رواية تلميذ الشيطان الفصل الثالث عشر 13 بقلم منة محمد
رواية تلميذ الشيطان الجزء الثالث عشر
رواية تلميذ الشيطان البارت الثالث عشر
رواية تلميذ الشيطان الحلقة الثالثة عشر
هشام رايح جاي ييكلم نفسه: لو كان مصطفي ده الي عمل كده ومكنش اكتر من واحد اي ان كان عددهم هما دمروا حياة اختي , وانا مش هسكت هشام الشرقاوي مش بيسيب حد مس اخته لو بخدش صغير , عشان كدا لو فين ما كانوا هقلب الدنيا فوق لتحت ادور عنهم
ياسين راح عليه : هشام من اول ما وصلت شايفك قلقان
هشام “فعلا يا خويا حاسس بقلق كبير
ياسين: شاركني في الامر يمكن اقدر اعمل حاجه واساعدك
هشام: انت عرفت طبعا الي حصل مع اختنا وازاي اتأذت وبعد محاولات كتيره معاها معرفتش اعرف هي ازاي وصلت هناك, او مين الي اخدها ست شهور بس عرفت دلوقت ازاي وصلت هناك
ياسين بهتمام: ازاي
هشام: هقولك كل حاجه بس الاول عايز اسألك سؤال
ياسين: اي سؤال
هشام: انا عارف انكم صحاب انت وتقي وقريبين من بعض , عشان كدا عايز اعرف حاجه تقي كانت بتشاركك في كل اسرارها من وهي طفله
يايبن: فعلا
هشام:ياتري كنت عارف انها بتحب واحد
ياسين: ايه تقي بتحب واحد لاء يا هشام, لاء مستحيل قصدي, انا مش مصدق
هشام: بس ده الي حصل
ياسين بتقول ايه يا هشام لو ده فعلا حصل ليه تقي خبته عني
هشام اتنهد : معرفش لكن هي دي الحقيقه , والحقيقه ان الشاب الي حبته تقي هو الي عمل فيها كده
ياسين: انت عارف الشاب ده
هشام : لاء بس عرفت اسمه مصطفي
ياسين : مين الي قالك كل ده
هشام: روحت اجيب تقي من الجلسه النفسيه والدكتوره قالت لي عن اي حكتهولها اختنا وفيه حاجه كمان فيه حساب من ضمن اصدقاء تقي باسم الفتي الشقي وهي كانت بتتكلم معاه كتير وانا بشك ان ده هو نفسه مصطفي او شاب تاني يعرف مصطفي والي غلط في حق بنتي كده انا مش هسيبه
ياسين بغضب قاتل : طبعا احنا يستحيل نسيبه الي اساء في حق اختنا وضيعها كده لو مسكته هـ قتله , وهـ قتل اي راجل يلعب ببراءه البنات ويغلط فيهم قولي كل حاجه وانا قادر اتعامل مع الامر
هشام: اكيد هقولك استريح انت دلوقت اكيد راجع من السفر تعبان ونتكلم بكره
……………قصص منه محمد كاتب……………
في غرفه تقي قاعده ع السرير سرحانه الباب خبط
تقي: ادخل
ياسين دخل : جود مورنينج (زقها وقعد جنبها ) عامله ايه يا بت يا تؤتؤ
تقي بدهشه: رجعت امتي
ياسين ضحك: امبارح
تقي دخلت في حضنه وبحزن: مكنتش اعرف
ياسين ضمها ع صدره: انا جتلك كذا مره لقيتك نايمه عارفه جيت اوضتك اربع مرات وكل مره القيكي غرقانه في النوم بتعملي ايه في نفسك
تقي بصتله: قصدك ايه
ياسين رفع حاجب بغيظ: قصدك ايه, قصدي انه لازم تفوقي وتاخدي شور وتصممي فستان جميل
تقي: اصمم فستان
ياسين: وفيها ايه مش انتي كان نفسك تدخلي عالم الازياء والتصميم وجننتيني عايزه ده ومش عايزه ده , وهفصل ده , وهلبس ده , وبعدين مين الي وعدتني انها هتفصل فستان خطيبتي مش انتي (باس خدها) يا شريكتي فات قد ايه وقت ومخرجناش مع بعض يله ناكل لقمه خفيفه بره وبعدها ناكل الايس كريم
تقي استخبت في حضنه: لاء لاء مش عايزه
ياسين بيمسح ع شعرها بحنان : ليه مش عايزه يله بليز
تقي حركت دماغها بالرفض: لاء مش عايزه
ياسين ضمها لصدره بتنهيده : مفيش داعي للرفض, انتي هتعملي زي ما بقولك
عفاف من عند الباب: يله يا تقي عشان تفطري_شافته ضحكت_ اوه يظهر فيه خطه بتترسم هنا
ياسين بضحكه جميله: الخطه تم الاتفاق عليها , لكن بنتك الطعمه عايزه تبوظ خطتي بس مين انا مش هسيبها تعمل كده
عفاف: ليه عملت ايه
ياسين: انا قررت نفطر سوي بره البيت لانها مش عايزه تفطر فيه والهانم بتقولي انها مش عايزه
عفاف: ليه مش عايزه
تقي: كده مش عايزه وخلاص
ياسين شهق بمرح: ماما دي بترفض من غير سبب وعايزني اقنعها زي ما كنت بعمل تمام انا موافق ومعنديش اي مشكله تقي هانم انا بدعوكي لتناول وجبه مع بعضنا البعض ثم نتناول المثلجات البارده حسنا
عفاف :قومي يا بنتي مع اخوكي
تقي: ولو مقمتش
ياسين رفع اللحاف ورفعها ع ايده: هشيلك هيلا هوبا واجري بيكي
تقي صرخت بضحكه: لاء هقوم
ياسين حطها مكانها وابتسم إبتسامه واسعه : ايوه كده
عفاف سحبتها من ايدها: يله تعالي اساعدك تلبسي
………………قصص منه محمد كاتب……………..
في كافيه
ياسين بصلها: مالك يا شريكتي ليه حزينه ومكشره كده عايزني اكشر وازعل احنا خارجين ننبسط وناكل ايس كريم ها قوليلي عايزه شكولاته ولا فانليا
تقي دموعها متحجره في عيونها: مش عايزه
ياسين بحزن: ليه بتعملي كده فينا
تقي بصتله بستغراب: ليه انا عملت ايه
ياسين: اظن عارفه اننا كلنا مقهورين عشانك واخرتها
تقي نزلت دموعها: انا مش عايزه اتسبب في قهركم ونفسي ينتهي وجعي لكن ده مش هيحصل الا بمـ وتي يا ياسين
ياسين خبط ع التربيزه بنرفزه: بعيد الشر , مفكره لو حصلك حاجه احنا هنعرف نعيش مبسوطين
تقي: ايوه انا بقيت عار عليكم
ياسين بصوت مخنوق: مش حقيقي انتي ملكيش ذنب واحنا هدفنا ترجع تقي القديمه ملكه الضحك والفرفشه انا وماما وهشام احنا التلاته بندور ع تقي الي كانت بتضحك وتهزر معانا انا بدور عن شريكتي القديمه الي كانت بتشاكسني وتتخانق معايا والي منقدرش نعيش من غير ما نتخانق بس النهارده
تقي: الي عايزه شئ مستحيل لان كل الحاجات الحلوه دي مـ اتت انت عايزني ارجع تقي الفرفوشه زي ما كانت تضحك وتهزر معاك لو كدا اعمل حاجه رجعني زي ما كنت تقدر تعمل ده ترجع الي خسرته
ياسين نزل دماغه لتحت بأسف وسكت
تقي: اتكلم ليه ساكت لانك عارف الي هتقوله انه لايمكن يحصل لان ده شئ صعب لانه مبقاش عندي اي حاجه قولي ازاي اعيش كده وقلبي مات جويا انا تعبانه اوي يا شريكي تعبانه فوق ما تتخيل _جسمها كله بدء يرتعش و شكلها يقطع القلب _ انا مش عايزه اصعب الحياه عليكم يا ياسين بس غصب عني
ياسين قام بسرعه وخطفها جوه حضنه : بس خلاص كفايه
تقي منهارة : انا قرفانه من نفسي لازم تحس بيا ياخويا, انا مش عايزه اعيش ارجوك مدلي ايدك وساعدني قبل ما تطلب مني اعيش واخرج والناس تسالني اسئله ملهاش اجابه
ياسين رفع راسها ومسح دموعها بحنان وقلبه بيتقطع ع شكلها: مفيش داعي نجاوب ع حد انا اخوكي وجنبك وانا هجاوب بالنيابه عنك
………………قصص منه محمد كاتب………………
في كافيه
هشام عيونه مليانه دموع: كنت دايما تقولي خاف ربنا يا هشام , وانا اتجبرت ومسمعتش ليك انا كنت فين
د/بلاش تقسي ع نفسك لحد امتي هتفضل كده
هشام : حاسس ان ربنا كتب ع امثال اروي وهايدي وتقي انهم يقعوا في شباك الراجل الغلط شايف ده صدفه ولا عدل اللهي
د/ شايف ان الله غفور رحيم يا هشام
هشام : وشديد العقاب و جزائي بعد الي عملته ينزل عليا عقابه القاسي بالشكل ده
د/ ايوه لكن اياك تيأس من مغفرته وعفوه قل يا عبادي الذين أسرفوا على أنفسهم لا تقنطوا من رحمة الله}
هشام اتنهد: ونعمه بالله ها دورت عليه
د/ معرفتش اوصله لا له صوره او عنوان , اسم بس وحساب ع الفيس بوك , بس متقلقش انا هحاول بكل طاقتي
هشام : عارف لما اجيب الواد ده قدامي كأني ببص لنفسي في المرايا , والعقاب الي هدهوله المفروض انا الي استحقه
د/دلوقت مقدمناش غير اننا ندعي لتقي تقوم وترجع من الي هي فيه
هشام: وهي مش هترتاح غير لما القي اروي واطلب منها السماح وأتمنى تسامحيني
………………قصص منه محمد كاتب………………
اروي اخدت بوسي المريضه جدا وراحت للتأمين في المدرسه
اروي: عايزه الدواء ده
الصيدلي: لكن مقدرش اصرفلك الدواء وانتي مش موظفه في المدرسه تقدري تشتريه من اي صيدليه بره
اروي: ياريت تقدر حاجتنا اظن شايف البنت تعبانه جدا
الصيدلي: اسف وانا مقدرش اصرفلك اي علاج
ياسين: دكتور
الصيدلي لف للصوت: نعم
ياسين قرب: اصرفلها العلاج
الصيدلي: امرك يا بيه هاتي الروشته
اروي: لاء احنا مش عايزين علاج
ياسين مد بخطواته وراها: ميس اروي لحظه انا عارف انك مضايقه مني , وشيفاني شخص مش كويس بس مش وقته الكلام ده , بوسي واضح ان حالتها تعبانه جدا , ارجوكي سيبك من العناد ده لو شويه
اروي لفت نفسها وكملت مشي هي وبوسي وياسين استغرب طريقتها ناحيته ودخل الاستراحه وشكله زهقان وعلي اخره منها
عماد بصله: ليه كل التوتر ده حصلت حاجه بره
ياسين مكشر بضيق: ايوه
عماد: فيه ايه
ياسين بعصبيه: يا اخي هتجنن ازاي يكون الانسان عنيد بالشكل ده
عماد: بتتكلم عن مين
ياسين: اروي
عماد: مين المدرسه
ياسين: ايوه
عماد ضم حواجبه: عملت فيك ايه تاني يا ياسين
ياسين: كانت هنا قدام صيدليه المدرسه وكان معاها بنت اخوها وكانت مريضه وكانت عايزه تصرف علاج ع حساب التأمين لكن الدكتور الصيدلي رفض
عماد: وليه رفض
ياسين: لانها مش موظفه في المدرسه وبما انها استقالت ممنوع صرف اي علاج غير لـ ابناء العاملين , ورغم كده قلت للصيدلي يديها الدواء , تصور رفضت تاخده رغم كانت بتتحايل ع الصيدلي انه يديها العلاج واخدت بنت اخوها من العياده ومشت
عماد: شكل دماغها من حديد
ياسين بغيظ : انا برضه بقول كده , هو انا عملت لها ايه لكل ده يا عماد
عماد بحيره: ده الي مش عارفه بس لازم تعرفه بسبب وشك
ياسين قعد وحط رجل ع رجل: بدء تاني في الهزار, تعرف انا بدئت اشك في نفسي ونيتي , بعد ما سمعت كلامها
عماد :ياعم فكك متخدهاش بكل الجديه دي
ياسين : طب عارف المديره بلغتني ان حالتها الماديه معدومه وعطوها انذار تخلي البيت ومش لاقيه اي شغلانه تانيه لحد دلوقت ولما المديره طلبت منها ترجع لشغلها في المدرسه قالت بالنص انها متقبلش اي احسان من ياسين وباي شكل
عماد: طالما مش عايزه حاجه منك سيبك منها
ياسين:اظاهران انا غلطت جامد فيها
عماد: ليه بتقول كده
ياسين: يعني لو مسمعتش لـ ام الطالبه في اليوم اياه مكنتش اتعصبت وهاجمت اروي من غير ما احس بغلطي ومكنتش هتصل بيها اتنين بالليل واعتذرلها , وبالتالي مش هصلح الغلط لما ارقيها ومكنتش هتسيب شغلها معني كده كل الي حصل كان بسببي
عماد: سيبك وانسي الي حصل لو عايز تفكر فكر في حالك لكن لو هتفكر في الموضوع ده كتير روحلها واتكلم معاها وفهمها انك مش زي ما هي مفكره
سايين: اتمني يكون ده بالسهوله وقتها هعمل كده
عماد: اوكيه اطلب لنا ليمون نشقت ريقي من الرغي عن الست اروي يا ياسين
………………قصص منه محمد كاتب………………
ع السفره قاعد وهموم الدنيا كلها فوق دماغه
عفاف بصتله: هشام
هشام انتبه: نعم
عفاف: فيه ايه بقالك يومين متوتر وقلقان مالك
هشام: لاء اا تمام يا ماما تمام
عفاف: افتكر انا امك والاولاد مش بيقدروا يخبوا قلقهم عن امهم من يوم ما خرجت الفجر ورجت وش الصبح وانت مش ع بعضك خلتني انا كمان متوتره وقلقانه وعندي كميه اسئله وبسالك ايه الموضوع الي مخليك كده قولي
هشام الي عمل كده في تقي انا عرفت مين هو
عفاف بلهفه :مين
هشام: للاسف شاب حبيته
عفاف : يعني الي عمل كده فيها واذاها ودمرها واحد هي حبته يطلع مين عشان يؤذي بنتي ويدمرها بالشكل ده يطلع مين
هشام: عيل لقيط ملوش اهل
عفاف ببكاء : لو كان عايز ياخد فلوس كان يطلب, لكن ميدمرش حياه بنتي كده , دور عليه في العالم كله , هشام دي مسؤليتك دلوقت تدور عليه الي دمر حياه بنتي وعاقبه اشد عقاب ع الي عمله عايزه يحس بنفس الوجع الي حست بيه بنتي
هشام جات صوره اروي قدامه وهي بتدعي بحرقه
عفاف: سمعت الي قلته
هشام ابتسم بألم: ده طلب غريب منك يا ماما, بتطلبي من مجرم انه يعاقب مجرم تاني وهما الاتنين يستحقوا نفس العقاب , الفرق الوحيد هو الاسم لو دققتي النظر هتلاقيهم مسافرين في نفس السكه, يبقي ليه يتعاقب مصطفي ليه انا كمان متعاقبش , لاني مسبتش حد في حاله والعقاب الي هاخده جزاء للي عملته في حق اروي , رغم كان قاسم جنبي لكن رجع له ضميره في النهايه وانا اخدت منه كل حاجه ودخلته السجن ظلم , لانه حمي اروي من ظلمي انا اخدت قراري يا ماما نفس ما هعاقب مصطفي هعاقب نفسي
عفاف مسكت ايده بدموع: بتقول ايه يا هشام
هشام طبطب ع كف ايدها: امي انتي ام تقي عشان كده شايفه ان مصطفي مجرم ابنك كمان مجرم كبير يا امي عشان كده لازم احنا الاتنين نتعاقب اشد عقاب
………………..قصص منه محمد كاتب……………….
قدام محل البقاله
اروي بترجي: عايزه شويه الطلبات دول وبعدين الفلوس
البائع: بس انا مش بشكك
اروي: دي اول مره اطلب منك طلبات بنت اخويا عيانه واول ما يجيلي فلوس هاجي ادفعلك
البائع: وهتجيبي الفلوس منين انتي سبتي الشغل في المدرسه, وهتمشي من البيت انا وقتها ادور عنك فين
اروي :اطمن بمجرد ما يبقي معايا فلوس هجيلك ادفعلك
الراجل : ماشي هديكي بس اعملي حسابك دي اخر مره اديكي متحطيش امالك عليا مره تانيه اتفضلي
اروي : بس دول مش كل الي مكتوبين في الورقه
البائع : امال عاوزني اديلك خزين يكفي سنه, اعتبريهم احسان يله اتكلي مع السلامه
اروي وشها اتغير من القهر و اخدت الكيس ومشت تعيط في الشارع ع ذلها للناس لقت موبيلها بيرن مسحت دموعها وردت: الو مين
ياسين: انا ياسين ارجوكي متقفليش , ارجوكي اسمعيني لو مره
اروي: اتكلم
ياسين :عايز اقابلك
اروي بجديه: بخصوص ايه
ياسين: لما تيجي بكره مكتبي هنتكلم وجها لوجهه
اروي: قولي الي عايز تقوله دلوقت
ياسين نبره كلها رجاء: بلاش تصري ع رآيك كدا بليز , ايه الي هيحصل لو جيتي مكتبي : تعالي بكره ارجوكي لبلاش ترفضي
اروي: تمام جايه
ياسين رجع ضهره للكرسي برتياح وقال : ثانكيو انا في انتظارك بكره مع السلامه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تلميذ الشيطان)
