خوف
قاسم: اروي دلوقت لوحدها لو شافتك قدامها ممكن تموت من الخوف, بس اقدر اقدملك معروف اني اقولها عنك وبعدها لو وافقت تقابلك هقولك عنوانها
هشام: وقولها حاجه كمان هشام مش بس مذنب في حقها انا فعلا بحبها
قاسم: لو كنت نسيت انت الي طلقتها بأرادتك
هشام نزلت دموعه: عارف بس ندمت بعد ما طلقتها واكتشفت اني بحبها لما بعدت عني انا ماشي
……………..قصص منه محمد كاتب………………
في الارياف مشغل اغنيه لـ ام كلثوم عن الحب ومندمج جدا معاها
عماد بصله: هو انت بقيت عاشق يا حبيبي
ياسين: ليه
عماد ضربه في كتفه بمرح: ليه لانك حبيت اروي
ياسين: لاء مش كده
عماد بنص عين: ياسين انا صاحبك من طفولتنا وعارف انك مخبي عني حاجه
ياسين: انا مش مخبي عنك اي حاجه
عماد :خلاص اقبل كلامي انت حبيتها
ياسين ارتبك: ايه الكلام الفارغ ده
عماد بجديه :انا بقول الي شايفه بعيونك
ياسين : وشايف ايه حضرتك
عماد :الحب الكبير لـ اروي والحب ده يا سونسن مهما حاولت تداريه هيبان في عنيك
ياسين: لاء والله
عماد : ايوه الحجج الي كل شويه رايح بيها المدرسه وتسال المديره عن تفاصيل حياه اروي وبمجرد ما تقعد معايا كل كلامك عنها كل التفاصيل دي بتقول انك بتعاني من فرط الحب وبتحاول بكل جهدك تخبيه
ياسين : اوكيه انا وافقت وبعترف اني معجب بأروي اعمل ايه دلوقت
عماد :روح قولها
ياسين: لاء انت طلعت مجنون نسيت حالا الي حصل قبل كده معرفش المره دي ممكن تعمل فيا ايه لو قولتلها
عماد: كدا ياحلو انت مش هتتقدم خطوه بسبب الخوف منها
ياسين: هقولها بس في الوقت الصح
عماد :وامتي يبشا الوقت الصح
ياسين: يابني ادم مش لما اصحح شكلي قدامها , وبعدين اقولها عن الي في قلبي ناحيتها
عماد: اوكيه هستني لحد ما تصحح شكلك قدامها بس لازم تتاكد من حاجه
ياسين : ايه هي
عماد : ان الي معاها مش بنتها
ياسين بتهديد مصطنع وفي إيده كوبايه شاي : هـ قتلك, او هرمي في وشك كوبايه الشاي
عماد : انا بهزر يا ياسين امتي هتجوز بقي يله قوم روحلها وقولها تعمل شربات الفرح
ياسين ضحك: انت بايخ وغلس ياعماد
…………قصص منه محمد كاتب…………..
في غرفه هشام رجع دخل لقاها قاعده ع سجاده الصلاه
عفاف سلمت وبصتله: كنت فين ياهشام كل ده؟
هشام بصوت حزين: كنت في مشوار مهم بس انتي لسه صاحيه ليه
عفاف: مستنياك ها قابلت قاسم
هشام اتنهد بمراره :قابلته بس رفض يقولي مكان اروي , وقالي لو شافتك ممكن تمـ وت
بجد امر غريب يا امي انا الي حاسس لو مقبلتهاش ممكن امـ وت وهي لو شافتني هتـ موت قالتلي يارب تدوق من نفس الكاس وفعلا ربنا وجعني زي ما وجعتها , و الدعاء اتحقق كله في اختي ،كنت متجبر فكرت ان الدنيا دايمه واتغريت في نفسي , وعشت جبروت انسان مجرد من الرحمه والضمير , ومفكرتش لحظه اني بظلم انسانه , وهي مستحيل تسامحني وهتتحسبن عليا ونسيت ان ربنا مطلع وشايف وعارف ويمهل ولا يهمل, بس انا استاهل ,كسرت قلب البنات ودمرت حياتهم وحياه اهاليهم وبقت عندي عادي (عيط بجنون) خديني جوه حضنك يا امي نفسي ارتاح
عفاف ضمته ليها: طول عمرك في حضني انت واخواتك
هشام: ادعيلي يا ماما
عفاف باست دماغه: بدعيلك ربنا وحده الي يعلم دي وظيفه الام تدعي دايما لولادها
هشام بصلها بدموع: امال ليه مفيش دعوه منهم بتتحقق انا مش مرتاح مش بنام طول الليل فاتح عيني وصوره اروي في كل مكان وهي بتدعي عليا وتقول بحرقه من قلبها حسبنا الله ونعم الوكيل ربنا ينتقم منك ربنا ما يجبر خاطرك ولا يريح قلبك انت وامثالك بشوفها في كل مكان ده بسبب خجلي ولا عشان طلعت بحبها
عفاف: حبيبي ادعي كتير لله اشحت رصيد انه يغفرلك ساعتها قلبك هيرتاح ويفتحلك صفحه جديده اصبربعد كل ليل فيه نهار الحزن والقهر والوجع بيدمر وبيهدم وبيلغي وبيمحي القوه وبينزع الصبر وبيخلق الفوضي الابديه جو النفس
هشام: امي انا لقيته
عفاف ضمت حواجبها: مين لقيت مين
هشام: الي عمل كده في تقي
عفاف نزلت دموعها بألم.: ايه لقيته سألته ليه عمل كده في بنتي سألته ليه سرق منها ضحكتها وبرائتها سألته ليه دمر حياتها ليه خلاها تعيش في جحيم
هشام: مقدرتش اسأله ليه؟
عفاف: ليه, ليه مسألتهوش
هشام: لاني كنت ناوي اقـ تله مش احقق معاه
عفاف: وعملت ايه قتـ لته
هشام: لاء والاصعب اني سبته عايش , حتي مقدرتش اضربه تخيلي الي دمر اختي كان قصاد عيني ومقدرتش اعاقبه سامحيني انا بقيت شخص ضعيف بسبب ذلي كنت رايح اضربه بكل طاقه عندي بس طالما ملقتش اروي وطلبت منها تسامحني مش هقدر اعاقب الي عمل كده في اختي متزعليش مني
عفاف مشت ايدها ع خده ومسحت دموعه: انا مش زعلانه منك انا سبت حق بنتي ع الله وهو قادر يرجعلها حقها وهيرجعه انا مطمنه
استوب وتعالوا نتقابل مع مصطفي ونعرف منه ليه عمل كده في تقي
ياتري ياسين هيتقدم لـ اروي طيب لما تعرف انه اخو هشام يالهوي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تلميذ الشيطان)
